為食安妮的个人专页

杯啡好酸好苦澀，冷盤ok 幾fresh. 重點係呢度d食物已經係細size, 放晒入盤我準備拎個阿姐都會叫個0靚過來拎番走我碟野畢走d沙律，感覺好差好小家咁，唔會再來…查看更多

每次經過餐廳都人山人海, 今天終於有機會同老公去幫襯~~星期五的晚上好多大叔選擇坐室外"啤啤佢" 好有氣氛呢兩個人不可以叫太多, 最後選了現場好多人點的口水雞, 啫啫芥蘭煲及椒鹽鮮魷.口水雞是冷盤, 份量跟平時的前菜口水雞不一樣, 一上桌我們都"嘩"一聲因為這裡半隻的份量好像平時在酒樓叫一隻雞那麼大, 雞非常嫩滑, 老公連平日不吃的雞胸都讚賞, 鋪面的麻辣醬料好香口啫啫芥蘭煲也是份量十足鑊氣夠, 吃到最後還是熱的, 內裡的蝦乾及肉碎很好下飯椒鹽鮮魷做得很乾身, 老公略嫌椒鹽味不足, 我卻喜歡他不會過咸剛剛好.原本怕兩個人食唔晒最後太好味都吃清光了, 兩口子偶爾去吃個"麻甩晚餐" 也不錯…查看更多

話說星期六晚想試新餐廳, 友人提議試下由這間新火鍋店, 打電話查詢了居然有位, 於是特地駕車過來西環試試.過來車程約半小時, 餐廳細心地致電來confirm booking, 我們以為好full, 便加快步伐到達. 怎知一到餐廳只有7成滿, 而且致電訂枱時已註明4位, 來到帶我們埋枱setting 仍只是三人餐具, 而且佈滿灰塵, 心裡已不禁倒抽一口涼氣因為太餓關係先快手點了湯底, 手切牛, 雲吞等基本食物. 但等了半小時湯底仍未出現, 我們先後向3位員工表達希望跟進一下, 但都沒有人理會, 食物慢慢陸續出現, 湯底仍未到. 最後要向第四位應該是傳菜的嬸嬸幫忙, 一問湯底便出來了, 但湯是微暖的, 證明不是湯底預備需時, 而是漏單但沒人跟進.先說一下食物:湯底: 沙蔘肉竹白肺湯: 我們習慣火鍋前先嚐一下湯底, 此湯好明顯是用現成味精湯加上述材料滾一下便上枱, 所有材料和湯底時各有各的味道完全沒有融合. 淡而無味響鈴: 火鍋專門店基本要做好的一道菜. 微暖, 入口是硬及韌, 明顯是一早炸好再翻炸墨魚滑: 一點也不彈牙, 內裡加了馬蹄, 沒有墨魚味, 類似質素在任食火鍋店試過手切本地牛: 有嚼勁及牛味, 對辨黑毛豬:普通雲吞: 普通午餐肉: 肥牛以外最好味最像樣的一道完本想試這裡的刺身及海鮮, 幸運太餓的關係先點了部份食物, 最後省回一筆大夥轉戰可可店糖水…查看更多

