foodielaam的个人专页

店舖裝修有氣氛，仲有大電視可以睇英超，適合一班朋友吹水食串燒。有happy hour，叫左Chicago logo beer同KIRIN-White Peach，大大杯，一個都飲唔哂。品即燒乳豬串燒食乳豬好特別，個皮好脆，又唔肥。鹽燒雞翼、土匪雞翼、蜜糖雞翼啲雞翼燒得岩岩好，少少焦香味道，配合唔到的燒法，各有不同。我就中意最原始的鹽燒。沙爹牛串串燒基本操作，沙爹汁香濃，牛肉肥瘦適中。安格斯牛肉露筍串肉味香濃啲，中間包住露筍，爽口又解膩。招牌無骨白鱔爽口彈牙，真係無骨，中意食白鱔必點。招牌茄子燒茄子燒調味剛好，啖啖食之餘仲好入味。韭菜 私心食串燒要食，味道好清爽，加埋調味一流。黑松露薯條店舖採用粗薯條，口感香脆，面頭勁多黑松露，仲有茄汁同黑松露沙律醬點。鹽燒牛舌心牛舌肉質鮮嫩，咬落去勁爽口。荔枝豚肉卷入味的豚肉加上香甜的荔枝，口感特別…查看更多

專登入左屯門試下隱世煲仔飯，餐廳環境氣氛良好，有特色。二人餐首先有前菜有味噌湯，威士忌燒蠔好正，帶酒香之餘仲保留緊蠔嘅海鮮味，食落都好Creamy。串燒拼盤，日本厚切豚肉串及牛肉串，肉質非常鮮嫩，啖啖肉汁，肉味亦都非常香濃。除咗肉類仲有燒車厘茄同埋菠蘿。炸物拼盤，有炸多春魚、海苔魷魚、炸雞塊，特別推介炸多春魚，炸粉好薄，而且好香脆。嚟到一定要食煲仔飯，我哋揀咗玉子蟹肉蟹柳蟹膏大混戰煲仔飯，蟹棒同埋玉子，勁大嚿勁厚身，中間仲有勁多蟹膏同埋蛋黃，撈埋一齊食，真係好邪惡，嚟到一定要試吓。食完飯點少得甜品，有脆脆乳酪配綠茶蕨餅。之後仲叫咗啤酒同埋黎明來到，黎明來到有啲似雜果賓治酸酸甜甜十分開胃。…查看更多

同老婆去觀塘工廈搵嘢食，見到有抵食set dinner 。一入到去好大，好啱一班人！set dinner，有兩個前菜同餐湯前菜方面，都幾開胃！鐵板吞拿魚沙律沙律菜好新鮮又開胃，吞拿魚調味剛剛好意大利黑醋配巴馬臣火腿沙律老婆好鍾意巴馬臣火腿嘅咸度同沙律菜中和返，係一份開胃的前菜餐湯有粟米蘑菇忌廉湯及南瓜湯好濃密嘅忌廉湯入邊有好多蘑菇同埋粟米粒！主菜黎啦！紐西蘭頂級肉眼肉味香濃，調味同鹹度適中，火喉掌握得剛剛好，都係加$78感覺好抵食阿根廷虎蝦蜆肉番茄意粉虎蝦大大隻，新鮮爽口彈牙，有蝦味。意粉軟硬適中，醬汁creamy，蜆肉亦都好入味。仲有是日甜品，熱情果芝士蛋糕。好有擺盤！另外，叫咗兩杯cocktail！好有特色都好推介！即刻幫客人特製呢杯烏龍Cocktail我幾鍾意。…查看更多

