EateatRoy的个人专页

同朋友短眾吹下水八方雲集其中一個好處就係通常都唔洗等位每次都係叫湯麵餐貪佢又有水餃又有鍋貼今次鍋貼就點左韭菜個水餃湯麵今次有D咬口唔太淋，可惜水餃有D淡味對比下韭菜鍋貼就夠味好多加埋杯豆漿，普通晚餐黎講都算唔錯…查看更多

在友人行完街後去左新葡崗搵食一向愛食海鮮，本來打算去潮X的，但行行下經過左依間價錢唔太貴又多野食，就決定試下佢!入到去有得選擇4-5個唔同價錢既餐，以蒸氣火鍋店黎講都算多選擇我地最後揀左398個餐 都已經有蝦有蟹有龍蝦見到個海鮮盤已經流晒口水，海鮮望落都好新鮮重點介紹下我認為最好味既海鮮龍蝦:雖然龍蝦唔算好大隻，但成個龍蝦頭都係黃膏，好濃滑龍蝦肉非常鮮味爽口，可惜幾啖就食晒，同友人都意猶未盡!膏蟹:蟹當然係重頭戲，滿滿既橙色蟹膏，真係膽固醇都爆標蟹肉好鮮甜不在講， 一梳梳好明明，可以拉出黎成舊食最後不得不提個粥底，我地本身已經食到好飽但最後都堅持食晒個粥，粥底吸收晒所有海鮮既精華，仲有啖啖既蟹育香，正到無得頂!…查看更多

早前朋友話想食牛扒，又無乜特別指名食邊間，所以就揀返Simply Life，眾所周知佢係排隊入座，所以我地6點正就去左排隊，食到第一輪就唔洗企咁耐入到去因為朋友本身都諗好左食牛扒，而我就揀左個魚落好單後就食住包等，我厭個包太硬所以淨係食左兩啖牛扒叫左7成熟，肉質幾嫩而且好多肉汁，成大塊扒都係咁嫩，唔會某啲部位好韌或者有根亦係我欣賞既地方，雖然唔係滿分，但以個價格黎講算係抵食而我個份魚相比之下就較失色味道都唔差，但魚味唔算濃郁，較為淡味，肉質亦有啲"鞋"口魚的份量亦比較少，配菜薯容仲大份過條魚基本係靠啲薯容黎飽肚因為牛扒同個魚價錢差唔多，就顯得份魚唔抵食了~…查看更多

早兩星期去左長洲一日遊，望完海當然要搵下海鮮食奈何兩個人食海鮮太多限制，又叫唔到太多係碼頭旁見到依間2百蚊鬆啲有4個餸就入左去我地係舖入面坐而唔係街邊，所以環境都算乾淨咁我地就叫左薑蔥炒蟹，椒鹽蝦，蒸魚，蒜容粉絲蒸扇貝薑蔥炒蟹:雖然蟹唔算大隻，勝在有幾多膏，而且肉質結實，蟹肉可以一絲絲咁拉出黎食，相當鮮味蒸魚:條魚比預期大條，肉質鮮嫩，明顯比平時一般在街市買的新鮮好味得多，淨係食條魚都飽左一半啦~~蒜容粉絲蒸扇貝:都幾好，扇貝幾大隻且唔會過老椒鹽鮮蝦:相比起上面三款就有少少失色了，蝦本身細隻，且可能椒鹽味太重蓋過了蝦的鮮味下次可能都係叫返蒸蝦會比較食到鮮味!不過二百幾蚊食到4款海鮮都很好了，尤其蟹同魚都很鮮味，抵食!…查看更多

好耐之前已經想食依間，今次終於有機會黎食下煲仔飯6點15分去到正門已經見入面坐滿晒人，店外無乜人以為咁好彩唔洗排隊，點知太天真了，原來條隊係另一邊排，仲已經有廿幾人排緊，最後排左大半個鐘先入得排隊期間會有伙計哥哥黎問你食咩煲仔飯，記得落左單先咁就唔洗等咁耐先食得!入到去另外叫左個花蟹粥，等左15分鐘個粥就黎到，就咁望唔算特別，個粥有一隻半既半隻手掌大既蟹，點知個粥入口係超級綿!好耐無食過咁有水準既粥啦!配上蟹既鮮味真係正到停唔到口本身諗住個粥只係配菜同頂肚用，點知好味得非常有驚喜!美中不足就係可能蟹比較細隻，粥既鮮味唔算非常出~食粥到一半就到煲仔飯就出場，我地叫左白鱔滑雞煲仔飯一打開已經見到非常足料，雞件都算大件，而白鱔好厚身，非常肥美倒埋鼓油入去已經香噴噴，飯粒乾身唔會黏身水準之作!尤其個鱔啖啖肉令人回味無窮兩樣加埋都係百幾蚊，又好味又飽肚，要排咁耐隊都值得既!…查看更多

同朋友行開廟街個邊，行到咁上下就搵野食下，又唔太想食大排檔個類，咁之前都聽過朋友講平昌，今次就食下佢!一上到去餐廳，已經聞到一大陣韓燒味! 本來諗住閒日同埋時間都唔太早，以為唔會好多人食，點知都幾乎爆滿，好彩好快就有位，同朋友點左個平啲既大君御膳，但係都已經好多款式，牛加豬已經有成十幾款，另外仲有雞同海鮮選擇。第一輪主要叫左牛，牛舌相當好食，好爽口，另外牛肋肉都幾重肉味，夾埋生菜食口感一流!海鮮我地叫左鰻魚，蠔，蝦，魷魚等鰻魚就可能因為係尾部位置，有點簿身而調味較似日式鰻魚，不過味道都非常好既，前後叫左幾條黎食滿足晒!蠔我就無食，不過見朋友燒得有點輪盡，因為連殼好大舊，而個爐本身唔係好大，放完兩隻上去已經冇左一半爐位，以及有點難熟。 蝦唔算好大隻，本身望落亦唔算好新鮮，但燒完食落好爽口好鮮，有驚喜!豬方面當然唔少得五花腩，叫一份份量已經好多而且全部都好大條，一啲都唔似係放題既食物!燒完好爽口，唔會話成舊都係肥肉，高質!另外仲叫左好多炒牛肉炒豬肉，全部夾住生菜食真係正呀! 個爐邊蛋幾香蛋味，都唔錯食到尾當然唔少得甜品，食條Melona雪條甜甜地個口即刻清新返~最後真係要讚下餐廳既職員，全部都好友善，有時漏左一兩樣野食未黎，問佢地都即時補返俾我地，仲好主動咁頻頻幫我地換個燒爐，抵讚!…查看更多