Min_Min的个人专页

今次第一次來這間天悠蔬食，其實之前已去過他們銅鑼灣及尖沙咀分店。 比起之前兩間分店，我最喜歡這間店的裝修。天花上掛著嘅熱氣球波波很可愛，打卡一流。講返食物先。他們的午市套餐有分兩種，一種是我吃開的full set。另一種是較相宜的light lunch set。我今日比較遲食飯，所以吃了較豐富的lunch set。 先從四個前菜選擇了兩個， 這個紫薯球很好吃，甜甜的軟糯糯。 其次這個照燒杏鮑菇的醬汁很香， 十分推介。每份前菜細細份，可以試多幾款，啱晒想試多D唔同食物嘅我！然後兩款餐湯，我選擇了這個中湯。因為印度椰子腰果雪耳湯，在這個乾燥的天下喝，感覺比較滋潤。結果也沒有令我失望，這個湯很甜很潤。也充滿了各款湯料，真材實料，有家的感覺！主食我選擇了素漢堡拼薯角和沙律。 這個漢堡很大，一口也不能把它吃掉，但是也很好吃。 沙律重本地用上了紅石瑠，很甜美啊!薯角很多，我都吃不下，可以再脆多一點點就更好了！雖然吃完已經覺得很飽，但是甜品是有另一個胃的。 我忍不住加了這個黑芝麻豆腐千層班戟。 哇哇!這個不得了，這個很好吃！香滑的千層班戟！完全不覺得在吃緊素食。最後，沒有影相的還有凍檸茶一杯，凍飲不用加錢。我不是全素食者，但是覺得每星期吃一至兩餐素，感覺是比較清新和清一清腸胃，對身體比較好。 在這個舒適的環境下，吃一頓美味的飯，真是一種享受!我希望遲些能和朋友來嚐一嚐這裏的晚餐。…查看更多

We ordered two set lunches. The cauliflower apple soup taste yummy. For the salad, it is so so.For the main course, we ordered steak and Mussel Linguine. The Linguine taste great and the mussels are fresh. I didnt try the steak.To be fair, the food here is not bad. The price is about $150 per person. However, it took 1 hour for the main courses to come! The restaurant is only 20% full. Really cannot imagine if the restaurant is full.…查看更多

呢排端午節，一家人食粽食到滯咗，突然想起之前食過呢間素食店。一於食番餐素，清清腸胃先。因為第二朝小朋友要番學，所以六點零鐘就去到餐廳。可能因為早去，有卡位坐。我哋2個大人加一個小朋友，記起呢間野嘅份量都幾多，所以只係叫咗2個 Set Dinner share 食。前菜我哋太肚餓，唔記得影相。我最鍾意食柚子沙律，酸酸甜甜，好開胃。而我老公就比較鍾意個華都夫薯仔合桃冰菜沙律，沙律入面原來仲有蘋果粒，好味！而冰菜我係第一次食，個樣好得意，小小鹹鹹地，因為有礦物質係上面，話好有益㗎！而手卷，我哋就每樣要一款。我梗係揀咗個樣好似好味D嘅。鮮甜嘅芒果配上鹹鹹地嘅素香鬆，我覺得呢個好食。而另一款手卷我無試，但係我老公都話唔錯呀。而湯，我哋都係例牌每樣要一款。我兩款都有飲。西湯黑松露淮山湯，我覺得好香黑松露味，又唔會太結，淮山味就飲唔係幾到，不過淮山本身都有益！。而中湯黃耳燉湯感覺好滋補，D黃耳煲到好淋，連我平時唔食湯渣嘅，都忍不住食埋舊黃耳！我無研究黃耳有咩益處，黃耳食落去嘅感覺好膠質，所以我估應該含有大量蛋白質,都應該好有益。而主菜就叫咗A＆E餐。A餐係牛肝菌啫啫煲...入面有牛肝菌啦，紅椒，黃椒。D牛肝菌都煮得幾入味。呢個比較濃味，我鍾意D清淡D，所以我呢個就覺得一般啦，而我老公覺得ok。可能個煲秋冬食會啱D～E餐係南瓜蟲草花意大利飯，呢個我覺得好好食。唔會好似一般白汁忌簾Risotto咁滯，黃色嘅汁都有好香嘅南瓜味，而中間仲有D超淋＆甜嘅南瓜，呢個連我個女都好鍾意。唔知係咪就小朋友，個飯嘅質地唔會話係半生熟，所以好啱小朋友食。不過如果鍾意食硬身D，就可能要特別同侍應講聲。飲品我哋加錢叫咗熱Latte＆慢磨鮮榨蘋果雪梨汁。熱Latte 係我老公飲，上面有好可愛嘅小熊拉花。之前我見人哋D相都無咁靚嘅拉花，可能今晚唔算太爆，咖啡師得閒可以拉～Lucky! 杯果汁喺影相前比女偷飲咗......而我同女女 share 慢磨鮮榨蘋果雪梨汁。好好飲，室溫的，無落冰 or 糖水溝，好啱小朋友飲，健康有益！杯果汁唔係話好甜，不過就有清甜嘅蘋果&雪梨味...最後甜品，跟餐嘅榛子咖啡 Cheese Cake。我哋覺得好食，香咖啡味又唔苦。而我哋加錢要咗個香蕉朱古力窩夫比女女食。有6件窩夫，佢一個人食咗4件。窩夫唔係話好厚嗰種，而係脆身嘅～我個人兩種都ok，最緊要係要夠蛋味。只係加三十幾元，有咁大碟甜品，仲有球唔係 cheap 野嘅雪糕，抵呀！最後埋單大約五百幾蚊，除開每個人百幾蚊，唔算平，不過健康好食都值得嘅！P.S. 全部相我都係自己影，內容都係自己打。如不能刊登，請指出那一張相或句子有抄襲成份。如不能指出，我認為對花時間寫食評的人不公平啊！！！…查看更多

