spain的个人专页

有一日午餐和同事去覓食，本來想揀茶餐廳，見到有台灣店，即管試一試。入門口有一位穿着T恤的大叔招呼我們，我以為係廚房佬因為他的T恤十分污糟，原來他是樓面。員工外表唔緊要，食店最緊要食物質素好。餐廳係手機點餐，我和同事各自看手機的菜單，我先行下單，同事仲揀緊。我聽到呢位污糟大叔同另外一個夥計講「喂，佢地落得半份咋喎」，語調表示嫌棄認為兩人叫一份餐咁孤寒。我聽見即刻同佢講我同事落緊單，你唔使咁緊張。 我叫的牛肉麵唔使2分鐘上枱，麵條發脹，好明顯煮落咗好耐，快快灼翻熱，牛肉兩三舊碎牛，蘿蔔仲大嚿過佢，湯底偏鹹。飲品選擇以罐裝飲品為主，台灣麵店連熱烏龍茶都冇，同事飲的手打檸檬茶好難飲。 同事叫的牛肉飯，牛肉同我碗麵一樣又碎又細舊。這店的價錢與食物質素不成正比，服務態度惡劣之餘仲要收10%服務費，茶木價錢相若，質素好佢幾倍。總而言之，偶遇之後可一不可再。…查看更多

酒樓屬於ClubONE集團成員，見新開張行過，非會員都有七折優惠，所以就入去試試。裝修來講木地板好應聲，餐枱有點像茶餐廳的風格，餐廳裝潢尚算可以，應該是為了作宴會用途。食物質素一般，份量不似預期，二人餐的片皮鴨，只有4片鴨皮。實在哭笑不得。七折後二人若$500有找。這價位同環境有很多選擇，不會再來。…查看更多

看過一個介紹老闆創業過程的YouTube，決心來小店一試，專誠6:00pm來到等小店開門，老闆當天不在，有兩位廚師和一位樓面。可能剛剛開店，我發覺廚師的一個口罩放在一些碗和餐具旁邊看來不太衛生。後來點了一碗妹妹推介一碗弟弟推介，麵和肉是好吃的，軟硬適中，但係湯底係非常濃味，到一個地步要用好鹹來形容。 很難會再返轉頭幫襯。…查看更多

因為電視的美食節目重播，看到這間餐廳，於是來試一下。餐廳有窗可看旺角街景，環境帶黃燈昏暗。沒有試餐廳名物，反而試當天set dinner 等。 價錢不便宜，個別比連鎖品牌稍貴。 食物方面就麻麻地：意粉有隻溫泉蛋，來到時發現蛋過熟，不會流心..；盛食物的碟是塑膠的，這是一間真正高級餐廳不會用的，薄餅因此很快凍了；三文魚套餐也重腥味。結論係，節目重播反映唔到餐廳現在的質素，可能師傅已經換掉。去連鎖店，食物質素有保障得多！最慘係服務質素都唔得，我們離開時，四五位夥計站在門口傾偈，例牌一句多謝、再見都冇講，當客人透明。請自行判斷。…查看更多

去年曾經幫襯，覺得食物質素唔錯，而且地點方便。今次再來幫襯感到失望。話說食物有剩，向侍應取膠盒，加了$2 ，問店員侍應有冇膠袋，他說要*另付兩蚊*！！一般食店付了$2，除了食物盒都會附上膠袋方便客人拿走，跟他理論他說只能提供紙袋，但那紙袋沒有手抽，亦僅能放下食物盒而已，不便提走。估唔到呢間食肆咁環保，懲罰要膠盒膠袋的客人，定係唔鼓勵客人攞走食物去避免浪費呢？食物質素而大不如前，比起對手「星期二」已差很多，加上如此服務態度，不考慮再來。…查看更多

第一次幫襯是平日午餐，有套餐，滷肉飯只需50蚊仲有飲品。覺得都唔錯於是一個星期六再幫襯，我二人坐戶外，坐了一陣無人理我，自己行入去叫人過來，waitress帶D晦氣話等陣來。當時人唔多，等了5分鐘人無來，隔離枱呀伯都話點解無人看戶外的客。 我再走入去叫人，先有人過來星期六無套餐，只能單點，飲品亦不會有特價，滷肉飯都已經58元，飯今次亦煮得太爛。牛肉面的肉可以，但湯底一般。到埋單，我都係自己走入去，費事等，點知仲要加一服務費！！呢種服務質素重要加一，結果無叫飲品，一杯水都無比我的情況下，盛惠128蚊。我去隔離茶餐廳食好過啦！無下次！…查看更多

飯後想吃一客心太軟。雖然心太軟要時間焗，一般甜品店大概等15分鐘就可以了。　我們等了２０分鐘還沒有來，問一下那阿姨店員要等多幾耐，我地架車差不多要入錶，她衹是話就快就快.到了３０分鐘，我再問阿姨要等多幾分鐘，她竟然不耐煩講，心太軟要等，自己無説謊架。　我於是同佢講我知要時間，但從未等過30分鐘都未得！她又不耐煩跟著說因爲我地是第一個order　所以個爐未預熱！又話下次唔敢接心太軟order！結過我等了３５分鐘order才來！可惜味道奇差，裏面的朱古力漿味道跟顔色如拖肥一樣，過甜又無朱古力味。 結果吃到一肚氣！永無下次 ！…查看更多

Environment is quite clean and tidy in China's standard, thankfully nobody smoked around us.We have tried the dumplings, taste well though the skin is a bit thick.We also tried 葱油饼，草帽饼 （like indian Roti Prata), all are hot, fresh made and nice.Overall, dishes tend to be a bit salty, but I like the freshness.there are many more pots stuff, but we were too full to try.…查看更多