uncleedmond的个人专页

今日香港人集氣撐香港，辛苦完一輪過海返屋企，為求恢復元氣就點都想食正茶記，好過食乜記麥記。入到去澳門見到咁多香港人都共勉之，就咋咋淋搵個靚位坐低嗌飯食。前後兩后一王，其中一后要去方個便，我兩公婆就叫阿妅落單，兩碟飯加三杯嘢飲，叫完一杯檸茶一杯奶茶，就叫阿姐加多杯奶茶，阿姐一句神回「兩個人咪一杯檸茶一杯奶茶囉」咁都好意更正返佢前後三個人，一檸茶兩奶茶，阿姐嘅率直就話我哋好得兩個人坐喺度...難度叫嘢都要齊腳坐低先嗌得？都算... 阿姐行開一步，眼見原支樽仔絲襪奶茶好吸引就叫姐姐改單，一檸茶一奶茶一絲襪奶茶，姐姐都好好人話無問題。人多等咗四個字都見未有嘢飲到，就催催阿姐，一催就一檸茶兩奶茶一拼送上，士應大佬仲快手放低閃人，叫停佢話送錯嘢就望你一望，眼神回應。無奈我唔識解讀，亦用言語同佢connect唔到...只好同返落單阿姐講，阿姐神回一句「哦」就收返杯奶茶，過咗兩個字就回返樽絲襪仔俾我，堅好飲👍食物質素都好掂，最後因為要趕車，兩飯三飲成為$248，因覺得差無幾就照俾走人。最尾老婆問到幾錢，答佢$248，老婆就覺得好古怪...海鮮炒飯$80，焗豬飯$76，凍檸茶$23，凍奶茶$23，樽仔絲襪奶茶$26...但總共收咗$248...呢個故事教訓我哋埋單要check單🥴…查看更多