柏柏哥的个人专页

咖啡店位於堅尼地城李寶龍路, 雖然有少少山旮旯不過亦都係佢嘅特色所在, 如果行完山或去完魯班先師廟,不妨去飲杯嘢 hea 一下。 咖啡店裡面十分新淨, 地方整潔 , 空間感十足!從店內望出去, 清幽又 relax 👍🏻 由於肚餓, 2個人點了2款 signature 食物。1) CIOPPINO (意式海鮮番茄燉湯)2) ALL DAY BREAKFAST 同埋加多份 ”CROFFLE 牛角酥窩夫+ 炒蛋” CIOPPINO 賣相很好, 同menu個參考圖片冇大出入。😊裡面主要有海鮮( 青口、蝦、帶子、魷魚), 湯底係蕃茄為主, 配搭埋海鮮飲落幾清新 (我個人口味想再咸少少就更好🤗) , 另外有3片脆脆的sourdough面包浸响湯上面, 點少少湯去面包度, 食落口感又唔同👍🏻 ALL DAY BREAKFAST 亦都唔錯!有parma ham 、煙三文魚、牛油果、炒蛋 etc我哋另加咗錢將個麵包轉做croffle牛角包窩夫overall 唔錯👍🏻👍🏻 另外一提係佢係pet friendly cafe有paw's meal可以選擇不過我冇養狗仔就冇乜意見有養狗仔的話可以去試下😆 我見到佢有社交平台 , 有興趣可以自己search下。…查看更多

2022除夕晚揀咗去呢度食晚飯由於夜晚工廠區幾靜下, 去到樓下等𨋢都係得個看更,仲驚上到去餐廳得兩個人點知上到去原來都坐咗好多枱餐廳環境整潔, 職員都好有禮貌又爽手👍🏻我哋點香草烤雞同埋慢煮西班牙黑毛豬呢兩味餸都好出色雞的size唔細, 皮脆肉質嫩滑, 其實食多半隻都仲得!西班牙黑毛豬有肉味且肉質唔錯甜品款式亦都唔少! 我哋叫咗白酒煮梨雲呢拿雪糕, 除夕晚跌邊用朱古力寫咗"Happy New Year" 😁下次再嚟嘅時候可以試下其他甜品! …查看更多

唔講唔知原來吉席街開咗間鮮榨果汁店, 佢有好多款果汁, 試過羽衣甘藍同埋紅菜頭系列都幾好飲! 沙律都可以自選唔同材料! 我幫襯過兩次水準都穩定。我飲過紅菜頭蘋果橙汁同埋紅菜頭西柚菠蘿汁! 都好好飲! (唔記得影相)堂食都有十個座位左右啦, 環境都好乾淨! (不過我未試過即場嗰度食,兩次都take away返屋企食)我見佢仲有三文治! 下次有機會要試下! (製作需時, order預10分鐘左右)整體對呢間舖頭人像都唔錯! 我見佢寫住夜晚收九點半, 收工都可以過嚟買外賣。…查看更多

知道佢開咗冇幾耐 , 走嚟試下舖頭唔係好大 , 裝修好新淨。我叫咗個冇骨海南雞飯配紫菜蘿蔔雞湯點知我叫堂食佢畀個外賣我。跟住我話我要堂食㗎喎, 佢話冇托盤喎,唔好意思都冇講過,好似老鳳咁自動轉外賣咁。都唔緊要食咗嘢先!點知啲海南雞係又鞋又乾完全冇味,合埋眼食都唔知自己食緊乜! 紫菜蘿蔔湯得過鹹字!食食下發現冇咗枝奶茶,問個職員, 佢叫我自己響雪櫃攞喎,咁得意? 咁嘅服務同食物質素, 唔會有下一次!(有負分我會俾負分。)…查看更多

