sakura_joe的个人专页

入到餐廳就覺得好似去左泰國既餐廳咁，好舒服既感覺，真係好想去旅行坐低就有蝦片食，很脆很好味，一塊一塊咁食，食唔停口😋😋叫左杯鮮椰子沙冰，味道很好，真係有鮮椰子肉，很好飲啊蝦餅好彈牙，熱辣辣，食唔停，2個人叫了半份，有啲後悔只叫了半份😂😂軟殼蟹香芒米紙卷，味道好清新見人叫了扎肉米紙，下次要試下先馬沙文咖喱牛腱，味道帶少少甜，牛腱好淋，用薄餅去點咖喱食，好夾好好味😜😜只係略嫌薄餅有啲硬🤥🤥…查看更多

諗唔到食乜，咁就係openrice 搵下，係韓國食過呢款燉雞覺得好好食，但未試過係香港食，咁就黎試下😜😜因為堂食只可以食到9:00 所以要早少少去食了，擔心要排隊啦，結果疫情關係都唔係好多人外出用膳我好鍾意食韓國既前菜，次次都覺得個芽菜好好食，但呢度既芽菜無左嗰種係咪麻油既香味，我食左啖就放低左筷子了😖😖怕食唔晒啲嘢就只叫左碟燉雞，揀左有芝士既，個樣好靚好吸引啊，叫左小辣，但個人食得辣就覺得唔夠辣😫，啲冬粉好碎好難夾，啲雞入面無乜味，整體黎講我係有啲失望🤦🏻‍♀️🤦🏻‍♀️手調士多啤梨米酒，士多啤梨蓋過晒米酒既味道，如果多返啲米酒會吸引啲埋單時每個細項係已經加左一，令到人好誤會以為個價錢唔啱…查看更多

沿路行去地鐵站順便睇下有咩食見到呢間蝦麵店就入去試下有套餐同散叫的😋😋朋友叫左個套餐，有個細麵+小食+飲品碗麵都唔算細，碟菜好大碟兩個人都食唔晒，飲品就無乜選擇，不是$15以下既飲品要加$10，有啲唔係好抵😞😞我係散叫左碗正常既麵，黎到時見好大碗呢，根本食唔晒😂😂我同朋友都係叫左蝦肉肉片我就食辣味蝦湯底，個人覺得無乜辣味，蝦味都重，只係唔夠辣有少少失望😢而朋友叫左麵羹，好特別，值得一試👍🏻…查看更多

見到門口個餐牌，啲菜式都幾特別，有啲fusion 咁既感覺，本身想試下 卡邦拿炒粉絲，但2個人食唔到咁多嘢，留待下次再試Jumbo 芝士蛋卷睇餐牌個圖時無咁誇張，無諗過咁大碟，啲椰菜絲好清甜，個蛋卷既頭尾兩邊就食有蛋香味，已經覺得幾好食但無特別，但當食到中間既位置就好正，夾起時有長長既拉絲，入口有紫菜味加芝士，食完一個又一個😋韓式豬手呢個分量又係估計唔到咁多，豬手好入味，好似滷水咁但味道又唔係，用生菜夾黎食好正，出奇地夾，但朋友話就咁食好食啲，啲豬手好淋，真係超好食，我平時唔多食豬手都忍唔住食左好多，條骨完全無肉痴住，好勁👍🏻…查看更多

今晚黎左試這間越南菜，黎到時才18:30所以不用等位就可以直入 👍🏻餐牌上的菜式名好泰國feel ，只知米紙卷一定是越南菜 😂😂牛油果芒果軟殼蟹米紙卷本身都有期待呢個菜，但結果入口既味道感覺有啲唔夾，感覺怪怪的 🤨虎蝦蛋包金邊粉2隻虎蝦出菜時好靚咁放左係蛋包金邊粉上，但侍應上菜時隻虎蝦跌左落啲花生碎上，我夾返上去，但隻虎蝦已經痴滿晒花生碎 🤣個金邊粉好似比泰式既無咁酸，個味道都👌🏻，隻虎蝦幾好食 😋香茅脆皮牛腩伴咖哩加左$14 蒜蓉包，但蒜蓉包味道麻麻地 脆皮牛腩係幾驚喜幾特別，未試過，味道幾好，呢個菜式值得一試 🥰🥰…查看更多

今日午餐好想食得健康啲，咁就上網搵下灣仔有啲咩素食就見到啲人介紹這間舖，望下啲食評都好似幾好咁，咁就搵埋個朋友去試一試呢度每日都有6款餸揀，每個餐㨂3款餸，我地兩個人就㨂左其中5款，重覆左其中一款，啲餸我都覺得味道幾好，份量都適中，我與朋友全部都清晒，呢度仲可以免費添飯，所以一定夠飽可以加錢加甜品，我與朋友都覺得芝麻糕好食過薑味蕃薯糕，至少有芝麻味，而蕃薯糕就食唔出蕃薯味，得少少薑味，但都可以試下…查看更多

