adang82027的個人專頁

## 湘舍一號試食食評在灣仔駱克道的湘舍一號，這間餐廳以其出色的服務和優雅的環境吸引了不少商業精英。此次用餐體驗令人印象深刻，尤其是以優惠價$398享用到的二人套餐，更是物超所值。### 環境湘舍一號的環境極為舒適，設有多個獨立房間，提供了私密的用餐空間，適合商務會議或聚餐。整體裝潢簡約而不失典雅，讓人感受到放鬆的氛圍，十分適合享受悠閒的午餐。### 套餐內容#### 前菜我們選擇了**烧椒皮蛋**作為前菜，皮蛋的口感滑嫩，與燒椒的香辣搭配得恰到好處，開胃又不過於油膩。#### 湯品接著是**冬瓜老鴨湯**，湯汁清甜，冬瓜的清爽與鴨肉的鮮香相融合，讓人感受到家的溫暖，十分适合在工作之餘享用。#### 主菜主菜中，我們選擇了**陽雀湖辣椒炒肉**。這道菜的味道非常出色，肉質鮮嫩，辣椒的香氣撲鼻而來，辣而不燥，讓人一口接一口。#### 小菜小菜方面選了**砂鍋虎皮豆腐**，豆腐外脆內嫩，搭配特製醬汁，口感層次豐富，令人驚喜。#### 蔬菜**辣椒炒椰菜**則是清新的選擇，搭配了適量的辣椒，讓人感受到蔬菜的脆嫩與香氣，十分開胃。#### 主食主食方面，我們選擇了**青稞餅**，外脆內軟，與各式菜品搭配相得益彰，是一個不錯的選擇。#### 甜品最後是**紅棗雪耳糖水**，甜度適中，雪耳的滑潤與紅棗的香甜，讓整頓餐飲畫上完美的句號。### 總結湘舍一號以其優質的服務、舒適的環境和精緻的菜品，為商業精英提供了一個理想的用餐場所。無論是商務會議還是與好友聚會，這裡都能滿足你的需求。強烈推薦這個美味的套餐，絕對值得再訪！…查看更多

最近我在旺角的「馬祖」享受了一頓任食火鍋，整體體驗讓我非常滿意。這裡的點餐方式非常方便，透過APP輕鬆落單，讓我可以專注於火鍋的美味食材。首先，Prime Grade 美國安格斯牛肉的質量相當出色，薄薄的肉片鮮嫩可口，入口即化，特別適合火鍋的烹煮方式。無激素的西班牙豬肉片同樣讓我驚喜，肉質鮮美，搭配藥膳花膠雞的湯底，風味更加出眾。提到湯底，藥膳花膠雞的味道清淡卻深入，讓食材的鮮味充分展現。海鮮方面有新鮮的蝦和蜆，增添了火鍋的多樣性，每一口都充滿驚喜。飲品方面，馬祖提供的任飲選擇也相當豐富，讓我可以隨意搭配，增加了用餐的趣味。此外，店方還送上了黃金地瓜條，搭配幾款調味粉，讓這道小食更加美味。總的來說，晚上7:30前離座的價錢是$247，對於這樣高質素的任食火鍋來說，真的是相當划算。如果你在旺角，一定要來試試這間火鍋店！…查看更多

最近同老公去咗中環雲咸街嘅Abbraccio食Lunch，地理位置真係好正，正對大館，食完飯仲可以行吓大館，感覺非常悠閒。餐廳有個大露台，可以望到180度冇遮擋嘅美麗景色，尤其係對面嗰啲英式風格建築，令人心情愉悅。每人選擇咗個Lunch Set，套餐包咗一碗蔬菜湯，味道清新，正好開胃，仲有一份生菜沙律，搭配醬汁，爽口又健康。我哋叫咗個Pizza，為咗升級口感，特別加咗$48，將Tonno Pizza由七吋升級做10吋，Pizza底薄脆，配料豐富，鮪魚味道鮮香，真係唔容錯過！另外，我哋再加咗$28升級，選擇咗Polpettoni Pasta，意粉煮得剛好，肉丸軟嫩入味，令人回味無窮。甜品方面，我哋叫咗Panna Cotta，滑順嘅口感同淡淡嘅香草味，令人心滿意足；仲額外加咗$20，選擇咗Mini Tiramisu，層次分明，咖啡香味撲鼻，絕對係完美收尾。飲品方面，套餐包咗汽水，所以我哋叫咗兩個無糖可樂，清爽又健康。整體而言，Abbraccio嘅食物質素高，環境舒適，真係一個適合約會同朋友聚餐嘅地方，值得再次光顧！…查看更多

