ben_z的个人专页

星期日黎到葵廣掃街，葵廣出名多平價小食檔，經過見到呢間舖仔細細又隱閉，但係店前企滿人，原來係食手抓餅，之前係旺中都見過，不過果次食飽野無食到，今次就試下啦呢度係先同店員落Order講要邊款先，然後10-15分鐘之後再返黎，拎食物既時候先俾錢點左招牌火腿雞蛋肉鬆手抓餅($26)饀料勁豐富仲有生菜同蕃茄餅皮勁酥脆，加埋啲醬料，勁夾勁好食難怪真係咁多人，隔左一個鐘再經過已經見到佢放左塊手抓餅已售罄既牌出嚟果時先係下午三點左右，證明呢間手抓餅真係好受歡迎下次再黎試埋其他口味先…查看更多

突然心血來潮黎葵廣再掃街年青時候嘅回憶見到呢間章魚燒好多人排隊揀咗個火炙熔岩芝士脆脆唔洗等好耐，大概等左5分鐘左右入面有大大粒章魚面頭有芝士沙律醬墨西哥脆同木魚熱辣辣又有咬口完全顛覆咗以前食嘅普通章魚燒好特別有唔同質感味道剛剛好我覺得個Nachos完全係提升左個章魚燒$34/6粒 $40/8粒好飲恨淨係嗌左6粒因為想留肚食埋其他舖結果覺得唔夠食本身想試埋明太子或者係蟹膏如果可以mix就好了下次再嚟試埋其他口味…查看更多

疫情前都嚟過呢度食過幾次宵夜近期睇到有YouTuber介紹又想再嚟呢度試OpenRice依排有券可以買$158一位，分時段再加服務費不過要早一日預約今日突然興起行過好想食咁唯有俾正價啦20:30左右入座，唔使等黎到就有位$248一位另收加一串串多達三十多款另有多款小食提供飲品有汽水茶及啤酒任飲全部都係任飲任食湯底點咗大辣多麻大部份食材都係超吸湯超推介豬皮豆卜蘿蔔薯仔魔芋有咬口嘅肥腸魷魚牛肋肉杏鮑菇辣度剛好，香口竹簽可放在桌上提供的竹筒每台都有紙巾提供，相當貼心小食全部都好入味，好開胃最喜歡藤椒雞軟骨同棒棒雞雞軟骨辣辣地，有藤椒獨有的香味棒棒雞即係麻醬青瓜雞絲，香口好味店員姐姐十分有禮連廚師叔叔都好好客整個用餐過程十分愉快…查看更多

我最鍾意食辣雞煲麻辣火鍋烤魚水煮系列酸菜魚係最愛見有Youtuber介紹，原本想試任食價錢唔貴又多野食，不過得2個人，又好似食唔到咁多野，所以無試到最後單點酸菜魚($168) 點左中辣同水煮田雞($188) 點左大辣本身睇個價錢都覺得正常，平時其他地方食都差唔多，一黎到真係嚇親份量多到嚇親我酸菜魚($168)超級多魚片，無骨嫩滑，酸菜爽口，湯底清甜酸度足夠，好開胃，只係略嫌唔夠辣底有大量芽菜，蓮藕，萵筍，豆卜，寬粉全部吸晒湯汁勁好食水煮田雞($188)田雞份量都多，煮得好嫩滑，辣度都足夠，面頭辣油可以一直保存熱度，底部同樣有大量配料，同樣吸汁好味呢個價錢，有咁既份量，性價比超值，一定會再黎…查看更多

某日係旺角路過茶救星球，見到苦瓜檸檬茶，一聽到苦瓜即刻耍手零頭，苦瓜好似從小到大都係天敵:(但係老公好想試，於是買杯試下，價錢唔算貴，只係$29一杯等候時間有啲耐，天氣太熱，店內有冷氣有座位可使客人等候或用餐等左大概20分鐘，終於到手，每杯附送可愛麻雀一隻，真係好想儲齊一套苦瓜檸檬茶，飲落清新，一啲都唔苦，內有苦瓜肉，苦瓜同檸檬味好夾，消暑一流，仲有清熱解毒效果，飲多幾杯都無罪惡感下次試埋個芫茜檸檬茶先…查看更多

每星期放假都要食拉麵如果唔係因爲對面霸嗎排長龍，都唔想過黎食尖沙咀呢間真係越做越差上次同朋友黎食，一個食赤王 一個食翠王個名煮得岩，個內容調轉左黎煮下午黎食的話想搵個員工都難一直都係打緊機尖沙咀呢間長期唔開冷氣食到身水身汗今次 食食下要講個電話啫前後問左我三次係咪唔要幫你收走佢問到我都唔敢繼續食想飲埋杯水啫 就一直企係我隔離好似想我快啲走咁咁多間分店都食過由以前一星期食兩次到依家一年先食兩次下次都係食返對面果間算:(…查看更多

