apt6txqvzr9j的个人专页

禮拜日同屋企人一齊嚟食，叫左個常餐沙嗲牛肉公仔麵。沙嗲牛肉個味還可以，但啲肉好韌咬唔到，最後都冇食到啲肉，個麵亦都偏硬，跟餐嘅包同火腿蛋就普普通通。反而屋企人叫午巿套餐蓮藕炆腩仔飯就幾好食，份量亦足夠。但跟餐凍鴛鴦就差左少少，落咗太多奶，冇左咖啡味。環境衛生都良好，啲檯櫈都幾大張，坐落都算舒服。地下冇乜垃圾，衞生情況理想。但以一間餐廳嚟講，沙嗲牛肉嘅表現真係差強人意，如果可以提升一下就表現完美了。…查看更多

今日路過太和廣場，見到下午時間其他餐廳都要等，唯獨呢間唔使，所以就入咗去，但原來唔使等係有原因嘅！同老母叫左一個二人餐$138，有兩樣點心、一份茶加一個蒸飯。兩樣點心分別叫左蝦餃同小籠包，同普通酒樓冇乜分別，不過不失。菜心係白灼配一碟蠔油，冇乜特別。個飯就係重頭戲，章魚肉餅飯除咗馬蹄粒外都食唔到其他味，啲飯又勁硬，要靠甜鼓油先可以勉強食得落成個餐最有驚喜係佢跟餐送嘅湯，好夠味，幾好飲，但都彌補唔到個飯嘅缺失。:(…查看更多

以前細個同屋企人去完慈雲山探親人，就會落去荷里活廣場食夏麵館，印象中佢哋啲粗炒同小籠包都幾好食。到今時今日都已經幾年冇去過，咁啱今日路過就入去緬懷一下，結果中咗伏！！！先講服務態度，我同屋企人12點前已經入左去，店內尚未坐滿，店員亦聚集一起聊天，但我哋行到店中間店員先發現我哋，繼而詢問我哋人數。係咁嘅情況下仲收加一服務費再講食物，我哋冇叫套餐，散叫一個上海粗炒、一個小籠包、一個酸辣湯（例牌）、一個炒年糕。最先上嚟嘅係酸辣湯，完全唔熱剩係得暖，我哋唔介意佢係隔夜嘅(起碼冇臭味)，但你都應該完全翻熱晒先攞上檯掛？煲嘢用塊木板墊底攞上嚟，以為好熱，結果隻手掂個煲淨係覺得暖？？？小籠包正正常常，起碼佢熱過個酸辣湯。最後一個粗炒同炒年糕，賣相望落去還算可以，但真係得個賣相，純粹老抽落得夠，但食落去係唔夠味，而且碟底啲汁係水嚟，根本唔算得上係汁。啲年糕幾塊黐埋一齊，年糕中間根本冇味，直頭係白色。環境方面，尚算乾淨，但係啲枱好窄，偏偏啲碟全部都好大隻，唔夠位擺。冷氣亦未夠，飲飲下酸辣湯覺得好熱。…查看更多

個餐牌張相望落去幾好，諗住一定冇死。結果個侍應姐姐一攞碟嘢過嚟……下？！白雪雪嘅？醬呢？好啦，諗住啲肉醬喺個碟底度，結果撈完都係有啲白雪雪嘅意粉喺個碟入面，個餐牌碟意粉有幾咁紅，碟嘢上到嚟就有幾咁白。少失望。第一次見凍檸樂唔係放兩片檸檬，係放檸檬汁，雖然都有檸檬味，但始終點都差啲😅另外朋友叫左個溫泉蛋牛肉丼，賣相望落去幾好，上面嘅洋蔥偏生，朋友咬落口一啖就吐返出嚟。最後係個跟餐白湯，飲落去第一啖係一種熟悉嘅味道，就係759會買到嘅嗰隻粟米棒嘅味道，另外胡椒味都太濃烈。…查看更多