肯尼的个人专页

住附近，對茶木出品一直都好有信心，老婆特別喜歡它的甜品，尤其黑糖芋圓。每次經過都會買俾老婆食。今晚係附近買鹵水加餸，當然行去茶木買一份黑糖芋圓啦。落完單俾完錢，職員同我講好快有5分鐘。果然好快做起，攞返屋企放入雪櫃，食完飯，老婆準備食甜品-黑糖芋圓。一打開個蓋，老婆叫我過去睇，我一望，第一個反應就是份量少，賣相同之前唔同。顏色明顯好淺色，再試下味，完全冇黑糖味，失望！希望今次係個別事件，如果茶木睇到請好好管理出品質素，希望下次有改善。…查看更多

慶祝好友生日,今晚黎左呢度食晚飯,早幾日已訂位,訂位時講明12位,但去到佢俾我地張枱係10枱,坐得有d逼:(!大約晚上7:30我地9大3小陸續到齊,今次黎其中一個目的係想食大閘蟹!好,人齊開始點菜,我地點左以下的食物:1. 小食:鹵水掌翼(味道一般),高山耳拍青瓜(高山耳份量較少,青瓜好爽口)2. 五指毛桃燉竹絲雞(例湯:()3. 清蒸燕班(魚新鮮,但太細條)4. 蒜茸蒸元貝&聖子皇(大隻,好的粉絲,好味)5. 龍蝦伊面(特價野,叫多2份,龍蝦預左少,但原來伊面都好少)6. 大閘蟹(一般)7. 竹笙羅漢上素(份量少,多獻)8. 金銀蛋浸菜苗(味道一般,份量較少)9. 壽包(蒸籠凍,包微暖,包硬,不能入口)…查看更多

住係附近,光顧呢間野十次以上,但每次都感到樓面的服務很差!繼續幫襯因為食物味道同質素唔錯,以為服務會有所改善,但今日食完又再一次失望~去到攞飛等位,然後接待員帶我入去,但張枱未執過,企係度等佢地執枱.執完枱同樓面講有6大1小,要1張BB椅.佢擺完6個位就走左..張枱得4張椅.20分鐘內,前後叫左4個不同的樓面及經理表示要椅子,但都沒有跟進.最後叫第5個先致至俾到我!好彩其他家人未到,唔係真係要企係度等!自問每次叫佢地都有禮貌,每次叫完都會等一陣,見到佢地做緊其他野..好似失左憶咁..你望著佢地佢都完全冇反應..我覺得如果唔夠人手,等耐D我唔介意,但對顧客的多次要求毫不在意,反影員工的心態非常差!我以後也不會再幫襯,寫呢段野純粹發洩,從未試過如此堅決要上來寫食評~…查看更多

上星期睇完阿so的飲食節目介紹坪洲呢一個地方，由於未去過坪洲，於是就上網找了些資料準備星期日去，除了節目介紹的蝦多士出名外，有間叫做快車茶餐廳，食海鮮及小菜都好多人讚好。於是星期日我地一行四人早上8時由中環出發去坪洲。去到坪洲我地沿著個島環繞了一圈，行完大約是11時50分，於是我地就去找賣蝦多士的鋪頭，找到了蝦多士但由於門口太多人排隊，於是我地決定先去快車食午飯，食完再翻黎。其實快車茶餐廳都唔易找，要問下當地村民先找到，入到去有2-3張枱，一位大嬸見我地入去就問我地有冇book枱，我地話冇，佢就叫我地座近門口的四人枱，原來鋪入面仲有幾張大枱，可能個d已經俾人book左。我地一坐低，個大嬸就行埋黎問食咩，由於出發前係openrice睇過呢間野的食評介紹，於是我就叫左：1. 豆卜湯 2. 蝦糯米飯 3. 花雕蟹 4. 炒菜 5. 家鄉小炒我就唔係d咩食家，但同行一位朋友是從事飲食業，佢對以上菜式d評語：1. 豆卜湯：湯表面是奶白色，但飲得出不是魚湯，因為有好大陣奶香味，豆卜讓蝦膠唔錯，個湯就唔得；（價錢：$68）2. 蝦糯米飯：海蝦新鮮，糯米飯一般，朋友話蝦同糯米應該是分開煮的，如果蝦放於糯米飯面蒸熟，糯米就會滲有蝦汁，但我地個籠唔覺有；(蝦：$45，糯米飯：$80，埋單先知一籠糯米飯有兩個價錢，加埋：$125）3. 花雕蟹：由於店內沒有海鮮，落單阿嬸就話如果你要食我就幫你叫街市海鮮鋪送黎，蟹幾錢就唔知啦，加工費就要$75，由於我地都鍾意食海鮮，加上食評話呢味菜好好食，於是就order左2隻蟹，出黎結果係：碟野好大陣酒味，2隻蟹仔擺面，蟹冇膏之餘，肉有d梅梅地，好難食~（埋單先知個2隻蟹仔要$70，加工費$75，共$145，最後我地行去搭船時經過坪洲街市，我地好奇入去海鮮鋪睇下，原來頭先食的蟹只賣$40/斤，以個d size黎計，我唸一斤應該有4隻以上）4. 炒生菜：一般味道（$38）5. 小炒皇：有蝦乾、海節等，味道一般（$68）叫左2支汽水$8/支 一碗白飯$7 埋單收我地$507，單都無一張俾我地睇，我要求佢解釋菜式價錢，有個肥婆（我唸佢幾老闆掛）口黑面黑咁拿了張手寫單給我地睇，單上面只寫了蝦和蟹的價錢，其他的就沒有顯示了，由於當時店內非常混亂，我地又趕船於是就擺低$507就走左，上船後我地計多次，全單都只係：$467！唔知係計錯定有心收多，埋單唔俾單人地睇，奇怪~~講翻上面，點解會話店內非常混亂呢？事緣正當我地在用餐時，有一班人大約5個入黎等位，阿嬸話現在無位，叫佢地出去行個圈先返黎睇下有冇位，點知個班人就留係鋪內等位，大約10分鐘後，另一班人入黎，大約4個人，帶頭的阿叔問有冇位，阿嬸話冇，咁個阿叔就問阿嬸點樣等位法，個阿嬸無答佢，於是個阿叔就企係我地張枱側邊等，當我地食完叫埋單時，之前入黎個班就立即埋黎，咁企係度個阿叔就立即話張枱我等左好耐，2班人就嘈了上來，個肥婆走入廚房唔敢出黎，好攪笑，最後其中一班人好憤怒咁走左，跟著個肥婆先行出黎，仲係度話：個個都要等位架啦，佢地都痴痴地的~我經常上黎睇食評，寫都係第一次，仲要寫咁多字，其實我想講呢間野真係不知所謂，如果你唔信下次去坪洲可以去試下~~…查看更多