一個人響土瓜灣道想搵嘢食 , 行下見到呢一間,見到有豉汁蒸白鱔就入去試下啦。地方的確地踎 😄 少少陰暗 不過餐廳入面幾多人同埋有啲嘈(其實預咗)叫咗個豉汁蒸白鱔 ($135左右), 另外叫多一支藍妹兩個白飯。個聲線都幾好食! 味道夠! 份量亦都唔少! 可以餸兩碗白飯來食!😋😋不過由於一個人嘅關係,真係叫唔到其他野食!我見佢仲有其他小炒同埋煲仔菜我諗如果有三四個麻甩佬一齊嚟食應該會幾過癮!最後豉汁蒸白鱔一支藍妹兩個白飯total 190蚊左右。…查看更多

今次應該係第四次嚟楚撚記(西環)唔預約基本上冇機會食今次一行六人 $1400, 平均每人二百幾 , 都幾抵食。我哋點咗都幾多嘢㗎, 有個豬肺湯啦 咕嚕肉 三碟菜 豉汁蒸白鱔 炸大腸 豉椒鵝腸 全部都好食。嘢食方面老實講真係冇乜嘢好彈! 👍🏻👍🏻係地方就少少迫!同埋限時90分鐘的確唔係太好。衰啲講真係要即時落order跟住keep住食食食食跟住就埋單走, 冇乜機會坐住傾。如果真係想傾下偈嘅我諗最好去另一度😄😄😄…查看更多

屋企人帶我去哥登堡 佢話以前讀書lunch去食 好想食番餐懷緬下 😄哥登堡好似花園餐廳莎樂美嗰類港式扒房地方唔算好大,入到去男侍應反應都好快帶位。價錢都幾抵,一個牛扒餐百六蚊左右啦連埋羅宋湯麵包嘢飲少少甜品。兩個人食total $330左右我哋叫咗兩個牛扒餐, 兩個都係5成熟 ,一個黑椒汁一個蒜蓉汁。另加五蚊可以加個細意粉。我要嗰個黑椒牛扒五成熟, 的確係五成熟左右, 如果百幾蚊一個扒嚟講, 塊牛扒已經超出應有水平😊 起碼有啲味同埋唔係淋滋滋。(好不幸屋企人嗰塊五成熟嘅蒜蓉牛扒走失咗手煮咗well done, 有啲鞋同埋乾 🤡🤡)二人餐另外送個沙律或者田螺, 送嘅冇乜要求,但都算有啲賣相。另外我覺得佢啲羅宋湯幾好飲呀 ! 都幾足料同埋好香濃! 飲品方面可以轉飲紅豆冰同埋雜果賓治!👍🏻整體嚟講幾有風味, 侍應都好親切 , 價錢好公道。…查看更多

星期五晚 walk in入去食入到去舖頭完全好似响條街度咁Q熱! D位仲要好似大家樂咁迫! 離譜 !🥵🥵🥵🥵🥵🥵見到個menu, 同一般居酒屋無異, 價錢貴一倍左右。求其叫個鰻魚炒飯$208、浜燒(活貝盛合)$388、燒魷魚（~$120唔記得)、燒牛舌$98、2杯巨峰啤酒、1杯巨峰梳打鰻魚炒飯: 正常質素 , 份量正常 , 貴浜燒(活貝盛合): 2隻蠔好食, 鮑魚正常, 其他普通燒牛舌: 算有牛味,不過唔係好爽,有D膠膠地,跟返價錢就唔合格。燒魷魚: 正常, 不過貴。巨峰啤酒: 好飲! 因為間餐廳熱過hihi 🔥🔥🔥總結: 超熱冇冷氣! 位又迫! $1200(2人)但普通居酒屋質素同服務, 極低性格比! 2個字垃圾; 3個字垃L圾。(第一次openrice 俾負評)🥵🥵🤬…查看更多