和同事到這間外國夫婦所開的餐廳吃午餐， set lunch包括前菜，主菜，甜品或餐飲，定價加128元加一， 不便宜啊！前菜我選了薯仔沙律，這個已是今餐最好吃的東西。甜甜的沙律加上微暖的雞肉，很不錯也很大碟。令我對主菜和甜品抱有了期望。主菜是龍蝦汁茄子蝦乾意粉，首先，以茄子和蝦米配搭意粉已一點奇怪 。但是 ，但最可怕的是，當意粉來到的時候，碟中竟然連一件茄子也沒有！！只有蝦米和意粉，簡直違反了商品說明條例！！ 你想想，成碟意粉只有幾粒一毫米的蝦米在裏面，感覺真的很差！！在意粉和餐飲之中，我選擇了甜品香蕉蛋糕。因為意粉吃剩了半碟，希望蛋糕是好吃的。香蕉蛋糕的味道是可以的，但質感很怪硬硬的。最差最差的是服務態度。侍應是不會在你坐下的時候，主動把水給你。只好，在我們很口喝的時候，問老闆娘拿水。她木無表情地很大力把水一杯杯 "pang" 一聲地放在我們的桌子上。 可能因為老闆娘大肚，脾氣比較煩躁。但我們身為顧客，真的感到很難受啊！拿一杯水喝，竟然遭受到白眼！總括而言，連加一要一百四十幾元。換來食物及服務態度很差的用餐經驗，我本人認為性價比很低了！…查看更多

今日重陽節公眾假期，趁放假出去食她近期大愛的Simplylife 吃 holiday brunch。 同個女一點鐘去到，要等成二十幾張枱。他有個新的製度。如果你留低電話，當仲有五張枱到你時，他會call你。 但係當佢call你之後，你要十分鐘返到間餐廳。 咁我同個女去就去行一陣街，他一call我,我便立即在五分鐘內返回餐廳。 但是也過了輪號，可能好多人都走左。 我即刻同個知客講，好彩都俾返下張枱我，雖然個樣有d唔高興。終於入到餐廳，不過要坐bar seat。 叫左個 beef burger set 同女女share.好快個磨菇湯和麵包就來到。 女女好快就攞左個包，影唔切。蘑菇湯的蘑菇唔係磨成蓉， 有d一粒粒既菇係入便。幾有咬口，幾香！唔錯！ 麵包無食，就唔評論了。個餐包一杯飲品，我叫了iced tea 少冰少甜。 是日iced tea 係橙茶，他們放了兩件橙在飲品內，但是其實飲品沒有太大橙味。不過少冰少甜都有做到。至於個主菜beef burger 吃了一半才記很影相。個賣相上好靚，但味道令人有一點失望。中間件牛肉比較鬆散，感覺比較肥膩。我和女女合二人之力，都不能把它消滅，把牛肉吃剩了。最後因為太飽了，沒有吃甜品。個餐128元加10%。唔係話唔好食，但係就沒有了最初的那種驚艷感覺。連女女都話下次不如試下太古城其他餐廳。…查看更多

