ganmiiu0415的个人专页

男朋友話想食poke bowl，見近近地油麻地有呢間咁多好評嘅PokeToke，就去試下。一入門口，店內4個員工8隻眼望住我地起碼5秒，但完全冇諗過問我地幾多位或者黎serve我地，嗰種感覺已經差到想行返出餐廳門口走🫠。到男朋友話兩位，其中一個男員工先話我地知坐邊，其他員工真係戴住口罩都feel到佢地黑曬面咁，完全唔知做乜。店內唔太多人，咁我地就放左個袋喺隔離枱張凳，然後隔左陣，有個女員工走黎收走隔離枱上個食客嘅碗，再好似打眼色話我地袋野阻住加講左句: 我要返呢張枱。❓❓❓我真係俾呢間野啲員工嘅態度差震撼到！其實你想我地拎開袋野都唔洗咁講啦，仲要我地以為有客入黎，望一望門口，冇人㗎喎。咁你要返張枱做乜啊請問？去到埋單，除左講收幾錢，一句多謝都冇，我去茶餐廳俾幾廿蚊食個常餐都好過你呢度啦，俾成一百蚊一個bowl，真係成肚氣！最後野食，係食得飽嘅，味道同香港食過嘅其他poke bowl味道相近，冇話特別平特別出色，覺得都係普通貨色。呢種服務態度，就算係黃店，我都唔會去食第二次！希望大家唔好盲目信佢咁多好評就一定高質！😡…查看更多

想揾一間唔太多人嘅cafe靜靜坐下relax下，Bite by Bite絕對係最好嘅選擇之一☺️！坐左兩個半鐘都冇俾侍應趕走，但好出奇一間食物質素咁好嘅餐廳喺星期日嘅晏晝竟然冇坐爆亦都唔洗排隊😮兩個lunch sets加甜品都好好食❤️1️⃣龍蝦汁海鮮意大利燴飯🦐配碗仔翅蒟蒻麵🍜Risotto嘅海鮮份量都好足，龍蝦汁好香，飯唔會太稀，食每一啖都好入味👍🏻碗仔翅蒟蒻麵有驚喜，擺盤幾有心思，配咗一塊炸魚皮，好味😋就算唔落醋都已經好有味~2️⃣慢煮美國封門牛柳沙茶天使麵🍝🥩配山椒鹹蛋黃雞翼🍗牛柳煮得夠嫩口，天使麵配沙茶醬有驚喜😳食完第一啖又想食第二啖😛牛柳同天使麵兩樣都係主菜啊，好夾🫶🏻鹹蛋黃雞翼味道OK，但略嫌鹹蛋黃醬唔夠多🤣3️⃣原味梳乎餅🥞本身見到個名都已經覺得同出邊有啲唔同，通常出邊都係叫梳乎厘🤣嚟到見到就知道佢大過一塊餅，絕對係望到都已經令人好開心嘅甜品😳！呢餐飯有佢做結尾真係好幸福🥰🥰🥰原味梳乎餅配咗蜜糖、芝士奶蓋同埋海鹽焦糖雪糕，鹹鹹甜甜咁加埋一齊，令人食唔停口😛好值得欣賞嘅係呢個梳乎餅同平時嘅梳乎厘質地唔一樣，佢係偏向蛋糕質地，咬落香甜又鬆軟，下次黎一定再嗌🥹！希望依家食物質素幾好嘅餐廳可以做得住，嚟緊會有多啲人賞識啦🥰…查看更多

