yaub106的个人专页

香港嘅拉麵店之中會keep住幫襯、食得最多嘅一定係台風一如大部分拉麵店地方較狹小及只有吧枱座位所限每次去都預咗要排大約15-30分鐘先入座證明真係好多捧場客台風每間分店嘅menu都有少少出入而沾麵得灣仔店係全日供應旺角店限日間供應，荃灣店就每日限量售完即止所以如果想食沾麵就要留意番時間喇今次晚市嚟荃灣食估唔到居然仲食到沾麵真係超難得 好開心🤩食開台風都知呢度嘅份量大份兼足料配料嘅叉燒份量超多 拉麵麵條較粗身 口感煙韌濃厚嘅沾麵汁充滿住豬骨及魚介味每次食都超滿足另外 好鍾意店舖熱鬧嘅氣氛店內播放住日本動漫歌牆身又有超可愛嘅壁畫相當有氣氛重點呢間係良心黃店一定要支持💛…查看更多

基本上無論係午市定晚市，鉄火堂都總係大排長龍，除咗香港人素來鍾情食日本嘢，多人支持一定有原因！今次係平日午市嚟食，拎完飛等咗大約15分鐘入座。午市魚生丼自選5款配料，包味噌湯，只係$72，真心好抵食！而且選擇夠多，客人可按個人喜好揀選配料。不過亦因為個個客都揀自選餐，午市比較多單製作需時，要耐心等候食物。壽司飯口感軟硬適中，醋嘅比例亦剛好。魚生份量唔算大片，但勝在夠新鮮！總括而言，鉄火堂食物質素好好👍🏻以呢個價錢嚟講真係超值！而且仲係良心黃店💛絕對值得支持💪🏾…查看更多

九龍城出名係泰國菜餐廳嘅集中地而且仲要係泰國人主理當中比較抵食同性價比之選會推介九龍城街市熟食市場嘅泰苑小食週日午市去食11點幾入座唔算多人不過埋單嗰陣12點幾已經座無虛席午餐食得簡單D一碗湯粉+小食+凍飲青木瓜絲沙律份量十足味道亦好正宗 同喺泰國食嘅真係差唔多味道略為偏辣🌶建議唔食得辣嘅落單時嗌少辣或走辣酸辣海鮮湯金邊粉🍜有我至愛嘅冬蔭公做湯底湯底唔會太辣 唔太食得辣嘅朋友應該可以食到海鮮配料包括蝦、青口、鮮魷、蟹柳餸菜同麵底份量都幾足料仲要只係$42 真心抵食泰式黑咖啡&泰式凍咖啡泰式特飲嘅特色係味道偏甜 咖啡帶有一種獨有嘅焦糖香味咖啡味唔重 奶則會選用煉奶 飲落別有風味總括而言呢度雖然環境欠奉但食物質素唔錯泰國人主理味道夠正宗 價格親和絕對值得一試再試…查看更多

以前通常去開台灣旅行先會食吓鼎泰豐既然暫時冇得飛唯有喺香港食過住口癮先啦最後選擇咗週末晚市到V City店8PM拎飛等咗大約半個鐘入座用餐時間限時75分鐘餐牌都係預期中嘅菜式兩個人點咗4款小菜冷盤揀咗醉雞食落有淡淡嘅酒香味 雞件肉質嫩滑值得一試👍🏻小籠包 $66/6件份量偏細粒外皮搓得唔夠薄內裡餡料嘅豬肉肉質好粗嚡而且一上枱即刻食只係微暖唔夠熱令人失望紅油菜肉抄手係呢餐比較值得推介嘅菜式餡料嘅菜肉切到好幼細軟綿搭配帶微微酸辣嘅紅油醬汁非常夾唔食得辣都會OK葱油拌麵都係預期中嘅味道麵條唔算幼滑食落葱油唔夠香同偏淡口另加豉油調味就差唔多用餐時間有限時但上菜速度都尚算快但如果朋友相聚想慢慢嘆下或傾吓計就太趕喇由於食物份量全部都細細碟兩個人食四碟嘢 其實唔太食得飽連埋茶水加一 埋單300鬆啲整體性價比一般…查看更多

夏天天氣熱辣辣特別想食日本嘢喺外賣app見到呢間小店就決定試試食物選擇都幾多最後叫咗個雜錦魚生丼同章魚小丸子章魚小丸子一客有六粒，粒粒都好大粒！外賣送到嚟都keep到表面香脆嘅口感，配上傳統嘅燒汁、蛋黃醬同紫菜絲，整體味道都唔錯！如果裏面粒章魚大粒d口感就更加好喇。雜錦魚生丼都算幾大碗，份量十足。切粒嘅魚生份量都算多，食落都幾新鮮！珍珠米嘅軟硬及醋嘅份量適中，配上流心溫泉蛋，撈飯食都唔錯！整體嚟講，呢間日式小店都算幾抵食，食物質素亦唔錯，值得一試！…查看更多

