jamjam21的个人专页

大角咀離旺角15分鐘左右，行去個邊發現有好多好野食，仲要人流無咁多，唔洗同人地迫，所以對我黎講都係一個幾唔錯既食飯地方😍😍😍🥢食物質素：9/101️⃣蒜香辣椒炒活蜆🎖尼碟硯絕對係全日既MVP🏆每一隻蜆都勁大隻，同隻鐵羹個size差唔多🙈食得出啲蜆好新鮮，完全無沙，加上硯肉好鮮甜，雖然用蒜蓉辣椒炒好似會好重口味咁，但仲食得到硯肉本身既鮮味💛💛💛必嗌！2️⃣牛油果煙三文魚闊條麵尼度主打手工意粉，闊條麵好有咬口，食得到同出面買到既好唔同！平時都鐘意食手打麵既我就超鐘意啦😋不過原來啲牛油果唔係同啲闊條麵一齊整，好似有少少分開左既感覺🙈3️⃣香煎西班牙伊比利豬肩肉（9成熟）第一次試9成熟既豬肩肉，肉質軟冧有驚喜！對比起個主角，原來啲配角仲出色，薯蓉好creamy好滑，加少少旁邊既酸菜真係好夾🥰🧹環境衛生：9/10地方雖然唔係好大，但裝修好靚，都比人一種坐得好舒服既感覺，同埋地方好乾淨，枱面仲會放埋搓手液，勁貼心💛👩🏻‍🍳服務質素：9/10員工見我地食完會主動幫我地收野，又會主動問我地洗唔洗再睇menu，服務態度好好！…查看更多

今次係第二次黎Plato Cafe & Bistro食晚飯，對上一次都成兩年前啦🙈記得上次黎食既時候都有唔錯既經歷，食物大份又好味，估唔到事隔兩年，都仲keep到高水準，真係好impressed💛💛💛🥢食物質素：8/101️⃣美國安格斯西冷牛扒配紅酒燒汁上一次黎食都有叫牛扒，因為質素好好，所以今次都忍唔住食番尼樣😝今次都係叫番5成熟，但略嫌熟左少少，不過一樣都係好重牛味，點埋旁邊既黃芥辣同燒汁真係無得頂！2️⃣香蒜白酒硯意大利粉尼個意粉好有驚喜，上一到枱已經聞到好香蒜味，另外硯既份量都唔少，大約都有十隻，硯肉都大大粒😋3️⃣羅宋湯配蒜蓉包每個Dinner set都會包左餐湯同蒜蓉包🤓每日應該只有一款湯，當日係羅宋湯，都好足料，另外都可以加錢轉龍蝦湯🦞🧹環境衛生：9/10地方闊落，唔會話坐到好迫唔舒服，枱同枱之間都隔好遠，同朋友傾計講大聲少少都唔怕比隔離聽得好清楚🤣👩🏻‍🍳服務質素：8/10員工好有禮貌，落完單之後食物都好快到，唔洗等好耐💛…查看更多

食物質素 7/10八月頭去完台灣之後，一直對台灣既美食念念不忘，經過見到尼間舖頭個名咁「台灣」，就緊係迫不及待入去試試啦！紅燒三寶麵一碗好既麵最緊要係個湯頭，尼碗三寶麵湯頭甜，會想一口接一口咁飲曬啲湯。三寶包括左牛腩、牛筋同埋牛肚。牛腩有兩大舊，炆得夠淋，肉質唔會太乾太柴，係三寶入面最好食既！另外，牛筋同牛肚都不過不失，絕對可以一試！麵條彈牙有咬口，係我鐘意既偏硬口感，不過未必個個都鐘意。鹽酥雞粒伴台式香腸肉燥飯鹽酥雞既賣點好特別，會原味咁上，然後自己揀自己鐘意既粉去調配自己鐘意既口味！調味粉有八款，包括胡椒粉、鹽、香辣、原味、咖哩、芝士、梅子同紫菜。鹽酥雞粒既份量好多，絕對可以試得曬咁多款味既粉，而我最鐘意就係紫菜味，同麥當當既紫菜shake shake粉一樣味！不過略嫌肉燥飯啲汁唔夠多，食落就有少少乾麻辣牛𦟌牛𦟌份量好多，兩個人都食唔曬！鐘意同食得辣既人一定會鐘意，因為個麻辣汁好夠味，辣得好過癮！花美男遇見其實尼個係仙草甜品黎，入需有椰汁、仙草、芋圓、地瓜園同類似燕窩既野。芋圓同地瓜圓煙un有咬口，仙草好滑，加上成杯甜品唔會太甜，正！環境衛生 8/10環境大，坐得舒適，適合同朋友聚舊吹水。服務質素 8/10店員唔會催埋單，亦會主動過黎問有無野需要！…查看更多