近日同老公去咗銅鑼灣嘅四寶食堂食晚飯，真係一個愉快嘅用餐體驗。首先，我哋每人叫咗個板燒封門柳，味道非常鮮美，肉質嫩滑，燒得適中，肉香四溢。老公加咗$15，選擇咗黑蒜蔥油撈公仔麵，呢碗麵配上黑蒜嘅香氣，令整個味道更上一層樓，簡直係絕配！套餐中包咗一碗西湯，係甘筍忌廉湯，湯底滑順，味道濃郁，帶有淡淡嘅甘筍甜味，十分滋補。而餐前餐包係提子酥皮包，外脆內軟，提子嘅香甜令人驚喜，為整個用餐增添咗一份甜蜜。我哋仲叫咗個雞翼薯條，雞翼有六隻，外脆內嫩，味道十分入味，配上薯條，簡直係完美嘅小食組合。飲品方面，我哋選擇咗龍鳳可樂，特別之處在於加入咗鹹檸檬、檸檬及青檸，口感清新，消暑又開胃。我則要咗熱檸蜜，香甜可口，讓人倍感舒適。總體而言，四寶食堂嘅食物質素高，服務態度親切，絕對值得再訪！…查看更多

鍾意食海鮮嘅一定要嚟北角呢一間大西洋海鮮火鍋， 呢間係朋友推薦，佢食完話覺得好抵食，所以我就試吓。入到去嘅裝修，好有中國宮廷風。除咗可以電子QR code自助落單外仲可以出去食物自助bar度自己夾嘢食。最開心係佢連調味料都有好多選擇，嘢飲都有凍同常溫分， 對於唔飲得凍飲嘅人，感覺真係好貼心。佢嘅$268任食火鍋套餐裏便係包埋可以出去自己夾海鮮，而且啲海鮮一啲都唔差，除咗有鮑魚，大頭蝦，蜆之外仲有蟹，嗰日食咗無數隻大頭蝦既我表示所有海鮮都好新鮮，啲大頭蝦超多蝦籽同蝦膏。最欣賞係佢有好多湯底俾我哋揀，我揀咗佢嘅花膠雞湯成個湯好鮮味，配埋海鮮食一流。另外不得不提我覺得佢嘅蝦滑都好出色，唔似出邊嘅蝦滑食唔到蝦肉真係成口粉，佢呢啲係feel到有好多蝦肉喺裏面，好彈牙，好好食。我同老公都覺得下次好值得再嚟。…查看更多

喺網上平台度見到蘭桂坊Lamour呢一個生蠔任食覺得好扺，所以就去咗試，估唔到佢除咗生蠔任食一樣嘢吸引之外，佢個西餐其他嘢食都好好食。先講吓環境，佢嗰度坐得真係好舒服，有一個自動彈嘅鋼琴一路播音樂，後邊仲有一朵大花可以俾人打卡。而且餐廳服務都好好，人手又夠足，服務都好周到。我哋叫嗰個二人餐，佢嘅餐包牛油係放喺牛骨碎裏面仲有少少松露味配埋餐包食，簡直一流。是日沙律啲沙律菜都好新鮮。然後佢嘅日餐湯嗰一晚係南瓜湯成個南瓜湯味好濃, 好creamy。 而家講吓主角生蠔，佢有三款生蠔俾我哋食，包括日本宮城生豪，法國諾曼第生蠔同澳洲芬灣生蠔，我自己覺得日本生蠔係最好食因為佢較大隻肉質夠厚，帶少少海水味，而且蠔味夠濃，法國生蠔就比較淡厚啲，而澳洲灣山河雖然細隻，但係個海水味係最重嘅。Pasta我哋叫咗龍蝦意大利麵個龍蝦汁好香濃，俾啲意粉索晒超好食，而且最surprise我嘅係佢個龍蝦竟然有半隻份量好足。我好滿意佢係成個餐所有嘢都係每人一份份量好足。而main course，我哋分別叫咗慢煮西班牙黑毛豬鞍同乾式紐西蘭熟成法式羊仔架。佢個黑毛豬真係超好食，肉質夠厚身又腍完全唔硬。至於佢個羊仔架就更加好味，除咗夠淋身，味道又一啲都唔會話好騷。佢嘅甜品係心形紅莓慕絲，我覺得個味道都唔差，酸酸甜甜。值得一提嘅係嗰一晚我老公生日原來生日餐廳係會每人送一支佢哋酒莊樣嘅紅酒，兩個人share一支紅酒真係好奢侈，我覺得呢間餐廳真係好值得encore。…查看更多