喺數碼港返工附近餐廳選擇唔多加上疫症爆發以嚟都減少咗出外用餐外賣便當絕對係唔錯嘅選擇🍱有唔少同事都推介過呢間以自助販賣機形式購買嘅日式便當外賣店平時如果1:30pm後walk in好多時d便當已經沽清所以都建議whatsapp或網上預訂咗先每日下晝2點開始就可以預訂定翌日嘅便當直至取餐當日早上10:30am就截單錯過咗就要walk in碰碰運氣喇😉餐盒包裝精美紙套設計附帶手挽 省卻使用外賣膠袋而且餐盒亦選用環保紙物料減少對環境嘅破壞 值得一讚👍🏻今次試咗三文魚便當餐盒賣相十分討好食落三文魚口感嫩滑 非常好味日本米軟硬適中配菜亦同樣好食重點係食物冇乜味精絕對好味又健康，值得推介👍🏻期待下次再試下其他便當😋…查看更多

由去年開始基本上已經習慣咗無論去邊區食嘢都會打開黃藍地圖盡力支持下D黃店嚟開旺角區想食吓街頭小食就搵到呢間專食滷水涼拌小食嘅小店小店位於Moko天橋落去花園街位置店舖同貢茶相連分拆出兩個舖位元朗鬼巴士綠色招牌好易認到呢排武漢肺炎肆虐店舖有提供消毒洗手液俾客人食嘢前使用A餐 可選: 生腸/脆腸/反腸/紅腸 + 雞腎 + 墨魚由於一直都唔知脆腸同反腸係咩所以次次都揀生腸店員會剪好哂一舊舊用盒裝住方便客人篤黎食好過傳統一串串用竹籤串住 會食得比較論盡生腸同墨魚口感夠哂爽而雞腎相對偏淋，冇咩口感不過搭配麻油、蠔油等醬汁 味道相當好食另外亦試過B餐 B餐可選: 生腸/脆腸/反腸/紅腸 + 魷魚 + 牛柏葉單購墨魚每串$15生腸、鮮魷同牛柏葉口感都好爽滑值得推介香港食滷水涼拌小食比較出名嘅仲有母子檔嘅肥姐同肥仔同呢間元朗鬼巴士相比鬼巴士嘅滷水味相對地唔夠突出全靠醬汁嘅味道搭夠不過佢嘅份量同口感都好好而且切成細細件食起上嚟係幾方便嘅加上係良心黃店，絕對會推介俾大家…查看更多

呢間充滿文藝氣息嘅cafe 店內播放住日本民謠歌曲 環境好舒服尤其鍾意牆上嘅倒吊乾花裝飾令成間餐廳仙氣滿滿下午茶時間冇乜客人可以靜靜地用餐而呢度嘅店員都好友善特意提我覺得凍嘅話可以隨意調位感覺好窩心❤食物份量唔多適合輕食嘅女士流心芝士漢堡 肉質好juicy搭配蛋沙律及紅糙米飯 加上甜甜地嘅日式燒肉醬汁 味道好夾另外，伴碟嘅配菜都好新鮮岩鹽咖啡只限凍飲飲落唔多覺有鹽味咖啡果味較重 帶少少酸味總括而言以呢區嚟講 食物價錢唔平對男士們嚟講食物份量可能太少但食物質素唔錯菜式亦有特色 充滿誠意係值得支持嘅小店👍…查看更多

荔枝角工商業區一帶有好多食店不過主要以港式茶記為主如果想食台灣嘢除咗程班長之外 亦可以選擇阿土伯鹽水雞荔枝角店位於D2 Place Two 3樓下午茶時間商場同食店人流都較少喺收銀處自助寫紙點菜，付款後等叫號碼一人餐（雞胸+雞腿）$45 + 拉麪 $7自選3款配料: 秋葵 + 鹵水豬耳 + 黑木耳調味: 原味 辣度: 微辣食落充滿台灣風味鷄腿好嫩滑 而鷄胸就有少少嚡口配料份量都幾多醬汁好香好惹味 不過小心食完個口陣蒜味會久久不散值得一提嘅係呢間都係良心食店❤…查看更多

李圓圓喺台灣好出名之前去淡水都有專誠去飲李圓圓嘅珍奶難得呢間過江龍開喺我公司附近仲要係良心小店添❤絕對要支持一下💪黑糖珍珠鮮奶冰度及甜度固定咗 冇得自行調配由於係現煮嘅珍珠初初飲落去仲係熱熱地珍珠有超濃厚嘅黑糖香味而且口感煙靭 真係好好味將珍珠攪拌5-6下同鮮奶一齊飲甜度適中 唔會太甜 不過飲到尾當d碎冰溶哂之後味道就會偏淡之前都有飲過黑糖珍珠鮮奶2.0版鮮奶比例會多D 奶味會更濃郁下次要再試下其他有茶底嘅珍奶先…查看更多