我係拉麵控一放假就會去食拉麵以前都係食開豚王但豚王都退步了之後就食霸嗎拉麵辛辣炙燒豚肉味玉拉麵加餃子湯底香濃亦夠辣餃子香口基本上依家每星期都會黎食一次都食左差不多半年今次真係有啲失望餃子底是滿滿的油入口每啖都是油…查看更多

呢間開左一直都想試今日黎食個下午茶 見都好平 食左個煙肉忌廉意粉食物正常 下午茶份量都好大份凍奶茶 好難飲埋單 $40 俾$100 店員收$100都要驗屍咁check然後店員問我有無第二張原來個角崩左少少，真係唔驗屍咁睇都唔覺眼佢話入唔到機真係r晒頭，張銀紙都係係櫃員機㩒出黎完全唔知店員要入乜野機自己都係做飲食，都唔會mean到食40蚊收100蚊要驗屍咁check銀紙更何況呢啲銀紙銀行唔會唔收，亦唔會入唔到機，更更更何況，呢張都係係銀行啲機度出黎以後都唔會黎食…查看更多

我不嬲都好鍾意食拉麵，平時都係食開豚王，一直都想試呢間，趁今日有時間就黎試下，下午茶時間，無乜人，嗌左個辛辣三田特製拉麵，加隻半熟蛋同一份煎餃子，拉麵大概三至五分就到，個湯底好清，一啲都唔辣，半熟蛋正常，餃子不過不失，中份量既麵原來只係好細份，兩啖就食晒，女仔嗌大份量都食得晒就係因為太靜，所有員工都圍埋傾計，全程都聽住班員工傾計仲有一個女員工特別啲，全程企係度飲緊盒豆腐花總括，味道無特別，無服務可言，可以不試。…查看更多

行經朗豪坊想飲杯咖啡，只係order一杯普通既Latte，好厚泡，無啡味，無拉花，之前係尖沙咀果間飲都無咁差，就算好豆好奶好咖啡機，咖啡師唔好就出事，浪費晒，不如花啲心機培訓下班咖啡師…查看更多

俾門口既menu照片同裝修呃左，見入面都幾full，覺得應該都唔差，嗌左個蕎麥麵同豬扒拉麵地獄湯底，加左杯白桃西柚果茶，等左十分鐘左右就有蕎麥麵看似好豐富，有好多配料，冷麵汁好咸，蕎麥麵本身已混合芝麻醬，餐牌無寫明，如果本身唔食麻醬就真係唔知點算配料啲青瓜乾既，啲蝦未食已經見到好豐滿既蝦腸，即係食緊💩地獄湯拉麵，唔辣，勁咸果茶無白桃味，唔好飲，得個靚字個男店員同個廚房傾計，講晒粗口一次就夠，以後唔會黎…查看更多

lunch time行經apm,間間都爆滿，係得呢間有位，又想食意粉就試下...企係門口一陣都無人理，成分鐘先有一個waitress嗌另一個waitress話門口有人，答佢兩位之後個侍應一句都無講就轉身行左去，我都唔知佢係想帶我位定點樣...個個侍應都木口木面:(叫左個香蒜欖油蜆肉意粉同露荀忌廉豬扒飯餐湯係類似洋蔥忌廉湯，一啲味都無男朋友個露荀忌廉豬扒飯，賣相似茶餐廳碟頭飯，我無試，男朋友只係話，唔難食囉我叫既香蒜欖油蜆肉意粉，咸到完全入唔到口，食左三分一已經唔想再食餐飲加錢轉左大杯iced mocha，似飲凍朱古力多啲，無乜咖啡味總括，難食難食同難食！下次再來的話，都係淨係食蛋糕算啦。。。…查看更多

勁鍾意食辣既我，見到米線陣有玩命辣湯，一直都好想試，今日返工趁放飯就黎食。。。睇到其他食評話玩命辣湯係清湯同辣汁分開上，但落少少都已經好夠味好辣，我就只係嗌左中辣，唔敢嗌大辣。仲嗌左手拍青瓜同大汗雞翼。野食黎得好快，試左啖湯，好咸，唔敢落太多辣汁，輕輕試左滴先，唔辣，成兜倒晒落去，真係一啲味都無，啲米線又碎，夾唔到。青瓜都係一味得個咸字，雞翼皮幾脆，幾香，但都係一啲都唔辣。好失望。:(…查看更多

隔左幾個月再黎，差左勁多我本身係牛扒愛好者嗌左個蘇格蘭牛扒餐湯忌廉湯，無味牛扒'那'到過晒火，無晒牛扒本身應有既口感入口可以'梅'爛，咬都唔洗太失望應該唔會再黎…查看更多

收工同男朋友係厚福街搵野食，見到呢間食肉燥飯既幾平下，就試下。 坐位係搭枱坐既，勁迫，茶餐廳咁，坐得好唔舒服。嗌左個薑葱豬頸肉撈公，辣香腸，小食拼盤同鐵板牛排肉燥飯。香腸同拼盤食到底係有成匙油係度，張紙都吸唔晒，啲油係裝住咁上枱，好恐怖。其他野味道一般。見到啲油都唔敢再黎。:(…查看更多