828的个人专页

最近我到訪了屏山的一間名叫雄記的餐廳，這裡以手工意粉聞名。這次的用餐體驗讓我留下了深刻的印象，值得一提的是，餐廳的老闆在客人點菜後會立即開始製作麵條，這樣的新鮮感讓整個用餐過程更加期待。我點了兩道意粉：明太子海鮮意粉和紅酒燉牛肉意粉。明太子海鮮意粉的海味鮮美，意粉的口感煙韌，彷彿可以感受到每一根麵條都是用心製作的。紅酒燉牛肉意粉則帶有濃郁的醬汁，肉質柔嫩，與手工意粉的搭配相得益彰，讓人忍不住一口接一口。除了主菜，餐廳的甜品和飲品也相當出色。特別是他們的Tiramisu，與一般的做法不同，裡面加入了小小的朱古力碎，增添了口感的層次，讓人感受到一種意想不到的驚喜。整體而言，雄記餐廳不僅提供了美味的手工意粉，還帶來了難忘的用餐體驗。無論是食材的新鮮度還是料理的用心程度，都讓人感受到這家餐廳的獨特魅力。強烈推薦給喜愛意粉的朋友們，來這裡絕對不會失望！…查看更多

經deliver woo送到，好快就收到！所有用料都好新鮮 ，漢堡扒夠Juice且有牛味！爆肉汁！漢堡包份量比其他的足料！薯條都好味，是炸得脆脆的，如果份量多啲會更加好！…查看更多

見新開環境又幾靚就入去試吓，點知有驚喜！黑松露煙燻流心蛋黑松露配上好重煙熏味嘅流心蛋，好正！流心啱啱見到！灌湯小籠包皮搓得剛好，柔軟！入面的湯汁都好鮮味。砂鍋雲吞雞火腿上湯好濃，好鮮甜！雲呑好鮮味！雞亦都ok爆汁牛肉餅都好好味🤤，好有水準！乾煸四季豆肉碎炒得好香口，送飯應該幾正！甜品點了兩款，雪糕楊枝甘露同埋花雕焦糖燉蛋個花雕焦糖燉蛋好出色！淡淡的花雕味又不會太搶，好想再試！整體嚟講，呢間間餐廳幾有質素，下次叫多啲人試多啲嘢先得！中環區呢個價錢算幾合理…查看更多

原諒我只係影咗幾張相，因為真係好好味！個白貝湯底真係好鮮甜，而且一路打一路飲，真係好好味！另外嗰邊點咗台式麻辣火鍋，啲豆腐同埋啲鴨血都好好味！牛肉就稍為有啲硬，可能要叫到日本嗰隻級數先正！…查看更多

睇完咁多咁好的食評，滿心期待去同個女慶祝生日🎂！點知真係幾失望。訂咗8:15位，好快入座！前菜點了scallop carpaccio ，一點鮮味都冇!想點Ox Cheek Pappardelle,冇晒！轉Duck Ragu pappardelle,麵的質地係整得好嘅，但偏咸😣😣⋯⋯主菜點了Spring Chicken 和Steak Tagliata, 雞肉超鞋，凍咗完全咬唔開，乾到好似用微波爐整熱一樣。Steak…肉質係完完全全咬唔爛令人徹底嘅失望！之前有人打來confirm 生日甜品的人名，我已經逐個字S for xxx, T for xxx咁樣去講，最後嚟到，連名都寫錯p寫咗t … 同個侍應講佢串錯，跟住佢幫我收咗，都俾返我嘅時候，見到求其喺上面加一筆就算，真係好核突我唔敢再去冇朋友試過的餐廳了！一句講晒，又貴又唔好食！完！…查看更多

一星期前已經在OpenRice 訂位，一日前也電話confirm 。當日準時去到，那支客話埋緊單埋緊單！最後等了35分鐘仍然未有位，已經好激氣，最後仍然未見有客會離座，追問後被點了去坐貨lift，上到去17樓佢話安排另一張枱比我地。。🤬🤬🤬🤬我一早已經講咗是慶祝生日，蛋糕都預備好，點知上到去係安排一張冇冷氣的臨時枱。真係好過分，即係走落去揾負責人。佢不停話果度係房，根本就離唒大譜！大家如果想受氣就去幫襯啦！…查看更多

