evakao2001的个人专页

因為趕時間，肚又餓，路過見到剛好有位，就入去坐低叫個飯。店舖環境比較迫夾，座位擺得滿滿，背靠背坐，舒適度得差！手撕雞肥牛滷肉飯($56) ，不包飲品，水都無一杯，都算了。飯好快奉上，可以多飯，汁都夠。可惜，手撕雞，肥牛係白烚，完全無味，丁點鹹味都唔覺，完全無醃過，只係靠滷肉汁撈埋至有味。好失敗，既懶，又懶，除了用懶，真係無咩字能夠形容呢個舖！無人氣嘅舖，真係有原因的！紅磡區食店也不少，看看這舖能企多久！…查看更多

6:45去到，全部坐咗三張4人檯，1張12人檯，客不算太多。睇完餐牌，7點完成點餐，點咗咖哩炒蟹，大蝦金邊粉，椰子雞湯，半隻海南雞，一份薄餅。。。等到7:15上咗個湯，薄餅。。湯即飲係幾甜嘅，有啲冬陰味，唔差，不過7:30分都未見上蟹，催咗3次，至有蟹到，但蟹不是肉蟹，殼大，肉小體積細，只有4件爪位似偷工減料海南雞，半隻108但只有脾，胸和翼位。。其他不見了薄餅已經凍到石頭咁硬，要求更換，等多15分鐘才能返熱，再奉上。可惜已經唔軟熟，而且好實下。。。之後再飲翻個湯已經好鹹。。。好奇怪。返到屋企，口渴到不得了。。。似乎味之素作怪😖😖全單承惠750😞唉，真係無下次…查看更多

見佢賣廣告有平價燒鵝，膽粗粗買半隻，原來係特價加一舊，盛惠$188，心諗試下吧，點知係半隻未發育的燒鵝，比半隻燒鴨還要細，當時向樓面喝罵，可能財到光棍手！人家都掛住接客做生意，懶理！搵笨搵到上心口，無下次！吃過後其實隻鵝除細隻之外，肉無乜調味，只有鵝肉味，只能說不過不失。總之呢間D鵝搵笨居多。…查看更多

晚飯有野送，開張無耐，試新野，點完餐見幾隻蒼蠅週圍飛，討厭，鄰檯有客人投訴，可惜都係投訴照受，一切照舊！通菜牛，咸！小炒王，咸！其實要麼那麼咸？抵讚係上菜快，夠熱！其他沒有可取之處！…查看更多

今天跟老婆去試下有幾好食，其實比預期差！semi lunch buffet,$158原來只包括湯，沙律，甜品和啡或茶。要主菜就加$40，之後還得再加一呢！主菜份量少，又無特別。除非再+75再升級個主菜，就應該好少少，但總括而言，不值。如果唔係想任食沙律，可考慮holiday set lunch,應該仲抵食。 …查看更多