chakcarmen的个人专页

想貼錢買難受就幫襯佢啦！幫襯了呢間「盛八燒肉店」起碼幾年，終於忍不住呢間店職員的服務態度，當顧客是出氣袋，比錢吃飯還要受氣，全部經理，職員對顧客承諾的的都可以不一致，態度又如趕客，昨晚終於食到忍無可忍，將所有買來的現金禮券退回，永不幫襯！…查看更多

想貼錢買難受就幫襯佢啦！幫襯了呢間「盛八燒肉店」起碼幾年，終於忍不住呢間店職員的服務態度，當顧客是出氣袋，比錢吃飯還要受氣，全部經理，職員對顧客承諾的的都可以不一致，態度又如趕客，昨晚終於食到忍無可忍，將所有買來的現金禮券退回，永不幫襯！…查看更多

好朋友請吃生日飯，我們就去了天后區新開的餐廳Le Voila試下，第一次吃到成塊臉咁大的高質素牛扒，好重牛味，而且非常軟滑，吃下去已經知道是高質素的牛扒，另外再order了 炸鴨卷，帶子薯蓉，蕃茄湯，意粉.....等等，所有食物都有水準，而且服務態度也很好！吃了成塊臉咁大的高質素牛扒埋單時3人晚餐只是大約$1300 我們問及職員，原來一般晚餐二百幾都交易，好抵！價錢公道，非常滿意的一餐，值得推介！ …查看更多

呢間頂左手比人唔掂，應該無下次！呢間天天旺蒸氣鍋，我大約兩年前已經不段買團購，已經吃過無數咁多次 (未頂手前)，當時食物種類很多，質素也不錯，例如有：墨魚滑，鯪魚滑，蔬果和菇類種類也很多，連雪糕都有六種味道，每次吃完蒸氣鍋，都可以隨意加錢$50轉湯底，如果唔想加錢也可以用原有的蒸氣鍋免費加水吃火鍋的！但今日再去竟然發現放食物位置完全改變，款式明顯勁少，而且看到格局已經頂左手比人做，蒸氣海鮮無太大分別，但刺身無味，連火鍋蘿蔔都無味，幸好牛肉還可以，到我們吃完蒸氣鍋竟然焗要我們加$50轉湯底才可以吃火鍋，我當然唔肯，平時食開都唔洗加錢，已經每位二百幾無咩食，重要加錢，彩佢都儍，我們就堅持像以往自己加水落蒸氣鍋，職員見到就焗住話比個吉煲我吃火鍋，點之個吉煲來到，竟然是上一手食完未洗煲，還有勁多火鍋污漬，我們唯有又叫職員換過，真的未試過任食竟然吃得咁少，最後唯有搵個烏冬質飽自己，呢個價位食物得咁少款式，實在好唔掂，如果其它火鍋店用呢個價可以非常多的選擇，甚至食物款式和質素會好好多，所以唔會再去了！非常失望…查看更多

今晚第一次用團購去Gusto Cafe晚餐昨日看到下面食評，個其實心有些驚，因已經買了團購，所以都要去博一博，結果都幾滿意！我們二人，開始來餐湯：松露忌廉湯幾好味！沙律我們order了兩款，蔬菜好新鮮！到主菜order了燒西冷牛扒配紅酒汁，牛扒5成熟，幾鬆軟另一個主菜order了烤紐西蘭羊鞍配阿根廷青醬，賣相非常精緻，特別讚是有一件蕃薯蓉，好好味！再order飲品，兩杯飲品來到七彩繽紛的顏色實在太美了，味道也不錯！餐後最重要當然是任食甜品，我們共吃了五款綠茶心太軟配雪糕，草莓心太軟配雪糕，薑汁梳芙厘，焦糖香蕉朱古力窩夫，朱古力絕綿花糖奶凍除了薑汁梳芙厘不夠滑外，其它甜品都不錯，由其是心太軟的皮做得好香！當然不能與酒店級數比較，但百幾元的晚餐加任食甜品，實在超值！另外要讚的是職員好有禮貌，而且很親切，一定會再來幫襯！…查看更多

