劍劍劍劍劍橋大學's Profile

之前都食過依一間, 搬左之後都一直未黎, 原來係搬到樓上佐敦酒店鋪位，所以放工即刻同個朋友去食蠔D!!依間最岩同朋友一齊黎食, 性價比好好叫12隻蠔會送餐酒一支, 所以生蠔絕對係必點! 首先叫左個頭盤HAM，油脂甘香!蠔既產地 美國，南非，法國都有。最平$18 已經有得選擇，極新鮮，海水味濃， 性價比高。WINE PAIRING 埋白油更加帶出個鮮味!主菜方面, 我地揀左鵝肝併牛柳 , 鵝肝煎透程度非常好牛柳也很鬆軟, 牛味香濃!焗朱古力心太軟伴雪糕最後當然要一個甜品作個完美句號啦心太軟製法是甜品界中極考功夫的， 果然也沒有令我們失望。一刀切下去時，裏面的朱古力漿流出，有如火山熔岩般，慢慢流動。總結依一家每一道菜都十分滿意, 搬上酒店後, 環境我覺得更加舒適, 喜愛蠔既朋友一定要來試呀!…Read More

今日因為要和同事見客要到西環走一轉。 見完客後同事邀請我一起共進晚餐，知道我喜歡吃生蠔， 帶我到呢間已經開了一段時間，喺西環幾出名的西餐店試試。餐廳每日都有daily special生蠔，$10隻，我們立即叫了半打 好大隻! 肉質肥美，海水味濃。黑松露野菌忌廉湯- 濃濃既黑松露香味一上枱已撲向我地既鼻裡，啖啖都超濃，必點!慢煮美國黑醋牛仔肋骨- 牛仔肋骨好厚身，但因經過慢煮關係一啲都唔硬，軟淋淋。 不太喜歡慢煮肉的我都被吸引到大啖大啖咁食。意大利黑醋煙腩肉意粉- 意大利粉吃得多，但用上黑醋黎炒就從來未試過。原來混入肥肥既煙肉效果係出奇地夾，微酸的醋仲可以減低煙肉肥膩。心太軟伴雲呢拿雪糕- 極力推薦的甜品 , 推介既程度是食飽主菜都一定要品嚐。 心太軟朱古力是超濃，但配上雲呢拿雪糕，真係超級好食，幾飽都食到。西環自從地鐵開通後真係愈黎愈多優勢西餐，連我九龍人都想多D黎食，加埋近海既環境，好似當日咁食飽係附近走走都係一個好選擇。…Read More

觀塘愈黎愈多好野食，去完附近交收D野之後，就上左黎依間THE WAVE既西餐廳食埋晚飯同朋友每人點左一個SET DINNER，有齊沙律、湯、主菜、甜品同飲品。田園沙律- 田園沙律用玻璃樽裝住，幾特別，亦都好特別地有爆爆珠，口感更加豐富，而爆爆珠入面既果汁都用埋SAUCE亦幾夾沙律。是日餐湯- 餐湯好CREAMY，另外都有CRISPY DIPS可以配埋食香煎三文魚柳 配芥末籽忌廉汁 $198- 主菜三文魚柳煎得幾好，塊魚皮夠乾夠脆，魚柳亦都唔會太"鞋"，醬汁有芥末亦都有助減低魚既腥味，雖然依個魚柳一D腥味都無! 好正精選是日甜品- 最後食埋個MOUSSE CAKE同埋一杯咖啡作結，整晚都十分完滿。另外，因為可能係工廈關係，同層另一邊係另一間餐廳，有LIVE MUSIC聽，令到成件事更加加分…Read More

尖沙咀美食林立，每次去K11 SHOPPING都會經過依間餐廳，但一直都因為食周圍既小食而無機會食到，今次專登留肚黎食番餐勁既!火炙壽司拼盤 $98- 火炙一直係我既最愛，因為可以將油份迫出黎之餘，仲保留到刺身既口感同微微既香烤味。 當中最愛係三文魚同左口魚，因為油香最豐富!廚師特選壽司套餐 (配味噌湯和蒸蛋) $368- 特選套餐確係好多唔同選擇，當中最吸引當然係拖羅。拖羅油分適中而無筋，入口即溶而魚味濃郁。再加原條鰻魚超幸福!! 配既味噌沙同蒸蛋都相當足料同夠味。三色丼 $168 - 係三碗超犯罪級既丼，分別有吞拿魚蓉、海膽同蟹膏蟹肉，建議先食比較淡味既吞拿魚蓉然後才食另外兩個，每一啖都係迷你既享受，濃郁豐厚既味道充斥住成個口腔。蟹膏同海膽都超級濃!鯛魚湯 $38- 超重鮮魚味的湯，奶白色，濃到有點稠既感覺，但第一啖有一點兒的腥味，之後就剩下濃濃的魚油香。萬歲樂加賀梅酒 $55- 最近愛上日本酒，這款也不錯，但感覺大吟釀會更配。…Read More

