肥西食好西的个人专页

約咗舊同學食飯，近近地就去咗呢間係屯市嘅GIRL BOSS，係以前BABY CAFE嗰個位，裝修仲靚過以前BABY CAFE，粉紅色牆真係望下都少女心返哂嚟講返正題先，佢有個2人SET可以係MENU自己任揀，冇話限死你叫SET就得嗰少少選擇，仲好貼心咁畀Half portion你，等你可以叫多幾款野食，好加分！Main方面我揀咗黑松露野菌Pizza同軟殼蟹冬蔭公意粉，黑松露Pizza上枱都熱辣辣嘅，正路地好食啦。至於個軟殼蟹冬蔭公意粉就真係有驚喜，冇諗過係間咁girly嘅餐廳食到咁泰式嘅味道，仲要都真係辣，唔係熱浪嗰種程度嘅扮辣，真心好食！！！小食嘅ShakeShake雞翼同薯條都好食，食得出係新鮮炸起，ShakeShake粉選擇又多，想試多幾款味呀野飲啲名好靚，不過睇完都唔知即係咩，我揀咗杯叫Children's herbs，賣相就好打到卡啦，不過味道一般，有少少淡Overall食物水準都幾高，絕對唔係得個樣，啲職員仲好nice添。價錢又唔貴，下次都會再嚟食！…查看更多

好耐無同媽咪出去食LUNCH喇，早兩日見星期6得閒，一於叫埋男朋友過黎FAMILY DAY 一下!我地去左元朗又新街呢間BURGER，之前食晚飯成日經過都想試，不過就幾多人下，今日晏晝反而無咩人WOR，擇日就不如撞日啦~~~呢到既店員好熱情啊，好快安排左我地坐低，水就要自己去自助BAR斟既男朋友叫左個紐約8安士雙層堡，真係好大份啊，牛肉個味比較淡，SAUCE 就正常，最鍾意佢配芝士食啊!我就叫左個阿拉斯加特大魚堡，嘩，大到呢......長過一把間尺啊，所以我分左頭尾比媽媽同男友食！我覺得呢個個醬可以再多D，咁就會JUICY D，魚柳夠脆，不過可能要炸到咁脆，所以佢就比較乾喇！拎返個中間位就好了><媽媽叫左個華盛頓總統漢堡，同男友個個差唔多味既，係上面多左巴拿馬火腿，咸咸地又幾好味同開胃啊，呢個SIZE就正常返少少，可以食哂都唔覺濟! 最鍾意呢個啊!我地仲加左錢叫叫小食，有洋蔥圈、雞翼同薯條，洋蔥圈同雞翼都唔錯🤭 反而最普通既薯條係最好食，熱辣辣又夠粗👍🏻另外仲加埋錢叫野飲，比單點平D架!下次要帶埋老豆黎食先!…查看更多

朋友係八哥fans，所以就決定嚟依間八哥主題餐廳試吓！可能我們是星期一，到達嘅時間亦比較早，所以人唔太多，環境唔錯，有很多八哥狗狗擺設，喜歡八哥嘅朋友一定喜歡😍我哋先叫咗啲小食 ，香煎韓式一口和牛配自家製泡菜，牛肉粒好香好嫩好多汁， 連啲泡菜都好好味😋跟住嚟嘅係黑松露薯條，個薯條一放低已經聞到陣陣嘅黑松露香味， 薯條香脆熱辣辣，我哋好快就食曬😜， 仲有個自選汁烤焗雞翼 ，配咗三個醬汁，我覺得配 楓葉糖醬唔錯。主菜嚟喇，原隻龍蝦意大利飯 ，個飯可以用色香味俱全力形容， 龍蝦fans唔可以錯過 ，香辣燒春雞 ， 一攞出嚟已經覺得個賣相very good，食落連雞皮都非常香脆👍安格斯肉眼扒 ， 個牛扒肉味香濃，但係呢一塊就有比較肥，八爪魚墨汁意粉，相對依個意粉就比較普通，最後仲有個卡邦尼意粉配溫泉蛋， 蛋汁配埋意粉都唔覺得好夾， 味道適中唔太濃，啱晒我口味😍今次太多嘢想食，食完都好飽，所以冇機會試唔到佢嘅甜品！下次要再嚟試好靚靚嘅八哥甜品🥧同飲品☕…查看更多

放工同男朋友唔知食咩好, 又唔想煮邊行邊搵野食啦~~~行行下見到呢間餐廳好似幾多人食,應該無咩伏既就一於試下叫左個皮蛋蝦餅, 叫佢同平時D蝦餅咁唔同就叫黎試下啦上到菜個皮蛋同蝦餅分開左既~  我諗痴埋會好D既不過夾埋一齊食會好D蝦餅有D薄, 想厚返少少, 不過味道都唔錯既整體上之後叫左鐵板蠔仔蛋~ 第一次係泰國餐廳見到呢味菜原來就好似蚵仔煎咁, 又幾多蠔WOR, 之後叫左個蟹肉粉絲做主菜2個人SHARE 食份量岩岩好啊~…查看更多

