lolo_chi的个人专页

嗰日男朋友有function喺九龍灣放工，我特登去接佢啦。夜晚走嗰時諗緊食乜嘢啦，咁岩比我見到發哥粥底海鮮火鍋個廣告牌，就好似漆黑中嘅螢火蟲一樣咁鮮明感出眾，咪打算去試吓囉。我哋兩個人就叫咗雞煲加埋日式刺身，因為我打算平平哋地唔食海鮮。（後來見到其他人個海鮮有龍蝦有鮑魚啊好正，係有啲後悔嘅）個刺身唔錯嘅，不過不失。雞煲我揀咗唔辣，啲雞好入味，都幾好食。但係重點黎啦，呢間野喺食完雞煲之後係可以直接加粥水落個雞煲再打邊爐嘅。呢間野啲火鍋配料都有成五十幾樣，而且都好新鮮。特別係海沙白，真係好正，每一隻又肥又白又滑，仲要無沙我哋忍唔住返兜左兩次。搞到我決定下次一定要食個海鮮餐。每個人$200左右，嘢飲任飲嘢食任叫，其實真係幾抵，仲有自家製既竹蔗茅根，重點係好食。其實最後個粥底最重要嘅係加番啲飯落去煲番個粥食，埋返個靚尾，但係好不幸我哋已經食到飽得濟喇，下次去會留定少少肚食埋個粥。…查看更多

為左慶祝肥仔考到車，我地當然又係去搵間餐廳拆餐勁架啦。而我地今次既目光就放左係呢間網上面評價都唔錯既日式放題。我地就book左夜晚6點開始食，食兩個鐘。因為時間都仲算比較早，去到果時其實唔係好多人，但一到左七點，人就開始多。店入面燈光暗暗地，幾舒服。食物方面都幾多選擇下，兩個人每樣食一件其實都應該食唔晒。最得易既係佢其中一張種類係「泰國風情」，睇落同九唔搭八，但係野食既質素非常好。講返刺身壽司，刺身新鮮好味，少見八爪魚切到咁厚，大大件一口咬落去係幾邪惡既。壽司款式都唔少，壽司飯細細舊，岩哂放題既宗旨，而其中黑松露系列最標青，黑松露味好香。而絕對唔可以唔食既呢，就係牛柳粒，燒到岩岩好，外面燒到脆，而肉汁仲鎖住係入面，一咬落去d肉汁爆出黎，享受。仲有鹽燒海蝦，肉質爽，值得食如果鍾意食川椒皮蛋既都可以試下，肥仔話好食。另外花雕醉雞翼係自家制，幾好食，好香酒味。…查看更多

店內有16個座位，午市12:30黎到唔多人。全店得老闆一個人一腳踢，所以自己行埋去點餐，取餐，還餐盤，店內有指示教大家做。老闆係日本人黎，可以用英文點餐，不過我開頭唔知就直接係餐牌指牛扒蓋飯餐牌有寫牛扒係慢煮既方式煮牛小排蓋飯同牛扒蓋飯都有分大小，牛小排蓋飯$168（220g），$118（150g)牛扒蓋飯（牛肩肉）$88（220g)，$69（150g)我就叫左平啲既 $69 牛扒蓋飯，牛肉份量都唔少，肉質少許韌，如果可以再淋啲會更好。有啲燒汁係面，都岩岩好夠食哂成個飯，珍珠米好食👍我都會想再食，唔太貴，又幾好食…查看更多

經過過幾次都好多人排隊，見今日唔多人排隊，就買左個鴛鴦雞蛋仔（$17），即係一邊係原味，另一邊係朱古力味。老闆遞俾我個陣，話我知雞蛋仔加左馬蹄，個個moment未反應得切，答左句'係'就走左。一食就知原來係講緊馬蹄，難怪頭先見住落粉漿個陣比普通雞蛋仔漿'杰'咁多。雖然唔知點解要加馬蹄，馬蹄係幾甜，但加左落啲雞蛋仔到味道都無咩特別，係食落爽口啲😂講返其實唔太好味，無乜蛋香味，唔夠脆，但抵讚既係唔係空心。不過下次會想試班戟，好多人買，老闆落好多水果，見到都吸引，仲要平…查看更多