幾年前LAB EAT開的時候己經一直想黎，當時正係份子料理盛行既時候，一開始仲以為係份子料理既餐廳，但一直好多人食，所以一直無黎到。最近朋友約開尖沙咀，所以就一於早D BOOK黎依間試下。入到餐廳裝修格調都比較高級，有一個金碧輝煌既酒吧台，牆上掛住唔同既畫，再加上擺台同FULL MENU，先知道自己一直錯過左間好餐廳。跟WAITRESS 介紹過後，點了杯Villa Maria，都比較適合去配生蠔、芝士火腿、同豬扒。Divine Oyster No.1 $180- 果然係不負佢神之吻既稱號，口感爽口，肉身豐厚，海水味適中，蠔味突出，非常正!香煎鵝肝多士配紅梅汁 $118- 入口即溶既鵝肝配上脆口吸汁既多士當然係絕配，配埋紅梅汁去中和鵝肝既油膩感，做得相當出色。黑松露熱熔芝士配新薯及火腿 $288- WAITRESS係我地面前將半輪既表層熱溶芝士車落去，視覺衝激後再加上口感豐富既火箭菜、火腿、薯仔及橄欖，又係另一個肥仔既享受。略嫌芝士比較咸，但夾埋其他配料一齊食就剛剛好。炭燒西班牙黑毛豬配蜜糖芥末汁 $398- 非常厚既黑毛豬扒，但都燒得剛剛好，唔會好軔之餘仲有鎖到肉汁，蜜糖芥末汁非常之夾依款黑毛豬，EVEN係我比較喜歡原汁原味既都每一舊都有點汁去食。自家製比利時73%黑朱古力心太軟配意大利雪糕 $88- 一頓咁好既晚餐，最後當然要有甜品作結，由生蠔到小吃到主菜到甜品，每一樣都做得恰到好處，絕對推薦情侶黎食，氣氛、份量、食物等等都好值得推薦!…Read More

朋友係尖沙咀番工, 放完工就同佢慶生, 去左間樓上小菜海鮮火鍋店, 地方係韓國街之中, 好易搵豉椒炒蜆- 本身叫既花甲已經火速俾人食哂, 轉左少蜆, 醬汁夠濃, 不錯椒鹽九肚魚- 炸得夠脆身鬆化, 又唔太油, 值得推薦!菠羅咕嚕肉- 酸甜度剛好, 咕嚕肉亦炸得夠脆口, 份量亦好多 勝瓜木耳煮魚肚- 食左咁多熱氣野, 除左普通煮個菜之外, 依碟亦都好推介, 味道清淡得黎又各有咬口薑蔥雞 (半隻)-熱辣辣原煲上, 雞唔算多肉但夠滑, 薑蔥汁配飯一流西芹炒黑豚肉- 黑豚肉出奇地好味, 好濃既肉味白灼花竹蝦 - 出名既靚蝦, 肉身爽彈之外, 非常重蝦味, 白灼再點少少醬油己經係最好既食法, 最食到原汁原味! 陳皮水- 本身諗住叫啤酒配小菜, 但見到做小小互動就有一渣陳皮水, 當然即刻換埋佢, 好重陳皮味小菜都好多選擇, 下次應該會黎試埋海鮮火鍋…Read More

