AbeySnow的个人专页

服務態度非常惡劣，食物質素差，服務態度差，不論是經理或是員工或是送遞食物，都是差，只會跟相熟客人友善，對其他客人一律置之不理，還會說客人閑話，或對罵客人！對相熟客人可以不用搭枱，其他嘅一律都需要搭枱！1. 門口帶位員工冇禮貌，相熟客人不需要等位，直接入座，2. 經理級，隨機幫忙，首選相熟客人，其他一律視而不見！3.普通員工, 反而比較好,因為冇得選擇做與唔做！4.送遞食物員工, 牛肉需要黑醋,佢同我講話我麻煩要求多🤯5.收錢員工, 也是相對比較好,但似收數多過收錢！總括來說，整體全間酒樓都是非常差，不會再由下一次，嚴重差評！…查看更多

今次銅鑼灣區，鵝頸橋底食好西！呢間叫。MAMADAY 。嘅Cafe溫馨提示一下大家，一直人氣高企嘅餐廳係要 << 訂位 >>架，咪摸門釘呀..........雖然地方唔大細細間，但Cafe 裝修風格非常特別，所以成為城中嘅打卡嘅熱點，老實又真係幾靚嘅😝，有外在當然更加有內在啦，因為啲嘢都好特別好好食架！菜單啲菜名都會令你由頭睇到落尾架🤣今次對唔住喇，我.....唔記得晒所有嘢食嘅名，如果有興趣試就show相比店員睇下照住嚟叫啦，佢地都好Nice ， 因為我都係咁點菜架！…查看更多

今次走返去港島區 。灣仔。十年難得一次會到嘅地方灣仔，偶然途經見到呢間店。馬六。係內街，真係唔多起眼嘅位置！就係因為佢唔起眼嘅關係我就走左入去試，好彩有人去食咋，超好食呀！連飲品都好正架！。新加坡喇沙摻摻。 呢碗喇沙面好食到呢，雖然海鮮一定係冰鮮嘢，但都女重料好多架(不過不失啦) ，重點係個湯底，非常香濃，杰身架，岀面好多時食都好水，呢間唔一樣，好差唔多飲曬呀，面質都相當彈牙，正！。檳城老鼠粉。 炒得夠乾身夠入味，加埋啲配料，花生，魚乾仔，蛋粒，非常夾！。柚子沙律。雖然係小吃，但都非常有誠意架，柚子係甜新鮮，唔似岀面好多都又苦又乾！。蝦春卷。 夠脆口，普普通通啦🤪。白咖啡。 好好味，咖啡愛好者(普通)，應該會鐘意呢個味！。桔仔檸檬茶。 味道特別，桔仔味非常香！都係果句啦，有機會經過不妨試下，有意外驚喜架！…查看更多

今次要介紹下康城站 Lohas Mall 商場內的。Milksha - 迷客夏。推介一下大家試兩杯飲品 珍珠手炒黑糖鮮奶 & 珍珠伯爵紅茶拿鐵呢兩杯都奶香味濃又非常滑，一般外面飲嘅珍珠都係深啡色或黑色，而呢間唔一樣，呢間啲珍珠係奶茶色，但甜甜地咬好非常好！。珍珠手炒黑糖鮮奶。黑糖味道好濃厚有啲烘焙味，鮮奶亦非常細滑，超正！。珍珠伯爵茶拿鐵。茶味香濃但並沒有蓋過奶香，兩者融合得非常好！大家見到呢間店不妨試吓，正所謂行過路過咪放過🤣…查看更多

巳經多次經過都被裝修設計吸引到，但一直無去試，今次專誠去一次試食，一入到去侍應非常親切有禮貌，見到餐單亦都覺得好有意思，當食物嚟到嘅時候包括外觀都相當吸引！重點來了，先來即磨咖啡味道非常香濃，糖甖亦相當精緻，令到我都不忘拍張相給大家！之後餐湯來到亦是惡夢開始，我們二人叫了兩份午餐！其中一份要了餐湯，雜菜湯。1. 雜菜湯淡而無味，一碗水煲埋加三碗水溝起咁極淡！再來(雙重芝士 意式蕃茄蓉醬 煎美國穀飼去骨豬扒 意大利粉) 份量少，豬扒乾硬！2. (燒紐西蘭西冷牛扒(薄切) 伴燒汁 配 蕃茄雜菜湯意粉) 西冷牛扒木砧板上，賣相相當好，但牛扒凍的，乾硬，比BBQ凍肉店買的更差！ 湯意粉暖的，還要是徧凍的暖，都是一碗水加埋三碗水溝起，淡如水！ 全餐唯一能贊的只有咖啡☕️😪失望至極！ 沒有下一次機會！浪費時間！從來無試過岀食一間餐廳可以差到咁，比茶餐廳更差！…查看更多