近排喺旺角發現咗一間好好食嘅小食店,叫做Potato Corner，裏面主要係食炸薯條薯圈之類。舖頭有好多款炸薯條揀，我揀咗炸番薯條同埋炸薯圈，佢仲有唔同嘅package同有唔同嘅味道揀，我揀咗要Mega佢可以揀到兩種味道，炸薯圈我揀咗芝士同埋sour cream ，易炸薯圈我揀咗BBQ同埋黑松露味，黑松露味係seasonal flavour, 個人覺得佢個味好濃,好好食。BBQ個味都好濃郁，基本上我覺得四隻味都好好食，如果鍾意食番薯嘅話，我建議炸番薯條真係好推薦。我叫咗兩個Mega total有四種味，我覺得已經好夠。話就話係小食，但係其實咁食都勁飽。我覺得最好食係炸番薯條甜甜地又好脆口超好食。下次絕對值得再encore。…查看更多

前幾日去咗阿來泰式地道風味，佢喺旺角地鐵站附近，好容易去到。入到去見到有好多客人，差少少就冇位，如果想食真係要早啲。還原餐牌覺得佢啲嘢食好似都幾抵食，價錢唔貴。我哋分別左一個雞肉青咖喱，飛天炒通菜，泰式Suki炒粉絲配海鮮，同埋炸蝦餅。嘢飲方面我哋叫咗一個泰式奶茶同埋檸檬梳打。先講吓個青咖喱雞肉，青咖喱個味道好濃配埋雞肉食剛剛好，好惹味。另外飛天炒通菜炒得好香口，亦都好好食。鹹到十分適中，值得再encore。另外泰式Suki炒粉絲都好好食，味道好特別，口感亦都好好，裏面有好多海鮮配料，粉絲亦都好夠，成個餸好飽。最後佢嘅炸蝦餅味道都好唔錯，最重要係好有蝦味仲好彈牙，亦都炸得好脆。嘢飲方面都冇咩好挑剔，算係好地道嘅泰式嘢飲。整體嚟講性價比十分之高，值得推薦，下次會再去。…查看更多

近排去中環大館玩，諗住打卡影吓相。見到嗰度開咗一間新餐廳，個名好得意叫1862，原來佢係食西班牙菜，所以就諗住去試吓。入到去覺得佢個環境都好chill，可以有戶外嘅座位同埋室內嘅座位，不過果日晏晝有啲熱，所以就揀咗室內。坐低睇完Menu我哋決定試佢嘅肉眼扒配青胡淑汁及炸洋蔥（6安士）同埋1862招牌西班牙海鮮飯。首先上桌嘅係肉眼扒，我哋叫咗五成熟，佢好Juicy，好重牛味又好腍。而配佢嘅炸洋蔥都超好食，完全唔辣口咬落去脆脆地，入邊就好甜。另外佢嘅海鮮飯都好好食，佢啲海鮮全部都好新鮮，絕對唔係急凍嘢，食落去個蜆好Juicy，有海水嘅鮮甜味，佢嘅青口都好好食，配埋個飯好搭，海鮮同飯嘅比例好好，海鮮份量亦都好足，個人覺得好抵食。呢間餐廳整體嚟講我都好滿意，下次會再嚟幫襯。…查看更多

呢間Pizza pig好驚喜，佢喺荔枝角附近去D2 Place shopping完過嚟食飯好方便。我哋叫咗一個牛肋骨一個signature piggie pizza, 我最欣賞係佢嘅牛肋骨, 呢個慢煮牛肋骨好好食啲肉質好腍，但係又好牛味配埋BBQ醬簡直一流, 至於佢個signature Peggie pizza就更加好食, 超得意上邊係有一塊塊勁脆嘅豬皮, 不過要食快啲淋咗就唔好食趁熱食，真係又脆又好味個水牛芝士同佢都好夾勁香芝士味成個pizza雖然八吋，但係勁多料好豐富。 嘢飲方面我哋叫咗一個凍latte同埋凍朱古力，咖啡味好濃，朱古力亦都好香。整體嚟講我覺得呢間餐廳嘅性價比好高，我仲發現原來佢星期一有特選買一送一優惠，如果喺呢段時間去食應該會再抵啲，下次可以再幫襯。…查看更多

喺屋企附近近呢間老掌櫃東北菜館overall 都唔錯, 我哋叫咗個黃金蝦球,一個雞絲粉皮, 一個京蔥羊肉同埋兩碗白飯, 成餐飯都唔使$300已經有三個餸,我覺得都算抵食。不過嗰個雞絲粉皮稍嫌個醬多咗少少，下次可以少返啲就完美，個京蔥羊肉啲羊肉份量都算唔錯，如果辣返少少會好啲，不過如果自己唔係太食得辣，呢個係一個幾好嘅選擇。餐廳環境其實都算唔錯，不過二人枱嘅位同隔籬枱就距離近咗少少，唔係坐得特別舒服，但係如果落嚟食個快飯其實都冇乜挑剔。…查看更多

