viking.po的个人专页

阿京最近去左歌賦街嘅壽喜燒店慶祝紀念日，早到少少，但餐廳都畀我地坐住等，等師傅完成佢本身台客就幫我地燒。環境舒適，員工親切，呢樣抵讚！菜單一定會點返牛肉做主菜，另外加左牛舌。一開始就有個清新嘅精緻前菜，為之後嘅濃味盛宴準備一下😜呢個餐有牛肩同西冷，師傅會將肉同菜分成不同次序。首先，他們會煎牛肉，微微上色就上碟，我地可以再點蛋汁食或者連埋飯食（飯可以無限添😋）。食完濃味嘅牛肉，就會間隔畀d蔬菜清一清口腔，再食其他部位。阿京特別鍾意食個洋蔥，入哂味！仲有阿京最愛嘅牛舌😍食完哂所有嘢之後，師傅仲會做個滑蛋牛肉飯畀我地食，食到呢度其實已經好飽，所以我地都無話到要多飯。今次已經係阿京第二次去食呢間餐廳，用餐體驗同品質都仲keep到水準，非常適合紀念日嚟食。…查看更多

今日阿京去咗慧食貓朝聖，聽講呢間有時會提早關門，所以專程早少少到，大概夜晚6:30就到咗舖頭。間舖頭就喺電梯旁邊，非常易搵，我到咗門口嗰陣已經有10個人左右等緊。呢間嘢叫嘢食比較特別，所以容許我長氣少少講下叫餐流程😂：你直接向店員哥哥講食咩，佢就會望一望你，再叫你大概幾點鐘返去搵佢，唔使俾錢，而今次阿京我就試咗最高人氣嘅🔥火腿蛋肉鬆手抓餅🔥。店員哥哥話畀阿京聽15分鐘左右返去，我就去行下街，大概10分鐘左右就返返去（因為第一次去驚漏單，不過原來係我諗多咗！🤣）店員哥哥一見到我就講得出我要B餐。佢做到我張單先至需要俾錢，我等多幾分鐘，真係15分鐘左右就可以攞到食物，另一位幫手包裝嘅店員會問你外賣定即刻食。如果外賣就有膠袋，即刻食就有兩張紙巾包住熱辣辣即刻食🤩，風味十足！🥳好啦，廢話就講完啦，正式講吓食評啦：阿京我今次我叫咗火腿蛋肉鬆手抓餅，手抓餅即叫即做嘅關係，夾埋配料熱辣辣，隻雞蛋仲要有流心，連埋生菜肉鬆一齊食，一啖裏面有唔同嘅味道同口感層次😋。手抓餅嘅粉一啲都唔厚，一梳梳咁，又唔油膩又夠煙韌，連埋生菜嘅爽脆，絕對係代表住「街頭」小食！😍佢地嘅配料俾得非常慷慨，基本上啖啖都食到，食完一個已經好夠飽，不過真係意猶未盡，下次一定會再試下其他嘅味道。阿京我見到有唔少客人會另外加芝士🧀，睇嚟呢種食法會再加多一重層次，下次一定要再試下！😜…查看更多