成餐飯菜式擺盤好靚，我以為自已食緊高級西餐，但其實價錢都只不過係$127，呢個價錢值得俾。Lunch 只限星期一至五 12:00-15:00前菜兩款都叫左，可以一齊share試下Instalata - mozzarella cheese做底，上面放左啲開邊蕃茄仔，仲有黑醋珍珠，圍邊仲有橄欖油，男朋友好鐘意食。Ceviche（要加$18） - 有虎蝦、扇貝同魚，配一個汁味道好似泰式生蝦既汁，酸酸辣辣，好開胃主菜揀左New style bibimbap - 似韓式拌飯，全蔬菜配料（茄子、菇、蘿蔔等等），仲有塊好薄既脆餅放蔬菜面， 整碎佢一齊撈飯食，另外有一個辣醬加落去撈，微辣，加左會惹味啲。即使成碗都係素，無肉食，但都好食。Braised beef cheek配韓國辣醬 - 好好食😍好有牛味，肉質嫩。好好味真係，得2件唔夠喉😜。伴碟白色個醬係蒜蓉醬，視乎個人口味選擇點唔點黎食。到甜品就每人一個紅酒燴梨配黑芝麻忌廉做個汁，個梨好甜但唔係膩個種，好味道。😗餐飲揀左latte同荔枝梳打，latte好好好香，但唔苦，而荔枝梳打都唔錯…查看更多

之前係機場食過一次，3個share都夠食，重點係都係$88，無加價$88二人餐包括一隻雞，一個飯，粟米x2，檸樂x2🐥雞係成隻上，好難斯文地用刀叉切隻雞，慢慢食，所以就戴住手套撕開隻雞黎食，咁食仲開心啲添，有幾何可以成隻雞咁食。雞可以配搭埋蜜糖芥末醬點黎食，btw唔點都好食，因為雞肉都嫩，有汁，真juicy👍 個飯就係平時大家樂既焗飯，正常好食Anyway 淨係計個雞，性價比已經好高開開心心又一餐…查看更多

期待左一個月終於食到，結果係失望既，失望在根本燒唔切訂左位，6:15入座，可以食到8:30，未齊人我地都開始叫野食先（係用pad 點菜既），肉類選擇多，刺身和壽司就唔多，放題就緊係咩都點黎試下。～～全晚既重點～～點完菜，侍應上左個龍蝦刺身&海鮮拼盤（蠔，鮑魚，扇貝，蝦，蟹蓋），係4個定5個人訂位就會送。海鮮拼盤係要燒既，侍應都會略略講下要點燒。我地努力燒，密密燒哂啲海鮮，但唔知係咪爐既問題，燒好耐都未熟。龍蝦刺身 - 第一次生食龍蝦，龍蝦上枱個陣仲識郁，新鮮😎蝦身肉已經起左，食落肉質好爽，彈牙。食完後，侍應會收走龍蝦，拎去煲個龍蝦粥👍正突然侍應提我地last oder😨，岩岩燒完海鮮拼盤，當時已經係7:45-8點。我地一行人o哂嘴，淨係食左啲刺身，壽司，同埋係海鮮拼盤黎之前燒左少少肉食，飽肚感都沒有！成枱開頭叫落既食物未燒，所以淨低個半個鐘喪燒，想食飽啲同埋唔想浪費食物。好彩到最後每人有杯movenpick安慰下個心靈Btw 個爐似乎有啲問題，最開頭叫左一份蜆，由一開波燒到最尾得幾粒開左。如果大家覺得大耐都未熟要出聲轉枱換爐…查看更多

星期日去左間有偽文青feel既餐廳，環境舒服，無限時，適合同朋友吹水/搵地方hea一個下畫，但開始人多就少不免會嘈啲。另外食物/飲品既性價比唔高，感覺坐耐啲會抵啲😅叫左個芝士牛肉漢堡配薯條 $148 - 塊肉juicy，但漢堡size小型，雖然有薯條搭夠，大食少少既人實唔飽All day breakfast （飼）$148 - 幾好食，但好似俾少左條牛仔腸，分量黎講一個人食哂都應該夠飽假日及公眾假期惠顧主食可半價叫飲品（酒精除外）Green tea latte - 🤦🏻‍♀️唔好飲，一飲落口好多綠茶粉，即刻'濁'親，但只有好淡綠茶味。最後無飲哂…查看更多

