為食小jj的個人專頁

作為一個榴槤控 4月初見到Hotel Icon推出飄香榴槤下午茶 當然要第一時間訂位啦雖然係平日 但依然full booking酒店亦做足衞生措施 提供信封放口罩 非常貼心 抵讚飲品揀左其中一款TWG tea侍應姐姐亦都好細心 話等緊既時候可以去攞雪糕先不過都好快黎左鹹點有5款每樣都有驚喜 比想像中好食畢竟鹹點一向都唔係下午茶既主角重點推介蝦多士同海鮮脆米餅唯一美中不足係春卷同雞肉串好難蘸到底下個醬汁建議可以用隻小碟盛載下層左至右：菲律賓豬肉春卷，懷舊港式蝦多士，星洲牛肉乾，泰式海鮮脆米餅 (脆米餅另上)中層左至右：馬來沙嗲雞肉串，烏龍茶啫喱，馬來西亞斑蘭蛋糕甜點有6款當中有4款 亦即係放上層既係榴槤既甜點左至右：抹茶荔枝D24榴槤卷，金榜榴槤芝士蛋糕，貓山王榴槤布甸，榴槤爆谷泡芙我就覺得布甸同泡芙做得最出色尤其是個泡芙 爆哂饀 啖啖都係榴槤蓉 混入埋雲呢拿籽而食到最後 個泡芙皮都仍然保持脆身 多重口感 超級滿足重頭戲唔洗問就一定係任食自家製榴槤雪糕啦足料就唔洗講啦 配埋上面既榴槤蓉感覺食緊原個榴槤咁 無得輸呀!!!再配埋附送既榴槤卷 再多個脆脆口感鬆餅有水準除左傳統搽clotted cream同jam之外發揮創意 蘸上榴槤雪糕同榴槤蓉又係另一番滋味 無得彈行政總廚Danny Ho期間會逐枱同顧客打招呼派卡片係一片印有個人資料兼食得既黑朱古力有心思之餘 亦都誠意十足值得一讚既係 酒店知道我地係黎慶祝生日特意送上驚喜 非常有心 多謝哂 <3…查看更多

超羣又出左新系列仲係我好喜愛既焙茶系列收左工就梗係第一時間去食啦焙茶麻糬蛋撻($9.5)攞上手微暖咖啡色既表皮 有啲濕氣 見到啲水珠一咬第一啖係幾香焙茶味既 但只限於第一啖焙茶味愈食愈淡 因為俾撻皮既牛油味搶哂蛋漿同撻皮中間有層麻糬無味架 不過煙煙韌韌 係幾過癮既蛋漿部分愈食愈濕 好奇怪愈食感覺就愈似食緊個加左麻糬既原味蛋撻個配搭又麻麻地 只係個牛油撻皮保持一貫香鬆脆既水準忍唔住食埋個原粒栗子焙茶大福($8.5)外表麻麻地吸引仲以為會灑滿哂黃豆粉個皮軟熟煙韌 不過略嫌厚身焙茶吉士裏頭隱約食到焙茶碎粒食食下食到原粒栗子不過味道唔係太夾總括黎講 焙茶系列試一次就夠了…查看更多

梅花邨小館 我細細個就聽過呢個名係區內薄有名氣既潮州菜小館是晚媽媽心血來潮想食潮州菜諗起呢間梅花邨小館好啦就一家人過黎食啦等左十分鐘左右就入得蠔仔粥米粒粒分明 泡飯咁樣主角蠔仔下得慷慨紫菜冬菇提昇到鮮味入口好舒服連我呢個唔係好鍾意食粥既人都食左唔少鹵水拼盤(大) $98好豐富呀 有海蜇 鵝腸 五花腩 墨魚 豬大腸 紅腸 豆腐 鹵蛋 鹵得好入味 不過加大份量都仲係略嫌偏少鹵水鵝片($100)肉好嫰 一樣鹵得好入味完全停唔到口啫啫通菜煲 ($75)份量比想像中少夠火喉 上枱一陣都仲好青綠色脆皮黃金豆腐($55)即叫即炸熱辣辣 無誇張架真係辣親個咀 個皮好薄身 脆到不得了 有少少胡椒既鹹香裏面滑到一個點 完全入口即溶 直頭唔洗點4個人5個餸 埋單$428唔洗加一又好食 抵到爛啦…查看更多

