edmondleunglol的个人专页

成日都想發掘新既食lunch地方，今次俾我地搵到呢間米線營，有窩心小菜二人餐食，價錢又唔太貴，正我地叫既窩心小菜二人餐有一煲「砂窩雲吞雞」，一碟「蒜泥白肉」，仲有一人一碗米線(可以自選湯底，不過清湯以外既選擇就要+$1)同埋2杯野飲，我要咗個番茄湯底，同事就要左個麻辣湯底~番茄湯底幾清甜，唔似用粉開出黎，似真係熬出黎既同事話麻辣湯底都夠麻夠辣，唔錯砂窩雲吞雞都幾大鍋下，有半隻雞，都足料架！雲吞就少左d得3粒，唔可以平均分配所以本人獨食左2粒，雲吞做到皮薄餡靚，我鍾意呀至於雞就不過不失啦，個人認為雞肉未算非常之嫩滑，不過同事話接受到~而菜佢都有2種，分別係小棠菜同娃娃菜，特別係娃娃菜夠入味，正！蒜泥白肉既蒜泥好重手，所以蒜味香濃，白肉唔會太肥，仲有花生粒鋪底，個人幾鍾意呢道小食我地加左幾蚊雞轉特飲，我叫左杯芒果鐵觀音，聽個名好得意，茶同水果點樣mix埋一齊？原來真係mix得埋架喎，仲出其地夾添！茶既甘味中和左芒果既甜味，出到黎好好飲，其實野食未上齊之前我都差唔多飲哂至於同事叫既洛神花茶佢話好好味喎~我幾欣賞佢既特飲，選擇唔少，而且都係啲坊間少見既特色飲品我同同事都覺得幾抵食，夾夾埋埋平均每人都係食左七十蚊~I will be back…查看更多

星期六一早起身落街打波，打到2點幾先覺肚餓去食飯，朋友話去Ladolce食因為唔使等位，我就話是但啦就入去食早知係出面睇下個餐牌先入黎食啦，貴到你呢，平均一個tea都要四五十蚊，早知就食隔離間麻酸樂啦，雖然要等位但起碼平一半呀。。。。。。算X數既然入左黎坐低左又走番出去好樣衰，求求其其唔理好醜乜都嗌左d，雖然得兩條友但嗌左四樣野，冇計真係好鬼肚餓呢個係我嗌既，唔知點解突然間好想食漢堡飽，一上枱嘩差d想請粗口，我知係迷你版但都唔係迷你到咁呀？？俾細路食都唔夠飽啦！我真係一啖一個食完，其中最正常咪個芝士牛肉漢堡囉(心諗我做乜唔去食m記，又便d又大份咁多，起碼我食完唔會肚餓)，其他果兩個真心唔好食。連應該唔會難食得去邊既薯條佢都可以整得唔好食，一味得個熱，真係好佩服佢呢個係朋友叫既，又係一個超級迷你版，其實間餐廳有冇諗過佢既tea男人係唔會食得飽架呢？我諗女士們都未必食得飽。我冇試到個通粉，望落去一pat醬咁，朋友話麻麻地同埋唔飽囉，舊炸魚我食左一舊，好多粉，唔好食，同埋又係得果3舊仔唉係完全唔飽、好似冇食過野既情況底下我地再叫左兩樣野食，一個係咩一口西多士，又俾佢個名fake左，我以為係茶餐廳果d西多，點知係個甜品！淋左d朱古力醬搞到佢不中不西，我寧願佢整番個正常西多士俾我好過是日最最最正常既係個窩夫配雪糕，窩夫就係出面街邊食到果隻味，有少少蜜糖味咁，雪糕係芒果味。我極度懷疑我係因為食左個窩夫先有d我食左野既感覺埋單雖然唔使加一，但兩個人食tea每人要成$90，又貴又好難食既情況底下絕對冇第二次！…查看更多