Kras的个人专页

大埔舊墟食肆眾多，今日與友人一行幾人選擇到阿三大排檔食返幾味拿手小菜，飲返幾杯傾下偈。阿三大排檔標榜懷舊粵菜，餐廳雖則叫做大排檔，但環境裝修乾淨企理，座位舒適寬敞，有別於舊有大排檔環境狹窄污糟，屬於新式大排檔。餐廳提供多款惹味小炒及家常小菜選擇，就好似咕嚕肉咁可以稱得上話懷舊菜既表表者。🌟　沙薑大扇雞(半隻)餐廳推薦新鮮大扇雞，當然要試試。上枱雞件完好無缺，刀功擺盤的確唔錯。試一試大扇雞，味道肉質果然出眾，口感嫩滑，沙薑咸香並沒有蓋過大扇雞原有味道，兩者配合非常出眾。🌟　豉椒炒花甲豉椒炒花甲作為大排檔代表，最合適不過。呢度既炒花甲相當有穫氣，醬汁濃郁掛汁。另外，食花甲最怕有沙，阿三用料及處理都非常出色，食哂一整碟都無呢個問題。🌟　黃金豆腐粒外層炸漿脆口薄身，內裡豆腐軟滑，椒鹽份量恰當好處，配上黑芝麻，一口一粒，送酒一流。🌟　蜜椒薯仔牛柳粒蜜汁黑椒香氣四溢，牛柳嫩腍適中，薯仔外皮焦香，加上濃郁蜜汁黑椒牢牢包圍住每一粒牛柳薯仔，非常惹味。🌟　海皇粉絲雜味煲以多款海鮮包括魷魚、蝦仁、帶子等等，配上多款蔬菜及粉絲，湯底味道咸鮮，蔬菜粉絲同湯一拼享用，滋味無窮。🌟　脆皮咕嚕肉擺碟賣相方面非常精美，脆皮咕嚕肉口感果然外脆內軟，醬汁酸甜適中又掛汁，價錢平之餘味道又出眾，性價比一流。…查看更多

今次呢間餐廳位置處於馬鞍山市中心，位置相當便利，雖然唔係身處於商場內，但其實步行過去只需1，2分鐘，地點旺中帶靜。做下功課發現餐廳開張唔算好耐，所以餐廳內部環境都相當新淨企理。點餐期間聽到店員之間以韓語溝通，相信係由韓國人家庭式主理，裝修風格都感受到一陣陣韓風。🌟　醃蘿蔔，醃青瓜準備食大餐前醃製開胃菜當然唔少得，呢兩款醃製前菜都好醒胃，醋味酸度適中帶甜，口感非常爽脆。🌟　韓式烤肉Pizza顧名思義餐廳主打炸雞同Pizza，當然要點返個餐廳推介Pizza。Pizza足足有11吋，以大量牛肉，火腿等等材料配上海量芝士，口感非常豐富。再加上BBQ醬，味道配合得黎仲可以中和一下芝士膩感。Pizza餅底亦處理得恰到好處，少少脆口又唔會過硬，必試。🌟　蜜糖芥末炸雞 + 特色甜辣炸雞（無骨）試完Pizza當然要試埋炸雞。堂食可以選擇半份炸雞，啱哂細食或者想試多幾款嘅朋友。除此之外炸雞亦可以選擇有骨或者無骨。無骨就啱哂我呢種又懶又鐘意大大啖嘅人食。炸雞即叫即炸，上枱時熱度十足，外皮非常香脆，肉質軟滑且油份適中，唔會太過油膩或者肉質乾柴。醬汁方面兩者都非常出色，蜜糖芥末濃郁惹味，香辣醬醒胃滋味。🌟　韓式煎餃韓式煎餃形狀扁平，所以煎出黎口感份外香脆。而餡料有豬肉，菜及粉絲，味道偏清新，作為送酒小食的確唔錯。…查看更多