呢間盛八燒肉店尖沙咀分店做放題做得好寒酸我已幫襯呢間盛八燒肉店兩年以上，最近見尖沙咀有週六及假日2小時放題，就訂枱試下，訂枱前已向一位新上任的盧經理說明(因呢間餐廳每兩個月就會成班仕應連經理更換)，我向盧經理說明如果沒有足夠的厚切牛舌(唔辣)，我就會轉去旺區分店食set Lunch，當時盧經理承諾一定做到有足夠的厚切牛舌(唔辣)，而且我還說明，我們來是為了厚切牛舌(唔辣)，請提供足夠的給我們，前一日又再電話通知，我們今日的需要，到今日去到只Order了兩次厚切牛舌，就同我講已經賣曬，為何一早承諾，今日就只得兩轉？厚切牛舌是餐廳多人叫的招牌菜之一，點會賣曬？不用想都知是刻意啦！還有我們一行六人，每次來的食物就只有四件 (四件一人一件都未夠分啦！這叫放題嗎？)，還要等好久甚至吹促才來第二次，未試過食放題食成咁囉........直至尾聲，我終於嘈，先比了一碟份量似樣的牛肉(並不是牛舌，牛舌一早已話賣曬)，如果一早知道被呃，我們就不會訂尖沙咀放題，轉去旺角食Set Lunch啦！食到一肚火，還有入座時六人，他們還想給我們六人一張卡位，得一個燒烤爐，基本常識啦，六人一個爐食2小時，點燒呀？一定食唔飽啦！我們當然死人都唔坐啦！其它枱是有位的，實在離譜！見我們不肯坐，之後才安排另一張枱，有一次仕應來執枱，竟然將汽水淋到我頭，重矇然不知，要我出聲話佢，先說不好意思！食到咁谷氣，好心咁寒酸就唔好做放題啦！想去食呢間放題的朋友，就自己諗過先，免得谷氣！…查看更多

我買了呢間亞坤團購，見日日都咁多人排隊，所以決定買外賣算，點知兩盒飯等左半個鐘，吹左4次先取到，一盒是海南雞飯，另一盒是咖喱雞飯，$48海南雞飯就小到不得了，而$48咖喱雞飯就多些，不過從未食過咁難食的咖喱雞飯，完全無味，雞飛是無味，茶餐廳好過佢好多倍，唔明點解重有咁多人排隊…真係請我食都無興趣，一定唔會有下次 …查看更多

咖喱牛腩如果炆得淋事實係好食的，不過時淋時硬，出品非常不穩定，我試過同仕應講有次外買回港的牛腩好硬，佢地竟然叫我自己番屋企炆下先食喎…吹張，我自己想炆就唔洗入來幫襯啦！又試過下午去食果陣牛腩好硬，叫佢炆淋d，我會晚上再來買外賣回港，佢彩我都儍，呢間野有顧客講出品唔掂，都唔去改善，態度重好似應該咁…真係做臭自己個名唉…要食就要博下當日好唔好彩牛腩炆得淋唔淋了！…查看更多

幾個月前到澳門，去了牛記食咖喱牛腩覺得好好味咖喱好香好辣，而且牛腩夠淋不過昨晚再去買外賣咖喱牛腩回港結果好難食，牛腩好硬，幾乎咬唔開花雕雞就切到好碎，好細粒由於是食物，最慘就是由澳門帶到香港要小心拎而且有汁都幾重但換來是拎餐矇及不好吃，今次非常失望希望牛記能夠改善，未煮好的出品就唔好賣出…查看更多

一向唔鐘意食魚生的我……最近竟然變成了藍鯨日本料理的常客我在紅磡工作，有次同同事去了藍鯨日本料理食 Lunch，當時 order 左三文魚親子剌身飯，發覺佢地D剌身好新鮮…好好味，而且更覺得藍鯨日本料理…比起其他餐廳的刺身用料好，有時連放左工，晚上都去食埋晚飯！ 今次我有朋友生日，特登去藍鯨日本料理為他慶祝，我地 order 左…燒雞軟骨、燒牛舌、鹽燒三文魚頭，三文魚壽司、火艷三文魚壽司、帶子壽司，三文魚親子飯、粒粒魚生飯、三色魚生飯…等等刺身新鮮就一定，而且刺身飯係厚切，十分滿足，原來燒物都好好味…由其燒雞軟骨同鹽燒三文魚頭，燒雞軟…燒得骨好脆，好野味！燒三文魚頭…勁香！食食下有個廚師，竟然送上好名貴的金薄三文魚壽司蛋糕，蛋糕入面好多料，重好多蟹子、蟹柳…等等，嘩…真係好名貴同好有心思，因為我地成班朋友都係做珠寶行業，最近D足金咁貴，當然氹到他們開心到飛起啦！重話下次要再來食過喎…美中不足係餐廳比較細，不過又令我地反而覺得有一番風味，好似在屋企慶祝生日咁，份外溫馨，我D朋友重玩到企晒起身添…真係當自己屋企一樣…笑死！我地玩足成晚食足成晚，價錢都唔貴，真係好開心！…查看更多