Last week i celebrate the wedding anniversary with my mum and dad, we choose this restaurant to have our dinner.when we arrived the restaurant,the waitress brought us to our seat and the environment was quite comfortablewe ordered a pizza with salmon, it was 11 inch big. Also, I half boiled egg was given and we could our it on the top of the pizza.The pizza was big enough for 3 people. We can have salmon on each piece of pizza. Then, we had a lobster soup. There were some lobster meat inside. Yet, the soup was a bit salter than I expected.Last main course we ordered a M5 wagyu striploin with medium cook. It was amazing. It wasn't overcooked and the meat was melted when I put into my mouth. Although it was a bit expensive, it worth!!My dad ordered an iced oreo chocolate and he liked it so much. He encored this when he finished the first cup. HAHA…查看更多

今日食間北京菜館，門口有好多中國特色擺設，最特別係有一個花轎，好多人都係係電影先見到，環景都好特別全部都係木枱木卓，麻辣地豆絲，味道剛剛好，唔會得過辣冇味。半隻北京填鴨，皮好香，又脆，又有d肉，唔會太乾。京燒排骨架，好淋，d汁剛剛好，上到來仲好夠熱。老家烤魚，烤到d皮好脆，d肉剛剛好味道仲好鮮甜，我唔喜歡食魚都食左好多。擔擔麵麵味道一流，結果湯都飲晒。最後來個高力豆沙餅，上得枱來仲好熱，個個都食晒，仲話唔夠。…查看更多

首先，餐廳嘅人真係好nice，餐飯食得好開心。一坐低就有包welcome我地，係homemade包，好好食。作為麵包控俾十分！order咗個晚餐，先嚟個湯，好濃厚，香濃得嚟唔會over咗，好似食緊野菌蓉多過湯，驚喜啊。驚喜一浪接一浪，個意粉超超超好食。原來個粉又係自家製，會唔會太有heart先？我講唔出點解手造意粉好食d，但事實放在眼前，真係好好食。廚師功架十足，只係dry tomato都好食到停唔到。雖然偏油少少，但我理唔到咁多，食啊。好似好威水嘅廚💕🤤，下似要再嚟。…查看更多

一個人晚餐～ 逢星期日晚要去荃灣西上堂，上堂前梗係要醫肚先～一嚟叫咗支豆漿解渴，寫住香港製造，飲落都幾新鮮喎。支裝方便趕上堂嘅我拎走飲。係我最愛皮蛋～一個人食份量有d多～但無計又想食～入口個下覺得無乜辣味，但後勁強，會辣返出嚟。麻香都重，頂到癮。叫咗生菜腐皮芫荽三個餸，上枱熱辣辣，爽。好足料，今次心諗死喇，點食😂😂😂。粉夠稔，想讚下d餸，全部好入味，唔係求其車仔麵咁。湯底唔算好濃，但幾香，味道ok。最後我竟然食得哂，飽到扣唔到褲頭鈕hahahaha。…查看更多

pancake近年真係好hit，上年三月我係ig做咗個七天pancake馬拉松，估唔到年半後嘅今日形形色色嘅pancake店都仲係咁受歡迎。呢間都算近期最熱門嘅pancake店～一開幕排成個鐘先食到，而家熱潮減退，唔洗排餐死就食到，實在太好。先嚟咗飲品先，我同朋友都唔太喜歡飲奶類同咖啡，所以揀咗茶。朋友揀嘅係玫瑰熱茶，花味係好突出，相信並唔係純天然花茶，但亦無妨，好飲就得。我揀咗最穩陣嘅Ice Tea，真係好穩陣😂，都無乜好講。叫咗一鹹一甜Pancake，鹹嘅叫咗煙肉pancake，煙肉上枱變咗一塊juicy豬扒，味道唔錯。pancake鬆軟有質感，唯欠牛油香味，要形容嘅話係「裸」cake，似日式hotcake，好raw。比起鹹版，甜品更出色喎。大塊蘋果好好食，有清新蜜糖味，唔係死甜，配落個raw cake啱啱好，粒粒蘋果就小咗d蘋果味，無大塊咁令人回味。佢另一個特點係個cream，原味同茶味cream都好好味，輕身唔漏。整體嚟講係幾好食，不過首先要拋開pancake嘅固有印象，佢係raw版hotcake。就咁食無乜特別，配上cream同雪糕一流👍🏻👍🏻。…查看更多