已經有一段長時間無到King's & Queen's 食野。今日重遊舊地，發現餐廳餐牌大更新，多左好多唔同菜式，而家提供多款燉湯，亦有秋冬必食羊腩煲，食物更多選擇，對食客必然係好事。🌟　潮式炸蠔餅蠔餅即叫即整，出到黎又熱又香脆，蛋同粉漿比例好好，唔會食到成口都係粉，蠔餅有大量香蔥芫荽香氣十足，而且蠔仔份量都算多同大隻，每一啖都食到蠔仔。🌟　招牌當紅炸子雞(半隻) 金黃色炸子雞新鮮熱辣呈上，擺盤非常精美。炸子雞皮脆肉滑，咸香味道適中，果然係招牌菜，極力推薦。🌟　通菜炒鮮魷 通菜依然保持翠綠色，口感爽脆。鮮魷爽口軟腍，配上蒜香一齊炒，食落味道又唔算太濃郁，咸香味道適中。🌟　黃金蝦球 黃金蝦球溫度十足，咸蛋黃呈現流沙狀態，濃濃咸蛋香送飯一流。蝦球肉質爽口彈牙，感覺用料絕不馬虎。🌟　鐵板黑椒豬手 豬手本身鹹道適中，食落軟腍得黎亦保持咬口，每一舊豬手肉都依付軟膠質食落口感相當唔錯，再加上香濃黑椒汁同大量洋蔥，非常惹味。…查看更多

旺角譽發廣場一向食店林立，今日選擇享用一間位於４樓名為紫醉軒傳統中菜餐廳，雖則話傳統中菜，但環境卻係非常新潮西式。與友人2人到達後獲安排卡位就座，正正面對酒保位置，打卡一流。餐廳環境舒適，裝修新淨企理。除左室內環境特別之外，餐廳亦設有OUTDOOR位置，客人可以一邊享用食物一邊飽攬旺角繁華鬧市夜景。餐廳款式以傳統中菜之主，亦設有大排檔等惹味小炒，加上多款烈酒、Cocktail等等，中西合壁，食得舒適。🌟　椒鹽鮮魷椒鹽份量恰當好處，配上少少辣椒味，道道非常惹味。炸漿非常薄身，唔會滿口粉漿，咬落香脆可口。鮮魷肉質非常爽口煙韌，感覺新鮮。🌟　奶香黃金蝦黃金蝦球上枱香氣撲鼻，奶香及咸蛋香令人垂涎三尺。黃金蝦溫度十足，蝦肉，奶，咸強同樣香脆。大大隻蝦球肉質爽口彈牙，感覺用料絕不馬虎。🌟　其靈龍躉球每一件龍躉球入口嫩滑，加上金華火腿咸香味及花菇香氣，味道相當豐富之餘口感都好有層次，推薦。🌟　黑椒茄子牛仔煲砂煲燒到熱辣辣上枱，黑椒汁香氣四溢。牛仔骨嫩腍適中，茄子吸受哂濃郁黑椒汁非常惹味，送飯一流。🌟　PINA COLADA清新菠蘿汁配上冧酒當然係絕配，除此之外之配上牛奶令到成杯Cocktail今日清新口感順滑，非常適合今日品嘗香口、惹味菜式後清新一下味蕾。🌟　BLUE HAWAIIAN餐廳所特別製作而成，除左原有酒精外，加上椰奶及牛奶，奶香味濃厚入口順滑，配上酒精味道非常特別。…查看更多