揀左貴啲有龍蝦個個海鮮蒸鍋，6:30前入座係平$10，但趕唔切所以係每位$219加一湯底選了蠔仔粥底（有米既），要小心痴底，多啲攪下粥底。粥底滾開後舀左碗粥試試，都幾夠味，蠔仔係細細粒。（碗可以到醬料區附近攞）海鮮非任食，會依照揀邊款就有啲咩，依人數俾份量。粥底滾後，成盤海鮮放係上面蒸（會有個timer 放係枱計時6mins)，timer 響左後就可以開餐啦！基本上全部海鮮（蟶子，蟹腳，鮑魚，扇貝，蠔，龍蝦）都幾好食，如果龍蝦同蟹唔洗剝殻就好啦🙈(有提供食蟹用具）。不過差唔多全部海鮮上面都有一大堆蒜蓉，唔知係咪想掩蓋雪味（呢個係估既）。食完海鮮就可以用個粥底黎打邊爐，全程無乜點個自己mix既醬料，因為已經夠濃味。（btw私心推介：麻醬 mix xo醬）醬料附近有唔凍既飲品，唔想飲凍野可以係到拎（貼心既）其他任食既肉、丸，菜都同平時火鍋個啲選擇大同小異。有樣幾特別既係飛魚籽香腸 - 食落口，咬個下一堆魚籽粒粒，好爽，不過要預係有少少咸另一樣推介係魷魚鬚，好爽口任食時夠鐘後，無俾人趕走，可能因為走個陣無人排隊…查看更多

有次去東京旅行都見到食吉列牛既餐廳，不過個次無食到。返到黎香港都有，不過通常個價錢都好靚。難得元朗開左間平民價位既吉列牛餐廳，係附近放工就過左黎食。7點前黎到，已經有人係外面等緊，但係可能未齊人，所以我地可以即刻入得。餐牌上選擇唔多，有選擇困難症都唔洗揀得咁辛苦。叫左吉列牛小排同一口牛肋肉，2份都加$40變定食（🍚橫丁飯，🍅豆腐蕃茄湯，🥚糖心蛋）每份鐵板上菜時，上面都有舊脂肪（牛脂？）for 你煎之前搽一搽個鐵板，同平時煮餸落油既意思一樣。另外仲有啲汁俾你點肉食，不過即使唔點都好夠味👍吉列牛小排 - 上枱既時候牛小排既外層只有一薄薄炸粉，肉都仲係好生。煎到2面有轉色，熟啦就可以食。一咬落去層吉列好脆，塊牛肉都仲係好淋，好有層次，好好食一口牛肋肉 - 無吉列係外層，油花分佈平均，唔韌，都好食2款啲牛唔會好大塊，可以一啖一塊，正🤤飯都幾好食，但係我想講個豆腐湯多啲。豆腐蕃茄湯，一出黎成個presentation就已經好靚，豆腐整到好似朵花咁，眼睛都享受緊😆。湯底好清，唔見有蕃茄係裡面，味道係酸酸地，蕃茄既酸味。食肉食到好膩個陣，飲淡蕃茄湯就平衡返。臨走個陣見到有張餐牌係教你邊款肉要煎幾耐，下次可以問問侍應要煎幾耐…查看更多

放工之後同朋友打完羽毛球，做完運動要補充返能量，梗係要去食好野既。今次係荃灣食西餐，餐廳環境幾好，舒服，適合傾計。服務好，待應會因應你食咩，幫你增減餐具，貼心既。價錢方面個人認為都算係中價位，加埋單每人300幾。叫左一個set dinner（包黑松露菌忌廉湯，凱撒沙律，主菜，餐飲同甜品）$308加一黑松露菌忌廉湯好飲，好creamy，好香。（餐湯附送竹炭飽，無搽牛油都好好味）🥗揀左煙三文魚凱撒沙律，有牛油果做配料，味道正常。主菜揀左安格斯西冷拼鵝肝，好好食😋。西冷肉質好淋，有汁。鵝肝入口即溶是基本，係好油，不過正。我另外想講，鋪係底既蔬菜好好味，我係食哂（西芹除外，因為本身唔鐘意）甜品可以揀🍫朱古力心太軟/🍎apple crumble，今次揀左心太軟。首先真係流心既，朱古力唔算甜，應該係用左黑朱古力，但係都幾'漏'，好彩係同朋友share食。另外叫左個意粉（加$45 要湯/沙律+飲品）。（set 個到有沙律，所以揀左餐湯）餐湯係南瓜湯。本人係好鐘意飲南瓜湯既，我覺得係好飲既，因為唔會好重奶味。🥑牛油果卡邦尼意粉 - 見到個名其實就已經好想試，結果係無失望既。老實食落有淡淡既牛油果味，不過要嗒真啲先覺。但係我鐘意呢個配搭多過平時既卡邦尼，因為加左牛油果無平時咁'漏'，so good ~~😋跟餐飲品都係平時個啲檸茶檸水奶茶咖啡，估唔到朱古力都唔洗加錢，所以我揀左熱朱。熱朱好濃，有少少苦，好飲。不過我後悔了，因為食完個心太軟再飲朱古力，簡直'漏'到一個點😛 下次會醒啲配apple crumble 會開心啲…查看更多