九龍城好野食非常多, 通常都係黎食泰菜火鍋甜品, 今次朋友食過依間非常推介黎食燒肉同刺身魚由於我前兩日先食完刺身, 所以今日主力食燒肉!剌身沙律 $78- 醒胃既刺身沙律, 酸酸地既醬汁配白身魚食, 非常之夾燒三文魚腩壽司 $34 & 火灸鰻魚壽司 $44- 食燒三文魚永遠都係滿滿既幸福感覺, 魚油香充斥住整個口腔, 先食魚香再食牛香, 絕佳!海膽玉子 $98- 第一次食到既整法, 海膽熟後略有咬口, 最中心仍然係軟既口感, 被暖暖既玉子包住, 海膽既獨特濃味唔似刺身般強烈, 而係慢慢地滲出黎牛石盛盒 $548- 除左吸引眼球之外亦都好抵食, 500幾蚊可以食到8款高級雞牛豬, 必點推介肉類包括: 雞 - 日本雞胸肉, 牛 - 牛舌, 牛小排, 伊藤和牛A5肉眼, 伊藤和牛A4背峰肉, 伊藤和牛A4西冷豬 - 日本黑豚肉,  日本黑豚西冷最驚嘆既當然係幾款伊藤和牛, 每一啖都享受住雪花般既柔滑脂肪, 鮮嫩多汁一邊燒至表面大致上浮血水就可以翻轉燒多15秒左右由於雞肉較厚, 店員都有建議我地係燒牛豬既同時先把雞放係爐既最外圓邊等佢慢慢燒熟由於豬肉會出大量既油, 食後會較油膩, 建議先享受牛, 之後先燒豬肉會較好明太子炒菠菜 $69- 有明太子既菠菜, 能夠中和燒肉既油膩感之餘亦不會太乏味喜出望外既係, 最後甜品有一粒軟心朱古力, 出奇地好食!…Read More

依間一直都想試好耐，因為聽講除左食物OK之餘，環境亦都唔錯地點上其實好方便，出面有好多泊車位， K11行過少少就係，都有露天位FOR食煙人士，地方亦都好大係難得鬧市中既靚鋪佢仲有其他分店，每間各有特式，而依一間餐廳入面就有好多藝術元素。同朋友只係兩個人，所以叫左一個前菜，兩個SIDE DISHES，一個MAIN COURSE，一個甜品烤蝦帶子嫩菠菜沙律 GRILLED PRAWN & SCALLOP SALAD $138前菜方面，點左一個沙律帶子燒到剛剛好，表面乾身但入面仲保持到軟綿綿一絲絲口感沙律菜的醬汁份量剛好，而調味亦都好夾，醋既酸唔會太過，沙律菜亦唔會太無味苦澀作為一個STARTER，絕對係滿分!龍蝦扁意粉 LOBSTER LINGUINE $268龍蝦食起上黎好似新鮮龍蝦一樣，肉質富有彈性，有咬口，並無冰鮮味道扁意粉亦相當出色，只係簡單既棷欖油同蒜去炒，表面再鋪上幾絲紅花相信油或者龍蝦係用龍蝦汁或者龍蝦油去煮，所以龍蝦味非常豐富!簡單而出色，就好似意大利的aglio olio一樣，推薦!焗豬肋骨配目魷魚鬚 BAKED BABY PORK RIBS $208RIBS既醬汁酸甜度剛剛好，我比較愛好煮至近乎甩骨既RIBS，所以依碟略嫌少硬，當然各有所好 (其實都己經夠淋)魷魚鬚真係夠香夠脆煙三文魚鐵鍋班戟 SMOKED SALMON $98班戟面除左煙三文魚外，仲有CREAM CHEESE 同牛油果，係無得輸既組合，三樣口感都係淋既，建議餐廳可以加D CRUNCHY 既野咬下香蕉太妃 BANOFFEE $78聽聞依度既甜品都好出色，愛好BANANA PUDDING既我地選擇左依個香蕉太妃!三層由下至上分別係 BANANA CAKE, FROZEN CREAM, FUDGE CAKE淋面既係WARM TOFFEE，邪惡組合好濃郁既朱古力同TOFFEE味，又熱又凍既"溶合"，作為一個甜品，十分稱職…Read More

Namibia - 味道適中，較CREAMY，亦都鮮甜Gillardeau - 生蠔中既極品，蠔身肥美，富海水味之餘仲非常鮮甜，有層次除左附上檸檬同辣醬外，仲有味道跟芥末差不多既辣根白松露醬薯條 - 小食必點之一，香濃既白松露配埋即炸薯條，配酒佳選烤意大利腸 - 燒得非常香口，切成片狀更方便進食，醬汁好香花椒八角味，超夾腸仔既味道，加分!蟹餅伴粟米莎莎醬 - 滿滿既蟹肉同香芹粒，略嫌香芹味蓋過了蟹肉鮮味，但口感不錯橫城韓牛 (6orz) - 四成熟，燒得好好，睇圖片都會睇到，剛好全塊表面都燒至略焦，切開後沒有太多既血水肉汁流出，因為涼了一陣先食，肉汁全部鎖住係入面，一咬落去，口感軟嫩，簡單海鹽調味己經相當好味!去到先知原來星期四蠔同COCKTAIL半價所以必定會黎再戰!…Read More