食物質素 8/10朋友住大埔，佢話個頭開左間新式泰國餐廳，同屋企人試過幾好味，所以我就姑且一試！菠蘿炒飯配虎蝦尼個菠蘿炒飯認真大件夾抵食，價錢同出面既泰國餐廳差唔多，但係個份量係king size! 原隻菠蘿咁上，入面裝滿曬炒飯，面頭放坐兩隻大大隻既燒虎蝦，再放上左一串燒菠蘿，認真足料！未見過咁用心整既菠蘿炒飯，賣相認真一流，所以一定要係相機食先！小食拼盤小食拼盤份量適中，有8件野食，同朋友兩個人share岩岩好！我最鐘意食個墨魚餅，咬開入面有墨魚粒係度，好有咬口！另外個春卷質素都唔錯，外面炸得酥脆，可以話係外脆內軟，點埋個甜酸醬真係好夾！木瓜沙律沙律係用木瓜絲、紅蘿蔔絲、花生、紅提子同埋蕃茄仔去整，好爽口，同埋酸酸甜甜好開胃，用黎做前菜一流！脆爆芒果園飲品好大杯，個杯可以遮住曬我成塊面！芒果汁上面配上軟滑既cream，仲有啲焦糖爆谷係面，但略嫌成杯飲品甜左少少，如果可以無咁甜就好啦！夏日芭東海灘尼個飲品成個椰青咁上，但入面原來係椰汁冰而唔係椰水，不過整體飲落椰味重同埋唔太甜，我就鐘意尼杯多啲！環境衛生 8/10新裝修，環境光猛，地方又大，坐得舒服，適合同一班朋友聚會！服務質素 8/10去個陣無咩人，完全唔洗等位，落完單就好快有野食！…查看更多

食物質素 7/10同朋友去左元朗搵食，係西鐵站附近既一條小街，發現左原來有好多隱世餐廳，每間門口都放住個餐牌，見到尼間西餐廳啲野食幾吸引，雖然午餐選擇唔多，但價錢唔貴，就諗住試試佢，點知有驚喜！磨菇湯個湯比平時啲餐湯稍大，味道好濃郁，亦都好creamy，相信落足料去整！另外，餐湯表面用忌廉畫左花，好有心機，值得一讚！板燒雞胸及紐綸堡腸配薯條完全無諗過咁既價錢食到咁既質素，性價比真係好高！雞胸燒得好嫩滑，雖然講明係雞胸，亦都唔期望佢會好嫩滑，但真心唔乾唔柴，相反仲有啲肉汁，食落口唔會覺得好乾好難咬！條紐綸腸我就唔知同其他腸仔有咩分別，正正常常，都幾好味！尼度既薯仔係粗薯，啖啖薯仔，正！板燒牛肩配薯蓉牛肩既牛味唔算好重，但以尼個價錢黎講完全收貨！牛肩同雞胸一樣，燒得唔乾唔韌，唔會咬唔開！薯蓉亦都打得好爛，完全食唔到薯粒，入口即溶！菠蘿釀雞翼雞翼有少少辣，醃得好入味，好過癮，一定要叫，不過就無菠蘿係入面😅鮮奶綠茶綠茶味好重，相信落左好多綠茶粉，絕不偷工減料！雖然無叫到少甜，但都唔會覺得太甜，反而仲有少少回甘既茶味！環境衛生 7/10環境雖然唔大，但坐得舒服！服務質素 7/10店員唔會催埋單，亦都會不時主動斟水比你，抵讚！…查看更多

