tokiso116的个人专页

西環岀名嘅Soft thunder 係灣仔開咗堂食，今次終於去到試食可能過咗熱潮，平日2.幾到都冇咩人排隊今次試咗好多人推介嘅crème caramel danish $48佢外型好吸引，冇布甸嘅位好酥脆，牛油味香，不過布甸下面嘅包底就淋咗，相信原味牛角包會岀色！布甸正常，有焦糖味，唔太甜，可以一試但係下次會想試下佢哋嘅牛角包另外嗌咗杯Americano (large) $42都係正正常常不過環境係幾舒適，可以hea一個晏晝，做下嘢都得~…查看更多

呢間cafe門口用咗好多綠色植物去裝飾，所以幾舒服今次試咗佢哋嘅lunch menu 1. 凱撒沙律 $78首先lunch menu本身有包餐湯/沙律，因為唔想飲湯所以都照要沙灘，前菜嘅沙律係用黑醋，所以冇咁膩生菜都正常，新鮮，呢度嘅凱撒沙律有加温泉蛋，麵包粒都脆另外加$58 要咗個芒果croffle 啲醬太多太甜，令到croffle變淋，但係有啲過膩 普通另外lunch menu嗌特別嘢飲有半價優惠所以試咗杯接骨木咖啡咖啡味都正常，不過個接骨木味唔係好啱我口味…查看更多

呢間係屋邨入面嘅cafe~近輕鐵站，環境休閑，田園風格，一入到去會見到張大嘅木制長枱，適合同朋友一齊度過一個晏晝我哋嗌2份嘢食、2杯嘢飲1. Panini smoke 3 main ($78)好大份，越式蕃茄包好軟，都幾香，配埋煙三文魚同炒蛋一齊食幾夾，個份量係女仔食會超級飽，呢個價錢以cafe嚟講好抵2. Beef salad ($78)用咗黑醋汁，比較健康，啲菜都新鮮，牛排少少韌，冇咩牛味3.橙啡 ($48)上枱嘅時候，個漸層幾靚，飲落咖啡味唔係好濃，啱一啲唔係好飲得咖啡嘅人4.奶蓋americano ($48)奶蓋幾creamy，咖啡都係同橙啡差唔多，唔係太下濃，唔苦整體嚟講，呢度適合同朋友週未一適傾計食嘢，坐到一個晏晝…查看更多

牧羊少年好多地方都有 每次去食都因為環境夠舒服去食 而且食物都唔差1.檸檬黃油大蝦意粉呢個意粉幾fresh 有檸檬香 而且食落唔係好油 有蒜味 蝦幾新鮮 冇雪藏味 幾好食 2. 蘋果批佢蘋果幾甜 而且酥皮幾酥脆 配埋雪糕好食 不過係難切啲整體嚟講係幾啱同朋友聚會食下飯…查看更多

仲有試到呢間 cafe 門口嘅店名幾吸睛 室內設計白色為主 所以幾光白淨 法式黃洒油封鴨脾 麻辣奶油意粉 $148當日食嘅時候就冇曬鴨脾 所以轉咗蜆肉 意粉軟硬適中 好重花椒味同大量蒜 而且真係夠辣 適合重口味人士 份量都唔細 蜆肉都冇沙 配埋啲汁好好味是拉差酸甜辣醬炸雞翼 $88佢係單骨雞翼 加埋有5隻半完整嘅雞翼 應該一炸即上枱 所以好熱 而且啲醬都好食 略嫌唔夠醬 可以多少少髒髒牛角包窩夫 $72Croffle 都係熱辣辣 夠脆 配埋雪糕 食到冷熱交融嘅口感 香橙蜜柑梳打 $44上枱幾靚 飲落都幾好香橙味抺茶菠蘿梳打 $46又冇諗過抺茶同菠蘿嘅配搭幾fresh 幾夾 有驚喜 綠茶嘅甘味又帶淡淡菠蘿嘅甜味 幾特別整體嚟講食物都好食 而且性價比高 係同朋友一齊坐底食嘢傾計嘅好選擇…查看更多