星期六同男友黎到赤柱，諗起上次一路都冇食到嘅Pane e Latte，嚟到門口竟然發現唔需要排隊🥹，真係好好彩啊☺️！我哋被安排坐喺餐廳比較入嘅位置，可以望到顏色繽紛嘅各類sandwiches & bread🫶🏻我地order左truffle carbonara, signature croissant bomboloni, 一杯cappuccino同hazelnut latte~1️⃣Truffle carbonara🍝好香濃嘅truffle味，食落好cheesy，完全感受到羊奶芝士嘅顆粒感🧀，幾黏口嘅texture但唔會過膩🧡極度推介！2️⃣Signature croissant bomboloni🧡本身自己唔鍾意橙味，所以見到係orange blossom custard都有啲卻步😶，不過好慶幸有嗌到！微微嘅橙味同花香味加埋custard一啲都唔會死甜，薄薄嘅醬加埋鬆軟嘅牛角包，好match😍真係會想再encore嗌多個啊🧡！3️⃣Drinks絕對唔推介嘢飲！Cappuccino好似水咁淡，hazelnut latte好少少，但都係味好淡，飲剩半杯😕😕😕總括而言，建議大家嚟呢度試嘢食就好喇🤣主食同甜食都出色🧡！…查看更多

見到Openrice嘅好評同好好食咁嘅carbonara, 抱住唔會中伏嘅心態一試，食物同服務都令人好失望😕我地入左去坐低落單後20分鐘左右黎左carbonara，嗰陣都未覺野食黎得慢，純粹係奇怪杯熱朱古力同all day breakfast反而會後上過意份🤔1️⃣Carbonara唔太熱，雖然menu有寫明用日本雞蛋，但睇落同食落都唔夠蛋黃味，冇乜正常carbonara會有嘅漿口感覺，食完都冇乜滿足感。見野食太耐未到，但隔離枱遲過我地15分鐘到都上緊野食，我就請侍應跟跟張單。等多5分鐘，滿心觀喜見住佢拎個all day breakfast出黎，諗住實係我地呢枱。點知佢放喺隔離枱，當我地再追問佢係咪漏左單，佢話呢份all fay breakfast嘅單號係隔離枱。聽完都覺得好不可思議！睇得出餐廳嘅運作未夠成熟，而員工都唔識得點樣變通。雖然跟住佢出第二份all day breakfast，但我地已經一肚氣，再加上根本就唔好食。2️⃣All day breakfast嘅松露蛋太過一pat pat，唔係滑蛋feel，同我地喺Openrice見到嘅圖係唔一樣，圖文不符。其他野食就不過不失。我地嗌嘅熱朱古力最後先黎，但成間鋪都只係得4枱客，唔明白點解安排會咁混亂。我地食食下期間隔離枱有同侍應表示話天花板甩灰，要調去第二張枱，可見環境都一般般。唔會再幫襯，九龍城有其他更好嘅cafe選擇！…查看更多

屋企人生日，一早book定呢間餐廳試下☺️店員好細心，黎食之前稍早時間收到提醒問慶生蛋糕/甜品嘅安排☺️去到餐廳，我地被安排去到最入嘅房間位，好正😆真係想點傾計慶祝都唔會阻到隔離啊！(不過坐近廁所，度門閂門會棚棚聲，有時會嚇親😂)1️⃣Dinner Set for Two💛煙三文魚沙律嘅三文魚同菜都好新鮮，連埋胡麻醬，好快食完😋💛餐湯係蘑菇湯，啖啖都有濃濃蘑菇香味同碎粒🙈清酒煮蜆就一般啦，味道正常，食到幾隻都有沙🤍魷魚鬚份量較少，成碟都係魷魚條，但得一條魷魚鬚🙈💛 夏威夷pizza賣相一般，但勝在夠熱同多芝士，味道都ok!💛安格斯肉眼扒嗌左5成熟，煎得啱啱好。舊扒大大嚿，夠曬肉汁，yummy!!2️⃣香濃鮮茄大蝦帶子扁意粉意粉唔會太多汁太濕但夠味👍🏻蝦都大大隻 可以一試！3️⃣美國極黑豬鞍💛性價比ok! $200有兩舊大大嘅豬鞍，肉質唔會太淋，有少少咬口！薯蓉帶有奶油味，好味！Sense Cafe食物質素唔錯，員工服務好好！本身要收切餅費$80，但因為我地帶去嘅蛋糕鋪滿公仔好難俾佢地切，佢地都主動話唔需要收我地切餅費。去開佐敦嘅大家都多多支持呢間良心小店啦！💛💛💛…查看更多