食物質素 8/10同朋友兩個人叫左個德國豬手同芝士簿餅，本身以為份量岩岩好，點知食到最尾個肚捧住走，好滿足🥰德國咸豬手配酸菜及薯仔沙津嘩！個豬手一黎到真係嚇親，隻豬手好大，份量好多！豬手外脆內軟，個皮烤到好香脆，有啲似燒肉隻皮咁脆！另外，肉質好嫩滑，完全唔乾同唔硬，味道都唔會太咸，岩岩好，啖啖肉好正！唔止隻豬手好味，連啲配菜都好好味！好鐘意個薯仔沙津，薯仔軟硬度適中，仲有少少咬口，而且個醬少少甜甜地，好好味！墨西哥香蔥芝士薄餅薄餅有八塊，配一個唔知咩既醬，少少咸。薄餅入面有芝士，芝士份量唔算好多，但都做到拉絲效果，入面加左蔥花，令個薄餅香左好多！環境衛生 8/10地方雖然唔大，但裝修好靚，好歐洲風，而且坐得舒服，好適合同朋友聚舊吹水。服務質素 8/10店員唔多，但都服務周到！…查看更多

食物質素 8/10朋友係九龍灣番工，就佢近近地就係九龍灣食晚飯。由於朋友想食饅魚飯，所以就黎左尼間食釜飯既試一試！我地兩個人叫左兩個釜飯套餐、一個甜品同兩杯飯品！餐湯：麵豉湯平時既我係唔飲麵豉湯，但尼個麵豉湯味道幾好，唔會太咸，而且入面有好多配料，有豆腐、紅蘿蔔、白蘿蔔同海帶，每飲一啖湯都啖啖料！饅魚釜飯（魚腩位置）一黎到個賣相的確好吸引，饅魚份量唔細，而且仲用兩條魚骨做裝飾！饅魚嫩滑，不過食入口未算叫做入口即溶，但連埋個秘制醬汁配上芝麻一齊食，都算係質素唔錯！後尾朋友試埋個魚骨，炸到脆卜卜，幾特別幾好味！牛肉釜飯牛肉份量好多，切到一粒粒咁黎燒，加埋個燒汁好好味！而且牛味好重，口感唔硬，大概7成熟左右，啖啖肉，所以兩個飯相比起黎，我會鐘意牛肉飯多少少！甜品：黑芝麻蕨餅蕨餅口感軟糯，唔會太硬，黑芝麻粉份量亦好多！自己鐘意整到細細舊咁黎食，令每一舊都痴滿黑芝麻粉！飲品：蘋果蜜尼杯係柚子蜜既朋友，但轉左蘋果自覺唔算太夾飲品：紫薯力量尼杯飲品入面有香蕉、紫薯、雲尼拿、鮮奶、忌廉同藍莓。成杯野飲香蕉同鮮奶味比較突出，鐘意飲香蕉味飲品既朋友可以一試！環境衛生 8/10環境大，坐得舒適，適合同朋友聚舊吹水。服務質素 8/10店員唔會催埋單，亦都會不時主動斟水比你，抵讚！…查看更多