金滿載📍地址：黃大仙銀鳳街9號地鋪黃大仙銀鳳街一帶美食林立，唔同種類菜式嘅餐廳都應有盡有。見到有間新開嘅餐廳叫金滿載，而今晚又想食小菜飯餸，所以二話不說，決定試一試。與友人共2人獲安排卡位就座，餐廳環境舒適，裝修新淨企理。餐廳款式眾多，有烤魚、雞煲、海鮮、小菜等等，又有佐酒小食，花多眼亂，今日決定叫兩個小食加兩個招牌菜試試。🌟　芥辣墨魚芥辣味啱啱好，味道唔會太濃郁過辣，墨魚爽滑彈牙，非常開胃。🌟　酒香鴨舌濃濃嘅酒香加上蒜茸香味，送酒一流。🌟　秘製烤魚餐廳選用原條江豚魚，份量十足。江豚魚較少魚骨，食落啖啖肉，魚肉入口非常嫩滑 。麻辣湯底亦非常出色， 唔會一味死辣，而係辣中帶麻香，味道有層次，呢道嘅烤魚絕對係食過咁多間烤魚之中算數一數二。🌟　麻辣雞煲麻辣雞煲同樣咁好味，醬汁同樣非常惹味，濃而不咸，香料味道出眾。配上生菜索哂個汁係食，無得彈。而雞件入口相當嫩滑，唔會處理得太熟而影響口感而且雞件非常入味，佳作。🌟　夏威夷菠蘿梳打、玫瑰白蘭花梳打食完咁濃郁重口味嘅食物，當然要有飲返啲冰凍嘅飲品。呢兩杯特色飲品色彩繽紛之餘又好飲，同烤魚，雞煲絕對係 perfect match。呢間餐廳嘅價錢大眾化得嚟，食物質素又高，非常驚喜。加上店員服務態度又好，下次一定會再嚟幫襯，再試埋其他菜式。…查看更多

晚市又開始禁堂食，每日收工又要傷腦筋諗去邊到買外賣，尤其身為美食沙漠居民，馬鞍山市中心一帶食肆每日都大排長龍，就連大型連鎖都人頭湧湧，真心等外賣都等到攰。最近大水坑朋友報料新開咗一間火鍋雞煲店，提供外賣自取之餘價錢經濟實惠，而且新開張幫襯既人唔算多，今晚就整返個雞煲試一試。雖然我唔係住大水坑，但其實係馬鐵站過去都算近。而今次第一次幫襯所以就Walk in過去，到達後由落單到取餐時間都只不過5分鐘左右，唔想等仲可以打定電話過去落單。等外賣期間順便都參觀埋鋪頭內部裝修，新開張環境都算光鮮企理，座位而４人卡位為主。而餐牌亦見到除咗雞煲之外亦有提供大量火鍋食材，等恢復晚市後再試下堂食先得。介紹之前講樣野俾大家知先，店主非常鼓勵自備器皿盛載雞鍋，因為所用到膠盤都非常之大都幾唔環保，第一次唔知道唯有接受，但下次我會有備而嚟。🌟　滑雞肥腸鍋　(半隻) $168今次點滑雞肥腸鍋小辣。首先香料配料非常豐富，洋蔥、芫茜、唐芹鋪滿哂，而雞件份量亦都相當多，可見店舖所選用嘅滑雞都相當大隻。首先醬汁非常惹味，濃而不咸，花椒及辣椒等香料味道出眾，而且醬汁以雞煲嚟講絕對唔油膩。而雞件入口相當嫩滑，唔會處理得太熟而影響口感。肥腸份量亦都非常十足，起碼有十件以上，肥腸處理得相當乾淨之餘又不失肥膏，肥腸內裡吸收哂醬汁，口感爽彈惹味。真心覺得以呢個價錢作為小菜送飯或者火鍋食材及湯底絕對物超所值。…查看更多