CEO曾幾何時係我地頭就黎俾我唱到爛哂上年裝修到今年都有成大半年終於上個月重開番上個禮拜去完旅行落機癲到即刻仆黎唱k裝修完地方闊落左 K Buffet選擇都幾多一樣有生蠔有刺身有壽司熟食都好多款式 仲keep住不斷refill仲有炸物 睇住師傅不斷上粉不斷炸完全無停過手 所以啲炸物係熱辣辣既不過我唔好炸物 所以無食生蠔每次限攞兩隻幾大隻 幾新鮮 海鮮仲有蟹腳 蝦 青口 螺熟食熱辣辣 炒粉麵飯雞牛豬羊鴨魚乜都有可惜眼闊肚窄 食唔到好多仲有一檔係專燒牛柳豚肉羊架帶子同蠔次次都俾人秒殺 係有酒店水準既 幾好食尤其個豚肉好有驚喜燒到啱啱好 好嫩滑好juicy隔離個乳豬飯我就覺得麻麻地海底椰燉雞湯 足料羊架 燒到啱啱好配埋薄荷醬食 一流!椰汁燉燕窩又係好好飲 飲落好順口好舒服甜品櫃 每次限攞三件都幾多款 又係會keep住refill最好食係cheesecake 好後悔無食多幾件呀木糠布甸同燉蛋都幾好食 其他就一般心太軟會出4輪 每次出8個排哂隊等 又係一出爐即刻俾人搶哂一切朱古力漿即刻湧出黎 香濃之中帶微微甘苦 連埋伴碟既cream一齊食可以中和甜膩有水準啊!連埋加一$285/位 抵到爛啦仲可以唱到天光不過第二日要番工 12點幾就走人lu~…查看更多

身為麵包癡既我 有靚靚麵包食就已經好開心今日呀妹去開新蒲崗 去左呢間嚐麥手作之前呢間野好hit fb成日見到佢個抹茶奶油包不過呀妹就話唔見喎海菜鹽麵包番黎之前已經俾呀妹咬左一半本身係牛角包咁既造型鹹鹹地 都幾多紫菜鋪面麵包質感鬆軟得黎帶煙韌好中意呢種咁Q軟既口感不過個包就偏油朱古力軟心包個包一樣都係咁Q軟裏面朱古力餡竟然唔係軟心反而仲食到有一粒粒朱古力粒唔會好甜 我最怕死甜又漏仲有兩個未食諗住聽日叮下佢 睇下個餡會唔會溶先鹽可頌面頭中間有幾粒鹽雖然簡單但已經好好食外脆內煙韌 正!紅豆包紅豆餡都幾多 唔會好甜 仲食到一粒粒紅豆 幾有咬口 仲有說明書教你點樣保存包包仲有加熱方法等等 好細心知道老細喺外地學師番黎堅持用靚料製作麵包好欣賞佢對製作麵包既熱誠加油啊 希望有機會可以再試其他包包啦…查看更多

知道呢度有平靚正既自助素食早餐趁上個禮拜去旅行 臨上機前黎食個靚早餐一入去 有個男經理好殷勤咁招呼平日一位$28 再加$7茶水$35自助早餐可以去邊度搵加上呢間係專請長者既社企 推動長者就業全部員工都係上左年紀既公公婆婆咁有意義 一定要支持支持唔夠9點 都坐滿左半場當然大部分都上左年紀啲野食一排過擺喺窗邊有沙律 烚蛋 烚菜 蕃茄長通粉 意粉炒腸粉 粉麵 三色粥 饅頭 蒸糕 蔥花卷 多士最特別係有煎pan同模具俾你自己DIY煎蛋啲野食會不斷refill 所以都keep到溫度個蕃茄長通粉幾好食其他就味道正常啦不過無蒸蕃薯我有啲失望一入門口個位係賣預先包裝既小食曲奇都有好多隻味 價錢亦唔貴就算唔入去食野都可以買下支持下社企…查看更多

呀妹買左個D24榴槤千層班戟俾我yeahhh啱哂我呢個榴槤癡沛公好耐以前食過一次果次係食芒果味 印象中係幾好食既今次呢個D24榴槤一打開已經聞到好香濃既榴槤味粗略數過好似都有十三四層每層都好薄 一層班戟一層榴槤cream啲cream好多好厚 望落已經好吸引用支叉一叉到底 一啖放入口果下 感覺真係好幸福榴槤cream夾雜住蠻多既榴槤蓉 份量出奇地落得慷慨榴槤香氣喺口腔中爆發食完之後股榴槤香氣久久不散 齒頰留香平平地又可以過足榴槤癮 絕對抵食!…查看更多