經KKday book 398/2 嘅tea sets~有近窗邊嘅枱，環境舒適呢期嘅tea set除咗fix 嘅鹹食同撻之外，可以自選2件蛋糕同2杯嘢飲首先嘢飲方面分別嗌咗一壺茶同埋一杯mocha, 茶係玫瑰紅茶，好大壺，茶味都足。 mocha 嘅杯係另一間cafe Milani，唔知係唔係聯名合作，但係拉花失敗，奶泡打得太耐，咖啡味唔夠濃，比咖啡更推薦飲茶，另外佢都可以揀起泡酒。鹹食嘅話，主要有兩款，有龍蝦迷你牛角包同埋帶子魚子醬迷你撻。牛角包都算酥脆，撻皮牛油味都重，正常發撻。另外佢都有六款唔同嘅迷你撻，開心果味唔係好濃，朱古力味最好食。最後可以自選兩款蛋糕，我哋揀咗一款係鮮果千層酥，佢酥皮好脆，而且啲cream唔係好膩，幾好食。另一款就係朱古力蛋糕，朱古力味都好濃，蛋糕鬆軟。整體嚟講，蛋糕幾好食，其他普通不過當係同朋友一齊傾偈hightea嘅時間都係唔錯嘅選擇…查看更多

一開頭上去見到賓館嚇親，不過餐廳都有回應返話唔係賓館嘅牌幾搞笑一上到去冇人，冇開冷氣，好彩係冬天唔太熱嗌咗2樣嘢食1.墨西哥混醬腸仔炒意粉 $118可能冇咩人，所以好快上菜，都夠熱，但係份量偏少，印度香料味好濃，有蕃茄腸仔，食落普通，有啲唔抵2.菠菜三文魚芝士饀餅 full $148一份有6塊，都正常份量，芝士都多，但係三文魚好腥，啲醬冇咩味，蓋過唔多三文魚嘅味埋單計加一，但係呢個價錢係旺角寧願食其他店…查看更多

今日咁啱去到，直入勁好彩，平時都要等好耐食次試咗2款窩夫1.tiramisu 佢個醬就係tiramisu 嘅醬，咖啡味濃，不過朱古力酒味唔算好重，窩夫外脆內軟，啱啱上枱都熱辣辣，唔錯2.宇治抺茶另一個名就試咗綠茶，窩夫一樣都係脆邊，但係今次多咗啲麻糬，不過就唔係好覺，個醬比tiramisu個個傑身，宜家綠茶味唔濃，唔淋醬食仲好，大過呢個嘅配料好多啲，都ok整體嚟講份量大份，唔洗排咁耐都可以嚟食…查看更多

今次都嗌咗幾多嘢食首先試咗佢新嘅 串燒海蝦龍蝦汁燴沾麵雖然佢話係龍蝦汁，但係龍蝦味偏淡，反而重啲蕃茄味，沾麵個人覺得唔夾，用返意粉好啲，蝦都正常另外加$30有蕃薯條份量好多，性價比好，而且啱啱炸起，食嘅時候仲好熱，幾好另外嗌咗個千島醬蟹子帆立貝pizza個外邊皮都算脆，好多料，有茹、洋蔥、帆立貝、蟹柳，味道正常，冇特別另外加$30嗌咗個cake-chocolate mounta 佢係以mouse 為主，中間有banana，好少蛋糕底，味道還好另外跟餐有黑糖姜母茶…查看更多

Pokebowl近排都係香港興起，主打健康飲食，今日就嚟到旺角試下自選蓋飯 $88Base 就揀咗沙律菜，另外揀三文魚 （加$10），有得揀3種小菜，我就嗌咗豆腐、車厘茄、青瓜，醬就係柚子沙律醬另上，食材全部都好新鮮，而且份量好大，就算淨係嗌沙律都夠飽…查看更多

