kristinck的个人专页

今日又食法國小屋 掛住佢既芝士薯片今日黎剛好有位 唔駛等！！平時都係食lunch set 今次食二人餐 真係好多野食前菜有沙律，雞翼有兩種 一種係醉雞翼 好重酒味 另一種係瑞士汁雞翼 好入味 好冧 好好食，千層芝士薯片香芝士味 而且熱辣辣 超鍾意食 二人份量既意粉 我地叫左卡邦尼 我鍾意食佢唔太漏味道剛剛好 好重奶味 意粉都好多 兩人食一定夠飽甜品窩夫真係好正 我鍾意食又甜又咸既海鹽焦糖就o岩晒我 而且暖暖地窩夫好脆口加埋杯熱朱古力真係又飽又滿足 …查看更多

之前已光顧數次 次次都係食牛 由於現已戒食牛 但想介紹給屋企人食 所以特意book位今次除了叫$1 1g m5和牛西冷外 另叫了豬鞍 全部都轉set先來份子料理 酸酸甜甜 好開胃之後上法包片 同甘筍湯都好好飲再來豬鞍 第一次食 真係佩服 因為塊豬鞍好厚 估唔到仲有肉汁 食落完全唔乾而且保持到肉有彈性 好掛住佢既薯片同配菜 夾埋好好食 估唔到除左牛之外 仲有其他選擇都咁出色 屋企人話牛都好出色 好好味 成餐飯都食得好開心 亦覺得佢地keep到水準 好好 :):) 真心會有下次 …查看更多

伙記叫左幾次 都唔幫手落單 之後落單 寫寫下又走左去 其實我地唔太肚餓 所以叫左四個點心 本想叫甜品 好彩最後都無叫 個女伙記係咁問我地飲乜 因為知食點心應該無set好奇問下價錢 原來一杯檸茶都收$18 其實食點心又要飲咩呢 最好都係茶啦 本身有壺茶又洗乜叫 等左起碼15分鐘先黎點心蘿蔔糕係最無伏味鰻頭好難做到難食 燒賣 變晒形 又咸完全唔得沙律明蝦角最過份 完全無沙律 得舊咸膠食完都飲左好多杯自己帶既水最後多謝 $121埋單 同意其他post講 伙記完全唔想serve你 係度自己大聲傾計 見到餐牌有中英對照 都知出事 無諗過咁伏 …查看更多

我食過升哥幾次 係因為點心先幫襯 唔係服務 今朝十點幾到 同樣多人但唔駛等位 明白佢間舖窄 已經被安排坐門口走廊位 唔緊要 但佢地不斷地從你身後轉 你要不斷地讓位 避免撞到 真係食得好辛苦 完全enjoy 唔到點心 同埋之後的人走 好多吉位都唔會主動幫你換位 之後有人幫襯 果位客人個袋幾乎掃到我地既點心 我先生喝住佢都無反應 我唔知呢個咁既經歷到底店家有無責任？ 仲有茶底完全同之前差好遠 淡味好多 我寧願搵間坐得舒服既 有服務既點心店 好過食得咁唔舒服 無下次…查看更多

好想食燒肉 其實本身想選擇呢一間 可惜包場 所以擇左呢間 其實唔係第一次食 之前都ok 但唔知點解今次食 就好差待遇我地到8：00pm 囉飛8:30pm先有位 同我講9：00pm last order可以食到9：45pm但門口個男侍應 叫左我地號 但遲遲唔肯放位比我地 不斷地放後面4人 我地問左幾次先比個位我地 仲要果個位 睇返其他食評 係半卡即係中間有張圓櫈果張 如果我當時有睇食評 我立即走 同埋裡面根本唔full 即係有位都比唔我地入啦 我果時真係好肚餓 好想食燒肉 而且其他食市都cut 單 咁無計 之後叫左個豬肉set 韓燒 唔包飯乜都無 多謝三百幾 之後叫多個冷麵 同飲品 到我燒時 好野我放塊豬肉燒 燒完燶既 點解？ 因為個網 應該無換 之後我叫佢換個新網 再燒就無咁既問題 仲有未食完就收野 好趕收工 我8點半入架 未夠鐘都叫我地找數啦 比左$580唔知食左乜 仲要有$50 service charge邊有服務 不知所謂既侍應就大把 呢間無下次…查看更多