進駐深井已兩年, 最近才無意得知此店的存在. 在OP看見口碑不錯, 趁周日兩口子過來試一下.二人點了這裡signature 的清酒海鮮烏冬, 及豬頸肉魚湯泡飯.清酒海鮮烏冬的湯底是對味的, 硯肉夾雜了平價蜆及日本蜆, 當中日本蜆很creamy 食味不俗, 蝦略為不夠新鮮, 整體是合格的, 但一上桌是感覺有點不對辦, 覺得這碗東西賣相很淍零.... 到最後才知原因....豬頸肉魚湯泡飯: 豬頸肉本身就不該拿去炸, 炸過後肉質只會越來越乾, 魚湯亦非常一般, 比起路德圍的鱻差之千里.服務: 結賬時, 看到牆上面寫著清酒海鮮烏冬是跟飲品的, 立刻問收銀, 他一臉茫然的說: 是細SIZE 才跟餐, 但他沒有花一秒看下手上的單子, 我們就是叫細SIZE的...然後他們幾個員工就這樣站在這裡不出聲, 最後那位疑似老闆娘才說"俾番杯野飲你地", 也沒有人道歉. 我們不是很志在那杯飲品, 但覺得既然是跟餐的, 也沒有不要的道理, 就多坐一會吧.此時鄰枱的情侶的清酒海鮮烏冬到了, 我們一看, 為什麼我們的就沒有青口呢? 召來侍應問一下是不是每客清酒海鮮烏冬都應該有青口, 她說是. 然後我告訴她我們的沒有, 她就只"吓" 了一聲...呆站在這裡, 良久才說"我幫你去廚房問下吧"這個已經是貴店名物, 眼見每張枱都有人點的, 為何這都會出錯???????? 難道你覺得兩個已食完坐在這裡等一杯漏了的餐飲的人還會想再等這個沒有來的一/兩隻青口嗎???最後還要我們去幫她打完場說不用了, 算吧, 我們都是想知真相吧. 疑似老闆娘就在該女侍應身後, 她聽到看到此事, 但卻沒有過來跟進, 甚至逃避我們的眼神, 最後我們周日撐枱腳的興致都給毀了,奶茶喝了一口就走了.....OP之前的好評起碼都是一年前的, 我強烈懷疑此店已轉手或換了師傅, 食物絕對沒有之前食友所介紹的美味, 老公仲怪我好帶他來這.............…查看更多

從來回馬鞍山都只是回娘家晚飯，今天剛好有事要外出用餐，本身對大集團式日本料理沒好感，但區內選擇少，就試一下吧！點了數款壽司，除了油甘魚腩，其他都是不新鮮，魚背更是又韌又腥；玉子燒翻熱後都老掉了；最火滾是燒三文魚骹變了燒三文魚的尾，只有＂旗＂沒有肉的，比貓咪吃的還不濟，最後也無謂追加，埋單兩人收$270，還要吃不飽，相同價錢在日本人開那間連鎖店可以吃很多了！永遠也不會再去！…查看更多

本是打算去車品品的, 到達才大頭蝦看漏星期一休息, 見此店食評不錯, 估且一試甫坐下, 待應告知有半自助餐, 過去望了一眼, 有蝦, 青口, 蜆, 沙拉菜, 及芝士蛋糕等甜品賣相不甚吸引, 所以都是省回幾十元只吃SET DINNER 好了.點了兩道菜: 1.厚燒豬扒拚燒菠蘿 - 豬扒粗糙, 似食湯渣, 燒菠蘿是罐頭貨色, 加$5 要的意粉就是用水淥熟加蒜鹽另外用小碟上, 還要是半生的, 在main dish 不夠汁的情況下就如同嚼蠟…2.雞肉烤卷 - 本身做得不錯, 頗香口, 隨碟附上的酸醋汁很配合但份量不夠. 最奇怪的事就在此時出現: 我叫侍應再給我上此款醬汁時, 他給我泰式酸辣汁 (點泰式生蝦那種), 上面仲浮起隻小昆蟲....我再問另一個侍應, 再指明是跟main dish那個酸醋汁, 她送來了梅汁(整中式酸梅排骨那種)...所有餐單不是已經standard 配好一種汁的嗎? 是我溝通技巧有問題還是侍應魂遊太空????餐飲叫了2杯凍檸茶, 在已經沒期望的情況下, 喝到意料之外的質素, 沒茶味只有死甜. 喝了兩口已沒心機. 此時餐廳已差不多打烊, 後座卡位坐了數名等下班職員, 有的在我後面大聲講電話, 玩iphone, 聊天, 10個字裡夾雜2個字是粗口...還是儘快結賬好了! 女侍應一手拿著i phone 傾電話, 一手把賬單扔到枱上, 我給$500找贖, 然後女侍應維持著講電話狀態, 一支箭地單手把找贖本子扔回枱面然後溜走了......本人一向支持小店, 喜歡到港九新界試盡不同餐廳, 感受小店獨有的風味及心機, 希望此店老闆好好檢討一下店內的服務及食物質素..... …查看更多

好似其他人咁講, 唔駛等位真係有原因的! 你睇金水9:30pm大把人等位,這裡只有1/3table有人食左d咩唔記得, 只知道最低消費要$60/head, d魚唔新鮮,火灸sushi 涷冰冰(我坐order table) 10:35pm 已經催last call & 埋單, 隻碟仲有"pat"紅色野, 我叫佢換, 個manager仲話"水漬黎之ma"......可能佢地用紅色水洗野啦......都係金水好d.......…查看更多