同朋友去親街成日都唔知食咩好今次去到MK, 想搵個地方可以坐耐D傾計一致同意去CAFE 坐啦~OPENRICE 到見到呢間CAFE 評價唔錯就一於試下先上去到店員安排我地去SOFA 位仲有鐘比我地禁, 用黎啦落單同埋單我地首先緊係玩下BOARDGAME先揀左玩開既牛頭王玩~~  玩到咁上下野食就上了首先叫左個香辣虎蝦意粉隻蝦又真係幾大隻WOR, 無預計到咁足料意粉真係比較辣, 好惹味, 岩哂我呢D無辣不歡既人另外仲叫左個牛肉漢堡, 大大個一口一定咬哂, 咁就切開佢SHARE 食啦~咬落去肉汁出哂黎, 好滿足啊!!之後仲叫左個千島夏威夷PIZZA, 好大個啊焗得好脆, 千島醬配菠蘿火腿係我最愛既選擇啊~每一塊都好足料, 啖啖都食得好滿足食咁多都飽飽地, 我就叫左水果茶潤下個喉嚨~~平均質素都幾OK啊呢到…查看更多

作為一個新界人，唔係朋友介紹都唔會專登上到嚟呢頭食飯，不過由金鐘站坐的士上嚟都唔駛跳錶，位置都冇想像中咁遠嘅。齋菜嘅選擇豐富，除咗一般清淡嘅菜式之外，都有好多惹味小菜，仲有唔少辣野添！👍鍾意食辣嘅我當然就要試下佢嘅「川式水煮鮮野竹笙」啦，佢除咗竹笙之外原來都仲有紅薯粉等嘅配料，啲料索哂啲汁，花椒又夠哂香，好味！朋友唔食得辣就話都幾辣，不過我就覺得岩岩好。蟲草花鍋筍浸鮮竹聽落普普通通，不過都幾好食，個湯清甜好飲，啲鮮竹吸哂啲湯汁好好食呀，我地幾個食到湯都飲埋😂😂香草焗淮山猴頭菇，唔好睇佢個樣好似好乾好寡咁，食落又幾驚喜！咬落勁香香草味，我仲食到有啲牛油味添，不過齋菜應該唔係用牛油嘅😂整體嚟講好惹味呀，我一個人都食咗勁多猴頭菇！特級松茸石榴球其實即係福袋，福袋本身就驚喜欠奉啦，不過外面淋咗黑松露汁，個汁又幾好食！但係依個記住要襯熱食呀！…查看更多

大啡菇沙律🥗好nice！大菇已經切好變成一口size。蔬菜新鮮無咩好挑剔，個汁係帶蜜糖味但又有少少酸，醒胃，配蔬菜好夾，但同菇就差少少。食個菇個時好似食鮑魚刺身咁hahahahah⋯小食！芝士條個醬大讚！估計係蜜糖芥末嚟，好襯個芝士啊，芝士個質地適中，唔會太硬或者太油。慢煮豬扒（set dinner menu）可惜啊，雖然佢不失為一塊好食嘅扒，但無慢煮嘅軟糯同juicy喎，唔知係咪因爲俾人投訴過啲豬未熟呢🤣🤣，唔係個個識欣賞慢煮嘅又真係。另外一讚就係全部切成一口size！懶人至愛。登登登凳！成餐最期待都係最最最好味嘅九宮格！個包好鬆軟，好似咁咁焗起咁，個邊超脆，正！九種果jam各有特色，每食一隻就好似玩遊戲咁估返佢係咩味～最愛係玫瑰味😍😍，幾種生果味都好鍾意，一次滿足貪心又花心嘅我。果醬特調茶一上枱好驚喜，個杯好靚，飲都開心啲。其實就係熱茶加果醬，果醬係十款揀一款，我朋友㨂咗木瓜雪耳話特別啲，不過我就覺得生果味會夾啲囉😅。果醬自由加，唔好留手落多啲，我地最後用剩一半🤣。…查看更多