男人話要慶祝紀念日又想打邊爐所以就㨂左黎養心殿，7:30前埋單有5折優惠，8:30前埋單就有7折優惠入到去好古式古香咁，枱與枱之間有足夠既空間，坐得好舒服醬汁要出去拎，我覺得個蒜泥汁好香好正我地一次過落單，所以會一次過送過黎，好吸引咁叫左個鴛鴦鍋（美人鍋+養生鍋），我覺得2個湯都好好味，而男人就唔太鍾意人參味，所以佢鍾意美人鍋多啲，我飲左超多湯終於可以食嘢了，有男人最愛既牛肉，佢話好好味，之後仲要叫多碟牛胸爽，佢食到好滿足。而我就最想食鴨血，好滑，食到唔停得口。我地叫左鵝肝墨魚丸同黑松露蝦丸，首先試左個蝦丸先，好勁黑松露味，好正，而個墨魚丸就覺得麻麻地。黑柏葉就普通無特別。枱旁邊會有個呢啲嘢（唔知叫咩）用黎整寬粉條最好，寬粉條比平時既紅薯粉淋啲，唔係好吸到啲湯既味道，唔知配麻辣鍋會否match 啲呢分享養心殿 facebook 及簽到打卡就免費送杯飲品突然間話有杯沙冰送，枱枱都有，飲第一啖先知味道，係柑桔檸檬，好清新8:30前埋單有7折優惠，但只可以比現金，如果比信用咭就只可以得72折優惠，好彩咁啱夠現金，但回到家再仔細咁諗，其實72折都只係相差20-30蚊左右啲侍應好nice，會主動幫忙加湯幫忙調較個爐既火力，但可惜送錯2次食物黎我地張枱…查看更多

成日聽人講臭臭鍋而又未食過，今日就搜尋下邊度有得食，就搵到呢間-8鍋我地6:45到，間舖都開始多人，本身安排我地坐路中間既二人枱，但我地唔想咁就提出有無其他位，侍應好好咁比我地調去四人枱坐半邊，坐梳化位好啲，路中間既位真係爭啲都有9款鍋可以選擇，我同朋友好似有啲選擇困難症咁本身想揀麻辣鍋，但朋友唔食辣，如果叫辣就無得一齊分享，加上黎到當然要試臭豆腐，單點一個食材又怕食唔晒，所以結果叫左招牌臭臭鍋，個湯底都幾好，好多豬肉片，食極都仲有咁，點嘢食既醬汁好正，我揀左蒜蓉加辣椒醬，個味道好正，而個餐我選擇配粉絲，但啲粉絲好長，分唔開，食得比較困難，朋友話最愛臭豆腐，個味好正香蒜牛肉鍋，個湯底好勁蒜香味，啲牛肉片唔韌好好味但未食晒啲嘢個火就熄左，可以叫侍應再點返，但8:30開始好多人，想點返個火需要時間等等，侍應們好忙但他們仲係好有禮貌同有耐性去聽我地既要求同盡快去協助我地，值得一讚…查看更多

係橋上行去搭車時見到祥興記個招牌，原來荃灣又開返，好懷念個生煎包，呢間舖就無位坐，得企既位置，都有好多人企係度食既見到粉絲湯就好想了，但天氣又熱又要企係度食，好似好辛苦咁，所以放棄了而家多左黑松露同鮮蝦既味道選擇，有雙拼既，咁就叫左個鮮蝦拼招牌既生煎包拎左上手就好想快啲食，急不及待求其夾左個生煎包，原來係好懷念既招牌生煎包，好多湯汁，好熱，食完覺得好滿足之後再食鮮蝦味，可惜唔夠熱，但都好多湯汁，個湯汁好鮮甜，值得一試…查看更多

次次路過都見到好多人排隊等，諗住應該好好食啦，今日朋友約食飯，我第一時間就諗不如試呢間囉，朋友提早去拎位就不用排隊等埋單走時，門口已經好多人排隊等位了傳統風味無骨豬手飯個豬手好淋好入味金不換炒泰式牛肉河粉呢個就唔值得一試，炒得唔夠香，得啲辣味，食左幾啖大家都停左手唔再夾，一啲都唔好食芒果薄荷梳打開頭覺得個名會中伏，應該好奇怪，誰不知係好好飲朋友諗住穩陣啲就叫左杯泰式凍檸菜（新鮮青檸汁），點知個味道好奇怪，最普通既嘢先會中伏…查看更多

