mmttcc的个人专页

好耐冇嚟旺角了。好多舖頭都轉晒。依家首爾石鍋燒依然喺通菜街屹立不倒👍今日同朋友嚟食。我叫咗最有名的「蕃茄泡菜烤肉豆腐鍋」。石鍋上，好吸引。蕃茄配泡菜配搭一流。又酸又辣湯底好正，湯底送飯一流！鍋入邊的食物豐富。有蛋有豆腐有烤肉有韓國魚片。鍾意食泡菜嘅朋友不要錯過！朋友叫咗泡菜大蝦炒飯。因為朋友唔可以食太辣，所以佢叫咗小辣。小辣即係少啲泡菜。店員攞出來的時候已經聞到好香的炒飯味道。似係即叫即炒。我見啲大蝦都有五六隻，都好大隻下。呢間餐廳食物價錢唔貴，性價比高，難怪做咗咁多年依然有捧場客！…查看更多

今日因為工作關係冇食lunch，直接同同事喺呢度食咗個下午茶。佢個下午茶餐牌好抵食，平均30幾蚊至40幾蚊。我叫咗個：韓國豬腩片泡菜辣湯辛辣麵，$39，凍飲加兩蚊。我叫呢個係因為想食個辛辣麵，太耐冇食。我成日覺得辛辣麵個辣湯好正。今次有埋泡菜味道更勝一籌。酸酸辣辣我最鍾意。啲豬腩片都幾爽口。麵質都OK彈牙，唔錯唔錯！我朋友叫咗個午市餐，韓式部隊鍋，凍檸茶。佢嗰個鍋有午餐肉，腸仔，芝士，泡菜，辛辣麵，等等，佢話耐唔耐食一餐好好食，同埋好滿足。我哋兩個都係叫咗凍檸茶，食辣野飲凍檸茶一流，啲茶都夠味！…查看更多

今日帶仔仔去金魚街行吓，經過民華餐廳，以前食過的，今日就同阿仔入去醫肚。我自己叫咗個常餐，揀咗沙嗲牛肉通粉，腸仔炒蛋,即烘牛油多士，熱奶茶。沙嗲牛肉通粉份量都幾多，牛肉都有十件八件，牛肉好淋，通粉都jiqQQ，沙嗲味濃，不錯不錯。腸仔就味道正常，炒蛋都幾滑，牛油多士都幾脆，杯熱奶茶都幾香滑👍！仔仔叫咗蕃茄焗豬扒飯，佢話幾好味，嘴刁嘅佢都成個食晒！不過呢度啲侍應啲態度麻麻，不過冇辦法啦，茶餐廳人來人往，正常的😆。…查看更多

里間餐廳我學生年代已經開始幫襯。甘多年都唔係太加價，我最鍾意食呢度嘅石頭鍋飯同埋韓式豆腐鍋。我今日試左個「五花腩片石頭鍋飯」。一上枱時色香味俱全。五花腩我不嬲都鍾意食，係石鍋上面，撈埋其他配菜一齊又真係會好味。幾香，口感不錯👍。石鍋底的飯焦好脆口。食完覺得好正。我個friend叫咗金菇肥牛豆腐鍋烏冬，佢話個湯底好正，材料十足，有肥牛金菇蛋韓國魚片，豆腐好滑，烏冬咬口，啲食材開埋個湯底係一個完美的組合，我下次都想試吓！…查看更多

今日再度幫襯首爾石鍋燒。疫情之後不用排隊好快就有位。上次食佢嘅金菇牛肉豆腐鍋覺得好正，今次就試海鮮烤肉豆腐鍋。海鮮鍋同肥牛鍋的湯底味道有少少唔同，海鮮鍋多左海鮮味😆 ，幾好味！海鮮有蝦同青口，其他配料就幾相似，最重要係有我最鍾意的滑滑豆腐。同埋我最鍾意食索滿湯頭嘅粉絲，超好味！ 我另外叫左個韓式粉絲煎餃，個皮好熱好香脆！入面有豬肉同粉絲同一些菜，味道很夾好味😋！我見隔離檯d客人食鐵板燒飯好似幾正，等我下次試下先…查看更多

上星期喺觀塘附近見到呢間車仔麵，好耐冇食過了，於是入去食過一人lunch。以車仔麵來講，價錢定價中位，三餸車仔麵要40幾蚊，四餸車仔麵要50幾蚊，凍飲加兩蚊。我叫咗粗麵，魚蛋，豬紅，豬扒，凍檸茶。食物水準整體合格，中規中矩，沒有驚喜也沒有失望。車仔麵配凍濘茶都好夾。食物價錢同水準成正比。但係成間餐廳d侍應的服務態度都好麻麻，不論是落單、上菜、埋單，d阿姐都有點不友善，甚至有點不禮貌，作為客人的我感覺很不舒服☹️。所以，我應該唔會再幫襯里間車仔麵了！…查看更多