去買完感恩節禮物後，我地去左食串燒！去到等左一陣後，安排了我們坐吧枱。諗緊食咩既時候即刻點左一杯啤酒先，因為買左咁耐野己經好口渴，前菜點左個三文魚刺身，yummy叫左串燒之後會附上一份蔬菜俾你中和串燒既油膩。椰菜同蘿蔔非常爽脆鮮甜！之後到既係炸天婦羅海膽！第一次嘗試，炸漿好簿，但熱既海膽反而味道沒有平常刺身香濃。接下來係主食墨汁烏冬，味道適中，入面有豬肉同墨魚鬚串燒柚子芥末墨魚鬚柚子既清新加上微辣既芥末估唔到咁夾，比起平常燒汁別有一番風味串燒厚切牛舌，夠淋夠香，串燒必點豬肉荔枝卷，好似香港係依間餐廳首創後，其他相繼仿效，豬肉咸香脆口同荔枝既軟嫩多汁簡直係絕配，絕對係必點之選！豚之大腸，將豬大腸洗得好乾淨，再切條去燒，所以唔會太煙韌咬唔斷，燒到條邊脆脆地，正本身依個芝士年糕都等左一段時間，食哂串燒既時候先上，本身都己經食到好飽，仲諗緊要唔要既時候，佢終於上了!!果然寶物沉歸底，食完之後發覺真係好值得等!年糕表面燒到剛剛好，剛好有一點焦，皮面很乾身，並唔會好油，熱辣辣既年糕聞落己經非當香，仲有淡淡既紫菜香味，一咬落去，入面有滿滿既芝士，年糕真正外脆內軟，真係超級好食! 依個亦都係必點推介!…Read More

同朋友經開去下午茶，餐廳裝修精緻，座位亦都好寬敞，絕對係世外桃源!首先點了一個沙律，煙三文魚加醒胃沙律菜，為左一陣食濃味既芝士炒麵同鐵板芝直燒肉開了個胃!鐵板芝士燒韓國拉麵- 超多芝士，配上辣辣地既韓國拉麵，超級邪惡，一定要早d撈一撈先，芝士凍左會一塊塊，拉麵口感唔錯鐵板芝士燒- 一芝未平，一芝又起，今次仲要係燒肉! 切開一舊舊再沾芝士食，燒肉醬配半溶芝士超正! 嫌唔夠仲可以有脆薄餅俾你沾黎食餐廳整體環境食物都好滿意，下次黎會試下甜品同飲品，賣相都好吸引，推薦…Read More

近日天氣又凍番, 即刻想食韓燒! 當然最方便大家既中間點就係旺角，依間OPPA新開張果時都有食過一次，點菜時見到有D菜式係三週年特價!! 原來咁快就己經三年由於好多選擇，樣樣都好似好好食，所以簡單得黎又震撼既當然係叫拼盤!和牛拼盤 (美國上肩胛肉、美國牛小排、美國下肩胛、日本A4背峰肉、日本A4上腦肉、日本A4牛肉眼、1++韓牛肉眼、澳洲和牛頸脊、澳洲和牛舌) $458- 拼盤有成9款牛! 最好食既依然係牛味同油脂都好重既澳洲和牛頸脊同澳洲和牛舌，牛舌牛味非常重，建議可散叫一份狂食!牛肋骨湯 $108- 本身朋友想叫牛肋骨煲，黎到先知叫錯左個湯，點知塞翁失馬，個湯好甜，個個都讚好味，仲可以中和下燒牛既油膩!煎泡菜餅 $68- 煎泡菜餅唔係好辣，入面既雜菜比較大粒，比較有咬口，餅既口感較淋，我鍾意脆身少少什錦豬肉 (豬排骨、豬頸肉、五花腩、日本豬西冷) $298- 燒牛當然好味，但豬肉都唔輸蝕，當中最好味當然係五花腩，豬比牛肥點，所以配菜食減肥油膩同罪惡感會好D原隻魷魚 $95- 名副其實既原隻魷魚上，本身魷魚無做太多調味，所以廚藝高超既朋友就用現場既泡菜汁同醬汁煮左一個好味好多既魷魚，少少焦邊好有烤魷魚香味! 建議大家都可以自己發揮一下創意A4和牛肉眼 $138- 廚房事先將肉眼扒切件，同MENU上既樣唔同，再三確認之下都話係肉眼，但從相中所見就知，肉脂比例好靚，所以我地都好少理，即刻燒黎食XD! 絕對係靚和牛，入口即溶! 超正!- 韓國菜一定會有幾款小碟在旁邊，當中依個海苔出奇地好食! 爽口同重海苔味道- 最後燒肉當然唔少得既.....啤酒!!*食過無數次燒肉，但真係第一次見老闆會咁好係廁所放埋衣物清新劑，絕對值得一讚!…Read More