食物質素 8/10同朋友行開銅鑼灣，就順便係個頭食埋晚飯，朋友講左好耐想食韓國菜，就一於去食！去到舖到18:30，食客唔算多，店面亦都好大，座位好多，所以一去到就入得去食☺️門口有個姨姨serve我地，我諗應該係正宗韓國人，因為佢唔識講廣東話，主要用英文同韓國溝通！同朋友兩個人食唔到好多野，叫左兩樣野食同兩杯飲品，就已經食到我地勁飽🤣黃金咸蛋脆雞（有骨）見到尼款咸蛋味炸雞咁特別，所以諗都無諗就叫左！炸雞有得揀有骨同無骨，本身諗住揀無骨，但店員話無骨係雞粒黎，所以我地就揀左有骨！份量唔細，有成六大舊😆咸蛋份量亦都唔少，真材實料，咸蛋味香濃，咸蛋控一定要試！雞肉亦都夠嫩滑，唔會話因爲炸話而好乾好柴，所以以炸雞既質素黎講真係算唔錯！黑松露卡邦尼炒年糕尼碟炒年糕好有驚喜，一來卡邦尼個汁香濃，二來佢有好多配料，口感豐富！最鐘意係入面啲蔬菜，索曬個汁，好好味！另外有個好似獅子狗既魚糕，入面係流心芝士，好正！不過尼碟野既主角年糕就比配角比下去了，年糕略嫌淋左少少，如果再煙un啲就perfect 😋Mango Ade / Strawberry Ade 問左店員原來ade 係sparking water，咁就叫左兩隻味黎試！Strawberry味個杯個味出啲，個味調得岩岩好，唔會太甜！相反mango味個杯略淡，飲唔出係芒果味🧐環境衛生 8/10環境光猛，地方又大，坐得舒服，適合同一班朋友聚會！服務質素 9/10店員好有禮貌，有問必答，另外尼度都好貼心，會預備埋手套比我地食炸雞！…查看更多

食物質素 10/10尼間既手抓餅真係平靚正，平得黎又大份又好味，要多多支持小店！不過尼間既手抓餅賣曬就無，想食就要早啲啦！蟹籽吞拿魚手抓餅首先講左個手抓餅皮，煎得好脆，唔會覺得塊皮吸左好多油，只係會有酥脆既感覺，好多間賣手抓餅既舖頭都做唔到尼個水準！另外，老闆每次比既料都好多，夾滿曬成個手抓餅，咬落去啖啖都係料，好正！我最鐘意係吞拿魚手抓餅，因為個手抓餅皮熱辣辣，而入面啲料凍冰冰，冰火交融個感覺真係無得頂！環境衛生 9/10舖頭乾淨企理，而且四圍貼滿曬貓貓既相片，感覺尼間小店好溫馨！服務質素 10/10由於大部分時間都有好多人買，老闆會好貼心咁叫你過十五分鐘先番黎拎，唔洗企係度呆等！…查看更多

食物質素 5/10係葵廣掃街，經過見到尼間台式飲品店，就比個機會佢，試試佢！珍珠奶茶去到邊度都好，我都會叫珍珠奶茶飲，雖然好似好普通咁，但正正咁普通先分得出高下！尼間既珍珠奶茶認真麻麻，茶味好淡，似係死甜咁。另外，大部分既珍珠奶茶舖頭都有得揀大珠或者細珠，而尼間既珍珠就統一為細珠，飲落去完全咬唔到珍珠，無咩咬口咁，似係剩係飲緊奶茶，而無珍珠食！作為一個珍珠控，真係完全唔收貨呀環境衛生 8/10舖頭細細間，但感覺都乾淨企理服務質素 7/10商場入面都有唔少台式飲品店，尼間唔算多人排隊買，唔洗等好耐就有得飲！…查看更多

食物質素 7/10無得去台灣食炸雞，就唯有係香港搵一間頂住檔先！由於葵芳商場人流比較多，所以尼間既炸雞都多人買，炸雞都係新鮮炸，唔會放太耐！香香雞份量唔少，同朋友兩個人share就岩岩好啦！香港有第二間都比較出名既台灣炸雞舖頭，相比個間，繼光香香雞既粉都比較薄，唔會食落口全部都係炸粉咁！而且，繼光香香雞既雞粒都比較嫩滑，即使炸左都唔會好乾好柴！不過略嫌佢既味粉比得太多，有啲過份重口味，一定要邊食邊飲野！環境衛生 8/10店員都戴曬帽同口罩，感覺幾乾淨衛生！服務質素 8/10雖然買既人數多，但都唔洗等好耐就有得拎！…查看更多

