eatandcookkitchen的个人专页

呢一間食物種類唔多 但性價比高 用平民價錢有質素好嘅食物 👍上次試左香煎脆皇邊蛋肉餅飯$35我覺得有誠意 因為只係$35 就有煎蛋肉餅飯 而且味道唔錯 仲有新鮮蒽 賣相又靚 仲有燶邊蛋添今次就試吓佢個滑蛋叉燒飯$35 有少少失望 因為滑蛋唔夠嫩 而且叉燒粒 冇口感 冇特別 比較少餸同埋胡椒肉骨茶配白飯$45 肉骨茶湯底夠濃 不過味道唔夠正宗 欠缺左啲味道 而且肉排未夠火候 所以未夠鬆軟的不過呢個價錢已經好抵 平平地食下都唔錯😁不妨試吓…查看更多

想啤一啤佢 又想有好味嘅嘢食 咁就黎食呢間啦～多一個聚腳這地方🍻今次就食咗幾樣嘢食 事先聲明 因為呢間野係即叫即整 所以等候時間會耐啲 同埋熱辣辣 首先食個沙律先 今次食烤八爪魚沙律 叫得呢個沙律 唔使講八爪魚係主角啦 不過就失望了 因為八爪魚唔新鮮 有一個奇怪嘅味道 食落去好似橡膠咁樣 炸美國番薯條 賣相已經好吸引 仲要熱辣辣 番薯條甜甜地 呢個薯條有兩個醬汁可以點 一個蒜頭醬一個茄汁 蒜頭醬有驚喜幾好味水牛城雞翼 本來以為佢個汁係撈埋啲雞翼 點知原來係另上 所以冇特別 雞翼會伴藍芝士醬同埋西芹條 藍芝士醬 配埋雞翼食 會中和左 食落嚟冇咁熱氣鐵板香蒜炒辣蝦 必食推介⭐️⭐️⭐️首先係用辣椒蒜片橄欖油整成 伴埋個蒜蓉包我個食法係將蒜蓉包切件 點滿橄欖油蒜片辣椒 加埋蝦一齊食 勁好食勁肥😆炸魚墨西哥脆片 唔好見佢細細件 但食完之後就會覺得飽 首先個魚柳熱辣辣 而且加埋佢個酸忌廉牛油果醬 洋蔥番茄辣椒粒一齊食 味道非常豐富 非常好味炸豬手 其實豬手好難整到好好食 今次食落去比較乾冇肉汁 所以就一般般 但係咁多炸嘢 小食一定要飲返啤酒啤啤嘅～…查看更多

天氣又開始凍❄️係時候又打邊爐啦～揀咗晏晝深時間去 揀左90分鐘放題 晏晝時間去仲減$40 我哋就揀咗桌揀咗極上美國牛小排放題😋個套餐有極上美國牛小排 牛肩肉 豚肉 仲有精選雞肉 入去前要揀一個湯底先 揀咗北海道昆布湯底入到去都唔算多人 可能呢個時段啲人返晒工 所以坐落去好舒服 坐低之後好快就有個湯底 而主角都好快放咗喺枱面 係時候開餐啦而且出邊都會有蔬菜區熟食區 都幾多選擇 而我就揀咗金菇 娃娃菜 豆腐 冬菇 芽菜 萵筍 烏冬等等啦仲有飲品區同埋甜品 晏晝嚟食真係好豐富 …查看更多

今日放工去到見有happy hour 就一於飲杯野食晚飯啦 久不久都會食outback 食到似平民飯堂😂但係間間整嘅質素都好唔同 所以入去食都冇咩太大期望 特別係啲牛扒 成日都貨不對辦一嚟到就要即刻叫個免費無限添嘅黑糖包😂一來免費🙈二來真係好好食 我最勁嘅時候係食左五條黑糖包 真係好好味美國安格斯牛扒 叫左5成 今次好味呀 真係啱啱好 不過隻碟熱 好快塊牛扒就熟了仲叫左其他小食燒蝦凱撒沙律 賣相好靚 蝦燒過有碳燒味 配埋凱撒沙律 牛油果蟹餅 非常豐富 加埋個脆片一齊食非常夾 自己一個都可以食一點仲叫埋香辣雞鎚 叫得越多嘢食就越開心 重視左兩杯嘢飲味道都唔錯啊…查看更多

暑假非常忙，日日都冇時間食好野😂見今日想出街食下野，就去食Stadium，之前去過觀塘食個lunch，嗰度環境都唔錯㗎～今次就去銅鑼灣試吓先～都叫左幾多野食😆豬牛雞樣樣齊美國極黑毛豬🐷係廚師推薦，又林又多肉汁美國特級肉眼扒🐮都幾大塊真係啱啱好，好味👍我仲叫埋美式烤豬肋骨，叫到成枱都係肉😂梗係要配埋啤酒啦🍻不過係好味嘅，好香BBQ醬，而且味道啱啱好成枱都係食肉獸，而且佢啲意粉都幾好味呀😋…查看更多

