chriswkn's Profile

食午餐，行遠少少食譚仔三哥，揀佢因為佢在薯粉食，我覺得薯粉好好食，三哥酸辣，十小辣，比想像中辣，另加豬耳，二十元一碟，得好少，唔抵食魚片頭好味，豬耳都好味，多番啲就正了。…Read More

響！我以為去飲響添，朋友請食飯，第一次去食，一坐低以為自己叫啦，點知已有set嘅，但已有齊想食嘅嘢，啲刺身好新鮮，蠔雖然食得出係雪蠔，但都好味，可惜再叫蠔就唔凍有點暖，所以都係第一輪可以，有海膽食，好好味！牛肉都好正值得返啅！…Read More

午飯，去廉記冰室食頹飯，但價錢和大學飯堂就好大分別，一點也不頹，原本炸脾，但賣晒，轉左滷水雞脾，細隻左少少，但味道都唔錯，飯嘅份量都適中，雖然唔平，但幾好食啊。…Read More

今日一條友去食午餐，去左食羊粉，好正，味道好濃，好有羊味，我叫左少辣，唔係太辣剛剛好，因為我唔太肚餓，所以份量剛剛好。不過羊肉就少左啲，唔係好夠食，多番啲會更好。…Read More

午餐時間唔打機食雞，食隻真嘅，半隻燒春雞加上沙律，都已經好飽，燒春雞好熱辣手嘅，皮好脆肉厚，整體好好味，雞有肉汁，七十幾連凍飲，算係中等啦，好食嘅，下次可以再來。…Read More

都無結束營業，點解會寫結束左嘅？今日放午飯遲左，平平地不如去美心食個下午茶。燒鴨瀨，一定係我首選。味道好味，湯濃有味唔會似水，鴨都有肉份量可以。瀨粉少左啲，整體好味…Read More

好味嘅嘢，係值得返啅嘅，新景園嘅鮮茄牛肉飯真係好多汁，牛肉都好多，啲汁真係多得過份，味道一流，堂食比起外賣貴啲，所以我就外賣，等左一陣就有，好快手。四十五元係灣仔，可以吧！…Read More

好耐無去食，以前去食覺得好好味嘅，但今晚去有點失望，啲食物樣樣都好咸，個小炒皇咸到唔想食，人流都無以前咁多了，蠔仔粥都好奇怪，食落完全唔好食，下次可以不用再來了。…Read More

半隻鴨，盛惠六十八元，七十三元就起肉切片，份量好足夠，排隊排左二十分鐘以上先買到，有點排得耐，回家試食，味道略為淡左少少,肉質都好好唔太硬，好好味，可以再返去買嘅，建議打電話去叫定先。…Read More

夏麵館，常常去食嘅餐廳，味道中間啦，唔係特別好食，但實在太近自己了，今日叫左魚湯，有點咸，上海粗炒無乜材料有點油，但味道可以接受嘅，小籠包啲肉大左好多，湯汁唔太多，想食飽又唔差嘅。…Read More

點完菜，先入座，一上來已放好飲品，之後就上菜，一見到以為唔夠飽啦，點知食晒之後，又好飽喎，夠食。味道好好，烏冬都好好味，但竟然無七味粉，日本嘢無七味粉，好奇怪囉。不過整體係好味的。…Read More

平時d女同事成日都話想食Pancake，食到Pancake就好似搵到幸福咁，今日仲誇張，竟然話去食Pancake當lunch......下......飽嘅咩? 而最搞笑係，我竟然會陪佢地癲......打開Menu先知，原來Pancake都有鹹嘅咩? 一路都以為係個d一塊塊熱香餅，然後加無限糖漿個d甜膩野.....咁特別，就試下「日本和牛漢堡班戟」先估你唔到喎，和牛同班戟都幾夾，有芝士、肉醬、番茄，食落好似食buger咁，不過成個感覺冇咁油膩，健康d👍🏻同事為左搵幸福，所以都係叫甜嘅班戟......每日限定嘅Premium Smile Pancake幾吸引，本來以為只係三層班戟叠埋一齊，原來三層都唔同味道，最底層係流心蛋加荷蘭醬，就好似食Egg Benedict咁，中間係忌廉加朱古力，最面嗰層係雜果忌廉，一次過可以食晒鹹同甜嘅班戟，選擇困難症就啱晒啦！🤣仲有夏之戀人菠蘿班戟，全部都係菠蘿，菠蘿蓉、菠蘿cream，菠蘿醬....烤蘋果配紅茶忌廉班戟，一上枱有好香嘅肉桂味，加上蘋果蓉，燒蘋果，成個都好蘋果🤣最正係加咗雲呢拿雪糕，中和返成個蘋果嘅甜，紅茶忌廉都好特別，有啲似食培茶雪糕😋估唔到lunch Time都可以食Pancake食到飽😂…Read More

午餐時間，人好多，唯有買外賣返上office食啦，同事話試下呢間，話咖喱好好食，但今日唔想食咖喱，試左個鮮茄牛肉飯，四十五元，有驚喜喎，好多汁，味道好好味，份量亦啱啱好，從此多一個選擇了。…Read More

今日午餐去食廉記冰室，叫左個即煎扒餐加凍奶茶，盛惠六十八元正，唔算太貴，亦無得揀幾成熟，但到餐有驚喜，成兩塊牛扒咁多，熱辣辣食落都鬆軟。真係估唔到喎，係份量和味道都唔差，值得再食。…Read More

午餐時間，唔太肚餓，咁食個包都唔錯。subway好似有菜有肉，看似健康，不過唔識英文都幾煩。味道方面，都幾好味，自己揀配料、醬料，味道由自己全權配搭，價錢就中上啦。…Read More