嚐囍我食過好多次, 不過裝修咗之後就第一次去。翻新過之後乾淨咗好多!起碼地下唔係又濕又滑!燈光亦都光猛咗。👍🏻夜晚去到都九點幾, 嗰日又唔想食點心喎, 之後就食個煲仔飯!其實第一次喺度食煲仔飯, 我今次專登叫「白鱔滑雞加潤腸煲仔飯」。等咗三十分鐘阿姐拎咗煲仔飯嚟,佢仲幫我落豉油,跟住叫我焗多三十秒先好食。啲雞都好滑 ,size ok, 都係用雞髀雞翼位。啲鱔都幾彈牙,魚味都有👍🏻潤腸就麻麻地🤡啲飯就上半部分比較濕 , 個底啲飯焦就好好食!純粹煲仔飯嚟講我會畀四粒星👌🏻好食過好多地方!另外佢夜晚仲有點心叫, 又可以嗌檸茶奶茶嗰啲飲品!配搭都幾豐富!👍🏻不過我早排响西營盤坤記食同一樣嘅煲仔飯,坤記嘅煲仔飯係再高少少!!❤️…查看更多

好耐冇食過燒肉放題, 搵到燒鬼去試一試玩法好簡單, 120分鐘 , 三大套餐選擇(details 請睇圖)1) 牛鬼套餐 $298/person (牛+蔬菜+ free drink)2) 牛海姬套餐 $398/person ( 牛鬼套餐+海鮮+刺身）3) 百鬼夜行套餐 $628/person （全包)我哋揀咗最基本嘅牛鬼套餐。主要係食幾款美國牛, 每款都可以選擇原味、味噌或者醬油味道。啲牛就正常發揮啦! 👌🏻(依返價錢嚟講)雞翼同五花腩幾唔錯!😋😋佢另外啲小食都好正 ! (例如泡菜豆腐😋同埋芝士年糕! 芝士年糕直頭好過去居酒屋😂)汽水綠茶任飲, 啤酒都有不過要加少少錢。鋪頭裝修幾有型, 紅黑為主, 坐得幾舒服。我覺得嗰晚啲職員啲服務都好好, 都會主動問我哋要唔要圍裙等等 , 整體成晚餐飯都食得幾開心😋兩個人total連service charge : $700 (星期日晚)…查看更多

堅尼地城MTR對出開咗間新嘅茶餐廳, 打緊三號風球仲有幾個鐘就掛八號就去試下啦!鋪頭都算幾大嘅! 半邊舖係卡位而另一半係方枱為主。我入到去,已經坐咗7成客算幾旺場。四眼侍應哥哥好快帶位遞杯水👍🏻(但佢D女待應反而有啲慢同埋呆呆地！？)菜單方面相信主打燒味! (menu詳情可參考圖片)我去茶餐廳多數試沙嗲牛麵先! 佢D沙嗲牛麵冇得轉出前一丁, 不過佢啲麵都好彈牙! 👍🏻但湯底係淡嘅唔夠香濃😨!但係呢佢啲牛肉就出奇地好食! 牛肉質地嚟講係我近期食過沙嗲牛麵最好嘅一間! 👍🏻所以呢碗牛肉麵的確又愛又恨麵同牛肉都ok😍 但係個沙嗲湯底就偏淡🤡🤡真係好難捉摸呀!!(嗰種感覺就好似白必圖憑佢嘅個人技術連過兩關再扭埋個龍門但係埋門一腳射中柱🤡🤡🤡)另外我叫多碗燒鵝瀨畀屋企人! 賣相唔錯! 偷食咗塊燒鵝皮都幾香! 碗嘢唔係我食不過屋企人話幾好食😂整體嚟講對呢間餐廳印像都唔錯! 堅尼地城其實少有呢一類茶餐廳!(我都等咗好耐) 舖位位置亦幾理想,我相信如果keep到食物質素應該有得做! 👌🏻用佢沙嗲牛麵嗰個quality, 已經好食過附近嗰間「祥香」N倍 !！(下次去嘅時候希望啲女侍應反應快少少唔好成日發夢咁)…查看更多