平時omakase都以刺身壽司小食為主, 知道朋友食過依間以天婦羅既omakase後, 就特意黎試一次!裝修像高級餐廳一樣優雅,  屏幕後更設有另一處座位空間, 私隱度高 餐廳設計別具心思, 枱底下設有充電位置。當晚我地就座吧台, 可以欣賞到師傅既功架:)我選擇既係有和牛的"極"前菜 - 松葉蟹腳，蟹膏，北海道海膽將海鮮最濃味的拌勻後一齊進食，蟹膏味道香濃，蟹蓋清理得非常乾淨, 非常滿足的前菜左上既係杏仁豆腐，無豆製造，上面加兩粒合桃，豆腐好有杏仁味，口感並唔係嫩滑的，而係有少少顆粒感的糊狀 左下既芥末子鴨胸，唔似鴨胸咁乾硬，有老水鵝既味道! 好味道!右下係愛之縣白果，無苦味，無油膩，好薄既炸漿, 由前菜開始己經試到師傅既功架最後右上既係水母，非常爽脆，雞軟骨既口感，而唔係海蜇咁。 之後既係蠔魚蛋湯加松茸姑好特別既食物，第一次嘗試，雖然叫魚蛋，但非唔係魚蛋咁既彈牙口感，係一夾卡散既粉狀，但蠔味重到不得了! 好似蠔豉味咁，溶入湯後加埋松茸菇，味道鮮甜!再來刺身有獅魚，拖羅，北寄貝食完濃味既前菜後, 有淡味既新鮮刺身作隔再食天婦羅, 菜單設計不錯。刺身鮮甜, 拖羅入口即溶, 齒頰留香。主角天婦羅出場!首先介紹旁邊亦不容忽視既蘿蔔蓉，無用平時沾天婦羅既醬汁, 而用兩種蘿蔔拌成既蘿蔔蓉, 靜崗的甜九洲的辣，兩種味道混成一體, 入面仲加左鹽同檸檬汁, 師傅唔用天婦羅汁係唔想整走鮮味，加上蘿蔔有清熱氣同清掉濃烈味道兩個作用，對食天婦羅很有幫助，我知道咁多資訊都全靠店員既耐心解釋! 旁邊仲有沖繩既海帶鹽，咖哩鹽主角~~花竹蝦天婦羅~~從碟上既吸油紙及蝦身可見師傅將炸漿炸到好薄之餘，仲一d都唔油膩!! 花竹蝦來自香港，但好甜好重蝦味，亦都十分大隻! 超級好食!*小心蝦頭既蟹腳，由於真係炸得好脆, 進食時小心被蝦腳插親口腔第二樣天婦羅係炸魚目光魚，口感同骨感都極似九肚魚，厚肉少骨，亦係炸得恰到好處, 好好食!第三樣係炸海鰻配萬能蔥萬能蔥聽名都知非同小可, 此蔥攞過獎，食後真係好甜，無臭蔥青味鰻魚炸到好脆, 亦係恰如其分既功力!再來係炸大蜆大蜆中有菇，亦有類似蕃薯葉係入面，大蜆好鮮甜, 真係估唔到大蜆都可以做炸物。食完4款天婦羅, 接住係京都縣的蘿蔔頭 無根，好清甜, 但汁略為無味。另一主菜!近崗和牛西冷, 旁邊有舞茸同慢煮牛肩和牛非常之香濃, 油脂香四溢, 慢煮牛肩硬是入口即溶, 舞茸亦不失霸氣地展現它的香菇味, 非常之物超所值既一道菜!麵食有芽蔥九州石班獅麵, 湯係用左超濃既雞汁湯, 十分掛麵, 石班獅好重魚味, 但口感略老。最後既甜品可謂一個驚喜, 係炸鹿兒島安納芋配白蘭地和沙糖依道菜竟然係炸左一個小時! 切成4塊後, 沾上白蘭地和沙糖, 白蘭地可帶上甜味, 更帶有暖暖既酒香, 十分美滿既甜品!最後時令水果有新式縣啤梨及日本富有柿, 當然係一個爽甜美味既作結。全晚驚喜不絕, 天婦羅絕對見其功架, 能夠品嚐到如此簿如此不油膩既天婦羅實在是太感動!推薦! 聽店員說午餐亦十分抵食! …Read More