食物質素 8.5/10咁岩黎開天水圍，知道新北江好多好野食，一於就黎搵好野食！舖頭都唔少，唔知點揀好，一見到尼間係食北京麵就話要入黎試試！麻醬麵我地入到黎差唔多14:30，係下午茶時段，叫一碗麵送野飲，而我就叫左枝豆漿，$30一大碗麵再送枝豆漿，抵食到爛！尼度既麵條應該係手打既，好有咬口，勁正！配菜有啲青瓜同紅蘿蔔絲，再加埋啲花生同麻醬，清新得黎又好惹味，好味！尼度碗麵偏大，一個普通女仔食應該會太多，而男仔就岩岩好！環境衛生 7/10環境唔算大，但都算坐得舒服，係午餐下午茶既好選擇！服務質素 8/10上菜好快，店員亦好有禮貌！…查看更多

食物質素 7/10收工去上水搵食，朋友話要帶我去一間特別既舖頭食車仔麵，一於就睇下有幾特別！豬頸肉生菜冬陰公湯底米線先講一講個冬陰公湯底，湯底夠酸惹味，但係就若嫌唔夠辣，以一個要加$3既車仔麵湯底黎講，幾特別，可以一試！叫左兩個送，豬頸肉同生菜。豬頸肉入味，有炸過，外面少少脆入面軟身，口感一流！生菜吸曬個湯底，好正！至於個米線就麻麻啦，煮得好爛，每一條都好碎，完全夾唔起黎食，要搵個湯匙食，所以下次再食唔會叫米線啦椰汁紅豆冰紅豆煮得唔夠淋身，偏硬，而且無甜味，不過不失，唔算係好飲。環境衛生 8/10環境大，坐得舒服，個裝修有啲台灣既風格。服務質素 8/10落單之後上菜都好快！…查看更多

食物質素 9/10每次過黎葵芳都一定要食尼間既涼皮，就算唔當場食都要外賣一碗番屋企慢慢歎！不過我就覺得即食個口感會比拎到番屋企好味！四川涼皮尼度既涼皮好有咬口，口感有啲似腸粉，唔似試過係第二間買咁淋身！加上佢自家調配個醬好好味，酸辣度適中，唔會話酸搶左陣辣味，陣辣味又唔會蓋過左酸味！就算唔加送，尼度都會加左好多配料比你，有青瓜絲、魚片同脆黃豆。魚片同脆黃豆夾埋啲涼皮食又真係好一流！環境衛生 7/10舖頭雖然細細間，但望落都乾淨！服務質素 7/10人手唔算多，通常要排隊，不過都唔洗等好耐…查看更多

食物質素 9/10尼間舖頭既野食係兒時回憶，以前放學都一定會去尼度買野食醫肚！今日經過，突然有啲啲肚餓，就一於回味一下中學味道啦！炸燒賣記得以前中學食個陣係五蚊五粒，過左咁多年，都無咩點加到價，六蚊五粒，香港地好難尼個價錢食到嫁啦！見到個度寫燒賣六蚊五粒，以為係蒸燒賣先係尼個價錢，點知原來炸燒賣都一樣。尼度既燒賣係即叫即炸，炸得卜卜脆，外層仲會灑上椒鹽粉，好惹味！下午茶時間，少少地過下口癮岩岩好😋環境衛生 7/10尼度無得坐，全部都係外賣，不過賣小食就無咩所謂啦，見到舖面都乾淨企理！服務質素 8/10星期六既關係，無咩人排隊買，嗌完野食唔夠五分鐘就有得食啦！…查看更多