餐廳位置優越，鄰近戲院，最啱一家大細睇完戲喺嗰度用餐。餐廳佈置非常有心思，每張枱及整個環境都有熊仔公仔及裝飾，兼且有畀小朋友玩嘅 happy corner，小朋友玩得開心，家長食得放心。環境美輪美奐，整個佈置切合返熊仔主題餐廳，座位舒適。🌟　白酒忌廉煮藍青口 $68藍青口肉質飽滿，忌廉再加上白酒既酒香，未食已經聞到流哂心水。藍青口味道鮮甜，而醬汁較為杰身，令到醬汁更容易掛到青口上。 🌟　黑松露忌廉汁煙三文魚天使麵 $92濃郁嘅黑松露香氣配上奶香味十足嘅忌廉汁，香氣四溢。煙三文魚帶有咸香，中和番忌廉嗰種油膩感，而天使麵口感煙韌有嚼勁，唔會過硬過腍，整碟意粉水準唔錯。🌟　蜂蜜味BBQ燒豬仔骨 $140豬仔骨外層配上甜甜地嘅蜜糖味及香烤味BBQ醬燒至乾身焦香，香口之餘味道豐富有層次。豬仔骨肉質鬆軟骨肉輕易分離，但不食落不失口感依然保持咬口感，配埋薯條整碟菜式份量十足，好味飽肚兼且抵食。🌟　唐揚脆脆雞翼 $48脆脆雞翼雞翼果然夠哂香脆，即叫即炸熱辣辣送上，就咁食已經好味，點醬食又係另一番風味。🌟　心太軟 $42心太軟即叫即整所以需要時間等候，但出嚟嘅結果絕對值得。心太軟外皮厚度適中，外皮經過烤焗帶有脆身質感，切開後熱古力漿一湧而出。整體味道不錯，甜度適中，絕對唔會比甜品鋪失色。…查看更多

Honbo 灣仔日街分店一直係我喜好嘅漢堡包店之一，其質素味道都非常到位，更係全球最佳漢堡上榜，而今日就試下尖沙咀分店👍🌟　MIKE’S LEMONADE $ 38味道清新帶點檸檬酸甜味，入口醒神開胃，透心涼👍🌟　CHEESE FRIES $ 58幼身薯條新鮮炸起，入口熱辣香脆。薯條上面鋪滿芝士，薯條嘅鹽味加上芝士咸香味，好食到停唔到口👍🌟　BUFFALO WINGS $ 78雞翼外皮香脆，肉質細嫩，依然保持肉汁。水牛醬汁質感杰身濃郁，味道酸酸辣辣非常惹味👍🌟　HONBO 2.0 $168漢堡足足成個大掌一樣大，而漢堡包餡料有4x2oz Beef Patty, Triple Cheese, Pickles, Onion。再加上自家制醬汁，真係份量十足。漢堡扒炭香味十足，食落去充滿肉汁，Juicy到一個點。加上我本身係一個芝士控，三重芝士真係唔講少，一個大男人食都好夠飽👍🌟　THE GOLD STANDARD$178漢堡Size同樣非常厚身龐大，餡料有Double 4oz Beef Patty, Double Cheese, Bacon, Pickles, Onion, Lettuce及自家制醬汁。The Gold Standard比之前HONBO 2.0多咗煙肉同生菜，煙肉咸香味令到漢堡更加昇華，生菜則可以中和一下漢堡包嘅油膩感，厚身漢堡扒同樣肉汁依舊，果然係黃金標準，推薦👍…查看更多

之前食過雲壽司位於中環德己立街分店，質素唔錯之餘價錢都算合理，所以間唔鐘都會去幫襯下。而家得知太子開左新分店，對於住新界嘅我就更加方便，新店新裝修環境更加寬敞，當然要試下👍餐廳室內裝修明亮簡潔，而座位只設有吧枱，吧枱都算寬闊舒適，圍著廚師享用壽司刺身👍除咗Omakase之後，亦有壽司拼盤，刺身丼等等。而牆上亦掛上本月推介黑板供參考，真正選擇眾多👍🌟　北海丼 $208多款刺身制作而成，當中不乏貴價食材。刺身整體質素好好，食得出鮮甜味美。當中有幾款食材值得一讚，牡丹蝦肉質精瑩通透，蝦肉膠質口感非常爽口彈身，而蝦頭蝦膏亦非常滋味👍海膽色澤黃金，質感軟身，口感creamy入口即溶，味道甘鮮無任何腥臭味👍🌟　壽司拼盤 $198十款壽司包括有：油甘魚、甜蝦、真鯛、帆立貝、池魚、吞拿魚腩、北寄貝及辣味三文魚。十款壽司只需$198蚊，CP值非常高，而且刺身非常鮮甜，睇得出用料絕不馬虎👍甜蝦鮮甜味美，蝦肉膠質口感非常爽口，甜得嚟蝦味出眾👍帆立貝肉質雪白，同樣鮮甜爽口👍吞拿魚腩色澤紅潤，油脂分布均勻，質感軟身入口軟化，味道鮮甜無血腥味👍…查看更多