朋友請食生日飯😆平時少食印度野，就揀左好似幾多好評同熱門dishes嘅餐廳😗。一入到去見到環境好大，但因為我地2點先到，只係得返兩枱客，後尾發現原來佢地3點落場🤔每張枱上都有支樽裝水同兩隻吉杯，本身我地仲諗咁好嘅，有樽裝水飲，後來俾錢先知樽水要$15，所以大家要留意喇😂！落左單冇耐啲野食都好快到，個人推介masala chicken同炸雞串❤️❤️❤️好惹味！1️⃣Masala Chicken with Garlic Naan🫓🥘每次去印度餐廳都必食嘅🤣呢間餐廳嘅Masala Chicken份量唔多，配埋個Naan係可以清曬嘅。雞肉細細舊好滑，所以好快就一啖接一啖食完😝2️⃣Saucy Chicken Lollipop炸雞串個名叫做lollipop，好有趣😛賣相唔太靚，同我地想像中有出入，但係個汁同炸得juicy嘅雞槌真係好夾。絕對適合唔係好食得辣嘅朋友🥳3️⃣Butter Dosa🧈如果想打卡嘅可以嗌，但預左唔太好食😟Butter dosa配左左4款醬，包括普通咖喱、紅咖喱、青咖喱同帶有蒜蓉味嘅mayo~醬料冇乜問題，係butter dosa較淋同濕，完全唔係想像中我地鐘意嘅印度野。另外真係太大個，最後我地只係夾硬食左一半。總括黎講，鐘意食印度野嘅絕對可以去試下啲最大路嘅dishes，熱門butter dosa不了🫣…查看更多

本身自己唔特別鐘意食越南菜，但食完越男仔都覺得係性價比高，可以再試嘅選擇🥰🤭1️⃣雞翼豬骨湯檬粉本身豬骨湯味已經夠濃夠香，熱辣辣🔥根據個人喜好，落多幾羹生蒜更加惹味，檬粉亦都好入味，配埋輕輕浸過湯嘅雞翼，煎得剛剛好，出色！🤤2️⃣胡志明市番茄四寶湯檬粉呢個價錢有咁大碗，仲要啖啖肉，男仔食都會覺得飽啊😗番茄湯好香同埋開胃，食左幾啖肉飲啖茄湯解解油膩啊3️⃣流心芝士蝦多士多士外層脆皮炸得唔厚，食到多啲嘅蝦肉。不過作為一個芝士愛好者，如果有多啲流心芝士就更好，感覺上芝士香味未夠重。飲品不過不失，漏漏啡打卡黎講都幾有特色，味道同出面齋啡都冇乜分別啦。而椰汁冰夠重椰香，所以都冇失望！👍🏻越男仔絕對係大家想食平價黃店嘅不二之選啊🥰🥰🥰！…查看更多