上次同朋友來過這裡吃晚飯， 覺得幾好食， 所以決定今日午餐帶老公來試試這間悠蔬食。首先睇下餐牌， 午市套餐包括兩款前菜，一款湯和一款主菜。兩款前菜一款是素小卷，另一款是。 我比較喜歡吃藜麥鮮蔬沙律， 最鍾意他用橙汁做為沙律既dressing。 比起用沙律醬或者芝麻醬，咁樣鮮甜同健康得多。而藜麥亦都係近排大熱的食物， 據說有低卡路里，零膽固醇又有豐富的蛋白質，簡直係素食人士和減肥人士的最愛。我同我老公都揀左西湯， 呢個椰香南瓜甘筍湯超好飲。本身南瓜同甘筍已經好甜， 再加上好香好香既椰汁，真係一個perfect match。 我本身唔係一個素食人士，但係都估唔到唔落肉，蛋同埋奶的湯都可以咁鮮甜。 連我嘴叼的老公都飲到lam lam脷。主將我地揀左C and E。青醬蘆筍忌廉扁意粉真係超好食， 簡直完全唔覺得自己食緊素。 又好味又可以清腸胃健康真係好啦！而E餐嘅阿枝竹pizza，有成6塊咁多。 我老公食左大部分。餅底都好夠脆，而芝士都好香。 不過阿枝竹好似鹹左D， 不過話好似好有益的，可以幫助消化，有助排毒！我地都加左20蚊要左一杯鮮搾慢磨波羅雪梨汁share飲。真係好甜呀！我諗呢排夏天，菠蘿當造好香好甜。我主要飲到菠蘿的甜味，唔係幾飲到雪梨味。其實已經食得好飽，但係我真係好想試D甜品。 加左15蚊要左日式紅豆豆腐布甸。原本諗住淨係食少少然後叫老公包尾， 但係真係太好食啦。我差唔多食曬成個。 唔會太甜又好香豆腐味！而個甜品亦都雪得凍凍地，好啱夏天食呀。當我地賣單的時候，侍應嬸嬸好好咁俾左集印卡我地。集夠十個可以做vip，任何時段都有九折。好！等我都俾心機集下先。…查看更多

剛剛吃完午飯經過看見一間新的麵包店， 看見裝修十分漂亮， 決定入去買兩個麵包做明天的早餐。第一個是紅莓牛奶包， 第一啖食的時候， 覺得甜甜的，略為淡了一些。再吃多幾啖， 牛奶味變得明顯， 好香好好味呀。 入面又有好多紅莓， 麵包個樣又可愛。 好味好味。第二個包係菠蘿辣肉腸米薄餅。 這個相對來說濃味很多。$12 來說相對多料。 我老公覺得好好味， 而我覺得鹹了一點。看見之前的食評， 才知道這間麵包店也是美心集團的。 雖然比美心貴一點， 但好味得多。 他還有焗爐在店舖新鮮製作麵包， 會再次幫襯。…查看更多