台灣嘢呢間又抵又坐得舒服所以入去食。紅燒腱心牛肉麵正宗台灣風味，牛肉肉味香濃，湯底好濃郁，面質爽口。酥炸排骨滷肉飯排骨面頭炸到好香脆，肉質鮮嫩，配埋沙律醬。滷肉肥瘦平均，伴飯一流。煲仔塔香三杯雞三杯雞味道香濃，整到雞肉好入味，仲要勁多料，夠鑊氣，推介的小食。芝士奶蓋阿華田奶蓋濃厚，同阿華田一甜一鹹好夾，呢個配搭幾新鮮如果鍾意阿華田嘅幾鍾意飲。芝士奶蓋白桃烏龍茶今次配搭清新嘅白桃烏龍茶，奶蓋令到茶味更加突出。用外賣杯感覺勁大杯…查看更多

帶老婆食好西！當去左日本洋梨燒酎梨的香氣好清新，好易入口冰菠蘿燒酎大大舊菠蘿喺杯野嘅入面，菠蘿味道非常香甜，味道好清新赤貝新鮮開嘅赤貝，入口爽口彈牙，食落亦都好清甜漁師推厄8件壽司八件壽司樣樣新鮮，特別推介有海膽、大拖羅、赤身。海膽成個軍艦咁樣，味道好鮮甜。拖羅入口即溶，味道新鮮。加大海膽滿足特盛免頭有兩大舊海膽，真係加大碼，又厚身。仲有吞拿魚蓉，三文魚籽。性價比好高三文魚牛油果油酢漬三文魚同牛油果味道好夾，食落去完全唔油膩，連埋啲沙律菜食味道好清新。蟹肉玉子燒玉子燒入邊有紫菜，同埋蟹肉色味道好清新，玉子燒到好滑，蛋味香濃烏賊磯燒新鮮嘅烏賊，店員喺你面前燒，火候亦都啱啱好食落爽口嫩滑。鮑魚殼燒新鮮鮑魚，上碟嘅時候仲係識郁。食落鮑魚味重，爽口彈牙，推介。蟹味噌甲羅燒蟹膏味非常濃郁，仲有鴕鳥蛋撈埋，蟹膏更加幼滑。黑松露蟹肉甲羅燒松露味道香濃，同蟹膏亦都好夾，推介…查看更多

餐廳環境好典雅，勁大勁好坐，有cocktail、beer等，仲有happy hour。甜酸醬蝦多士多士上面佈滿芝麻粒，芝麻味道非常濃郁，師傅亦都採用鮮蝦製作，爽口彈牙，配埋甜酸醬味道一流，推介。西檸雞雞件嘅面頭佈滿芝麻粒，煎得好香脆，外脆內軟，亦都好Juicy。西檸汁係要自己點可以按自己鍾意嘅甜酸度佢調味， 十分特別。炸魚薯條Classic的炸魚肉質新鮮而且結實，唔會一夾就散，炸嘅火候亦都啱啱好，個皮好脆。薯條亦都係新鮮炸起，加埋秘製嘅咖喱汁去點。楊州炒飯喺呢個楊州炒飯入邊見到師傅炒飯嘅功夫十分好，吵到好乾身而且見到一粒粒，材料亦都十分豐富足料。Suzie Wong荔枝味道香濃，帶薑味Lemongrass 材料豐富，味道帶清新，啱晒夏天飲…查看更多

喺朗屏一出地鐵站仲有間幾古色古香嘅餐廳最緊要啲小菜來得好快又即叫即整，感覺都好唔錯。個套餐又平又有嘢飲最緊要係勁多選擇！醬爆茄子斑腩煲個煲一上菜就炸炸聲，熱辣辣，班腩大大舊，唔厚粉，茄子爽口，成個煲的份量多，兩個人叫兩個菜超夠飽。啫啫仿鮑片滑雞滑雞肉質嫩滑，份量多，醬汁香濃，岩哂送飯。鮑片吸晒啲醬汁，味道香濃。感覺係勁多同埋兩個人都覺得好夠。兩個小菜份量多，價錢經濟，性價比高，仲可配白飯及飲品加埋杯奶茶凍華田就正！感覺幾好…查看更多