今日喺月山食完生日飯就要即刻寫食評，記低呢餐嘅各種美好☺️。可惜嘅係我呢個食評冇得include所有美食相🥺🥺。一入到餐廳，接待嘅員工已經服務好好👍🏻，因為我地book4pm，但早左15mins到，接待小姐安排左我地坐低飲杯熱茶等一等。大約等左5mins，我地都可以入座木船造型嘅omakase吧台喇！🤩一坐低，不得不讚嘅係服務真係十分好，樓面員工不斷加茶加酒，亦有幫忙收碟，時時刻刻都留意住客人嘅需要。今晚去食，佢地仲送左每枱一支易入口嘅sake俾客人飲，真正嘅美酒配佳餚。另外師傅介紹omakase每款唔同嘅食物都好仔細，亦好樂意答我地嘅問題☺️，絕對係食好野之餘都學左唔少野！1️⃣腐皮卷配魚子芝麻醬💛💛💛💛💛第一啖食落去已經覺得有驚喜，芝麻醬嘅香味完全滲入有一定厚度嘅腐皮卷內，一啲都唔單調。2️⃣深海池魚💛💛💛呢間omakase嘅刺身都偏向企身有質感，唔會太過油膩，厚薄度適中。3️⃣岩手県當季生蠔💛💛💛💛💛師傅將生蠔切開兩份，兩邊都好肥美，配搭柚子啫喱、青蔥同紫蘇花，各有獨特之處。4️⃣吞拿魚配秘魯黃椒汁💛💛💛💛帶有少少酸味嘅秘魯汁配埋吞拿魚肉，特別開胃。5️⃣炸魚柳蒟蒻粒💛💛💛因為自己本身唔食牛，師傅幫我轉咗做魚柳配一粒蒟蒻。即炸即食熱辣辣，魚肉非常滑加啖啖肉，配埋味道幾夾嘅海藻醬。不過蒟蒻係冇味嘅所以唔覺得有咩特別😂。6️⃣金目鯛壽司💛💛💛💛輕微燒過嘅金目鯛油分多少少，食落帶有油香。7️⃣北海道帆立貝壽司💛💛💛💛💛帆立貝同期望中一樣，鮮甜大粒，配埋少少日本醬油，更顯鮮甜味。8️⃣白蝦壽司💛💛💛💛💛白蝦壽司口感非常特別，質感比較稠身黏口，食真啲會慢慢食到分返開嘅一細隻一細隻白蝦。9️⃣赤陸喉黑壽司💛💛💛💛師傅介紹呢種魚喉嚨內部係黑色，所以叫做喉黑。食落同其他壽司一樣帶有輕輕燻過嘅油脂味。🔟沙白石斑配豆腐💛💛💛💛好少見到咁大隻嘅沙白，咬一啖已經感受到咇出嚟嘅湯汁。另外兩款魚肉鮮味好重，但肉質一啲都唔老。最後食埋個甜甜地嘅豆腐，冇得彈！1️⃣1️⃣墨魚壽司💛💛💛💛有少少似白蝦壽司嘅口感，比較稠身黏口，貫徹墨魚風味。1️⃣2️⃣超拖羅壽司💛💛💛💛💛超拖羅好香，係食咗咁多款壽司入邊其中最有油分嘅一款，好啱口味！再加上食之前， 師傅拎咗一大舊13日熟成拖羅介紹俾我地知，所以呢款超拖羅真係唔係一買返黎就有得食㗎🤣！1️⃣3️⃣吞拿魚赤身壽司💛💛💛💛💛男友大讚吞拿魚冇根，就算係最瘦肉嘅部位，都覺得好出色。1️⃣4️⃣醋醃鯖魚紫菜卷💛💛💛💛鯖魚肉配埋內裏提味嘅配菜，用輕輕烘過嘅紫菜包住，同啱啱食嘅壽司風味不一。1️⃣5️⃣小川海膽馬糞💛💛💛💛💛自己本來唔特別鍾意食海膽，但係呢款海膽冇腥味，入口唔算即深溶，但係好滑。1️⃣6️⃣吞拿魚下爬骹💛💛💛💛💛已經被熬到好似變咗其他香香嘅肉味，但質感依然係魚嘅滑溜，食落覺得好神奇。1️⃣7️⃣玉子燒💛💛💛💛呢款玉子燒同出面嘅古早味蛋糕質感類似，師傅表示係傳統做法，將玉子燒底燒兩至三小時，口感比較似蛋糕嘅厚實。1️⃣8️⃣九州走地雞湯配螢光魷魚💛💛💛💛最後一味應該係雞湯，冇諗到食魚生都有雞湯飲。店員仲好有心問我哋夠唔夠飽需唔需要加麵線。雞湯夠濃味，亦有少量雞肉喺入面。見隔離枱有得食螢光魷魚，師傅都特登整俾我哋😆😆，首先需要輕輕烤骹魷魚，再配上麵豉醋，味道10分配搭。1️⃣9️⃣士多啤梨mochi餅配蜜瓜💛💛💛蜜瓜好甜，mochi餅皮好脆，內裏有少少士多啤梨肉。好有心思嘅係寫生日祝福嘅紙原來係用砧板嘅檀木做，師傅話可以拎返去燒香薰，就咁聞已經有好香檀木味。呢間餐廳嘅服務周到，食物質素高，亦都一啲都唔吝嗇對客人嘅慷慨，有酒送亦有額外比男友食多一個玉子燒🤣🤣。絕對係一餐愉快嘅生日晚餐啊🥰！…查看更多

