CharmingChung的个人专页

我喺鰂魚涌返工，OT完放工過嚟Pure做gym，附近好多餐廳都其實已經閂晒門，八點幾Nood仲會開，唔知點解OpenRice寫七點，我見好多人都有app order，因為都係真係好多健康嘅選擇。價錢其實都唔算貴，喺呢個地區嚟講。我最鍾意食呢個燒賣，全部都係雞胸肉，勁多Protein，仲會整熱佢熱辣辣冬天特別覺得一啲都唔guilty嘅comfort food！d staff 仲好nice，另外wrap同bagel 都好食😋…查看更多

朋友係餐廳附近返工，同我一齊去完越南旅行之後話覺得呢間仲好食。試咗就返唔到轉頭喇，老闆好快手，環境企理，食物加呢個價錢就真係，令我住港島嘅差唔多每個星期都黎幫襯，星期日仲會見到嚟自越南嘅老闆一家三口好溫馨、服務態度又好，喺香港都可以用平價食到正宗嘅越南菜真係好😃奧運站行過嚟唔太遠，食完行去旺角站或者撘巴士去尖沙咀行街都好方便~可以睇返以下我嘅圖片推介，最近試埋越南法包估唔到仲有驚喜，食返我係越南食果個醬，同一樣咁鬆化，就忍唔住上嚟寫食評~…查看更多

以前覺得佢好抵食，今次過去d staff唔同哂，餐牌轉左又加左價，都唔緊要，等左半個鐘先落到單，再等多半個鐘催左好幾次先有嘢食。落果陣話個餐有湯有茶，忍唔住行出去問，戴白色帽個男仔唔識落單仲要一句：無左茶喇就叫我地轉咖啡，咩態度呀，落完都無人整緊咖啡，有好幾枱同我地一樣取消個餐當單點比錢走，話佢仲要一句sorry都無以後都唔會再幫襯佢! 如果你決定黎呢度食，就注定你人生中哂左寶貴既兩個鐘，仲要跑返去office!!!…查看更多