今日想食點心 上open rice search到幾間 因想試下其他點心 就擇左呢間 但一入門口已經比果個收銀既阿姐 呼喝叫我擺架買餸車係門口張枱隔離 果刻已經覺得態度咁差 食唔食好 點知我先生問係邊寫紙仔時亦被呢個門口既女侍應 不禮貌對侍 即刻起身走人 其實我地食客好簡單 大家互相尊重 如果比錢買難受 就算你既點心幾好食都唔會有人想光顧 我今日係好肚餓未食任何野打算光顧 我都寧願餓住個肚都唔想受氣 同埋我想講 如果唔想做人生意 就一早講 唔好浪費我時間…查看更多

星期六如果去開元朗 都會幫襯下嘩鬼拉麵 呢間係我由中學食到依家既拉麵店 每次都會叫餐b 因為真係好抵 另一位就會叫有刺身果款拉麵我最近愛上左芝士湯底不加辣加烏冬 因為辣可以自己加 另外要豬軟骨 呢度既豬軟骨好入味 軟骨仲可以食 次次都叫 餐壽司就叫三件三文魚 加沙津腐皮船 三文魚係超長果種 啖啖都好滿足 沙律腐皮船好少地方有 我又想食青瓜 又想食腐皮 呢個好滿足到我要求 另外一位就叫豬頸肉豬骨湯底小辣拉麵 豬頸肉都好入味同琳 好好食 佢個餐包刺身 每次都叫三文魚 而且係厚切 我屋企人話嘩鬼既刺身係好新鮮 最好食架 通常我會再另叫海膽魷魚壽司 海膽同魷魚好夾 魷魚好脆口 海膽令到成件事好creamy另外今次試埋海膽壽司得一件 $25 海膽好多塊 唔腥 連另一位唔食海膽既都話ok 侍應好有禮貌 服務態度好好 見我今日行到好熱黎 佢都比個涼既位比我坐我覺得價錢ok 而且比既料好新鮮 一定會支持落去 …查看更多

因個人原因戒食牛肉 間中都有想食牛既衝動 上網留意到聰嫂 有沙嗲牛 可以解下口癮去到都要等位一段時間先入到 地方唔算大 坐既位有點迫 個位有點曬 店員貼心幫我地放下簾 由於更迫 所以我叫店員幫我升返簾沙嗲牛係我見openrice有食評介紹過 所以試下 另外叫左個素牛河沙嗲牛湯好濃 好食 但一個人食晒會太膩 所以share另一個牛河我就覺得味道淡些知道甜品出名 我叫了龍眼冰 果然無叫錯 果肉同好綿既冰溶埋一齊 每淡冰都食到果肉 就算溶左都唔會淡味 再加上椰果 好夾 真係必食店員服務態度好好 又有禮貌 食得好開心…查看更多

呢間日式餐廳 睇餐牌已經想試 門口都多人排隊 見到佢有個set 包甜品 餐湯 都ok就試下 我地見烏冬好吸引 兩個人都係叫烏冬佢叫芝士炸雞烏冬 我叫明太子忌廉烏冬先上個粟米湯 有粟米一粒粒 同埋味道唔太濃 幾好味烏冬都好大碗 芝士湯底比較咸 炸雞好大件明太子忌廉烏冬我反而鍾意 佢唔太濃 明太子小小咸味又唔搶忌廉味 而且好滑 烏冬係粗身 q彈叫左個南蠻炸雞 炸得好脆口 個汁係燒汁 加沙津醬 好似食緊大板燒咁 最後既甜品 cp值好高 叫左個芒果味同朱古力味 芒果好多果肉 加埋脆卜米 好好食朱古力香蕉 本身味道 好夾 食到尾都仲有香蕉 好多粒 唔錯整體都ok侍應有禮貌 而且坐得好舒服可以再試…查看更多

唔怕得罪都要講句 未食過咁難食既點心 地方已經細 食足全程都無冷氣 無比點心紙 要問先比都算 筆又無 又要叫先比 落order等左一陣 先黎炸雲吞同春風得意腸 雲吞ok可接受 腸粉無味就算加左豉油都一樣 之後再黎蝦餃 個皮蒸到爛晒 一夾就散 小籠包皮厚 無特別 食完這些都未黎蘿蔔糕 同春卷 叫取消先黎 另外服務真係好差 未食完就收野 已經地方細 點心籠疊住個阿姐仲好意思話我地唔提佢 籠下面仲有點心 自己做得唔好仲賴客 另外茶無味同飲滾水無分別 雖然茶價$3唔好咁高要求 但真係完全無茶味春卷好難食 用雜果整 個唔知咩味道 好怪 最後仲聽到個阿姐比錯點心隔離枱都可以話個客自己唔出聲 真係無言 無下次…查看更多