旺角呢間豐味車仔麵喺屋企附近，所以今日過嚟試吓，入到去覺得佢嘅裝修風格屬於行懷舊風格，好有feel。咁啱佢哋原來做緊七周年優惠，所以會見到個碗嗰度有免費兩個字，佢哋原來每日會隨機抽20位請佢哋食免費面，至於我究竟係唔係嗰個幸運兒，大家可以估吓。🤣🤣🤣我哋叫咗兩個麵，一個係車仔麵油麵底蠔油冬菇，蘿蔔，魚蛋同牛柏葉，叫咗腩汁小麻辣。覺得最好食係佢嘅蠔油冬菇，個冬菇朔晒蠔油味超好食，魚蛋都彈牙。另一面就試咗佢哋嘅酸辣麵配薯粉，呢個配豬紅魷魚魚肉春卷牛腩，因為怕辣所以都叫咗BB辣，我覺得佢個豬紅好好食配埋佢個湯汁，薯粉偏腍唔算好硬嗰種，不過對我嚟講就啱啱好，因為都好怕啲薯粉好硬食完個胃好辛苦好難消化。嘢飲方面叫咗凍奶茶都ok。…查看更多

喺尖沙咀嘅Royal inn,位於The One, 地理位置十分方便，呢個係一個好靚嘅西餐廳有好多花做打卡位，今次我哋食嘅時候係lunch真係好多人，要等位。不過餐廳侍應都好有禮貌，我哋等唔算好耐，最後終於有位。餐廳好靚，我覺得如果嚟下午茶應該都好正，下次可以試吓。我哋叫咗兩個lunch set一個係法式寶雲酥羊架另一個係香煎三文魚半香橙忌廉汁。一嚟就揀咗是日餐湯，今次係南瓜湯，配蒜香牛油麵包真係一流，麵包好脆好香。個人覺得佢個法式寶雲酥羊架真係超好食，軟嫩多汁,超Juicy，佢嘅配菜炸薯塊都好脆。至於佢個三文魚煎到都好香，冇諗過佢嘅忌廉汁帶少少橙味同個三文魚咁夾。飲品方面我哋叫咗兩個檸檬茶，佢個茶底好香，亦都唔會話好澀，好好飲，仲可以自己加糖。…查看更多

喺銅鑼灣行咗一陣街之後見係時候食晚飯就去咗附近呢間四寶食堂試下。以為只係普通茶記，點知原來佢有好多嘢食，有排又有燒春雞，唔知以為去咗西餐廳。 見咁開心就揀咗兩個set dinner， 我叫咗一個板燒美國頂級封門柳配牛油粟米同炒雜菌，一個百里香蒜香橄油燒春雞配炸薯條同薯仔沙律。老公話好想試佢個秘製麻辣撈公仔麵，見只係要加$15就叫嚟試吓。嘢飲方面我哋我哋兩個都叫咗凍奶茶。set dinner仲包埋餐湯佢嘅忌廉白湯好香好Creamy都幾好飲。封門柳軟嫩多汁完全將牛肉嘅Juicy鎖咗入去。佢嘅燒春雞雖然係烤過，但係啲肉一啲都唔嚡口，雞髀肉好滑。最驚喜係個秘製麻辣撈公仔麵，佢個醬汁應該係特製同個公仔麵好夾超好食。認真講咁嘅質素有咁多嘢食只係三百幾蚊真係性價比好高。…查看更多

今日去咗銅鑼灣總統戲院頂樓一間泰國餐廳叫泰簡單,成個餐廳感覺好舒服座位好寬敞仲有室外同室內嘅座位揀，如果天氣涼爽嘅話坐出邊氣氛應該幾好。店員服務好，一坐落嚟就已經遞餐牌同倒水。睇完個Menu我哋決定揀菠蘿炒飯, 因為睇過賣相好吸引,個菠蘿炒飯上枱之後令我哋好驚訝，因為原來成個菠蘿炒飯都好大碟d料又好足,平時其他泰國餐廳個菠蘿只係刮得好淺,炒飯得面頭嗰少少，但係呢間唔同,呢間刮得好深,成個菠蘿裏面都係塞滿炒飯，份量極大。食泰國嘢，當然要叫沙嗲串燒，一碟串燒有六串，有齊晒牛肉豬肉同雞肉。仲烤得好香口好好食。另外我哋叫咗個喇沙湯麵，個喇沙湯好香裏面啲料好足有蛋同大蝦，大蝦唔係得一兩隻咁少，而且新鮮又彈牙。叫咗一個生菜包，呢個好好食，紅洋蔥配碎肉連住生菜食好香口。分別叫咗兩杯嘢飲，一個係檸檬shake冰，呢個好特別，佢俾埋個金屬瓶自己shake, 另一個係黃金夢,個名勁好聽，其實係菠蘿汁加芒果汁，雖然簡簡單單，但係十分好飲。…查看更多