大灰熊廚房適合一家大細品嚐家庭式小菜及私房菜，食物款式多之餘價錢仲十分大眾化，今日點咗個2人餐先$188，真正出街食平過自己煮👍餐廳新淨舒服，乾淨企理。座位大部份以卡位形式，自然坐得舒適又可以自成一角食餐飽，亦有大圓枱供大家庭享用圍餐，牆身亦掛有獨木舟非常特別吸睛👍🌟　黃金粟米粟米乾身粒粒分明，粟米甜味十足，配上椒鹽方式更加香脆惹味👍🌟　椒鹽一口豆腐豆腐細細粒一口一粒食得過癮。豆腐外脆內軟，而且乾身得嚟又唔油膩，作為佐酒小食嘅話一流👍🌟　竹蔗茅根真材實料得嚟材料十足，味道清甜滋潤，食完熱氣嘢飲返杯潤一潤無得彈👍🌟　姬松茸燉湯 燉湯材料充足，姬松茸味道出眾，雞腳及瘦肉嘅甜味令到燉湯非常出色，而且燉湯非常清澈唔會有一層油係湯面，轉燉湯只需要+15蚊，絕對值得👍🌟　咖哩牛腩牛腩數量都幾多，咖哩香得嚟唔辣，配上大量洋蔥青椒非常惹味。薯仔同樣非常入味，入口粉軟，撈汁送飯一流👍🌟　蝦醬蒸腩肉腩肉肥瘦分明，肉質軟腍，經過蒸煮後腩肉吸收哂蝦醬咸香味，成為一道色香味俱全嘅菜式。咸香嘅腩肉配上白飯天衣無縫，真係食幾碗白飯都得👍…查看更多

餐觀外觀非常新淨企理，以傳統日本壽司裝修，配上大大個招牌相當搶眼。一查之下發現鋪頭應該新開張都無半年，望見餐牌同餐廳所講一樣真係CP值好高，部份餐牌仲有8折優惠，當然要試下👍餐廳室內裝修同樣明亮簡潔，而座位只設有吧枱，吧枱都算寬闊舒適，圍著廚師享用壽司，貫徹返Omakase嘅風格👍Omakase 有不同選擇，豐儉由人🌟　枝豆 $18作為餐前小食，室溫原味枝豆食落味道正正常常👍🌟　芥末八爪魚 $38芥末味道相當濃郁但又唔會太辣，八爪魚口感爽彈，作為凍盤開胃小食的確唔錯👍🌟　特上壽司盛(十枚) $238十款壽司包括有：吞拿魚腩、深海池魚、油甘魚、真鯛、火炙金線鯛、池魚、牡丹蝦、帶子、海膽、三文魚籽。十款壽司只需$238蚊，當中仲要唔乏貴價食材，CP值的確非常高，而且刺身非常鮮甜，睇得出用料絕不馬虎👍十款壽司當中有幾款個人非常喜歡牡丹蝦肉質精瑩通透，蝦肉膠質口感非常爽口彈身，味道鮮甜得嚟蝦味出眾👍帶子Size相當厚身且肉質雪白，同樣鮮甜爽口👍海膽色澤黃金，質感軟身，口感creamy入口即溶，味道甘鮮無任何腥臭味👍…查看更多