星期日出開深水埗，好快諗起之前經過就被佢土耳其風裝修吸引到嘅呢間餐廳😗1點左右去到門口，前面有兩對情侶等緊，我地等左15分鐘左右都入得👏🏻，仲好幸運地坐到近口嘅打卡大地氈座位，好chill!!!🥰不得不讚，由拎位到埋單走人，店員嘅服務態度都非常好👍🏻，上菜好快，又好細心詢問我地想坐咩座位，我地影緊相都叫我地影埋先，佢先放低食物🙈🤣。食物質素中上，配埋個環境，真係好適合同朋友食下好野，relax傾下計！😆Nachos🇪🇸呢樣冇乜好挑剔，chips同醬都係現成嘅，嗌黎純粹想止下口痕😂。Argentina Chimichurri Linguine🇦🇷🍝意粉有少少香辣味，配上兩隻蝦同三隻青口。不過略嫌意粉份量不足，食完都唔覺得好飽。😂Georgian Butter Garlic Chicken🇬🇪Butter Garlic汁嘅奶香味配搭雞扒嘅嫩滑口感，有驚喜地覺得好好食😆！如果雞扒大塊啲就好喇！男仔食量一定覺得唔夠！整體而言，坐特色大地氈座位係一個加分位👍🏻，坐入面會比較逼，但都睇得出老闆花左好多心思打造成間鋪嘅異國情調☺️。呢間餐廳唔只食個chill環境，食物有質素，只係份量就啱女仔客人多啲喇。…查看更多

晏晝12點半左右黎到駱駝漆，餐廳都係得返一兩張空枱，真係遲幾分鐘都要等位啊🤣本身一心想試mac&cheese burger，不過問完店員，佢都好有禮貌同我地講原來只可以跟牛🥺落單前都留意到餐廳有提供vegan option，將包轉做生菜提供俾客人，都幾有創意👍🏻不過我地今次都係試返普通burger先喇😁1️⃣經典美式Mac’ n Cheese牛肉漢堡男友嗌左熱門呢款，一咬落去發覺包好脆，係烘烤過，帶少少酸酸嘅味道😗。Burger內嘅洋蔥汁好香好食，成個包充滿好多洋蔥，感覺幾開胃😋👍🏻牛肉整得唔乾，很唔錯😆👍🏻，薯條唔夠熱但夠味，mac&cheese match個burger，不過醬汁搶味，所以佢就變成點綴喇。2️⃣IC水牛城炸雞漢堡一上枱就俾夾喺包入面嘅兩球雲呢拿雪糕震撼左😧😧😧呢款包絕對係要用刀叉先食到嘅包🤣雪糕上面鋪左啲楓糖漿，但因為本人麻麻地楓糖漿，覺得單靠雪糕甜味再混和水牛城汁，甜甜辣辣，已經幾香幾特別👍🏻。炸雞大大塊嘅，但雞肉都夠滑，每啖食前加少少雪糕，有啲似以前喺麥當勞薯條點雪糕嘅感覺🤣🤣🤣總括嚟講，單單係鋪頭提供嘅burger嘅創意度都值得大家去試一試，同出面食到嘅絕對好大唔同啊😆！…查看更多