book咗2個人去「柏」, 可能係星期日晚嘅尖沙咀所冇唔係好多客。裝修好新淨, 職員都幾親切。菜單方面同一般居酒屋差唔多。我哋叫咗sukiyaki , 螢光魷魚 , 雞翼串燒 , 五花腩串燒,牛舌串燒,銀雪魚鮫 ,雞泡魚乾。sukiyaki : 有侍應即時炒洋蔥煮和牛, 和牛有三塊, 味道也不錯 ! (見圖)螢光魷魚 : 普通串燒反而幾出色!雞翼皮脆肉嫩好食! 牛舌好厚切好有趙口(雖然形狀比較切得樣衰啲)。五花腩串燒都ok!銀鱈魚鮫好食! 價錢都唔貴 。雞泡魚乾就冇乜特別!整體都好滿意! 現金畀錢有九折 , 折咗之後兩個人大約$1100蚊左右。(要改善嘅就係啲單好似有啲亂, 個侍應成日將我哋D order同另一枱客嘅嘢搞到好亂, 好似唔知邊枱打邊枱)…查看更多

原本諗住book sukiyakiya食sukiyaki但係full咗知道轉咗book佢隔離舖嘅 grill tajimaya可能係星期六晚所以唔算好多人返入去有個open kitchen見到廚師煎緊帶子同埋煮緊牛扒 😊見到menu 頭版係漢堡扒 , 第二版係牛扒類我諗叫漢堡扒同牛扒應該最穩陣😂1）漢堡扒(招牌香郁和牛燴醬汁)⭐鐵板上!漢堡扒用錫紙包住!上咗枱職員用刀慢慢切開錫紙,出曬煙好正😍 啲錫紙兜住啲汁唔會俾鐵板蒸發曬! 跟餐有碗白飯撈漢堡扒食開心😋2) 日本產黑毛和牛扒 (A3) 碟上, medium rare , 肉味ok , 有少少韌, 分量ok…查看更多

星期五晚上專登去坤記排隊食 都預咗佢多人㗎啦因為見到入面做無虛席,我一個人都要等咗半個鐘左右。環境講起先, 啲位都幾密,不過我一個人坐雙人枱都尚算舒服! 裏面好鬼嘈,直頭大排檔咁樣,氣氛的確唔錯!!同埋冷氣都好夠勁👍🏻見到menu好多中式小菜, 不過今次我係專程去食煲仔飯!!😍😍我叫咗個「滑雞白鱔煲仔飯」（$115）另追加潤腸一條($20）, 叫多支青島啤飲住等😂個煲仔飯等咗大約廿零分鐘! 飲下啤酒打下機好快過🤭煲仔飯終於到! 佢一打開個蓋 , 熱辣辣出晒煙好香, 賣相已經非常吸引👍🏻白鱔超好食爽滑彈牙,豉汁味都好夠❤️雞都好滑,佢畀嘅係雞翼位, 啲雞size比較迷你啲,不過肉質唔錯! 起碼唔係骨慘慘😄潤腸都係推介之一!! 食嗰陣時我諗起蛇王二以前啲潤腸!好濃味又軟熟粉粉地❤️❤️各位真係要追加潤腸!! D飯都好唔錯!飯焦亦都好脆好香!(見圖)整體煲仔飯超級好食!我直頭想畀五星星😂…查看更多

今次第二次去肥仔銘第一次食完沙嗲牛麵之後成日舐舐脷想再食過今日要去大東北算係路經新蒲崗 泊街都要去肥仔銘食返個沙嗲牛麵先😘舖頭唔係好大大約四張枱左右 但有四個女侍應好crazy😂叫咗個沙嗲牛麵 , 唔使轉出前一丁 !今次啲湯好似少咗啲 (上一次唔知係咪又係咁少湯我真係唔係好記得)不過都唔係問題, 最緊要沙嗲湯底夠香濃! 下次有機會先試下個炒牛通同埋熱香餅, 再食會爆曬quota。舖頭入面有好多龍珠z 嘅擺設 我諗其他人都會放上網我就唔再影啦。…查看更多