天氣熱都影響唔到我去打爐嘅😆 今次就去咗食老鍋台式火鍋 人多好辦事 可以叫到一台都係野食😋打邊爐湯底都好緊要 我地揀左膠原蛋白美人鍋 入面係整隻烏雞 而且有大量桃膠 杞子 龍眼肉等等 個湯好足料勁好飲 所以一嚟到就已經飲咗大半鍋🤣而且仲叫咗好多好香口嘅小食 咸蛋黃炸魚皮非常邪惡 老鍋鮮魚腐同埋甜不辣都非常好食 呢三樣嘢都可以放落個火鍋度食 但係呢三樣嘢都係新鮮炸出嚟 特別係個魚腐同埋甜不辣 即刻食最正極上騸牯爪邊牛 店員話唔好煮太耐 轉色就得 牛質地好林 肥瘦均勻 牛味再濃啲 好味 仲叫左精選手切牛肩肉 兩隻牛都冇得輸黃金咸蛋黃豬肉丸 食落去簡直同咸蛋蒸肉餅冇分別😂 只係變咗一粒粒方便你食 我覺得勁正涮鍋小羊肉片 大大片仲叫左花蛤食 大大隻 殼😂 都幾新鮮黑白雙滑 白色墨魚滑同墨汁墨魚滑 本來衷心期待但是墨汁唔夠新鮮 所以唔係太好食 始終都係白色墨魚滑好食啲仲叫左其他配料 蓮藕片 冰菜 寛粉條 蜂巢豆腐特別係蜂巢豆腐同埋寬粉條 吸收晒湯嘅精華 好好食 食到好飽 …查看更多

星期日去咗SOGO超市買嘢 一去到聞到好香嘅味道，亦見到呢間野好多人排隊 原來係日本過江龍嘅Rapl蘋果批🍎我非常鍾意食蘋果批 梗係要試吓啦佢哋係即場烤焗熱辣辣冇得頂 再加上見到佢哋嘅製作過程 令人想即刻食試😋吉士蘋果批食落去非常鬆化 因為佢哋用咗144層酥皮黎整 食落去唔會太甜 加上香甜嘅蘋果加上吉士醬 食落去層次分明 而且淡淡都有蘋果 令口感非常豐富 另外話明日本嚟 質素一定有保證 本人因為太鍾意食 所以一個人食咗兩個😋…查看更多

呢一間由細食到大😋一直都覺得好有風味嘅最出名就係黑椒豬扒麵，食咗咁多年都係咁好食，黑椒豬扒做得好出色👍👍豬扒麵要配煎蛋更加一流我仲叫咗一碟豬扒添，淨豬扒一個味道更濃味，勁正😋油占麥多士，呢一塊麵包好好味，塊麵包已經轉過一兩次，但係都依然咁好味，雖然以前仲加好味。蛋牛治烘底，鹹牛肉炒蛋絕配，成間野啲嘢食都好好味。而且嗰啲員工都好有人情味，食到佢哋個個都記得我啦仲記得細細個嗰陣嚟食，我仲見到陳奕迅同梁漢文😍…查看更多

天氣不切如期，但影響唔到我地食好西😆入到去好靚好舒服，而且坐左係窗口位，假日嘆個茶先~飲茶梗係要嗌到成枱都係㗎啦，咁先至開心㗎嘛🎉黑松露茶燻蛋，勁好味呀，好香煙熏味，而且蛋黃啱啱半熟留心狀態，黑松露配蛋簡直絕配，食落去有甜甜地，好好味。😋荔茸燒鵝酥，好酥脆，但係唔係一般嘅芋角，佢冇平時一般咁多汁，仲用燒鵝代替肉碎，而且仲好有芋蓉味道。肉鬆臘味蘿蔔糕，好吸引呀，鋪滿左好多肉鬆，而且粒粒蘿蔔糕都煎得好香脆，夾埋肉鬆食簡直一流，仲可以加啲辣椒油增添風味。鮑汁雞腳，好入味炆得好林，加上雞腳大大隻啖啖肉。椰香紅棗糕，好香紅棗味，紅棗味非常濃郁，而且好彈有口感。潮式蝦米蒸粉果，賣相十分精緻，但味道都同一般嘅粉果差不多。仲有荀尖鮮蝦餃，蜜味叉燒包，香蔥煎餃子都唔錯嘅，可以試吓。鮮奶蛋撻仔要等20分鐘㗎，不過就冇咩特別啦。不過好舒服個景好靚，正👍…查看更多