一直再這棟大廈返工都冇留意到呢間野, 只係見到成日有好多韓國人去3/F, 見咁多本地人光顧, 斷估不會差, 於是趁星期五去左幫趁~入到去有大半都係D韓國男人放工來, 叫D燒烤,小吃, 飲番2杯咁, 氣氛都幾RELAX, 侍應都係韓國人, 操住半咸淡中文, 幾好禮貌. 我們一行3人點了牛肋骨及牛舌燒, 海鮮燒餅同辣豆腐湯前菜先上, 大約10碟, 一致認為薯仔最好, 全部都係新鮮牛肋骨及牛舌燒: 牛肋骨由店員剪開我地再慢慢燒, 肉質不錯, 牛舌很爽口, 幾飽都食得落海鮮燒餅:好足料, 加埋特製醬油好香口辣豆腐湯:不是得個辣字, 湯底夠濃, 送白飯一流,不嚐辣的朋友也幹掉一大碗埋單好似4百幾, 超值,整體都比莊園好…查看更多

上星期行開街想食米線, 上到去嚇一嚇, 以為去左d咩架步-_-" 間鋪黑蚊蚊, 用d 藍藍地色的射燈, 伸手不見5指0個隻,地下濕漉漉...仲要有人食煙, 大煙館feel.....米線size 超大, 2個女仔食一碗都得, 蘿蔔甜, 無渣, 仲要係俾成碌咁大的蘿蔔你, 浸0係湯度好似潛艇, 有點攪笑...最後雖然好肚餓, 但因為環境太暗, 好唔舒服食左半碗走左...走時有個婆婆帶孫仔來, 一lift 大叫:嘩, 呢度係咪食米線架? 咁好情調?!返到屋企同行2人都心口作悶想嘔............…查看更多

男友生日, 近期食得西餐多, 於是反傳統食中菜, 加埋一個電燈膽一齊來試下呢度d叉燒係咪好似雜誌講得咁正先~原來呢度weekday 都好旺場,9成枱full, 仲見到梅小惠,阮siu 祥同蔡一智夫婦, 都幾多明星幫襯wor~~叫左個叉燒拚乳豬, 叉燒上枱時熱騰騰的,肥瘦適中,點埋d汁真係好好咪, 乳豬皮亦很香脆, 蟹粉爬豆苗則冇乜味道, 大蔥炒豬腩肉係冒住肥死也要食的, 入口不覺肥膩,辣辣地好正呀, 焗豆腐幾滑幾特別, 但我本身不愛綾魚的...鮑魚雞粒煲仔飯就失望左d,可能食開d多飯焦喇, 總覺得呢個唔夠煲仔feel, 不過睇得出佢有心機, 淋d豬油都好好食,最後用上湯浸飯焦也不錯最後叫左燉雪梨, 不過不失喇, waiter 服務亦很好, 仲同我地傾偈埋單用AE有折7百幾, 算係咁…查看更多

呢個星期六又同男友來這裡開餐~~2個人叫左4個菜:蝦餅拚春卷及雞翼: 蝦餅依舊彈牙爽口, 不過春卷淋左少少蝦刺身: 十個正, 今次璟姐將d spicy source 淋左落去, 食到噴火, 好過癮!泰式金邊粉: 水準依舊, bf 一個人都可以清碟冬蔭公(細): 其實細的tom yum 都夠4個人分, 有成6隻大蝦, 酸辣程度剛好~~唯一美中不足係0個度裝修緊, 冇左個玻璃窗, 好涷呀, 好似野餐咁, 不過璟姐話差不多整好喇埋單$180, 平到笑…查看更多

自從工作地點由香港區調至旺角區後, 好耐都冇機會食我最愛的峰壽司喇~~~知道佢0係旺角開張即刻去試下^^眼見起碼2-3位0係銅鑼灣店坐鎮的師傅(yuki, michael), 之前的擔心都已經消除了~和友人跟以往一樣點自己喜愛的, 發覺水準比cwb 好了, 上幾回在cwb 都覺得飯過酸及硬, 今次完全沒有這個問題, 口感恰到好處^^ 最正係鵝肝壽司, 這次是完全沒有筋的~此店人手亦較充足, 待應服務也非常殷勤呢, 今次整過過程也十分滿意, 友人也說要經常來…查看更多