兩姐妹一個讀書返學，一個成家立室，好少見到面，一見面就雞啄唔斷。地點定咗係旺角中心點，hani harmony。已經係第二次嚟食，揀呢度嘅原因除咗地利之外，主要係因為佢地cozy嘅感覺，黃光加上木枱白石牆，氣氛好好，其他食客都係細聲講大聲笑，一貫聚會嘅氣氛，令人放低形象，enjoy the dinner。紅桑莓荔枝梳打👍🏻餐牌寫話所有梳打都係鮮果打成。我係好怕藥水糖漿，所以平時我會叫茶或者coffee，好少點soft drink。但見佢咁有誠意，忍唔住叫咗杯嚟試。鮮果自然甜味，紅桑莓味比較突出，要飲多幾啖先出到荔枝味。我最愛嘅位係粒荔枝果肉，有生果食好開心😆。細妹杯玫瑰latte👌🏻外表值100分！味道香醇但可惜玫瑰味略淡，如果可以再重啲玫瑰味就perfect。南瓜湯～～又係一份外表滿分嘅食物。厚身嘅湯我喜歡，南瓜味濃且香，唔錯。個意大利麵包係跟湯上嘅，意外驚喜，好精緻，味道有啲似pizza，好重香草同蕃茄酸甜味。小食拼盤👌🏻我最推薦嘅係蕃薯條，炸得好好。切得夠厚，薯肉唔會乾哂，有返咁上下蕃薯肉先食到個蕃薯香味㗎。而且！表面炸得薄脆，very good！雞奕個味係m記chicken nuggets個醬嘅味，酸酸甜甜又幾好味喎～quesadilla係中式口味，加咗蔥，感覺上偏向蔥油餅或者薄餐嘅味道多過Mexican style嘅quesadilla。香口嘢～做小食唔錯👍🏻👍🏻牛肝菌意粉👍🏻👍🏻好好味啊！！好濃郁要有心理準備🤣，份量好足夠，細食朋友記得兩份share！另一個主菜，波菜意大利飯，我覺得今次揀得有啲失策，佢同牛肝菌意粉個味實在太似喇，二揀一嘅話我會揀牛肝菌意粉👍🏻👍🏻超爆勁好味，我敢講呢間鋪最出色嘅係甜品！香蕉拖肥批，我以為係蘋果批個種，點知係杯裝！甜唔會太甜，好多香蕉，配搭出嚟好夾，直頭想encore！…查看更多

時尚風格嘅室內設計，坐落係荃灣千色商場。一路行入間鋪，環境帶俾我嘅放鬆感，一路令我將一整日嘅鎖碎事逐少拋開。食嘅係家常便飯，小炒。數十蚊嘅價錢，叫多叫少悉隨尊便，相約朋友家人食飯敍舊，一邊傾計一邊慢慢品嚐。座位寬敞，同其他客人嘅距離亦遠，造就一個良好嘅傾計氛圍。叫咗一個紅燒豆腐，豆腐新鮮，調味洽當，好餸飯。再嚟一個好好食嘅蟲草花豆漿浸時蔬。唔常見嘅配搭，菜心吸收哂豆漿嘅味，比平時更軟更甜。個豆漿汁仲好啱餸飯。第三個餸係豆腐蒸肉餅，juicy得嚟唔會鬆泡泡，豬肉新鮮無雪味。兩個人食食到飽一飽，每人一百蚊，坐咗兩個鐘，好抵啊！…查看更多

我只係想講，本來我一心諗住嚟食甜品，鹹食用嚟填肚，估唔到唔止鹹食驚喜到我，出乎預料地最令我忘記唔到嘅係佢地嘅茶。我都係按食嘅次序講啦，佢地嘅鰻魚飯睇落去非常吸引，好大份。鰻魚彈口，飯面有蛋絲，算有層次，燒汁送飯，開胃。不過因為佢價錢唔平，我對佢嘅期待變相高咗。又，我鍾情入口即溶嘅鰻魚，食落口太實在，反而有啲失落。好食係好食，只可以話唔係我杯茶。綠茶冷麵，清涼有咬勁，茶味好輕好輕好輕，食到最後慢慢滲出嚟。如果心入面係想食綠茶味，可能會失望，但以蕎麥麵嚟講，佢相當唔錯。鹹食其實很可以，如果唔想走幾間不防食埋正餐，份量夠，有質素。見到有期間限定，忍唔住叫咗竹炭焙茶卷蛋，仲有個自選茶，揀咗玫瑰蘋果。好食啊！就係一個焙茶卷蛋，好香好香，唔會死甜，忌廉好輕好食。大推佢個茶，非！常！香！仲要唔係得個香味，真係飲得出玫瑰同蘋果。待應姐姐話可以沖三次，每一次會唔同味。係真㗎！蘋果甜味會每次減少，綠茶愈嚟愈香，每次風味都唔同，神奇嘅呢。仲要有漏斗計時沖泡時間，認真得嚟好可愛。再嚟個年糕，試下日本傳統嘢。好食嘅重點放係燒咗嘅年糕到，有米嘅香味，好似食緊燒麻薯咁。抹茶湯唔太甜，啱我心水。最後出場，玉露～好似好出名嘅茶。識欣賞茶嘅甘一定會愛上嘅茶，都係分三杯飲，由清到甘，性價比高！最後仲要加豉油食茶葉，好特別未試過，好似食菜咁。結論係有飲開茶嘅唔好錯過呢間餐廳，超出預期，真茶店！同埋待應姐姐超nice，主動行嚟落單加水，就算坐係角落都唔會被遺忘，very good！…查看更多