or#Tm65973427的个人专页

圍方新開第二日去趁熱鬧，帶埋老友記一齊見識下，間間食肆都好滿人，我哋仲要五個人，難等位到爆。諗住徹退，最後居然等到呢間，所以本身期望不太高，因為漁翁撒網下，成手係等枱飛，有D要等一百張枱，估唔到呢間等兩張就到我哋。帶住冇期望冇失望嘅心態去點菜，點知食左一道春卷，好好味之後，就唔記得再影相😆老友記食到比讚，有燒雞，烤魚、糯米飯咁，阿女自己一個食晒一碗牛三款河粉，食完再encore多一碗牛雙拼河。賽後檢討，這家越南餐廳真的食物質素不錯，地方也大，五、六人枱是卡位嚟，安排在自成一角，非常不錯！價錢方面屬中上價。…查看更多

今日出去啟岸本來想捧間新cafe嘅場，但未開始做生意，一場去到，冇理由空手返屋企，係個商場四圍行，都有幾家食肆。呢間係其中一間有做生意。係門口睇外賣牌，有職員問我地想叫乜，本來第一印象幾好。但落緊單，個職員無啦啦走返入間鋪聽電話，完咗就繼續落單。要十分鐘先有得攞，咁就走個圈，差唔多時間返去攞真係有得攞。返屋企先發現個職員落錯單，五個飯入面其中兩個雞丼變左兩個吉列蠔丼🤪幾百鈫叫左五份外賣，居然錯左兩個，希望間鋪留意一下。…查看更多

星期日想慢活一下，想坐低食下午茶又唔想太多人又可以坐耐一DD，攞個app搵到呢間店，估唔到個門面幾特別，睇上去幾有特色。唔知點解，星期日下午茶時間唔係好多人，所以唔使等位，入去就有位。裝修幾靚，木嘅枱椅，未叫嘢食都覺得幾好。坐低叫左幾樣野，老公叫左一個唔知咩包、我叫左窩夫、阿女叫左心太軟。天氣熱，我哋轉左紅豆冰跟餐，其實個賣相幾似傳統，但飲落個味古古怪怪咁，個人口味，都係茶餐廳正宗D!其他食物都可以接受，唔可以話好好食，最少藍莓係食到有D另類味道，可以天氣熱存儲出現嘅問題。但星期日可以坐低hea下嘅話，應該對食物質素要求降低少少。始終做生意都好難做到又平又靚又正吧！下次有時間會再去hea😆…查看更多

出左佐敦做身體檢查，附近好多食肆，但係攪左兩個鐘都未完，就搵左附近店嘅電話叫定外賣，完左就去攞令我唔使等去到先叫又等。搵咗呢間店，係吳松街。檢完就去攞，結果都要等一下。遇上周六中午，都好多人堂食又有外賣！好彩連住個書室，可以去行吓睇吓嘢。邊等邊睇嘢，就無咁無聊。等咗十分鐘左右就有得攞，係放喺綠色字果間外賣店嘅紙袋入面，一共有兩袋。返到屋企發現間店好環保，全部用紙飯盒，餐具亦都係可分解果種。雖然自己唔係成日都做到環保，但見到有呢啲留意到環保嘅店真係會加分！尤其而家又要掃碼又有病菌，多數時間會買外賣。食物味道其實都唔錯，但份量對男士嚟講可能爭小小，但冇嘢係兩全其美。…查看更多

去土瓜灣整車要等，走咗之前杜汶澤訪問過嘅甘露甜品，出鏡就唔覺佢太舊，現場感覺就滿有香港情懷的味道，放了幾張枱。坐低本來想食凍芝麻糊，但老板娘話要熱食先好味，所以冇整凍芝麻糊。但係下午時分都好熱下，最後都係叫凍嘅糖水。叫左一碗綠豆沙一碗紅豆沙同埋兩份小食。食後感：紅豆沙唔太甜，真係沙到冇渣，見唔到紅豆粒，有D驚奇點可以冇渣滑滑咁入口，而甜度剛好，一定唔係酒席散band前果隻紅豆沙。小食就叫左一份魚旦腸仔，一份豬皮蘿蔔豬紅，兩款都係一般小食店風味。老板娘算好傾，一邊整嘢一邊講下嘢咁。有時食嘢除咗食味道外，食果份風味都係好重要！走時買埋佢哋家自製嘅沙嗲醬同埋薏米水帶返屋企。…查看更多

晚上繼續禁止堂食，想食中餐就搵到呢間良心店。見到有套餐，便叫左個四人餐。可以選兩款燒味同埋三個餸，包四個飯同四杯飲品或湯。燒味可選：鵝、鴨、雞等，咁都有啲保值！然後自選咗豉椒炒花甲、中式牛枊同埋菠蘿咕嚕肉。花甲都入味，其他兩樣都是合格之作。可能是現煮關係都要等二十分鐘到，因為買嘢嘅人都有一定數量，要人落單都要等一下！落單後是沒有單據，阿姐只會大叫乜乜餐乜餸就等人認領！做法都比較原始，所以都需要有心理預備服務態度一般，但因為係良心店關係，包容程度要提高一點點！如果店舖自己留意到改善一下就更加好！另外一提，呢間鋪全部用發泡膠盒，其實都不太環保，如果係膠仲可以拎去回收！食一餐掉8個發泡膠盒！…查看更多

今時今日食嘢都要識㨂！疫情期間食店晚上堂食暫停，要消費都要揀有良心嘅食店。呢間店雖然係個冇人冇鋪嘅新蒲崗廣場入面，但係唔影響搵良心店運作。先打電話落單，十零廿分鐘到店攞餐都十分方便！1）味道：第一次幫襯就左四款，有滑蛋吉列豬扒、小牛排等幾款味道都好！飯都是日本米，很好食！吉列豬扒帶回家仍是脆！小牛排軟，不是熟透，汁配搭一齊更好味！2）份量：女士、小朋友就剛好的！老公話飯嘅份量就少左D，如果男士平日要多吃飯的，這些便當應該未必滿足到需求。3）:)價錢：由於食材算優質，如以茶記比較，這間便當的價格屬略偏貴，所以期望大份又平少少的話，這店未必滿足到！4）特色：九龍東難搵到嘅優質日式食物良心店…查看更多

今日去新蒲崗攞淘寶後，口痕想飲珍珠奶茶，上open rice搜咗幾家，見到這家評語不錯便專程去，發現店子不大，只有兩個人看鋪，少少想打退堂鼓，但見到價錢又唔係太過份，所以抱住試下心態，買咗黑糖珍珠同埋琥珀珍珠！發現水準不錯！先講賣相，杯子上有個笑哈哈，有一定吸引力！再講茶同奶味，比天x的味更重，因為天x而家d茶真係唔好飲！而珍珠有q彈！整體味道又不會太甜！我自己、老公同阿女都好鍾意！如果經新蒲崗不仿試試！支持良心小店！…查看更多

沙田區食肆於周日基本上爆滿，一家六人更加難找位。想找中餐吃要找大間的店，想起這家，這是換了老板後第一次幫襯，見到裝修比之前更靚。由於入會有優惠，便叫老公入會，反正會費可扣作花費。因為唔知掟，都係聽阿姐介紹，結果冇中伏！照阿姐推介點了個酸菜魚，這個可當湯，入面落咗胡椒，有點兒辣，但酸辣拼起的味道不錯，除咗有魚吃，湯入面有菜同埋上海年糕！一家人各吃所需，結果清咗碟！！其他的食物也很好味道！做了會員有折，整餐八百幾鈫落樓！以中式晚餐來算也是合理。…查看更多