我在紅磡多年工作，一年前同四個位同事去食Lunch，三位同事叫了雞扒意粉，我其中一位同事order左一份龍利柳意粉，結果食了一淡，只係一淡，咸到飛起，便立刻叫仕應更換，仕應等了一陣，話唔換，佢話老闆唔肯換，我就忍唔住同佢講，咸到咁叫人點食呀？仕應立即叫我入廚房同佢老闆講，我當然為有照入啦，點知個老闆重惡過我，話無可能，個個食一淡唔要我點呀？講真我地得一個鐘食飯時間，如果唔係難食到食唔到，都會照食啦！唔通博遲到咩…個老闆係都堅持自己D食物無問題，叫佢試下，佢又唔敢，係都唔肯換，重比佢駡一餐，當時重嘈到其他客人望住曬，結果我同個仕應講，如果唔換，我地食唔到果碟就唔比錢，到最後我地淨係比左食到果幾份錢，老實講到現在都唔會再幫襯，不知所謂！…查看更多

今日一行兩人，從香港到來，諗住食完川菜，就去678按摩，一心想試下呢間川菜，因為上次曾經過，見到環境唔錯，好有外國feel，因為工事在身，所以當時無時間試，我們叫了四款菜，水煮豆花魚、香辣金菇牛肉、涼拌青瓜、雙椒炒雞結果四款菜都對無失望，好味！直得推介…查看更多

我今晚去了蒲鍋，我都係一行五人，見到下面食評話五個人比得一個爐，我去到即刻同門口個不男不女的仕應講，我五個人，最好比兩個爐我，點知果個仕應話唔得，我就死都唔入去食啦！起初以為無兩個爐果種檯，後來我朋友遲到，見我重唔入去，就再過去問，好彩有個著黑西裝的仕應走過來，先比檯我地，原來真係重有兩爐檯，當時個不男不女仕應都好唔想比咖，後來著黑色西裝仕應，可能職位比較高級D，一定要佢比我地，都唔明果個不男不女的仕應…點解係都唔比兩爐檯我地，佢寧願唔做生意，都唔肯比……講到食物質數…除左牛仔骨比較好，其他就一般到唔一般，最慘係連牛肉都一般囉……跟本唔係咩和牛……完全無味！就算有鹽同黑椒都係無味……跟本就唔直$170位講真去漢和好過……平、靚、正比我地點果個汁有三個味，其中一個味我食完，叫仕應加番D汁比我，佢重話今次比你，下次要收錢咖…真係想頂佢，嘩…你D野無味，唔點汁食跟本同煲熟無分別，重話要收錢，咩做任食先，我又唔係要佢比另類醬汁我，只係要番原本佢地送個款汁……都話要收錢，我都未試過去食野，加番送的醬汁，要再比錢，不知所謂！呢間野又貴、無唔好食，款色又少，態度又差下次真係唔好搞！…查看更多

今日特登去試下回味館呢間餐廳…… 一行6人我地Order左水煮桂花魚……勁正好新鮮，好味過去大陸食辣子雙雞(田雞同雞件)……味道好……只係雞件切得比較細脆皮豆腐……好滑好好味擔擔麵……唔錯……個湯比較麻辣，小花生醬水煮牛……都OK……不過如果牛肉再淋D就更好樟茶鴨……好香黑醋骨……味道好……不過多肥豬肉，少瘦肉，有代改善汽水5罐、白飯7個這餐吃了$890，味道同服務都一流，最差就係洗手間在街外，其他就好滿意！一定會再光顧！不過如果價錢可以調低小小就會更加好，就可以經常都去食啦！…查看更多

昨日火到來，從未試過等位要等二個幾鐘，由7:00等到9:15都未有位，只係食碗烏冬，但是到最後都無食到，因為等到兩個鐘我已經頂唔順去問個仕應，但她態度勁差，重話你前五張都未有，電話都未打比佢地，咁我聽唔清楚，就問佢係唔係前五張走左唔食呀？個仕應竟然答我…前五張都未有，你點會有呀(個樣寸到爆)，話曬都係顧客，今時今日咁態度真係…結果我D朋友好嬲，話唔好食，我地走，等位等到好似乞丐咁，之前我食過一次食物有些OK，有些就一般，不過希望個老闆真係要正事下…等位時間和仕應態度，否則會留失好多客人，所謂花無百日紅！…查看更多