見呢間野好多人排隊 一心專程來試 都要等兩張 其實等唔係問題 如果值得既首先叫了個鹽酥雞拌麵 拌麵好食既 個汁有花生醬味 再加個綜合湯配魯肉飯 一般無特別上openrice睇佢古早味雞捲 其實真係脆脆地既雞肉卷同埋樽仔奶茶 真係普通既奶茶 唔太甜無乜茶味加左個oreo紫薯吐司 因為太飽了 所以打包問個店員可唔可以比個盒 話唔得 比個紙袋我地自己裝結果埋單時要加 $1蚊 其實我覺得好核突 駛唔駛咁都收$1 之前又唔聽到佢講 我覺得比人感覺好差 完全趕客 放心呢間無下次 真係未試過咁差 $1唔係比唔起 係唔應該咁計囉呢種小店真係唔值得支持…查看更多

好想食點心但唔想去酒樓 就open rice search下 第一次食 有驚喜金玉滿堂蘿蔔糕 首先個蘿蔔糕唔會太咸 炸到脆卜卜又熱辣辣 加埋個醬汁好夾 下次會試下鬼緊蘿蔔糕 同蒸蘿蔔糕 因為真係好鍾意食蘿蔔糕之後叫左蒜香炸蝦餃 好多蝦肉 大大粒 加上沙律汁 好特別好夾Xo醬豆苗餃都好好味 皮好滑 蝦肉好爽 同豆苗好夾小籠包都可以 但每次夾都漏湯出黎 唔可以食到完整反而紅油抄手就無特別 辣汁分開上 店主有解釋因為怕客人接受唔到辣所以分開上 我覺得抄手似用滾水煮過既豬肉餃 本身無乜味 點辣汁食 自己都整到 可以下次唔試整體黎講 點心都算新鮮 又唔會等太耐 可以下次再試下其他點心…查看更多

係香港無食過生雞蛋想試 而呢間餐廳又主打蛋 再加上想試下佢果個五種唔同口味既玉子 呢間餐廳每次經過都好多人 今次都唔例外 等左半個鐘先有位叫左個牛油果三文魚TKG 飯 侍應上菜有講解食法加飯素同豉油撈勻就可以食 但我覺得味道比較淡 但三文魚粒係新鮮既 加上牛油果好fresh既味道 另外玉子有唔同口味 個人意見無覺得邊隻好食 但兩個人食晒五款的確有點膩試過一次就夠 親子丼出色 雞肉好滑 加上個汁甜甜地又唔太濃味 整體好夾 最後加上pancake 揀左tiramisu 味 中間係流心 cream 加oreo餅 唔錯 估唔到兩個人食左咁多野 不過呢間上菜比較慢 等丼都等左四個字 而個pancake等左半個鐘 催就話焗緊 唔趕時間可以試下既 同埋唔會趕人 我坐左個半鍾都無執野 想趕你走 不過有時想飲水要叫侍應加水 佢唔會主動幫你 如果佢地留意下主動些會比較好…查看更多

Lunch經過見好舊式既快餐店 有時想食小店 因為比較多款式 同埋呢間店應該都做左好多年 決定試下 上次食豬扒茄汁飯無乜特別 睇完食評後 決定試下炸雞脾飯加洋蔥汁 真係無得輸 撈汁食飯一流呀 炸雞脾熱辣辣 皮炸到好脆卜卜 而雞肉又好juicy 又大隻 我無叫多汁 但比既汁量都足以食晒成碟飯 佢既碟頭飯真係好經典 好細個時食既味道 其實仲可以有其他配搭 我見有其他人叫雞脾腸仔飯 價錢都合理 佢都有好多選擇 亦有鐵板餐 下次可以再試下意粉 或者中式飯…查看更多

因工作關係每星期都會去一次食 但都係食lunch 多 未試過食下午茶 今日工作完後終於都可試到佢既下午茶特餐 平時lunch 一人食叫碗豬排麵已經叫唔到餃子 今次既特餐有炸雞翼 兩隻餃子 加碗雪菜肉絲米線同飲品都只係$40 抵食到爆 煎餃真係好好味 得兩隻好似唔夠喉咁 另外要讚既係佢既豆瓣醬 點炸雞翼同餃子真係無得輸 更加好味 好開心 最後都試到 同埋姐姐佢地好好禮貌 再加上疫情佢地會圓枱隔開 食都食得舒服些 又唔會太迫 可以自己一個坐 有機會既話會再幫襯…查看更多