lkychristy的个人专页

我已經兩年冇寫食評，今次特別想為呢間餐廳寫一篇食評，因為唔好食到好想同大家分享。見之前食過呢間food court嘅某檔拉麵覺得幾好味之後，就嘗試發掘下其他檔嘅嘢好唔好食。今次試嘅呢個天婦羅飯定食，價錢$68算係比起市面上平，但係食完呢個之後，我寧願食返貴嗰啲。首先，佢嘅天婦羅我諗應該係一早炸好，所以食落其實凍冰冰，外面嘅炸皮係凍嘅，裏面啲蝦肉微暖。另外，佢嘅炸粉實在太厚硬，厚到覺得裏面有麵粉味，可能新鮮炸會好食少少？ 但係我應該唔會再幫襯呢間嘢。睇個樣其實幾靚，但味道真係麻麻，除咗個麵豉湯之外。…查看更多

我已經嚟咗呢間餐廳第五次啦，每次都一定會叫海南雞飯、美綠恐龍💓海南雞飯：鍾意點醬食又得，鍾意浸少少海南雞底下嘅汁又得，個人比較鍾意後者嘅食法，一嚟帶有少少豉油香，二來更帶出雞嘅香味，鍾意食雞髀嘅話，仲可以加$10轉雞髀🤤咖喱雞煲：咖喱雞煲應該都係用咗海南雞去整，但我覺得呢個菜式嘅重點係個汁，都幾惹味，非常適合送飯，而且咖喱煲亦有一粒粒迷你薯仔，薯仔表面少少脆，口感唔錯，但係我嚟過五次，唔係次次都係咁😂美綠恐龍：我的最愛，雖則美祿好容易整，但整得好飲都唔係間間可以做到，我覺得呢間嘅美綠恐龍真係做得好好，甜度恰當之餘，上面嘅美綠可可球同美綠粉嘅配搭非常👍🏼，基本上次次嚟到必點，當係甜品整體感覺：其實嚟過幾次，幾次嘅體驗都唔錯，唯獨是之前有一次覺得質素差咗，但最近再黎食又覺得好咗，所以之後諗起想食海南雞或者美祿恐龍，都會諗起呢間…查看更多

相中所有野食都推介，除咗炸豆腐，因為我覺得個豆腐比較普通。呢間餐廳環境十分好，菜式都十分精緻，特別欣賞佢嘅壽司上碟好靚，而且食得出材料好新鮮，三文魚肥美。熟食味道都幾好，例如燒雞翼，唔知係咪炭燒(?)，配上海鹽，味道確實不錯如果想食啲簡單嘅日本菜，都幾推介幾鍾意元朗呢間，因為去過其他地方嘅分店，例如九龍塘又一城嘅穴，佢主打嘅嘢食係日本直送嘅食材，而餐牌嘅嘢食都比較貴，一碟雜錦天婦羅都要$300+。 所以覺得元朗呢一間相對比較抵食，同埋呢度環境同味道都較好…查看更多

咁啱屋企人有商場優惠券，所以就揀咗呢間試吓。可能有優惠券嘅關係，好多人排隊，但係覺得味道真係冇乜特別。我同屋企人叫咗咖喱雞、星加坡炒粿條同埋一杯美祿恐龍。首先杯美祿恐龍，出面大把地方一定整得好飲過呢間餐廳，另外，星加坡炒粿條嗌咗小辣，其實都幾惹味，但係其實碟河粉都偏辣，事關面頭有堆辣椒乾/粉。咖喱雞就普普通通，咖喱雞啲雞係海南雞，都幾滑，但就冇乜雞味，而咖哩就係普通咖喱冇乜特別，個人而言，試一次就算了，性價比唔算高，而且更加好味嘅星加坡餐廳大把…查看更多

今次嚟到呢間第三站樓上Cafe，試咗黑松露雜菌意大利飯、卡邦尼意粉及蜜糖雞翼，另外仲叫咗杯特濃朱古力及Oreo奶昔。最鍾意係個意大利飯，好creamy，啖啖都帶黑松露香，至於意粉同飲品，個人就覺得比較港式西餐feel，份量都幾大份雞翼就普普通通啦:)呢間Cafe 座位舒服，但未必有cafe 嗰種好chill或者文青嘅感覺價錢合理，not bad! 如果一班朋友想玩board game，餐廳都有大卡位，成班朋友聚會嘅好地方…查看更多

一場黎到堅尼地城，叫左杯熱的cafe latte 同 心太軟 。餐廳佈置得好靚，打卡一流。咖啡好滑好香，心太軟都好有水準，賣相不錯。經過西環的人，不妨黎呢間試一試啦 😋😋…查看更多

其實我已經來過呢間餐廳幾次，都覺得味道還可以，但係今次食完之後，足以令到我唔想再黎。首先，第一樣最唔滿意的就係三文魚親子丼。講番句公道說話，三文魚新鮮，份量足夠。問題係個飯，每一啖都好似食緊未熟的飯，硬如勉強可以咀嚼的生米。我expect佢係好似壽司飯咁。第二樣野係前菜沙律。菜唔係問題，問題係佢個碗底有成半寸厚的水，溝淡唒啲醋。其實我明白洗菜係有水，我都鐘意食juicy的生菜。但係當我每一啖都係水多過菜，又冇哂沙律醋的味，個味真係唔知點形容。如果一間歺廳連最基本的米飯同沙律隔水都處理唔好，真係好難令我好好享受佢的餸。唯一值得讚就係個麵豉湯幾好飲，座位舒服，完。…查看更多

平時去開Pie&Tart專門店，都會買鮮奶撻。今次，由於較肚餓唔想食甜品住，所以就買左芝士蘑菇撻試一試。($13)呢個撻餡料有伴白汁煮過既蘑菇、粟米同少許洋蔥，幾足料。面頭仲有層金黃色既芝士包住，熱辣辣好吸引份量不太大，啱啱飽肚，路過九龍灣地鐵站既人不妨可以試一試。不過，個人認為貴左少少，間唔中食一次就好:)…查看更多