我最鍾意食牛，而成日係網上都見到好吸引，今日就一於去試下steak bar呢間餐先。我晚上時段去到都坐滿人，好彩我book左位。去到已經好想食野😂我睇餐牌諗緊食咩個陣，會有員工出黎介紹邊款牛較多肉汁較濃，不過可惜就係冇左肉眼，因缺貨😔唯有揀咗一份吉列炸牛扒同埋安格斯西冷牛扒。首先個吉列炸牛扒，個牛比較瘦，油脂唔算多，所以唔可以煎太耐，但係個吉列皮薄唔多炸粉，所以輕輕煎一煎已經很香脆好味。另外安格斯西冷牛扒叫咗五成熟，到幾厚，切落去粉紅色，不過好似多過五成，但係安格斯西冷牛本身較濃，點埋佢哋嘅醬汁就一流。食牛點可以冇紅酒呢，依家優惠價叫份套餐加$58有澳洲shiraz紅酒飲，所以叫咗兩杯🍷而且店嘅餐牌都好貼心，餐牌會介紹唔同啤酒嘅味道同埋特性，可以方便選擇較為適合嘅味道，所以我亦叫咗兩杯啤酒🍻另外叫咗幾款小食，但係份量就較細，其中最好味就係炸雞軟骨，食炸嘢送啤酒簡直一流。整體👍…查看更多

又來食，今次食小菜😋每次同屋企人黎沙田食晚飯，多數會黎返呢間食小菜，多種類又好食。今日等位都唔算多人，好快就有位。叉燒次次黎到都叫，因為好味，今次啲叉燒切得好好，唔再係大大嚿。半肥瘦叉燒我就至鍾意食啦，餸埋白飯就一流啦😆必食咕嚕肉🤤呢間咕嚕肉唔似出面咁多粉漿，而且味道啱啱好。今次就瘦咗啲，肥返少少就好啦。雖然兩樣餸都係豬，但唔怕，仲叫左其他野。今次仲叫左個湯，反而有d失望，太過淡，應該忘記加鹽😂…查看更多

去左大古城School food食嘢，兼且可以睇人溜冰。而且早啲冇咩人可以傾吓計。叫咗幾樣韓式嘢食，校園花卷,係熱食，外面用蛋皮包住飯牛肉同埋紫菜，味道就普普通通。韓式熱捧鐵鍋飯，裏面有泡菜煙肉，辣辣地而且加上佢個鐵板好熱，都幾好味仲加咗個韓式年糕湯，整體來講都冇咩特別，而且味道普通，心諗自己都可以整到😂不過呢食嘢嗰時可以望住隔離溜冰場望住啲細路仔溜冰，好得意，而且可以等溜冰完黎呢到休息下食返下野…查看更多

見今日放工得閒同同事食下野先，呢間我想食咗好耐，但次次都唔啱時候，今日終於有得試吓啦😆招牌烤鴨煎餅都幾好味，口感非常豐富，特別嘅係加咗薄脆，非常夾，但係我覺得個煎餅可以煎得香口少少，多少少烤鴨醬，咁就好食好多。另外就叫左雙蛋芝士吉列豬扒煎餅，聽個名就知道好食啦😋今次走左蛋，朋友唔食雞蛋,試左都好好味今次叫咗個大size，好大個，食到好飽😂雖然地方唔大，但已足夠，簡簡單單就已很好味😋😋😋…查看更多

係油塘開在間新野，即管試吓點知中咗伏😖山楂骨勁難食，個溫度唔夠熱，醬汁味道古怪腸粉竟然係凍嘅，所以入邊係咩味道已經唔係重點燒鵝飯，每件燒鵝都係乾柴烈火凍冰冰，塊皮成呎厚仲要唔脆口啲點心係熱嘅，但可惜完全冇傳統點心嘅風味，個所謂招牌嘅黃金流沙包個包一啲都唔鬆軟，野菌餃調味欠佳，個金錢肚都係冇感覺烤夫喺雪櫃應該放左好耐，啲醬汁放入口有啲難受，味道亦都唔討好全場最好食應該係嗰茄子，但絕對唔會為咗佢而入去囉…查看更多

同屋企人飲茶，呢一間點心得沙田先有㗎，每次飲茶都叫到成枱都係嘢食，次次都捧住個肚走😂而且覺得佢啲小菜或者點心都幾好食😋飲茶最鍾意叫多點心多小食，越多種類越好，搞到成枱都係嘢食先開心㗎嘛🤣呢一間整嘅叉燒都幾好食啊，用咗梅頭豬整，好入味又林，不過就覺得大嚿咗啲，切番細嚿啲就好啦～而且其他小食都好食，例如金磚豆腐，冶味鳳爪，雞絲粉皮，好多都好好味㗎👍而且佢哋嘅晚市都好食㗎。大家經過沙田不妨試吓😋…查看更多