一人一個餐780$，坐得好舒服。明蝦波菜蝦肉爽口彈牙，鮮甜，波菜新鮮爽口，加翻芝麻醬好開胃蒸蛋超香滑，蛋味香濃，食落仲有魚肉，冬菇，帶岀蛋香刺身三盛間八、北海道新鮮帆立貝、中拖間八非常肥美，口感相當濃郁香醇，肥而不腻，加埋柚子醬汁更能帶出間八鮮味。帆立貝味道鮮甜，口質扎實，高質！中拖脂肪比例較高，魚香濃度恰到好處，食落帶甘香。赤貝壽司帶光澤，食落肉質爽厚，鮮味十足伊佐木(炙燒)壽司肉質雪白，脂肪豐富，帶濃厚的魚香，甘香無比！鮫鰈魚壽司鰈肉質緊實爽脆、細嫩鮮美醬油漬赤身以醬油輕醃，醬油帶出赤身的鮮甜。赤身色澤鮮紅，含脂量少，肉質堅實，帶口感。海膽壽司勁過軍艦，入口即溶，勁鮮甜。燒油甘魚魚皮燒到超香脆，燒到油甘魚嘅魚香出晒嚟，味道香濃。麵豉湯味道香，帶甘香，食完咁多野正好暖暖胃咖啡或士多啤梨蛋糕咖啡味道香濃，有水準。士多啤梨蛋糕香甜輕巧，不會太濟。…查看更多

wave呢度有好多嘢食，上到嚟mini friday感覺就係唔係星期五都仍然有星期五嘅感覺！可以叫set dinner ，有湯有沙律仲有一杯飲品，又可以散叫。我朋友叫左紅酒牛肋條，牛肋條都有好多條，肉多又能夠吸收紅酒 ，底下有薯蓉可以吸收牛肋條嘅精華。明太子忌廉帶子手捲粉首先勁多明太子，手卷粉嘅感覺好似通粉再薄啲再長啲咁樣，入邊可以收埋到啲忌廉汁。帶子有三粒大大粒煎到剛剛好。Cream brûlée 咁啱生日仲可以寫名。識落唔會太甜太漏。Sangria 1jar $98幾抵飲可以差唔多有四杯！果汁味都好重所以幾啱女仔容易入口。…查看更多

相信新界人都成日俾人以為係要騎牛ＸＤ，原來真係有好多牛食架！今日嚟到元朗食牛，其實喺荃灣都食過覺得好唔錯價錢又吸引！最緊要肉質都幾好。睇下有唔同TYPE既牛俾你揀,如果唔知咩部位比較好既可以問下店員, 都會細心同你推介!自私叫左個牛柳200g ，只係$110。嚟到一次落去肉身較淋，食落帶嫩口，肉味都重。見到都好厚，感覺就好抵食。除咗食牛，仲有無限量嘅白飯同沙律可以自行添加，醬汁都係自己拎，有自家製嘅燒肉汁，辣醬，蒜蓉。其實日日經過都好香，配白飯真係好正！會下次再嚟食。…查看更多

同老婆慶祝紀念日，今日嚟到呢間樓上嘅Cafe，環境幾浪漫幾特別。座位好寬敞。 有set亦都可以散嗌。set for 2 $548是日餐湯係甘筍湯，味道濃厚，又夠creamy。蕃茄海蝦意大利麵海蝦爽口鮮甜，意粉軟硬適中，有嚼勁，蕃茄味道農郁，越食越開胃西冷牛扒牛扒肉味香濃，個醬汁帶陣陣酒香，同西冷味道好夾，配菜都好新鮮。朱古力泡芙食完仲有甜品食，泡芙勁鬆脆，面頭有雲呢拿雪糕包住。整體感覺良好最緊要老婆鍾意。…查看更多

同老婆慶祝紀念日，今日嚟到呢間樓上嘅Cafe，環境幾浪漫幾特別。座位好寬敞。 有set亦都可以散嗌。set for 2 $548是日餐湯係甘筍湯，味道濃厚，又夠creamy。蕃茄海蝦意大利麵海蝦爽口鮮甜，意粉軟硬適中，有嚼勁，蕃茄味道農郁，越食越開胃西冷牛扒牛扒肉味香濃，個醬汁帶陣陣酒香，同西冷味道好夾，配菜都好新鮮。朱古力泡芙食完仲有甜品食，泡芙勁鬆脆，面頭有雲呢拿雪糕包住。整體感覺幾良好最緊要老婆鍾意！…查看更多