親戚識人 所以呢兩年既團年飯都黎食菜式創新又夠大碟 價錢又經濟實惠有韜韜睇住 唔差得去邊既去親都見到佢 好好笑容好熱情頭抽乳豬拼脆皮乳豬脆皮既食得多頭抽乳豬炆到個皮好煙韌 感覺又無咁熱氣但我覺得鹹左少少懷舊桂花蟹肉炒魚肚蛋蟹肉魚肚同芽菜炒埋一碟啲料碎濕濕 魚肚夠爽 呢碟老人家都啱食牛油洋蔥爆海蝦無乜特別 唔係好食到牛油味不過啲蝦又幾大隻既福祿北菰紅燒鱷魚掌即係南乳蚊冬菇同鱷魚掌鱷魚掌成枱人幾乎無掂過竹笙銀耳燕窩羹幾好食 兩種口感竹笙好爽 燕窩份量偏少 不過都預左之後係海斑兩味兩碟唔同煮法既海斑一碟係古法蒸斑尾條魚都幾滑另一碟係枝竹火腩炆斑頭腩斑腩輕輕炸過 同枝竹一齊炆個人喜歡蒸果味多啲奶皇馬拉糕超中意呢度既馬拉糕超大份 一開八三層糕夾住兩層奶皇甜度適中 好好味仲有燒雞同砵仔飯燒雞味道正常 雞肉唔太嚡砵仔飯其實係豬油撈飯有兩支頭抽同豬油俾你自己落…查看更多

去荃灣搵朋友佢帶我黎呢間好出名賣中式食品既小店嘩 一去到見到勁多人排隊 條龍長到呢門口有兩個姐姐好勤力咁煎緊韮菜餅同水餃鋪頭裏面就有各款中式蒸包 茶菓 糯米糍賣分開兩條隊排一條排生水餃雲吞一條排蒸包 茶菓 同糯米糍我地買左個煎韮菜餅($12)睇住佢啱啱煎好攞上手熱辣辣 (直頭係辣手呀)個皮夠薄 不過好油 好彩有個袋索下啲油滿滿既韮菜同豬肉餡 好足料 調味啱啱好不過食完個口好臭😂食住韮菜餅排隊買糍米糍($4/個)有芝麻 花生 豆沙 三款口味買左半打 三粒芝麻 三粒花生 好大個 有半隻手掌咁大個皮好薄 攞上手軟綿綿感覺稍為大力捏就會爛爆哂餡 芝麻同花生粒混入糖粒但甜度仍略嫌不足少許失望 無預期中好食…查看更多

籠町茶番我唔係去呢間分店不過openrice得呢間可以揀 咁我喺度寫啦呢間我地係誤打誤撞入黎既喺行去大三巴既時候攰攰地見到呢度又有排凳可以坐諗住買杯野飲坐下差下電呀妹買左杯熱抹茶拿鐵($26)我覺得抹茶味可以再出啲坐坐下見到有人買炒酸奶卷好似炒雪糕咁 只係佢變左酸奶有多款水果口味 仲有OREO 抹茶同紅豆味好似幾吸引咁 媽媽又有興趣最後買左個藍莓炒酸奶卷($25)有得俾你揀落咩配料仲有朱古力醬或者士多啤梨醬開放式廚房俾你睇到成個製作過程睇住店員將藍莓同酸奶係鐵板上面炒呀剁呀好快就整起左一卷卷 都幾賞心悅目仲有支好似剷既羹俾你舀 好得意食落酸酸甜甜 夾雜住藍莓果肉 好冰凍好好食再加埋花生碎 口感相當豐富同門口貼住既宣傳海報一樣樣 無花無假店方聲稱澳門獨賣嗯 又好似真係無見到其他地方有喎…查看更多

官也街呢條手信美食街真係極級邪惡每行幾步就有野食 完全停唔到口單係呢個角落已經有兩間鋪喺度叫賣兩間鋪既店員都好落力叫人試下自家既榴槤雪糕兩間我都有試 咁當然最後揀左莫義記啦亦果然無負米芝蓮之名店員好熱情招呼有D24同貓山王兩款試又好細心同我地講兩者既分別最後買左個頂級貓山王榴槤雪糕($68)一打開 榴槤味好香好出食落繼續好香榴槤味雪糕好滑好creamy榴槤味好濃 仲有食到一絲絲既榴槤肉好似真係擺緊舊榴槤入口既感覺果然真材實料呀不過份量偏少 定價稍高…查看更多