炑八假日都有下午茶餐，所以好多時都係我同朋友瞓夠後既brunch定期都會更換餐牌，今日去到先知無左牛骨雪濃湯前菜+湯，朋友唔食泡菜，我可以獨享，呢度既泡菜唔係好辣，好好味湯就忘記左影，平時個湯好好飲，但今日好似水咁炑八牛肋骨煲配紫菜飯呢個必叫，個汁撈飯好正，白蘿白或紅蘿白都好淋好甜，而家牛肋骨超入味又淋，真係好好味韓式牛骨清湯配紫菜飯以前牛骨雪濃湯個湯底會帶有牛肉味，但呢個就只係清湯帶有啲葱味，真係有一大舊牛骨，啲肉都淋，但呢個餐就無咁吸引了茶餐就免費配飲品青檸檬梳打，出面飲既會加左糖漿，但呢度無，好似我咁唔鍾意甜就啱晒柚子梳打，朋友話好甜，一定啦，呢度好重本咁落好多柚子蜜…查看更多

同朋友去尖沙咀行街必定步行去紅磡站坐車返屋企，咁就唔洗轉車咁麻煩，每次路過都會見到呢間店，次次都好想試下，但每次都係食飽先記起，今日朋友竟然點名指定食呢間，終於試到了店員帶位時會比埋個餐牌同點餐紙，畫好後就到櫃面落單及比錢，有啲快餐店既感覺，但就有送餐服務招牌紅燒牛肉麵，個湯底好好味，啲麵硬度啱啱好麻辣牛筋腩麵，個湯底好好味，啲牛肉就瘦左啲，但牛筋就好淋好味道薄荷咖啡及珍珠朱古力，我唔飲咖啡所以無試到咖啡嗰杯既味道，而朱古力嗰杯個味道唔夠濃，啲珍珠唔夠淋仲有啲硬…查看更多

今晚唔知食乜，見到呢間新餐廳，咁就試一試先，睇相都有啲期待感餐牌上既選擇唔多醬烤雞蓋飯，飯上面既洋蔥好生，食到好辣既感覺，其實可以煮熟少少應該好味道啲，啲雞完全係平時買即煮雞串既味道，個人覺得吉野家既雞飯比呢個飯好好多最差既係啲米太爛，完全食唔到日本米既感覺，食兩啖飯已經唔想再食落去😔😔牛布拉拌麵，啲麵及醬汁好夾，幾好味，但啲牛就差啲，熟左啲及無牛肉味8:02 落單，8:16先有食物到，等左14分鐘，個人覺得好慢⋯ …查看更多

香港開左度小月都未試過食，好想試，今日終於有機會了，但2位既話要等好耐，如果3位以上就好快有位😭😭等左45分鐘左右有個QR Code可以點餐先，但之後入座又要再輸入⋯覺得麻煩所以無試用到搭枱就真係坐得無咁舒服，隔離枱既人講嘢好大聲，攪到同朋友傾計都傾得好辛苦😔😔將張點菜單交左比個店員後，唔夠2分鐘就拎返黎，單又無，咁我地以為係咁啦所以無出聲問，點知我地見附近遲點既都有食物到而我地咩都無，咁就問問店員，隔了5分鐘店員再返黎就話佢地落左單架啦係一次過入單，今次就有張單，但時間顯示係我地出聲嗰刻囉😰😰首先黎左個安平鮮蚵湯，唔係好夠熱，而且啲湯無蚵仔既鮮甜味，唔值得一試😔😔朋友既祖傳肉燥飯，味道幾好😋😋我就叫左個擔仔粿條，味道幾好，只係嫌分量好少😜😜芙蓉炸豆腐，個賣相幾好，味道都可以，但略嫌油左啲😔😔差不多枱枱都會點既蚵仔穌，感覺係炸左一段時間，因為唔係熱辣辣，又唔夠脆同埋有啲油膩既感覺，食多幾件就唔想再食😔😔三杯大腸係最驚喜既，上枱時店員會幫忙攪拌，但要留意一下會否黎錯左三杯雞，有幾張枱都錯左（包括我），開頭會擔心大腸咁樣煮會韌，點知又唔係喎，好味道😋😋最後我同朋友都係覺得台灣既度小月好食啲🤣🤣…查看更多

睇完戲，未食晚飯又唔太肚餓，路過見到沙嗲王，又見好耐無去咁就去試下啦，點知有啲失望😞😞😞打開餐牌見到個蟹粉豆腐鍋飯好正咁，所以諗都唔諗就點左呢個鍋，覺得呢個鍋配飯好似match 過配薄餅，所以選擇了配飯，上枱時仲滾起架，開頭食時都覺得味道唔錯，好香，豆腐又好滑，但食耐左就覺得有啲鹹，一定要連飯一齊食另外，點左個小食「蝦兵蟹將」，諗住又可以食到蝦丸又可以食到軟殼蟹，個賣相好靚，炸得都脆，蝦丸就無乜特別都可以接受，但個軟殼蟹就好鹹，我同朋友食左一件之後都真係食唔到第二件食完呢餐飯，回到家飲了好多水🤣🤣…查看更多