呢間放左係我的收藏到好耐，終於俾我去到啦💪7點前到未開始多人，環境唔逼，但當日坐得近廚房就有啲怪味入正題啦！ 一坐低就會每人俾一碗老火湯，好飲既👍仲有雞腳添肉餅既選擇超級多，可以選擇蒸或者煎。蒸會用砂鍋上，飯係底，肉餅係面。煎既肉餅會同飯分開上。晚市價格分為$59，$69，$99$69 煎秘制金沙蛋黃肉餅 配菜飯 - 好食，好岩送飯食。個肉餅聽個名都知有少少heavy，睇落仲勁 ，因為原來係肉餅上面鋪了一層滿滿既咸蛋黃加牛油炒成既金沙。$99 蒸足三兩花膠蒸肉餅 配白飯 - 本人無乜食過花膠，淨係知養顏，咁就嗌左啦 有3大塊花膠係面，上面有啲汁，下面係肉餅同飯。花膠好滑，食落一pat pat，會係口入面'張住張住'。一路淨係諗住可以養顏，先可以叫自己繼續食哂啲花膠🙈我唔知咩叫好食既花膠，但係食完呢次我諗我知自己唔鐘意食。肉餅同金沙個塊應該係一樣既，係好食既。但最低啲白飯好淋，好濕，唔好食。叫花膠肉餅個陣未諗掂蒸定煎，店員就建議蒸。但可能就係蒸，所以啲飯好濕。…查看更多

星期日午餐時間黎到，唔洗等位，但之後就愈黎愈多人天氣好熱，略嫌餐廳唔夠涼。另外個餐墊係皮革，天氣熱著短褲會痴住隻腳，感覺更熱呢間餐廳歡迎帶狗狗黎每人叫左份套餐，價錢大約$70-100 包餐湯熱飲，可加錢轉凍飲和特飲燒春雞 - size都幾大隻，但肉質有點鞋口。有沙律和薯格伴碟芝士辣肉腸pizza (mini size) - 話就話係mini，但其實同大小同Pizza Hut 個細批差不多，一個人食絕對夠飽。餅底係有啲似印度薄餅，好薄好脆。餡料雖然普通，但味道唔錯，幾好食炸魚薯格配沙律 - 炸魚粉漿唔太厚，好食既，但好似俾漏左個醬汁for 炸魚，食食下舉手要左啲沙律醬意粉 - 唔記得叫左邊款意粉，淨係記得份量比其他2個少…查看更多

叫左個套餐$48 - 麻辣豬軟骨刀削麵（少辣）配凍豆漿麵同豬軟骨係分開上，所以即使個豬軟骨好辣，個麵唔怕會太辣食唔到其實係第一次食刀削麵，都幾好食。麵條粗幼厚薄不一，可能因為係人手造既關係。麵底個個湯底幾好飲，唔油，不過唔知係咩湯右手邊黑黑個碟就係豬軟骨，豬軟骨好入味，肉質唔乾，但軟骨部分比較硬，唔係咁容易咬。少辣對我黎講岩岩好，上面淋左啲辣椒油同蒜蓉 整體唔錯，但係就唔太鐘意豆漿既味道，有啲怪，下次應該會叫其他飲品…查看更多

環境唔錯，裝修特別我係食夜晚10:30，好少人，上菜速度正常，都有漏一兩張單10:30入座 每位$178加一，另外可以加錢飲清酒（不過今次無加）。刺身整體質素唔錯，都幾新鮮。 手卷揀左海膽，吞拿魚同炸軟殼蟹 @軟殼蟹最好食 壽司普通 - 點解無得揀火灸左口魚，芥辣八爪魚壽司朋友話好味 串燒烤冬菇 正！超級juicy 鹽燒雞腎係encore item (不過預左咸）芝士焗虎蝦 - 隻蝦好好食，上面鋪面既沙津醬太多，食多一兩隻會好膩。建議可以撥走少少醬再食會開心啲 新番一口牛 - 牛肉夠淋，唔韌（成碟都有幾舊會比較韌）。肉係好食但個汁太甜，同個肉唔夾 芝士焗蠔普通汁燒牛肋骨同羊架都偏咸日式薄餅唔錯 炸物· 天婦羅· 鍋物榴槤球，炸雞，芝麻雞翼都好食天婦羅普通鍋物淨係叫左個 辣味豬骨餃子鍋 都唔差既，個湯都幾辣鰻魚炒飯 - 幾好食既，太飽無食哂甜品- 選擇少，得和菓子同3款雪糕綠茶雪糕好重奶味，無乜綠茶味，當係。牛奶雪糕食係幾好既選擇…查看更多