打開黃藍食店地圖決定嚟呢間良心小店食lunch睇食評話通常要排好耐隊不過3:00pm嚟食嘢完全唔駛等位全程仲要得我一個食客 唔小心包咗場😆店舖裝修十足日本嘅拉麵店開放式廚房可以睇到師傅煮烏冬亦有提供暖水俾客人斟嚟飲烏冬分别有冷食同熱食再配埋小食今次揀咗三文魚籽醬油冷烏冬配味噌焗鯖魚烏冬口感好彈牙醬汁味道適中 唔會太淡或太濃味三文魚籽好新鮮 食落一啲都唔腥撈埋檸檬汁、蘿蔔蓉及葱花食 味道更香口味噌焗鯖魚嘅烹調時間控制得啱啱好保持到魚嫩滑哪嘅肉質 唔會焗到乾噌噌不過就食唔到味噌味埋單$107午餐喺呢區嚟講都唔平但食到一碗有誠意同有質素嘅烏冬 絕對值得👍仲要係良心食店 一定支持💪…查看更多

平日下午茶時段黎呢度食嘢通常都唔駛等位店面以充滿活力嘅鮮黃色為主牆身滿佈可愛嘅卡通公仔裝修別緻，環境舒適下午茶時段都算扺食最後揀咗香葉鹽酥雞、蒜香台灣腸配燥底撈麵下午茶餐嘅肉燥撈麵份量唔多適合輕食嘅女士們但對於男士們黎講就未必夠食喇肉燥味道中規中矩 麵質口感適中鹽酥雞嘅外皮頗硬，炸得唔鬆脆部份雞咬落去只有皮而冇肉令人失望蒜香台灣腸蒜味好香可惜切得太薄冇乜口感泡沫珍珠奶茶味道同預期差唔多，珍珠口感偏硬糖水另上，可以按個人喜好調校甜度整體黎講呢度環境頗舒適食物質素一般不過價錢都算幾抵食…查看更多

黃大仙區內有好幾間糖水舖不過以傳統糖水居多要數有特色而有水準嘅甜品店一定要試【想甜嚐甜】店內空間狹小只有4張細枱如果一大班人嚟食就應該坐唔落喇黑糖芋圓仙草係我另一半嘅最愛可選配忌廉或花奶黑糖味道好濃，味道偏甜通常會要求店員盡量少甜(少甜都係偏甜)配料包括芋圓、地瓜圓、紫薯圓、水晶珠、西米、黑糖條口感層次豐富呢度嘅芋圓色彩鮮艷，咬落好煙韌如果芋頭、地瓜同紫薯味道更突出就好了另外，細細粒嘅黑糖條口感似蒟蒻，外面好少有得食椰芋係我嘅最愛配料包括芋圓、地瓜圓、紫薯圓、小丸子、紅豆、椰果、寒天條、海底椰、西米配埋淡淡地嘅椰汁口感好豐富另外，呢度有儲印仔卡每消費$30就有一個印仔之前儲滿咗一張16個換咗個心太軟配乳酪雪糕除咗心太軟味道太甜，整體都唔錯…查看更多

幾個月前搬嚟黃大仙喺鳳凰村一帶周圍搵嘢食經過呢間一直以為係普通雲南米線店第一次食嘅時候見到幾乎每枱都點一窩窩超大碗嘅嘢食先知呢度最受歡迎嘅係酸菜魚酸菜魚分為1人/1-2人/3-4人份大大窩裡面有米線底如果食量唔大一般1人份已經夠哂兩個人食酸菜魚賣相好靚湯底好香 酸菜味道非常醒胃魚嘅肉質嫩滑 份量都好多之前北上都試食過好幾間人氣酸菜魚店而呢間平民小店嘅水準絕對不比內地嘅人氣店差而且價錢都算抵食唯一缺點係店舖衞生環境一般飲品方面鹹檸七係我嘅至愛解渴一流…查看更多

越來越多台灣嘅人氣飲品店進駐香港主打黑糖珍珠鮮奶The Alley鹿角巷就係其中一間行開旺角經過見冇咩人排隊就試一試店舖裝修帶有北歐風格輪候區空間寛敞有吧台企位可以堂飲或影相打卡身為綠茶控🍵揀咗呢杯【小鹿出抹】冰度同甜度已經調配好 不可自選飲品漸層效果好靚啱哂影相打卡抹茶茶味夠哂香濃😋鮮奶中和返抹茶嘅苦澀味茶同奶嘅比例balance整體味道好香滑黑糖珍珠口感外軟內韌啖啖超濃黑糖味不過略嫌用蔗糖煮嘅珍珠味道太甜…查看更多