積及泰輪仕將的个人专页

啱啱收工路經粉嶺花都廣場，見有少少餓，又未到晚飯時間，於是喺附近搵間食店食啲少食頂吓肚，見到間鴻仔記車仔麵，入去坐底叫咗淨餸：淨牛肚$15,淨大腸$15,淨辣水魷$12, 再叫個白灼油菜$12，要蠔油。 幾分鐘後一碗熱辣辣嘅淨餸放喺我面前，我放牛肚入口及大腸入口，喂~個口感甘似我打邊爐時，啲料喺湯裡面滾到尾甘冧嘅？再食埋個魷魚，唉！下次一定唔會再嚟食，其實都緊要，都冇期望咗味道唔會有咩出乎意料，但係出乎意料嘅係，當個油菜嚟到係生菜時，我多口問問句我剛才係 order生菜唔係菜心時，位年青人用一種想開佢年嘅口吻同我道：「係你自己點生菜架嘛！」，我答：「啊~好呀唔該。」 而呢間店我相信都暫時唔會再幫襯，祝佢地生意興隆重啦。ps: 食物質數冇乜值得去影，但有興趣嘅朋友可以去挑戰吓，最底消費 $25~完…查看更多

黃金茶寮(荃灣店), 中午飯真係慢到無輪，13:01 order蒸魚+鳳爪排骨飯， 13:40 先嚟條蒸魚，5 成熟，即係唔熟，仲係生嘅， 鳳爪排骨飯， 14:00pm都未到，想點？隔離左右啲客已經問候緊娘親，做唔切就唔該唔好出蒸嘅野~怪唔之 lunch時間都有位坐啦~!!!!! …查看更多

今日收工有朋友邀約食晚飯聚舊，一行四人連同太太到了大圍，原先打算食火鍋，於駕車時沿途看見一間西餐廳便將車泊一邊看過究竟；M3 Italian ~俾我印象似足喺上環沿海旁的西餐廳格局，於是我地決定由原先食火鍋念頭轉為一試食好西(餐). 侍應招呼帶位坐底，環觀場内環境及裝修氣氛，絕不比上環中環嘅西餐廳遜色。打開 menu, 主菜牛扒類別看見" 慢煮T骨美國牛扒" ($438), 足 18 安士，所以order了~,另外點了 Parma Ham火箭菜 pizza ($138) , 炸雜錦三式($108) 及一份招牌M3沙律($148), 飲品方面，我和朋友都喜歡飲紅酒，所以 order了一瓶 Chile嘅紅酒，大約二百蚊左右。 頭盆先上咗 M3 沙律及炸雜錦三式；沙律配搭有煙三文魚，風乾火腿及香草烤雞外，還有極具特色口味的三款沙律醬~! 另外細味一嚐還有羊奶芝士味道的回香~(下次再來必 re-order~❣); 而炸雜錦三式則不過不失~❣(still delicious) ~港人致愛三寶：薯角~炸蝦~烤雞中翼~❣(配沙律醬&茄汁係必然). 食到差唔多嘅時候~pizza嚟啦~! 原來黑松露遇熱後會有意想不到嘅馥郁香味(即時再有胃口), 再配搭Parma Ham嘅咬口~三個字：巧滿足~!❣,應該再食唔落呱~! 唯有同朋友嘆幾口紅酒回味回味~順便借酒精消消滯~! 誰知原來仲有剛才點嘅主菜：慢煮 T 骨美國牛扒~❣ T骨牛扒一上，賣相與一般西冷肉眼牛扒大不相同；外觀質感結實敦厚~誰知我親自落刀平分卻為何如此輕鬆~? 慢煮也~❣一般牛扒要煎要焗都好難煮得淋及鬆身~! 而慢煮~!!!! 須要用攝氏 54 度左右溫度慢煮烹調最少 50 分鐘或以上才可將肉質纖細化~! 之後要用火力封存肉汁及脆化外層係另一層次功力~❣朋友食到唔識講粗口，只係識得邊食邊飲智利紅酒~❣ 總括而言唔評分(好想俾 99.99分)~!!但下次會再帶多幾個嘴鵰嘅朋友嚟嘆多次~! 起碼唔使自己帶紅酒嚟~! …查看更多

 是日要於港島區出勤，收工時亦得知太太亦於銅鑼灣整頭，便相約晚上於港島區晚膳。 我兩比較喜歡打邊爐，便於 openrice search到有間於北角新開嘅"滾得囍宮庭火鍋"，見離銅鑼灣唔係太遠，搭港鐵都係幾個站到，於是 book 咗 8pm. 一上到去店門外，看見裝修佈置檯椅確實有種"古代裝橫"feel,  現場背景音樂則以中樂播放時代曲，入席時侍應都熱情款待及有禮貌，坐底時仲聽到"射雕英雄傳"音樂，即時有種拍緊古裝片嘅感覺~XD. 打開 Menu,  湯底有14款，選擇嘅種類算是多及湯底起名都有用心諗過(夠古代) ，經侍應推介點選咗一款叫：慈禧酒香麻油雞湯鍋($138 跟半隻雞_個名好鬼長), 主菜火鍋料叫咗：飛驒牛肉刺身($388/12塊), 台式鴨紅($32)，黑松露墨魚滑($48)，菜蕊苗($28),除咗個牛刺身銀碼略為高但合理，但要放落口品嚐先知值唔值。 首先鍋底嚟過銅製外形嘅雙龍頭鍋，認真夠特色；侍應先倒黃酒入鍋及於鍋內點火，再加入藥膳食材炒香，後開啟電爐電源加入湯底；"龍鍋"即時昇起紅紅烈火且帶出藥材酒香。 至於飛驒牛刺身，以木架像用蒜泥白肉嘅方式掛起，旁邊放著一小碟原來是黑醋以點牛肉刺身用，起初我倆都有少少戰戰兢兢的感覺(畢竟唔係喺日本食牛刺嘛)，甘 gentleman嘅野梗係我試食先，夾起一塊點一吓黑醋後大口地咬咗半塊~依喂！牛油香及黑醋味道啱啱好中和咗無肥膩嘅感覺，口覺滑又易溶化，雖然肉被切得略厚(2mm 内) ，但肉味及口感用'清香實在'嘅感覺形容就最貼切；太太問：「得唔得？」，我答：「試多塊再話妳知~], 佢即係恐防有詐甘夾嚟食話：「甘奸架妳~!]  至於黑松露墨魚滑食落去又幾有回香及彈牙嘅感覺，可以用"冇甘悶"嚟形容~!而鴨紅又真係幾底食，佢比豬血無甘易散且有咬口，不過我個人認為下次如果要食鴨紅，都係配返麻辣湯底夾啲~ 是次晚餐費用，兩人費用都係唔過1K,以環景，服務，食材~算係合理價錢，因為覺得個飛驒牛係值得一試，而家問返店員啲飛驒牛係直接喺日本攞返嚟(怪唔之得啦。 食完之後，同太太話下次嚟食可以叫多啲人過嚟試多啲野，另外提提，新張期内，部份啤酒及氣水全免(我個人獨飲 3 支 😆), 其實可以再飲，不過太太話夠啦~! 下次嚟嘅時候再飲~! …查看更多