最近多咗出街，今日去出旺角放下電先。同朋友去咗shopping，咁耐冇行街，唔使再屈係屋企感覺好開心行到咁上下，又到時候食晚餐嘅時候了，我同朋友不約而同話去食首爾呢間餐廳！ 我哋大概每一個兩個月都會去呢到一次，次次都係食佢哋嘅招牌豆腐鍋今日亦不例外：）我叫咗個泡菜烤肉豆腐鍋，佢呢個豆腐鍋可以揀配飯或者配烏冬。我今日想食烏冬。。點完食物之後，大概10分鐘，新鮮滾熱辣嘅豆腐鍋就到啦！呢個豆腐鍋裏面有泡菜，韓式烤肉，豆腐，粟米。。呢個泡菜湯底真係好正。。個烏冬可以索埋湯嘅味道。。仲有最重要嘅就係半生熟雞蛋真係次次都係淨係食呢個豆腐鍋。。我朋友就叫咗金菇肥牛鍋跟飯。呢個都正，有埋金菇同埋肥牛。。個湯底有少少唔同，沒有泡菜的，但係就有濃郁嘅肥牛味道到埋嗰隻半山熟蛋就不在話下。。其實跟飯都好好食，因為就係有湯飯嘅感覺朋友話d粉絲索埋啲湯嘅味好好食😋食飽飯感覺好滿足，就係咁樣我哋就好開心咁過一日…查看更多

今日收工經過蛋撻王見到新鮮出爐嘅蛋撻，就買咗半打返屋企同屋企人分享.蛋撻主要分兩種：酥皮同牛油皮酥皮整得好鬆化，質地唔錯唔會散晒，但係我覺得有啲油。中間啲蛋幾香幾滑，不過我覺得有啲太甜。我個人鍾意牛油皮多啲，因為感覺就冇咁油膩同埋好香牛油味，好似食緊曲奇餅咁。中間嘅蛋漿同酥皮蛋撻一樣好甜，食得太多會好「漏」。如果有低糖嘅蛋撻就好啦！唔知係唔係收工時間，啲姐姐好似好趕時間想快啲賣晒啲蛋撻咁，態度麻麻，有待改善！…查看更多

每次去宜家傢俬一定去宜家cafe食瑞典肉丸，每次我都會叫10粒。肉丸意粉好香，配上Gravy汁，再加少少紅梅醬，味道10分好。係側邊個薯蓉都係 my favourite, 好滑溜，牛油味幾香幾濃。另外，每次我都會叫兩個蔬菜薯餅 vegetable cake， 因為我好鍾意這個味道。 佢地有急涷 cooked 賣， 我差唔多次次都會買盒返屋企自己 reheat. 如果同細路仔一齊去，我都會叫佢個 兒童餐， 有5粒肉丸， 一盒果汁，一個蘋果，有嘢食有嘢飲有生果，份量足夠又有營養又健康！…查看更多

平時的我比較少食韓國野，因為唔係太食得辣。 疫情底下大家都少左出街食飯，今日朋友就帶左我來這間韓國餐廳，佢話好掛住里度的豆腐鍋，咁我就陪佢試下啦。我揀咗一個唔辣嘅石頭鍋飯 - 蔥蒜牛肉粒石鍋飯。賣相都幾好，好多牛肉粒同埋都幾大粒，加上我好鍾意嘅䓤段同蒜頭，撈埋一齊好好食。我另外加左少少枱面上嗰支韓國辣椒醬，味道好正！石鍋底有飯焦，香香脆脆的。我個friend揀咗佢話佢大愛嘅泡菜烤肉豆腐鍋配飯。個豆腐鍋份量都好多，仲另外配左白飯。佢話將個豆腐鍋湯底撈白飯最正。另外仲有粉絲索晒個湯嘅味道好好食咁話！小食選擇都幾多，我哋叫咗韓式粉絲煎餃同埋韓風雞翼。煎餃都幾好味😋，雞翼炸得好香脆,肉質都幾嫩滑。而且價錢都幾抵，40幾蚊就有個小食，性價比高!飲品跟主食有半價，我哋叫咗韓國柚子蜜同埋凍檸茶. 柚子蜜都幾清香。凍檸茶有茶味。…查看更多