Sakeh位處於旺區尖沙咀天文臺圍，地方方便之餘而且旺中帶靜，附近一帶都係傳統風格居酒屋。Sakeh同樣以日式串燒作為賣點，但外觀、裝修風格都同傳統與別不同。舉例，好似黑色門面，外觀相當型格，亦係呢個原因吸引到我今晚試一試👍穿過樓梯上到餐廳，入到去望見裝修環境整潔鮮明，餐廳以黑紅色作為餐廳主要格調，同門面一樣貫徹返型格路線。旁邊落地大玻璃窗採光度十足，居高臨下望住寂靜嘅街望進餐，感覺相當唔錯👍餐廳提供串燒及多款燒物，亦有多款酒精尤其係清酒供選擇，適合好酒人士可以邊食邊暢飲👍🌟　門神手工啤食串燒當然要叫返杯啤酒打頭陣，門神作為香港品牌手工啤當然要支持，入口順滑，麥芽味道重但並唔會苦澀，佳作👍🌟　雞皮 $38雞皮比較薄身，餐廳以原片雞皮攤平燒製，外觀金黃，咬落極之非常香脆，焦香味十足👍🌟　馬刀貝 $88亦即係我地平時食開嘅蟶子王。馬刀貝相當大隻，而且餐廳處理得好好，所有內臟物都清洗得好乾淨，肉質雪白，食落無沙而且啖啖肉，連埋鋪滿面嘅木魚絲一齊食，鮮味👍🌟　雞肝 $38(左)　冬菇 $28(右)雞肝外層煙韌內裡粉軟，配上醬汁一齊食相當惹味。冬菇燒過後味道更加出眾，菇味濃郁，口感軟腍但不失水份，唔錯👍🌟　汁燒牛肋$68(左) 厚切牛舌 $88(中) 露筍豬肉卷 $32(右)汁燒牛肋牛味出眾，油份充足👍厚切牛舌爽中帶腍，厚切既口感相當有咬口，食落比薄切更加有層次感👍露筍豬肉卷豬肉片薄薄地略帶焦香味及香脆口感，包住嘅露筍爽口得嚟又唔會有草青味👍熱稻庭烏冬 $78　清雞湯茶漬飯　$68兩款同樣以清雞湯作為湯底，湯頭飲落雞味濃郁得嚟又唔會油膩，油份處理得所相唔錯。烏冬幼身得嚟口感煙韌，而茶漬飯以飯素配上清雞湯，入口清甜味美。烏冬及茶漬飯兩者同樣美味👍…查看更多

火焰山裝修雅緻，充滿重慶特色。鋪頭所用嘅鍋爐又大又深，出面一般食肆少有，另外仲有抽氣功能，唔會食完成頭成身有火鍋味，環境設備都一流火焰山提供多種火鍋醬料，食客可在自助吧自由選用，更加有自家製嘅食用植物調和油供客人取用，配搭埋其他豉油醬料，令食物更加美味。飲品方面，火焰山提供多款飲品，今次我地揀咗酸梅湯同竹蔗茅根水🌟　四川麻辣雞鍋　(半隻)麻辣雞鍋醬汁非常惹味，雞件亦相當嫩滑，而且份量十足，算係暫時喺食過數一數二好食嘅雞煲👍🌟　日本玫瑰黑豚肉上枱睇見外觀非常驚喜，黑豚肉包到好似一朵朵玫瑰，未食前絕對要相機食先。黑豚肉鮮嫩爽口，肥瘦均衡，必點👍🌟　手切頂級牛小排又一驚喜之作，賣相亦相當吸引，牛小排肉質嫩腍且油花十足，食落有入口即溶嘅感覺，鍾意食牛嘅朋友，絕對不容錯過👍🌟　黑松露粟米豬肉餃特色嘅餃子，皮薄餡靚，並且有濃濃嘅黑松露味，用粟米配搭，用料十足，咬落好爽口，飽肚得嚟又好食👍🌟　貴妃蚌貴妃蚌非常新鮮，有濃郁貝殼鮮甜味，放落雞鍋吸收晒麻辣雞汁湯底味道，兩者配合天衣無縫👍…查看更多

