ameimeimei的个人专页

話說，帶住小朋友去食，因為小朋友唔鍾意自己坐，鬧情緒要抱，哩間有得坐外面，就係因為唔想嘈到人所以坐外面食哩間但有個員工咩都唔知，見個小朋友喊，就走埋黎話我點做人阿媽，又話唔識湊就搵人湊啦我覺得態度真係有問題，咁都關你事？跟住又黎錯幾次野食，無叫既又擺落黎咁有個菜食左陣，跟住又拎多個黎，話哩個菜先係我地枱，但兩個菜就咁望都係一樣，咁就問佢有咩分別，如果係一樣唔洗換佢話唔知有咩分別嫁，但枱號唔係你地，我話但我食過喇喎，佢就話好過錯啦，跟住就交換左... （咁食過果碟唔知佢有無拎到去原本張枱喇）拿拿臨食完就走，好耐無寫食評，但真係唔寫唔得！好受氣好差既一餐，絕不再幫親！…查看更多

因為見到食評唔錯既關係，週年紀念預約左，我地係經openrice 預約左21:15職員大約21:30就同我地講last order，我老公話無留意到原來咁早截單但我地就睇返openrice 最夜係可以預約到22:30我地點左兩個餐，先上左個蒜蓉包俾我地，跟住就到意大利飯個意大利飯係好食的，但食到一半先上餐湯俾我地，同埋個餐湯係凍，唔熱的未飲哂湯就好急咁上埋牛扒同餐飲牛扒個樣好吸引好吸引，可惜真係無味，好失望，最後既芝士餅就不過不失22:00 未夠就食哂準備走，結帳時等職員收錢等左好耐因為只有一個職員計數收錢，咁岩佢又收錯左另外一檯錢，所以重新計左好耐不停按左好耐計數機，起碼十分鐘我地食完都一致覺得點解食評咁好既?......?_?…查看更多

之前已經係雜誌見過介紹豆腐主義~~本身覺得佢好多野都係用豆腐整幾特別咁所以都食下!!我覺得有時去食下豆腐花都還可以, 因為都平~~但唔建議食炸物, 因為真係麻麻地, 唔係特別好食...係就係抵食, 但無雜誌講到咁正..!!所以有小小失望~~:(…查看更多

因為之前萬寧送左張$50優惠卷,所以去左東海堂換左四小CAKE食~北海道牛奶蛋糕細細舊都要$20, 好貴 不過一直想食好耐~~~佢個底係Oreo, 真係好好味!! 個生果撻平平地但都唔錯~但買既時候, 我係出面度揀緊, 有個服務員係咁行出黎催我揀... :(所以OK LA!!!…查看更多

尋晚男朋友忽然想打邊爐, 於是我地上openrice 印左小肥羊既優惠券出黎, 唔洗每人加$10就有任飲既優惠, 慳左$20 而且我地九點後入座$98, 比起九點前既$118, 每人又慳左$20 慳慳埋埋既錢用左黎每人加$30 任食特別的羊肉, 蝦之類既野!! 我地揀左麻辣同皮蛋湯底, 味道始終不及大陸小肥羊, 好似唔辣咁?但都好正, 起碼感覺係衛生好多既!不過羊肉同牛肉真係切得好簿, 拾熟左之後變到超細舊.... 如果放到麻辣果邊, 係咁多辣椒入面搵返出黎真係幾難~~佢個口水雞好好食, 叫了兩次 如果唔係飽飽地, 想再叫第三次, 哈哈~~~炸魚皮都好有口感, 而且都幾鍾意食豬潤!!蝦叫左兩次都無黎, 之後問服務員係咪無哂蝦, 佢話轉頭答我地, 但無左回事!不過其實全程d 服務員既態度都好有善既, 所以算數啦~最後仲送左張$50既現金卷, 一個月內使用,下次可以更加抵!! 整體上都幾滿意~~:)…查看更多

食完晚餐之後, 通常都會想搵個地方坐下傾下計, 滿記係不二之選~因為葵芳都無乜甜品店, 而且滿記環境又好, 又坐得舒服, 九點幾哩段時間又唔多人 榴槤班戟榴槤同芒果, 當然揀榴槤啦, 有樣野幾特別, 平時榴槤俾我既印象都係黃色, 但係哩度既榴槤班戟皮係青綠色, 幾得意呀~~ 但榴槤味唔太濃, 可能我食過更濃味既榴槤班戟, 所以有比較, 但都算唔錯嫁啦!! 都好多CREAM~~ 榴槤雪山配綠茶哩個我覺得好好食呀, 夠哂凍, 好岩夏天食丫, 食完之後覺得好舒服~而且榴槤+綠茶哩個配搭, GOOD~~ 下次會再叫返 食完捧住個肚腩滿足咁回家 …查看更多