OH, 我搵左好耐先知璟姐原來已經登記左~~這間樓上店我幫襯左年幾, 第一次去係原本想去泰成, 但太多人, 無意中見到有棟大廈門口貼左D相, 好奇下走上去, 朋友都話我大膽, 哈哈!講番正題, 呢度特別之處係平靚正, 如果只得2個人來, 你可以同璟姐講叫佢整細D份量($當然平D), 試多幾樣菜式~~呢D係出面冇可能做到, 有時佢見我地人多, 會炒大碟D 架~~必試菜式有:蝦餅:一客有5大件, 一半切開碟即有10件~超彈牙+鮮甜, 每次叫2碟呀生蝦刺身: 又係抵食夾大件之作, 一碟好似有10-12 隻都係5,60元左右咋~~PHAD THAI (唔知係咪咁串): 呢度做得幾好, 蛋汁夠, 有D酸汁加埋, 正!冬蔭公: 有細同大之分, 細好似30蚊, 但係都好大碗, 女仔4個都夠分炸雞翼,春卷:基本上呢度所有炸野都係推介, 因為全部即叫即炸, 超香口, 連D拍肥的女仔朋友都狂掃~有時餐廳有2柗人以上, 上菜會慢, 所以通常上去前最好打俾璟姐落定ORDER 先, 去度再叫D咁就唔駛等咁耐~璟姐好好人架, 會出來同我地吹水,教下泰文, 上次0係度攪B DAY PARTY, 請佢地食旦糕, 佢就請我地飲青檸水(係無限量供應0個隻)呢類小店真係要支持下, 大家快D試下喇…查看更多

朋友黎過幾次都讚不絕口, 昨晚收工有時間就過來試下~~1行3人, 叫左幾個菜式:泰式海鮮粉絲:呢個係全晚最好味, D海鮮雖少但尚算新鮮, 粉絲索晒D辣椒好入味, 不過真係好辣呀, 我地食到流晒眼水炒蜆: 朋友極力推介, 亦見好多柗上出現, 一放入口, 竟然係冰涷的....再換一碟過來, 蜆殼就有好多, 蜆肉得幾隻, 大而不鮮, 咁樣收50蚊真係不值椰菜苗炒咸肉: 椰菜苗OK, 但汁太咸泰式炒金邊粉: 呢個係我每次食泰菜必叫項目, 呢度個粉量太少, 蛋及花生碎落得不夠, 又冇芽菜同大荵, 唔得春卷: 好似去左素菜館食0個D春卷咁, 冇乜味道西柚沙冰:幾FRESH, 唔錯食完呢幾樣,十分不滿, 朋友再叫幾個串燒, 為佢平反~~叫左豬頸肉, 雞同魷魚, 除左豬頸肉太肥太咸, 其他叫好少少....認同其他人所講, 呢度服務非常一般, 食食下個WAITRESS 拎杯西瓜沙冰過來, 我地話冇叫過, 佢竟呼喝我地:咩呀!你地叫左2個西柚1個西瓜WOR!!!跟本我地冇講過"西瓜"呢2個字, 而且我地叫左2杯野之MA....呢間野我唔會再來…查看更多

今日去UA睇9點場, 正煩緊去邊度醫肚, 諗起附近個熟食中心好似唔錯就去試下~~~原來都真係幾受歡迎, 有9成滿. 搵到位後行左個圈, 都係覺得四季意粉同泰菜最對路, 男友order 左angel hair, 我就去左order 左水門雞飯(店員推介)正宗水門雞飯我成日都係泰國食, 最正的地方係個油飯, 呢間就始終差少少, 唔夠油亦唔夠香, 雞肉就不過不失, 但份量就好似少個泰國0個d (人地一碟6蚊, 呢度26蚊呀)餐飲我order 左店員推介的青檸梳打,有d 過酸.....佢地成日標榜菜式係正宗泰國人煮,仲要開埋廚房門我睇, 其實呢樣野對我來講唔重要, 男友個angel hair 都幾好食, 不過唔係意大利人煮呀~~不過呢檔野的店員都幾nice, 服務唔錯,可以再來…查看更多