金鐥素食是一間多年的老店，由起初到現在味道依然保持良好！簡簡單單的一盒雜錦齋巳經能令我感到非常滿足！ 一盒內有七款齋，當中包括。甜酸齋。咖哩齋。蠔油齋。素叉燒。素扎肉。素雞粒。素腐皮卷。 真係好食到不得了，雖然舖面簡單沒有華麗裝修，但內在美比外在美緊要吧😝大家有機會經過都不妨去試試，就算揸車經過都可以偷雞停一停門口買返一盒細size試試，而家真係好難搵到呢啲懷舊味道了，小食多滋味！其實仲有小甜品，有芝麻卷，白糖糕，年糕，茶果....... 只記得咁多，下次去再影多啲！…查看更多

越華會絕對係以往我地食開嘅大排擋味道！其實巳經唔係好記得啲餸菜名，大都盡量打返啲類嘅字，想食就比張相伙記睇啦😝店面唔算大，所以坐位會比較迫，會比較親密！但款式相當多，機本諗到嘅小菜都會有得食！今次無食啲招牌菜，避風塘炒蟹果啲！只係簡簡單單！沙薑雞。夠味，肉肉好嫩滑咕嚕肉。非常脆口，唔會太酸雜菌炒牛柳粒，超好食，味道濃而不咸杞子魚湯時蔬。魚湯好好飲，但配白菜就一般炒飯。除飽肚外味道無乜特別，但唔會太過乾，所以都好食，飯面會有啲脆魚仔👍🏻蝦多士。好好食，但比較油膩…查看更多

位於金鐘太古廣場的Thai basil，雖然要等位，但也值得一試！因為飯店也算大，所以大概等5-15分鐘左右就有位！但店內燈光比較暗！食物款式多，味道不錯，比起一般泰國餐廳來說，論特色，款色，味道都屬於中上！必試 炸蝦餅 。 燒菠蘿 。 炸軟殻蟹米卷 。 柚子沙律 。 芒果椰汁紫糯米飯。炸蝦餅。是有蝦肉粒粒的，味道非常新鮮！燒菠蘿。超甜，似炭燒，不會有燒焦苦澀味！炸軟殻蟹米卷。非常脆口，不會有滿口油膩感！柚子沙律。雖然是普通，但起碼細心會將每一塊柚子去除所有皮，因為在外很多柚子都是沒有去清柚子皮，所以口感會有點苦！芒果椰汁紫糯米飯。必食之選，用上紫糯米吃感更好，更香！但如果可以多兩片芒果就更加好食😝…查看更多

呢道選擇不多，只有4款湯麵同4款撈麵選擇，小食都有9款，算多！如果叫麵可以+錢跟餐叫埋嘢飲架！今次我為左試晒所有款式就食左三款細碗，每碗其實真係可以一啖食晒🤣，好在唔肚餓，餓真係起碼要食6-7碗先會啱啱好(未飽, 有嘢到肚果種😝)， 試完真係要推薦下大家呢道嘅湯麵，個湯嘅味道好正，金邊粉嘅質地亦非常好咬口！牛肉片+牛腩+牛丸金邊粉非常推薦，但飲品應該泰仔奶茶或汽水會好飲好多😝，大家有時間不妨去試試丫！…查看更多

去李公館食晚飯係必須要早一個月訂位！今次係我第一次去，朋友同我慶祝生日，我抱住好大期望去試呢間餐廳架，要早一個月訂位喎！點都唔會差啦😝一去到真係好多人，高朋滿座，但坐得一啲都唔迫，好舒服，最讚係員工服務態度極好👍🏻 今次都試左好幾款招牌菜，。冰鎮咕嚕肉。黃金帶子煎肉餅。疊疊煎蓮藕餅但唔知係咪我預期過高呢，我覺得有啲失望！。冰鎮咕嚕肉外層包住嗰啲糖太厚有啲硬，但肉質好嫩還可以！。黃金帶子煎肉餅太油膩，只係食到咸蛋黃同芫荽嘅味道，其他味道完全蓋過晒！。疊疊煎蓮藕餅，內有芫荽，完全蓋過所有味道，只係食到芫荽味！本人唔食芫荽所以特別反感！其他嘅餸唔講喇，我只覺得名過於實囉！失望！…查看更多

