stupidcrab的个人专页

喺度訂咗個生酮蛋糕，大熱天時行上嚟都幾係嘢，於是坐低飲杯嘢，食個飯先走。飲咗杯偽芒椰奶西，細細杯，但味道幾可亂真，正！再食咗個泡菜雞肉飯，飯係用蒟蒻飯，整體好食，食到唔停口。個生酮蛋糕仲正，之前食過其他生酮蛋糕都比較「鞋」，呢度蛋糕同凡人版完全冇分別，蛋糕軟熟，朱古力味同榛子味都適中，唔太甜，下次有朋友生日一定再訂，試下其他口味！如果佢地點再就腳啲，應該會成日幫襯，雖然價錢小貴，但物超所值。遲啲試埋啲Muffin同咖喱批先。…查看更多

夜晚要去銅鑼灣做啲嘢，上openrice見到附近有呢間嘢幾多好評，就訂位試下。唔知係咪平日，我哋兩個人包咗間餐廳，服務姐姐勁殷勤有禮，我哋叫咗一個西冷，一個肉眼，勁大塊，五成熟，鐵板上剛剛好。聽到鐵板「喳喳」聲，年青回憶返哂嚟。羅宋湯好味，熱辣辣嘅提子鬆餅仲好味，唔係餐包，係鬆餅，特別得嚟又好食。而甜品就失色少少，好似孖寶蛋糕咁，如果配埋懷舊金屬杯嘅雪糕球就仲正。不過$128食到咁多嘢 仲要係銅鑼灣，真心抵啦!…查看更多