今日經外賣平台 點了外賣自取的海南雞飯套餐。一打開見到啲雞就知出事，食落完全冇味，同白烚冇分別！肉質好鞋，咬唔爛，份量更加少得可憐！食完一小時後更出現腸胃炎，又屙又嘔，真係咪搞。…查看更多

好耐冇寫食評！但今次真係有驚喜！行完街見到有客家菜食，座位又幾寬闊，就入去試下！點知好有驚喜五個朋友點了五個菜，剛剛好！原來之前在太子搬過來，已經有十幾年嘅老字號，老闆是正宗客家人，難怪令我揾番以前婆婆做的味道！鹽焗雞整得好好味！皮是脆的，雞肉嘅鹹度啱啱好，好快已經成碟清晒😂😂！客家梅菜扣肉，炆得好好味，扣肉入口即化，單是梅菜已好好送飯！真係好正！👍👍👍👍另外有個叫豬肉釀蠔鼓，好特別！好難喺出邊搵到呢個味道！一定會來再幫襯！…查看更多

Boxing Day晚，唔爆仲有好多空枱，入到嚟感覺好冷清！自開張後幫襯過三四次，都冇乜問題。今次食完，真係唔會再來！Ribs，Lam Chops賣相ok，但完全唔入味，唔點醬汁真係食梗雪藏肉一樣!配菜係小椰菜球，淋到好似BB菜，叫客人點食呀？薯條，凍嘅！麵包唔叫唔嚟，嚟到，又係凍嘅！上次食過嘅Risotto冇問題的，今次好似一pat漿，連咁基本嘅嘢都煮成咁，唉，冇眼睇！佢哋咁趕客，點搞？真係最後一次…查看更多

下午4:30開始等位，一直都有好些人走，但一直都唔入人！門口一大堆人等位。我眼見已有四張空枱，忍唔住問點解咁多位都唔入人？那個帶位的竟然超衰格的樣反問：「你邊隻眼見到有好多枱？」嘩！咩事呀？我嚟受氣㗎？然後他施施然接一個牌出嚟 ，表示員工要晚饍，等侯時間會延長！我即時走人，越諗越火滾！這些公司請倒呢啲咁識趕客的精英真係勁！…查看更多

兒子今日生日，諗住去食乳豬慶祝一下。星期六的晚上，一入去只有兩枱客，感覺和平時很不同。我們本想叫之前食過的冰梅骨，但侍應說有好多菜式都更改了，於是點了慣常食的乳豬，乾撈粉絲煲，椒鹽鮮魷，啫啫通菜煲，例湯是海底椰煲豬骨。先來湯，一個字～淡，湯渣完全冇嘢食，我不知他放上枱做什麼？椒鹽鮮魷，新鮮魷魚好貴嗎？用上急凍的，完全不知道食梗什麼？乳豬，皮是做到鬆化，但肉就有點豬的up味。最大件事：海皇乾撈粉絲煲。真係完全唔掂，size細了一倍。這是之前的招牌菜，現在簡直和一個普通的炒粉絲都不如。一問之下，答案原來是轉了廚師。我無話可說了！相信星期六晚都如此冷場就是這個原因吧⋯⋯…查看更多

:( 今日和屋企人叫了牛肉及羊肉手拉麵,等梗時隔離枱已有男食客同店員投訴D羊肉好硬,完全咬唔倒!聽完已出事!到碗麵嚟到,成碗麵冇一舊牛肉咬倒!!超硬!!我媽咪果碗羊肉亦一樣我媽問個店員點解D肉想揾舊咬倒都冇?佢只係答肉切起舊舊都唔一樣,仲話有D會腍D有D會硬D,係咁!聽完真係巴幾火!!講完等如冇講!!奉勸各位如牙力欠奉,真係咪試!…查看更多