天氣一凍又係食羊腩煲日子，紅伶飯店呢間老子號潮洲打冷鋪亦有供應枝竹羊腩煲，平時就多數堂食打冷小菜，今次就選擇外賣返屋企整返個羊腩邊爐暖一暖身👍🌟枝竹羊腩煲返到屋企望見鋪頭將湯汁、羊腩分開放，亦配上腐乳醬。打開外賣盒見到份量都非常充足，目測都有15-20舊羊腩，而且Size都龐為大件，可見鋪頭貨真價實，出手絕不手軟。除咗羊腩之外，枝竹、大蔥、馬蹄等配料亦都非常之多👍放到鍋上煮熱後即時享用，羊腩肉質軟腍，外皮爽彈，而且食唔到有羶味，餐廳處理得非常唔錯。醬汁濃而不鹹，經過醬汁煮過既枝竹相當入味，而馬蹄亦相當爽口，食完羊腩過後千奇唔好浪費個湯底，仲可以放生菜，火鍋、烏冬等配料，物盡其用咁打埋邊爐，無得彈👍…查看更多

旺角附近一帶食肆多不勝數，係彌敦道旁邊見到令和鍋物酒場廣告牌見到早食早埋單有優惠，上去了解過後仲發現清酒半價優惠，而且係門外見到餐廳座位鬆動舒適，設計亦相當有特色，而且6點鐘到達時已經有人享用緊晚餐，應該質素都唔差，又係時候試一試新餐廳👍店員安排卡位，坐低果然好舒適，而且自成一角可以同朋友高談闊論。餐廳裝修果然非常花心思，感覺置身日本居酒屋一樣，而天花等吊燈裝飾尤其特色👍餐廳有幾部大型雪櫃，儲放咗好多款清酒及梅酒，正如開頭所講半價享用清酒，適合好酒之徒可以豪飲一番🌟　松(套餐) $688此乃二人前套餐，設有小食、什錦天婦羅、刺身、鍋身、燒和牛等等，以下逐一介紹🌟　日式芝麻醬魚子凍豆腐魚子味道咸鮮好搶鏡，芝麻醬唔會太過濃蓋過魚子，豆腐溫度凍凍地入口舒服👍🌟　和牛他他和牛油份充足，入口軟腍，配上黑松露醬令味道更加有層次👍🌟　日式炸雞炸雞熱辣辣上枱，進食個陣唔好太心急，小心辣咀。炸雞外皮香脆，內裡油份雞汁豐富，加上蛋黃醬經典配搭，送酒一流👍🌟　什錦天婦羅什錦天婦羅同樣新鮮炸上，南瓜，蕃薯等味道甘香，炸蝦肉質爽口味道不錯，可惜size頗細，大隻嘅話會更加過癮👍🌟　四色刺身盤有三文魚、油甘魚、吞拿魚、刺身蝦，前三款發揮正正常常，唯獨刺身蝦特別好別，大隻得嚟又鮮甜，讚👍🌟　石燒日本和牛(150g)店員送到上枱時即席放落石鍋，客人可以自行決定生熟程度而達至最佳食用體驗。和牛煎至外層焦香，但入口同樣鬆化，油脂非常豐富，高級和牛果然唔需要調味都好好食👍🌟　海鮮鍋物海鮮鍋物以香濃豬骨湯，配上背扇貝、蜆、魷魚、海蝦及廣島蠔，當中以廣島蠔最為深刻，入口鮮甜，蠔味出眾無腥，口感creamy。除咗海鮮之外仲設有大量蔬菜及香菇，夠哂豐富👍🌟　三色魚生丼 $178本身想食海膽刺身丼，但可惜當日無貨，而三色刺身丼同上文所提及嘅刺身一樣，質素同樣正正常常，唯一要提及嘅係白飯相當多，而且仲比較酸，大家要留意下👍🌟　清酒生蠔 $28餐廳嘅蠔質素實在唔錯，食到最後決定再試多一味清酒生蠔，生蠔放到清酒30秒後一口氣吞落肚，帶有酒香嘅生蠔同樣鮮甜味美，正👍🌟　鮮檸檬威士忌梳打 $58(左)外觀相當吸晴，威士忌味道唔會太濃，入口淡淡地再配上新鮮檸檬，加上梳打有氣飲品，透心涼👍🌟　MIX黑白SUNTORY $78(右)大大杯好抵飲，黑白啤酒更加醇滑濃厚，無得彈👍…查看更多