自從有次澳門朋友買過晃記俾我做手信之後我就深深愛上左晃記 番唔到轉頭門口永遠有條長長既人龍 我就係鍾意佢既低調 鍾意佢既平實雖有米芝蓮既光環 但仍然保持一貫低調既作風小店屬家庭式經營 鋪頭細細但已有百年歷史 全澳門只此一家不設試食 更顯矜貴我買左杏仁餅 肉切酥 紫菜鳳凰卷 香蕉糕杏仁餅好有綠豆香仲有某龍頭大鋪所缺既炭燒香層次好豐富 加埋粒粒杏仁 味道口感一流肉切酥 果然係首推名物 無得輸一打開個包裝 南乳既鹹香撲鼻而來薄薄既一塊 呈牛耳形狀 食落係脆到不得了好香口 好食到停唔到口值得一提既係每塊肉切酥大細形狀都有所偏差睇得出係全人手製造 唔係其他鋪所能比擬既單係呢份心機都已經值得一推再推啦紫菜鳳凰卷紫菜+肉鬆+蛋卷=必勝組合蛋卷鬆脆 好有蛋香味加埋紫菜同滿滿既肉鬆 正!香蕉糕 店員提醒我食用期限只有3日可見新鮮製造 無落防腐劑 讚!我無食到 俾左呀妹 佢就話幾好食既…查看更多

食完豬扒包唔夠喉見到安德魯 二話不說就入左去又係只做外賣其實蛋撻我一向都唔係太好就算食都只係食曲奇皮既蛋撻對於酥皮既葡撻我更加無感不過一場黎到就點都要試下呢個澳門名物既咁啱得幾個人排隊啲葡撻放喺個盤到等緊人認購就咁睇又真係幾吸引既等緊果時都已經聞到好香攞上手果下熱辣辣 金黃色既面令立立酥皮好薄 咬落好鬆脆 食落好香牛油味個蛋心做得出色 唔會一味死實有蛋香 蛋漿味道啱啱好 甜度適中同酥皮既牛油香味相輔相成將味道提升到另一個層次不過始終係酥皮 食完個紙袋油到呢好彩食落唔多覺好油…查看更多

黎澳門第二日第一站梗係去官也街早餐都未食既我地即刻去買個豬扒包($48)其實佢仲有個菠蘿豬扒包 不過先試原味吧呢間純做外賣 好多人排隊 好逼俾完錢就等嗌號碼 不過好彩都出得幾快由買到攞到手成個過程大概10分鐘左右啦法包睇住佢新鮮烘起攞上手都熱既 幾硬下 咬落都幾脆豬扒夠大塊 不過偏乾身 無乜肉汁整體偏瘦 不過好彩有骨位搭救塊豬扒如果可以厚身啲就perfect啦 名過於實 其實不外如是吧兩塊乾包夾住塊乾身薄豬扒 起不了化學作用食完無乜感覺48蚊 真係唔值…查看更多

黎澳門第二日都係飲飲食食最尾一站黎到禮記 離主要景點都有一段距離媽媽隻腳踭刮損左 本身塊膠布都甩埋樓面個姐姐見到即刻話“嘩搞成咁呀 我俾塊膠布你啦 要幾多呀?”就係呢份人情味已經教人好窩心搞完一大輪 終於坐定定可以望下周圍係一間好傳統好簡單既冰室呢類型裝修格局真係買少見少牆上面有六十年代既廣告畫 好懷舊貼喺枱面既餐牌只係賣雪糕同飲品雪糕三文治(MOP$17)個包裝好懷舊 圖案同文字都係手畫既兩塊薄薄既威化夾住雪糕磚雪糕磚有三款口味 味道係隨機既我地呢個係雲呢拿 咖啡 椰子味最中意係椰子味 好香好濃郁食得出真材實料雪糕紅豆冰(MOP$21)似凍既紅豆沙超多紅豆 再加埋球雲呢拿雪糕飽到上心口另外我地仲嗌左一球薄荷雪糕(MOP$13)薄荷雪糕唔係食開D字頭果隻味道呀妹食完一啖唔啱食俾左我我第一啖都覺得怪怪地 感覺似牙膏味不過再食落去又覺得ok喎 可能係接受左啦呢度既雪糕同野飲唔係話好特別好好味反而係食個環境 同埋濃濃既人情味…查看更多