Goodday 由啟德開到朗豪坊，地點方便，所以係佢新開冇耐就過去試食個日大概等2張枱就入到，環境闊落，所以坐得幾舒服我哋2個人嗌咗一個主食加小食，同一個甜品1. 味噌麻椒辣忌廉大蝦意粉 $118意粉煮到啱啱好，味噌味濃，少少辣味，味道幾好，大蝦有4隻，唔係特別爽口，但係質素都ok，而且份量大，係唔錯嘅選擇2. 水牛城炸雞鎚 (跟餐 +$53)有4隻，酸辣平衡得好好，而且就算有醬，啲雞皮都仲係脆，雞肉滑，呢個好食3.白玉丸子培茶、蜜糖脆脆窩夫配雪糕 $118一上枱份量好大，窩夫外邊脆，但係入邊有麻薯，麻薯唔錯，但係太多令到中間太淋。醬嘅味都重培茶味，不過太多，會好漏。味道幾好，但係配粒份量方面可以再調整另外嗌咗2杯嘢飲1. Summer punch $48佢真係會俾冰菠蘿，幾有回憶，嘢飲飲落有少少似雜果賓治2. 抹茶牛奶 hot $49正常發揮，抹茶味唔係特別濃冇特別整體嚟講食物質素唔錯，環境舒適，等遲啲人流少嗰，係一個聚會嘅其中一個選擇…查看更多

俾ig相吸引慕名而來，平日7.去到唔洗等位直入，位置偏遠少少，但係值得！首先，佢set係包餐湯同迷你牛角包仲有嘢飲，價錢嚟講好抵食。湯係羅宋湯同牛角包都係正常發揮。主食揀咗 香蒜辣蜆肉扁意粉 $138有6隻蜆，大量蒜片，少少辣，炒得好惹味，蒜香足夠，幾好食另外+$48嗌咗個小食 黑松露醬薯條薯條炸到脆口，唔油，黑松露醬都好香黑松露味，唔會覺得好漏另外叫咗個 培茶窩夫配檸檬雪葩 $108有4大舊窩夫，外邊脆，而且培茶味濃，雪葩個人喜好鍾意再酸啲，refresh 啲，不過都好食嘢飲方面分別嗌咗杯mocktail twilight $78上枱好靚，飲落一開頭有淡淡嘅花香味，之後有士多啤梨味，係唔錯另外一杯係蘋果檸檬soda 蘋果味足夠，飲落有啲七喜味，不過2片蘋果都幾好食整體嚟講，食物都幾高質，環境舒適，可以chill下同朋友一齊傾偈食飯…查看更多

咁啱勁過，見到Halloween 嘅裝飾好特別就入去食所以都揀咗啲Halloween 先有嘅嘢食OR My Ghost Oreo Souffle $142首先份量好多，個Oreo cream唔漏，配埋souffle 好食，另外紫色個啲係紫薯嚟，不過同Oreo唔係幾夾Soufflé夠鬆軟，有空氣感，略嫌唔夠蛋香另外有南瓜燉蛋，南瓜味重，鍾意食南瓜嘅會好鍾意另外嗌咗個 辣蕃茄蟹肉扁意粉 $98酸酸辣辣，味道唔錯，蟹肉份量都夠，不過意粉有啲散，少少難夾起整體嚟講質素幾好推介…查看更多

大概夜晚7.到，地方唔大，但係冇其他客人，食到8.都係得我哋一枱客因為唔係好肚餓，所以淨係嗌咗個甜品同小食1.脆炸明太子雞翼 $88一上枱見到得3隻雞翼，其實性價比好低，明太子塞係雞翼入面，量多味唔足，雞翼滑同多汁，但係價錢真係算貴，唔推介2.抺茶雪糕窩夫 $128佢外觀打卡able, 側邊嘅綠茶醬綠茶味濃幾好食，窩夫本身冇咩綠茶味，但係淋埋啲醬一齊食係好食，而且外脆內軟，中間又有香蕉，食落飽肚，推介另外嗌咗2杯嘢飲1.藍柑橘檸檬汽泡水 $55上枱覺得好靚，飲落檸檬味唔重，有陣香草味，味道見人見智2.抺茶拿鐵白玉 $68佢偏向牛奶重啲，但係白玉多，有5粒，幾煙韌，正常發揮整體嚟講不過不失…查看更多

太耐冇去，今次再到Goobne食飯，竟然聽到好多韓文，店員好多都係韓國人，感覺上真係返咗韓國咁今次叫咗2樣嘢食1.原味烤雞+蜜糖香滑烤雞 $248呢都啲烤雞真係好滑，而且有肉汁，感覺上比炸雞好似更健康。個人嚟講更鍾意蜜糖味，更加香口2.辣炒年糕 $145呢個唔算好辣，年糕夠軟，而且有好多魚板，不過有啲會有少少腥味，冇話特別推介…查看更多