約左朋友喺觀塘嗌外賣食lunch，等左5-10分鐘左右，外賣就拎得喇😆去到附近食嗰陣仲熱辣辣嘅👍🏻1️⃣慢煮火炙牛腹扒丼🥩呢個似係慢煮屋signature，朋友話牛丼味道唔錯，不過黑椒汁略為鹹左啲，有啲似茶記食扒餐落嘅黑椒汁🤣如果個汁可以淡返少少，可能牛腹扒嘅香味會出啲。2️⃣照燒慢煮鳥肉芝士爆丼🧀🍗本身自己大愛芝士，所以嗌左多芝士🤤。一打開真係鋪滿輕輕燒過溶左嘅芝士喺雞肉上面，後面揭開先見到係成隻雞髀肉，份量十足👍🏻而肉質都好嫩滑得黎唔乾☺️。建議鐘意食大大隻雞髀嘅朋友可以一試呢個飯！3️⃣慢煮屋布丁燒🍮呢款布丁燒焦糖味唔重，不過都食到布丁嘅香甜味。上層嘅蛋糕亦偏向鬆軟，所以同布丁都好夾👍🏻雖然駱駝漆好多好野食，但都有機會再試呢間餐廳，依家外賣自取嘅價錢食到個慢煮丼都真係抵食嘅！👍🏻…查看更多

晏晝lunch時間黎到Bold Coffee，餐廳都好多人，但好彩都有幾枱空枱。我同男友坐左喺餐廳較入位置，牆上佈滿唔同色彩長短嘅布，好有深水埗特色🤣睇睇佢個menu，一樣係印左食物飲品名喺唔同色系嘅布上，完全貫徹呢間cafe嘅style！😆我地兩個人嗌左兩樣主食加一個甜品，等左10-15mins都陸續上兩個主食。Carbonara🍝一睇個樣都覺得係有誠意嘅carbonara，味道唔錯，影完相食都仲係暖暖地☺️食每啖意粉都feel到有蛋液包住，蛋味夠👍🏻。不過建議係可以落多啲煙肉去增加返成個意粉嘅鹹味，略嫌唔太夠味。Smoked salmon & scrambled egg sourdough toast🥪味道正常，對比起同類cafe，冇乜太大突破或驚喜。份量都足夠，大量沙律菜。不過如果去Bold Coffee，建議留返quota試其他野食喇~S’more Croffle🥐見到croffle，真係即刻要嗌喇。黎到見到大大份，感覺上都算幾抵食😆。呢個croffle比起出面食過嘅偏厚身啲，感覺上冇壓到好實，保留左croissant嘅空氣感同鬆脆😗個人覺得都唔錯，所以食落又覺得佢大份啲🤣香蕉燒得有啲太過，變得偏苦左啲，配返輕輕燒過嘅棉花糖，有啲甜味中和返就ok lah☺️下次有機會再去會試下佢嘅野飲，睇相見到啲拉花都覺得好靚啊🤤…查看更多

自己本身甚少出西環，難得黎到附近，梗係一試bookmarked左好耐嘅Hohon Eatery。我黎到嗰陣都未夠12點，所以未開門，但店主好好，早幾分鐘叫我地坐低喺出面等同睇下menu先👍🏻。我同朋友嗌左Cheesy Rigatoni with Bacon, Chicken Burger (Mayo選擇左煙燻口味), Homemade Brûlée Cheesecake同埋兩杯凍桂花烏龍☺️。等左10分鐘左右，食物飲品都好快到👏🏿。Cheesy Rigatoni嘅味道同平時食嘅mac and cheese好唔一樣，聞落有一陣淡淡嘅檸檬皮味🍋。初頭食係有啲唔慣，但因為自己好鐘意食蔥，所以慢慢食多幾啖，覺得越食越開胃🤤。而青蔥味都可以中和返芝士嘅肥膩，所以絕對冇食厭嘅感覺啊！👍🏻👍🏻👍🏻撈埋啲bacon，就多啲口感，有肉都係開心啲🤣！Chicken Burger嘅包係用竹炭包，雞扒都算係大啖大啖嘅肉，加埋煙燻左嘅蛋黃醬，個醬汁絕對係令到個包更加juicy，提升左佢嘅味道，絕對係可以好快食完🥳。喺我影相途中，朋友已經食完自己嗰半邊burger🤣。一場黎到梗係要試埋熱門推薦嘅cream brûlée cheesecake😋，蛋糕質感偏向日式芝士蛋糕嘅軟身，如果可以硬身少少似New York Cheesecake應該會仲正👍🏻芝士香味夠濃郁，配埋蛋糕面層薄薄嘅焦糖脆片，帶少少苦甘味，中和返蛋糕嘅甜味，感覺上食多件都得啊🥰！最後店主都好細心問返我地食物質素點，好照顧客人需要。希望呢間咁高質嘅黃店可以長做長有，大家去多多支持下啦😁！…查看更多