好有懷舊感覺嘅飯店， 唔單止裝修風格又老上海感覺，食物上亦有老上海嘅味道！我哋只有三個人去食飯，所以叫唔到啲份量比較大嘅款式，例如啲雞湯呀等等，但我哋都叫咗好多小吃，大大話話都叫感成十碟嘢架，都唔算大碟，所以可以揀好多款唔同嘅去試！真心要重點推介一下大家。無錫脆鱔。醉乳鴿。香葱芝麻煎餅。上海炒年糕👍🏻👍🏻👍🏻走嘅時候大家可以留意一下周邊嘅裝修同擺設，有好多好有特色嘅小人像擺設架，不妨可以影下相留念一下！…查看更多

抱住食平嘢心態上去食個Lunch, 因為最平$28個餐都有！因為仲叫試業中，所以期望都唔算好大！食個餐有但湯揀都幾好飲，有送碟菜有幾條生菜，同一個豉油碟大嘅前菜，有魚有鵝有鴨有滷水拼盤等等比你揀$70款，睇落都幾抵食架，但嚟到發現果碟鵝係食骨，個鴨就冧滋滋，但條魚都幾好食嘅但唔係大條，仲要比得半條囉！ 重點係果道有個職員阿姐態度真係🤦🏻‍♀️，無乜必要就唔好搵佢喇，搵啲哥哥啦！ 呢間嘢真係唔敢推薦其他朋友去試！…查看更多

筲箕灣東大街岀名多好嘢食，呢間泰國餐館亦唔例外，我最鐘意係食佢地嘅海南雞，泰式無骨鳳爪同埋柚子泰式沙律！ 價錢合理，睇落去好似細細碟，但食落都好多下！三個人叫左4餸1飯都食唔晒，埋單只係$3xx 係咪抵食丫！…查看更多

一個絕唔起眼嘅位置居然搵到呢間餐廳，真係真多謝open rice，如果唔係一定搵唔到呢間穩世餐廳！ 首先我地係7.15打去book位，員工非常有禮貌話而家暫時有位，咁我地就即刻去啦，之後好快再接到電話話不如遲少少7.30先，以免太熱要我地係門口等，非常細心嘅員工👍🏻十個讚！去到當然即時有位啦，唔洗等！我地兩個人叫左巴馬火腿意粉，水牛芝士Pizza，黃金薯條，三個都超好食，由其係黃金薯條真係必食之選！ 每人都會有一個沙律及一件蒜蓉包送架，其實餐牌好多選擇，下次真係要食埋其他再寫多啲食評讚下先得！ 有啲顧住食唔記得影相，飲品都要試下呀，每杯都會有個大泡泡係上面架！…查看更多

韓燒嚟講呢間啲肉都幾好食架，款式多，肉質好，肉類嚟講可以有4分以上！但其他嘢就差到爆炸！1. 訂左5個人位，到達後話無大枱只能坐4人枱，迫到手撞手，失望！2. 未坐低就發現枱面已經一早放好晒調味料，水，而鐵板旁啲芝士粟米，蛋內嘅泡菜(無蛋)亦一早已經準備好，我初初以為係比枱後有人準備定，但燒燒下發現後面無人坐嘅枱都係放定左係爐上面！相當唔維生！ 3. 啲蝦霉晒！食左一定中蕉，已經有啲味，之後同佢地講佢地話換，但換左又係一樣無分別，我地話算啦唔要，佢話幫我地問下經理先，非常負責任，但最後好好笑，換左4條年糕比年地！4. 抽氣設備非常差，燒到標晒眼水！ 地方冷氣又唔夠熱爆，我地抹晒汗九秒九食完即閃！肉我覺得值得推薦，但要預左地方細啲唔太舒服囉，食完行街啲人一定知啱啱食左啲乜🤣…查看更多