最近天氣凍，當然想食打邊爐，去完深水埗買嘢，就去咗一間有烤魚又有打邊爐嘅餐廳，餐廳夠大夠多位。首先當然係主角烤魚，好香，啖啖肉唔多骨，湯底亦十分惹味，又香又麻!醬料區飲品區都非常齊全，冬天亦特別設有暖飲區 ，旁邊亦有各種湯可自行倒。食完烤魚，就開始打邊爐，肥牛鮮紅色，有牛味!其他丸類雜類種類選擇亦足夠，有至愛既雜菜拼盤，爽彈鮮魷，同自家醃製蘿蔔。豆腐夠滑，仲有打邊爐必點午餐肉同魚皮!整體不錯，經濟實惠，推薦肥牛同烤魚!…Read More

SEASON PLUS 除左觀塘之外, 仲有一間係尖沙咀山林道, 搵餐廳既時候有一種柳暗花明又一村既感覺, 因為餐廳係要經由轉角後巷再上樓梯既一個隱密地方, 雖然隱密但又唔會太難搵, 反而私密度夠高, 地方夠大, 有自己一個花園仔, 仲有OUTDOOR SEAT俾吸煙人士, 加上地方夠神秘, 相信租金自然平D, 食物既價錢唔會一部分食左去租金度, 自然食客得益, 大件夾抵食! 睇MENU你就會知道MENU 設計得好靚, 圖文並茂, 搞到樣樣都想食, 一向出名平食生蠔既SEASON PLUS, 當然要叫佢既生蠔拼盤$198一打連白酒一支, 相當抵食! 今日亦都係特別日子, 所以叫左個慢煮美國安格斯牛柳$348 但送一款頭盤, 所以其實都係相當抵食, 最後再加左幾款小食!煙三文魚沙律 ($88)- 牛扒附送既頭盤我地選擇左依個沙律, 份量唔會因為係附送而減少, 好食醒胃!生蠔拼盤 $199 (12隻生蠔+白酒一支)- 真係相當之物超所值! 由於本身己經好抵, 所以我地將其中半打+$48轉做美國中碼生蠔, 再+$48將白酒升級為另一款, 生蠔新鮮, 入口CREAMY鮮甜! France Melle Moelleux Blanc - 依支酒比較甜身, 適合唔太好酒精既女仔飲 炸紐西蘭薯角$78 +黑松露蛋黃醬$38- 原本只係薯角, 但女朋友係黑松露控, 所以加左個黑松露蛋黃醬, 份量好足夠。 薯角脹卜卜, 唔太油膩, 小食必點!白酒馬尼拉蜆 $148- 大蜆相當鮮甜同厚肉, 大大隻, 白酒更加帶出到個鮮味, 相當滿意!芝士焗半邊龍蝦 $128- 滿滿既芝士加埋D蝦膏, 夠香口, 龍蝦肉夠彈牙, 雖然肉身比較細, 但蟹鉗既肉就補番數!慢煮美國安格斯牛柳 $348- 慢煮安格斯牛柳, 點菜時店員己經提醒我地因為係即場慢煮, 所以要差唔多一小時, 但我地有其他食物, 當然無問題! 相信唔需要我講, 淨係睇相己經知道係相當好味, 可能係即場煮既關係, 依個牛柳係我食過5,6次慢煮當中認為最好食既, 佢既肉質口感一流! 有肉感之餘亦都夠淋, 無根, 睇落好似好生, 但無咩血汁, 牛肉味係超級濃! 佢側邊配左D莓醬, 但我認為煮得咁好既牛, 問佢額外拎海鹽配食會更加好! 更加將牛味提出黎,  依個牛絕對係全晚既主角! 等一個鍾都要等! 推薦!總結服務環境價錢食物都相當好, 推薦同三五之己黎食下小食, 享受下平價既高質西餐!…Read More