12:30pm黎到餐廳門口，以為一定唔洗等位就入得座，我地真係太天真兼低估左餐廳嘅知名度😨。我地等左10分鐘入得，仲有好幾個等緊外賣嘅客人企喺門口。入到去即刻落單，見到$70左右價錢就食到一個便當連伴菜同飲品，覺得都好抵食！👍🏻因為我唔係好餓，嗌左冇咁heavy嘅古早味手工滷肉便當😆呢個飯好有驚喜，份量超十足，滷肉唔會太肥兼且啲滷肉汁沾滿每粒飯，絕對冇揸流攤㗎🤣。每樣伴菜都好match個飯，個人覺得蓮藕片同炒粉絲都好入味，蓮藕片好薄好爽口，絕對為個飯當加添左更多好味😛！男友嗌嘅香酥排骨便當 (海苔)等左陣都黎喇，一上枱見到成塊排骨鋪滿個飯碗，真係嘩左出聲🤩就算切左細細塊都仲係好大塊，啖啖肉啊！值得一讚嘅係佢真係真材實料，出面嘅脆皮夠薄，唔會食到成層粉咁。不過男友表示嗌鹽酥味可能會更加好食。飲品我地嗌左唔洗加錢嘅凍茉莉綠茶，最有驚喜嘅係佢只帶有清甜，感覺上冇落咩糖水，完全冇平時喺出面飲台式飲品嗰種甜到震嘅感覺。食完比較肥膩嘅便當飲呢個綠茶清清味蕾同腸胃都唔錯😙。總括而言，呢間餐廳係值得咁多人排隊同等外賣嘅，有機會經過大角咀一定會再試！🥰🥰🥰…查看更多

一早同男友揾定呢間Coffee shop一心要試，就算落微微雨，本身又唔鐘意排隊，都無阻我地排隊排左一粒鐘。當下一張枱就輪到我地，當然好興奮啦😆，但係突然有3個男仔入左去坐低左，本身都唔係排緊隊嘅，我地同後面對情侶都下左出聲，呆左😨😨😨😨😨。最令我地不滿嘅係冇任何一位店員出黎同我地解釋點解可以有人無視條人龍入左去坐低。隔多左10分鐘左右，終於到我地入座。越諗越唔忿氣之下，我出去點餐嗰陣都問左店員點解嗰幾位客人可以冇排隊入先，佢先解釋佢地係打左電話落黎book位。其實我覺得呢個原因係可接受，只係作為排左咁耐隊，一樣係客人嘅我，會期望得到店員主動嘅解釋。所以，大家如果唔想排隊，就打電話去訂位先喇！食物方面，我地嗌左salmon scrambled sourdough, carbonara, tiramisu同一杯black coffee。老實說，食物質素真係幾好👍🏻👍🏻👍🏻Main同Dessert我地都覺得好值得推介。Salmon scrambled sourdough~男友表示份量足夠，炒蛋好滑亦好夠味，所以好容易好快食曬😋。Carbonara~睇樣子已經覺得好吸引，有足夠蛋黃，而蛋黃好深色，似係用日本蛋👍🏻不過略嫌唔夠熱，我地影完相好快食，都已經凍曬。Tiramisu~✨✨✨重量級推介！！！本身我地都唔特別鍾意食Tiramisu，但係超慶幸我地有嗌到。Tiramisu好滑，滑到入口即溶，完全冇平時食嗰種覺得食到海棉蛋糕嘅texture。鐘意食Tiramisu嘅朋友必定要試啊！😋😋😋如果下次想去食，應該都會打去book定位，希望唔洗等咁耐🤣🤣。…查看更多