因為朋友A係美國番嚟，所以一定要聚一聚。而朋友B係食素嘅，記起之前係 U-Magazine睇過銅鑼灣有間新開素食店叫悠蔬食好似幾特別，有中式，又有西式野揀。而佢 facebook 又upload咗 dinner menuSend 俾班姊妹睇，大家一致贊成，等我就打去 book位先！7點上到去，間餐廳已經半滿，之後食下食下仲坐滿晒添。可能因為早 book位，有卡位坐！Yeah!餐廳環境好靚，個卡位係天藍色嘅個白色窗花好靚！跟住我地叫咗3個 Set dinner唔記得咗影相，有興趣可上佢哋facebook自己睇！三個前菜好快就嚟咗！D沙律菜好新鮮。粉皮好滑，不過可以多一點麻醬。或者加青瓜，會match過加蘿蔔！湯我哋全部女仔都揀晒竹笙燉百合湯。滋養D麻！唔知點解，唔落肉都咁清甜嘅～好味！飲緊湯嘅時候，嚟咗個芒果牛油果手卷。Waiter哥哥好好咁溫馨提示我們話個手卷要食先，如果唔係塊紫菜會無咁脆。我哋梗係乖乖哋即刻試咗先！好脆！好夠味！完全唔覺得自己食緊素！主菜我哋分別揀咗番茄露筍扁意粉 ＆ 芝士焗意大利飯配日本南瓜！超好食！我們差唔多食哂先記得影相…番茄露筍扁意粉煮得唔會太淋，最怕嗰D淋到一Pat 嘅意大利粉！個番茄汁好香，又唔會太酸。Yummy!不過我哋幾個一致覺得，都係芝士焗意大利飯配日本南瓜好食D。日本南瓜比一般南瓜真係好味好多。意大利 cross over日本野，又估唔到幾match㗎噃！已經好飽了！我哋都差D唔記得咗個餐仲有甜品！我哋兩款都試哂～share食。椰汁紅豆糕都幾香！最好味係個芝士蛋糕！D芝士味勁香！雖然個個話飽，但係我哋都食晒D甜品！之後我哋趁waiter 哥哥得閒D，問佢個芝士蛋糕係咪廚師自家製…. 跟住佢話我知係Ken師傅自家製！用嘅芝士仲要係人地文華東方酒店好出名嘅cheese cake 用嗰隻！唔怪得D cheese cake咁香啦！我哋跟住又勁八卦問下Ken師傅嘅來頭，原來佢之前係香巴拉The Herbivores 做大廚！係咁傾計，傾到喉嚨都乾晒。諗注叫幾杯野飲。原來Set Dinner可以加錢要飲品！見到有慢磨鮮果汁，就試下佢！慢磨果汁機好貴㗎！好似要成幾千蚊部，話慢磨可以保留蔬果水溶性纖維同營養wor…等我試下杯蘋果雪梨汁先，超鮮甜！飲得出無溝水，好健康呀！出面旺角嗰D溝哂糖水嘅果汁都賣成十幾蚊杯，呢度20蚊杯真係超值！呢度D服務真係好好！加水又頻繁啦！我哋一拎個相機出嚟，仲主動幫我們影合照！原來幫我們影合照嘅係店長！好好傾，仲教我哋坐埋一邊卡位影相會靚D！同店長吹下水，先知道原來除咗Ken師傅之外，其他廚師都好勁！佢哋嘅大廚原來之前係功德林做行政總廚。唔怪得D燉湯咁好味啦！同埋佢哋餐廳嘅理念係提倡健康素食。我覺得最好嘅係佢哋無乜用人工製嘅素肉，咁樣真係清新健康好多！總括而言，呢間素食店真係超水準！最好味係燉湯, risotto, 同芝士蛋糕！完全唔覺得自己食咗素！又好味又健康！下次約人去銅鑼灣，都一定要再嚟！…查看更多

之前成日睇人地既食評 ，今次終於的起心肝自己寫 。因為呢間餐廳真係好好食，又抵食。今日同事帶我去呢间餐厅食lunch。Set Lunch $118 起，包括前菜，汤，主菜同饮品。主菜有4至5款拣。前菜去芒果鸡肉卷，D芒果好甜又唔油腻。好好味！不过我挂住食，唔記得影相。而湯系杂菜汤，好清仲有好多料。不过最好食既都系跟汤的蒜蓉包，又脆又好味。我仲食左两件添。至于，主菜我拣咗蟹肉 Flat bread..都好足料！好多蟹肉，仲有好多芝士系上面。佢將一塊切成6件。食到第四件我开始觉得有D 溜 lu。我有d同事揀咗牛扒，個样都好似好靓，佢地都话好好食。餐饮系热柠茶冇乜特别。我有d同事加钱要左甜品，不过我真系太饱了。真系食唔落。 最开心就系我地埋单既时候，個经理哥哥送左幾張set lunch买3送1 coupon，有效期一个月。我地即刻 book 左下个星期一再食!…查看更多