諗住同女朋友預祝定生日先，當然正日又再食多餐啦因為呢個星期係女朋友生日week！就同女朋友去食下野先！入到去見到環境幾好，黑黑地有幾浪漫。入面空間都好大 每一個客人都可以坐梳化咁滯。見到餐牌嘅選擇都有好多，女朋友點左以下呢啲。原隻麵包蟹海膽意大利飯$198係原隻麵包蟹入邊有意大利飯，每粒飯都癡滿芝士，最緊要係返上面鋪滿勁多海膽。海膽擺入口感覺好鮮甜非常之滿足，疑犯一邊亦都有好多蟹肉非常足料！水牛城雞翼$88諗住呢個價錢都唔係好多隻點知嚟到見到擺盆勁靚，好有驚喜。雖然雞翼唔係話特別辣但係啲汁勁豐富！pina colada $88係一款甜雞尾酒，由蘭姆酒、椰漿和鳳梨汁混合mix再以裝飾鳳梨角，甜甜地咁幾岩好仔飲。朱古力蛋糕 推介甜品 $78因為今日女朋友生日所以即刻叫佢寫Happy birthday，侍應都非常之配合好好人。朱古力蛋糕嘅mousse 非常厚實！每一啖都好滿足，份量雖然唔係好大但係兩個人食已經非常之飽。整體都好滿意下次想食下其他野食。…查看更多

放完狗俾海邊見到好多新既餐廳，俾佢門口嘅設計吸引到，而且好想飲番杯咖啡，曾經試過呢間餐廳嘅第二道嘅分店都覺得唔錯，咁就入去同朋友兩個食。大家都想試唔同嘅嘢，點左一個煮食同一個甜品。呢度落單好先進係用QR code，唔使叫侍應幫忙。10安士西冷牛扒 $268牛扒嚟到都見到好厚。切落去我點樣七成熟真係啱啱好！而且唔會太un。切落去好多肉汁唔會覺得好血水。咬口好有，唔會覺得好老。而且比嘅醬汁都好足夠唔會覺得乾。焦糖燉蛋pancake $108後上咗個甜品見到個名感覺幾得意。個樣整到好似焦糖燉蛋咁樣，免頭有燒咗嘅焦糖脆片，切落去就係三層嘅pancake，感覺好新鮮。呢款雖然唔係空氣感嘅pancake，但係呢種配搭令人好想繼續食落去，咬落去軟綿綿嘅pancake，加上上面焦糖嘅甜，感覺好幸福。柚子烏龍茶$ 45除咗咖啡呢度仲有唔同種類嘅茶。點左一杯柚子茶，甜度唔會太多可以試到佢嘅茶底，如果唔想飲咖啡嘅朋友可以試吓。…查看更多

之前聽過牛大人，成日排長龍先食到，今日咁岩岀開荃灣，就試下去睇下多唔多人。好好彩，等左一陣就食得！先唔講食物，餐廳環境大，感覺企理，坐得又舒服。我地叫左個極上和牛吃到飽$198湯底就揀左牛大人紅燒牛骨鍋我地個餐係任食M5和牛肩卷，本身的口味非常香濃，加上火鍋湯底味道極之香濃，完全唔使點豉油已經好夠味！仲要任食！性價比極高！仲有墨魚滑同爽口牛筯等，食物選擇多，由其台式選擇，有台式雞絲面，蛋面，蔬菜丸類應有盡有！飲品方面都好特別，有支裝嘅白桃烏龍及桂花烏龍茶，其他罐裝飲品都有好多款。到最尾每人仲有一碗台式嘅仙草食，非常幸福滿足。…查看更多