以前每次收工都會經過葵芳哩間譚仔, 好遠處就聞到士匪雞翼既香味!星期六一點收工通常都會去食, 因為我同我d 朋友都係鍾意食米線既人!!而且最近我既就係葵芳哩間, 自從開左之後就無再特登出旺角食米線喇!!希望荃灣都會開返間啦!! 土匪雞翼食大土兩個人都唔知點分, 大家都鍾意食, 所以慣性叫兩碟小土, 一人三隻, 哈哈!好鍾意佢陣味, 襯熱食, GOOD!! 如果小土係四隻, 大土六隻會更好!! 米線平時都只係叫小辣同中辣, 雖然我唔知佢點分湯底既辣度俾客, 但有時小辣好似仲辣過中辣咁, 又有時好似無乜辣味! 好唔穩定啊~~我通常都係揀兩個餸, 牛肉OR雞肉OR豬潤OR墨丸OR炸醬~雖然食左好多次, 但係未試過過橋米線, 因為好多餸都唔岩食尼...仲有!! 希望可以改善下經常落錯單既問題, 次次講得好清楚, 覆既時候都無問題, 但打出黎張單總係有錯!同埋唔好再加價PLZ~~~總括而言: OK啦!! 米線算係咁嫁啦!!…查看更多

同朋友一去到見到三間都好多人排隊, 反而夾住既譚仔無乜人, 就知道維記一定好好食!! 入到去就即刻叫左兩個潤牛麵同一個咖央多!D服務員好勁!! 唔洗寫單就可以記得你叫左乜!! 讚!! 潤牛麵 - $24一試個湯底........ 正呀!!! 好濃既豬潤味!! 潤牛哩個配搭非常岩我 哈哈, 差D 飲哂個湯!! 咁大碗都難我唔到, 食得哂!! 咖央多 - $12個咖央多一黎到就覺得整得好靚, 食落去好有蛋味, 加埋醬簡直一流!! 高水準!!用左$30 食一個咁好味既午餐, 我覺得物有所值!!下次要再食呀!! :)…查看更多

上星期於OPENRICE 看荃灣有關放題的店舖, 發現了這間漁屋, 當時的食評還不錯, 所以就決定生日到此一嚐, 致電去預約時, 服務員也很有禮貌啊, 在之後的數天也有再看看新的食評, 發覺愈來愈差, 所以有點兒擔心尼....當晚七時四十五分到達, 已經有很多人, 看到WALK IN 的人最快也要等到十點才有位, 原來地方並不大, 所以最好預約吧!! 我跟男朋友一坐下就立刻落單, 之前看到食評, 很多人說有漏單和等了很久的問題, 但我們沒有, 食物來得十分快, 還差點不夠位置放, 服務員的態度也不錯!! 必試的食物: 清酒煮蜆.. 味道不錯! 牛肉粒.. 我覺得是最好吃的, 十分香口, 而家也看到很多人點了!另外魷魚, 牛丸, 炸蠔, 炸蝦天婦羅, 三文魚腩, 八爪魚也值得一試~但刺身相比起其他地方的放題有點失色, 最失望是玉子手卷, 不建議大家吃!!還有蟹棒壽司, 玉子壽司也是很一般!特別一提: 芝士年糕雖然好吃, 但落了兩次單, 催了兩次才有一小舊, 是否數量供不應求? 希望可以改善!! 總括而已: 不過不失, 也可以一試~~~…查看更多

某次男友係雜誌見到介紹沛公既榴槤千層班戟之後, 就買左俾我試, 超級好味, 好像食緊榴槤一樣, 之後每次經過荃灣都會忍唔住手買, 介紹俾朋友食都個個讚好!! 前排無榴槤千層班戟買時, 就試左食青檸芝士千層班戟, 好似食緊芝士蛋糕一樣, 正! 係我既第二之選!! 大家都可以一試~布甸, 都有試過食, 但感覺一般! 都係會選擇千層班戟! …查看更多