sauching0111的个人专页

見佢有優惠，可以食四個鐘午市仲要咁多海鮮，睇嚟真係好吸引點知中哂伏👎🏻千祈千祈唔好試，不可一不可再！全部蜆、蚌都係爆沙！冇錯係成口沙！係雪藏貨，D蜆仲夾哂雪，好明顯冇吐過沙。D蠔勁多黑色水走出嚟，有啲都係有沙！而且一D蠔味都冇！成條魚係正常嘅，不過個爐冇咁多位！亦都一D魚味都冇👎🏻冇扇貝，從來都冇！!鮑魚好黑唔敢食，冇試….流水蝦冇蝦味…..唔係你想像咁….出面的熱盤更失敗有豉椒炒蜆，俾人夾到全部都係殼，好難咁搵到一舊有肉既食下，超級鹹，同埋冇refill過….二人坐位係超級迫！爐係好細！如果二小時半一定唔夠燒，佢仲要45分鐘前截停取食物，所以晚市一定勁唔夠時間燒，仲要個爐唔係好夠火力，只能慢慢燒！服務態度真係差到睇其他食評就知！真係唔好試！YouTube果個絕對係宣傳，真係差好遠！我真係未食過海鮮全部都冇味，食完都唔知自己食緊啲乜嘢😅真係俾咗我對海鮮全新嘅感受…查看更多

今次試吓唔係任食火鍋，環境真係好好，服務真係好好，員工都好有禮貌，前菜好好食，有涼拌魚皮同中華沙律任食水果有西瓜同哈密瓜，仲有啲白飯任添，啲茶都好香濃，有好休閒嘅感覺👍🏻不過我哋叫咗個花膠雞湯底，真係對佢好失望，簡直係碗仔翅嘅質地，完全唔係新鮮雞煲出嚟，啲雞粒係急凍貨，完全冇雞味，用豬皮當魚肚唔緊要，但都唔好加得太多生粉或者馬蹄粉，都唔似打邊爐嘅湯底，無論你放啲咩落去都變咗味精雞湯碗仔翅味，其他湯底冇試過，但佢連呢個招牌嘅雞湯都用急凍貨，雞件都冇見過，可能食得辣嘅人都係要返鴨血湯底會好啲不過佢鴨血豆腐係任食味道都還可以個店員仲好有禮貌最尾叫我哋會唔會外帶鴨血豆腐佢話都係免費服務態度真係一流仲有沙冰可以免費添，最尾仲有個甜品，都係免費，紅茶梅子果凍都幾特別👍🏻…查看更多

咁啱平日經過市中心見到10點唔係好多人，入到第一轉之前見咁多人排隊都唔想去食食完第一次，唔怪得知咁多人去食呢個價錢有依呢個質素真係好抵$12好多款式可以揀到因為啱啱開舖，第一轉喺壽司帶上面嗰啲都好新鮮自己一個去食都食得好舒服，店員好有禮貌咁詳細講解最鍾意食鱈魚子芝士壽司，好好食都係$12兩件蜆肉麵豉湯一般，係赤麵豉，食得落底有少少沙蟹膏好好味，下次都會再食芥末章魚壽司好夠味，好豐富安康魚肝壽司一般，比較平淡店員間唔中會拎啲特別嘅壽司問你要唔要都幾特別總結來講，如果唔使排咁耐隊就好啦平日嚟食就好啲，有機會會再食…查看更多

酸辣小窩米線都OK，呢個我覺得唔錯，香茅豬扒都幾大塊，抵食👍🏻味道都幾好，份量都夠，要咗紅薯粉，唔使加錢👍🏻上次試咗魚湯底，比較清淡，都OK。不過唔算有魚味。比較唔吸引，我鍾意酸辣多啲。鹽酥雞真係唔得，全部都係粉，得好少雞肉，急凍貨，下次唔會再叫😒上次試過其他小食，都係麻麻。今次服務幾好，阿姐有禮貌，清潔得好乾淨👍🏻因為五點幾去食，所以都有卡位，都食得舒服，其他時間都見到好多人，都比較迫人…查看更多

平時有買開佢D燒味D師傅幾好，買燒味你話加薑蓉佢都都加俾你好過隔離檔，買燒肉叫佢俾醬竟然要加＄先有🤯所以季喜永遠多人幫襯過隔離檔係正常今次買左一隻乳豬返屋企自己剪剛剛燒好仲熱脆卜卜既皮佢俾D乳豬醬都好足👍🏻$600真係抵食👍🏻剪到好多舊食到好滿足👍🏻…查看更多

呢間之前係雞煲點心店，而家做左外賣壽司走高級日式路線壽司係好鮮味👍🏻天婦羅好好味，佢外賣盒都有講究，有個小孔疏氣😆拎咗返屋企都OK但要即刻落order就要等耐少少，大約5-10分鐘但即炸好好味好推介多春魚天婦羅魚春真係好肥好飽滿，又食唔到中間有骨喎👍🏻其他望落都唔錯，不過自己冇食到🤣因為瞬間已經俾人清晒😅下次再買來自己食下價錢唔算平，但都算值返呢個價錢遲吓會再去試吓👍🏻之前佢仲有三文魚頭同魚骨買，我好鍾意煲湯比小朋友都好新鮮，半個魚頭連埋魚骨兩塊都係$35👍🏻魚骨拎去氣炸，做宵夜一流😁…查看更多

因為住得近成日食午餐比較抵食因為晚上冇湯粉麵餐如果住得遠外賣，一定要叫佢分湯加$2，因為吸晒啲湯就唔好味。今次湯底辣度適中，佢有時會完全唔辣，有時會偏辣，但都ok。（我自己平時唔太食辣）海南雞好正，肉鮮嫩👍🏻份量都ok…查看更多