ykyiii的个人专页

今日行過見到泰鬼汁決左要試新嘢為左個脆豬黎食，但見到有雙拼，有埋豬頸肉順手試埋！個飯一黎到，見到賣相都唔錯👍🏽有擺下盤，又有兩條菜脆豬d皮都算幾脆，不過唔夠鬆化。肉有少少咬口，可能冇太多脂肪，應該要用五花腩？豬頸肉，望落不過不失！不過個人認為切大塊少少口感會好少少！！隨餐奉上佢招牌汁，有別於一般泰國店既汁，同其他泰國餐有啲唔同，有啲誠意既！味道好醒胃，夠酸微辣！真心呢間值得支持既小店🫶🏻🫶🏻…查看更多

今日同朋友去葵芳行街，因為諗唔到食咩所以諗住掃街，葵涌廣場出咗名小食天堂🤤本身好鍾意食雞蛋仔，見到呢間圓圓車輪餅有雞蛋仔就忍唔住買我哋揀咗肉鬆麻糬雞蛋仔，本身諗住呢啲地方唔會有咩驚喜，點知熱辣辣外脆內軟粒粒都有麻糬同肉鬆超級驚喜，而且雞蛋仔唔會好甜啱啱好！麻糬係好煙靭，配埋肉鬆係絕配，我同朋友爭住食，停唔到口！星期日我去嘅時候唔係太多人，大概等咗15分鐘左右，即叫即整，唔會好似平時咁放咗喺度好耐熱住/肉鬆麻糬雞蛋仔 🌕🌕🌕🌖🌑/下次有機會想試抹茶，同埋格仔餅（雖然佢車輪餅好似出名啲，但我對雞蛋仔格仔餅有興趣啲🤣）真心推薦鍾意食雞蛋仔嘅人可以試吓/圓圓車輪餅📍地址：葵芳葵富路7-11號葵涌廣場3樓Top世界3069號T30號舖👅推薦 ：7.5/10🏞️環境：-🤵🏻‍♂️服務 ：-/…查看更多

爽爽麵店 - 又係一間元朗人氣名物。主打醉雞。有新鮮同冰鮮選擇。之前都有食過，不過今日，我都係食多次豬扒飯！佢個豬扒望落去好似好少，食吓食吓一個男人都會飽！而最厲害嘅係，豬扒口感加個燶邊！無敵！信我，普通食個豬扒飯佢一定係最好食嗰間！加埋佢身邊有個豉油醬汁，少少醬汁一啖豬扒一啖飯！試過你就知！由於每次都係食完個飯就飽，我就冇機會食個餃子。但係鍾意食餃子嘅人係唔會放過有得賣生餃嘅地方。抵都癲！🙊- 買咗芹菜，芫荽，雲吞🥟好鍾意去過菜同肉嘅比例，突顯到每個蔬菜嘅特色。而且超大粒！皮包住滿曬既餡！最遺憾嘅係冇煎餃，不過因為佢唔係純餃子店，所以可以接受！加埋鮮蝦雲吞，又係我鍾意嘅蝦肉比例，唔會太多蝦好似淨係食蝦咁，反而係要襯托住啲肉！(人氣店不要要求太多，有得食就好了）…查看更多

永順係元朗名物，出名都介紹下啦😂以我所知，香港有幾間食沙嗲出色嘅，永順係其中一間，幾間出名既各有千秋。先講沙嗲牛肉，沙嗲汁幾香，唔算好濃味，牛肉係幾嫩口。不過對我嚟講，雖然佢有福麵同蟹王麵揀，但沙嗲牛配大光面先係最佳配搭。🧐之前都試過食佢嘅薑蔥豬扒飯，大大份，肉夠淋得黎有少咬口，又唔會淋得太假。其他加工食品，例如紅腸餐肉，最緊要有煎過。冇投訴！凍檸茶夠多冰，唔會太甜！爽！總括而言，有誠意嘅作品對得住呢個價錢有突！好過去普通茶記食啲隔夜急凍牛肉。環境 雖然迫，但乾淨企理服務 姐姐都友善…查看更多

餃子一向都係我嘅至愛。今日經過北角，經過呢間專食餃子嘅，諗都冇諗入去食返幾款先！韭菜餃 🌕🌕🌖🌑🌑芹菜餃 🌕🌕🌗🌑🌑紫菜餃 🌕🌕🌖🌑🌑粟米餃 🌕🌕🌗🌑🌑試咗呢四款，我唔逐一講。老實講，食得太多餃子店呢間唔係好出色。皮都比較厚。餡料同肉既比例多肉少菜。對我黎講唔吸引！因為佢肉嘅調味都係差唔多味。不過想提吓碗豬骨湯，係本身吸引我入去嘅其中一個因素。佢聲稱冇味精，而我都相信。因為入到去聞到一陣強烈嘅豬骨味，好似啲拉麵店咁。個湯好甜！就我個人而言，個湯甜得滯。…查看更多

今日父親節一家人去左尖沙咀山林道既火鍋館，之前已經有留意開 - 係一間深受本地明星喜愛既粵式火鍋店♨️呢到可以一次過滿足哂屋企人想食刺身又想打邊爐既慾望，仲有好多唔同小食燒物一去到準備左九宮格醬料盤，店員話辣椒油係佢地自己秘製，非常惹味，夠辣!我地叫左招牌花膠響螺雞湯底，個湯底好足料，超好飲，好濃郁，我地差唔多將啲湯飲哂好可惜呢個湯底唔可以叫鴛鴦鍋，如果唔係可以試埋其他湯底野食方面都不過不失，牛肉🐮都好新鮮強烈推薦大家叫響鈴，因為係即炸既，所以佢地會上甜酸醬俾你直接食，又熱又脆，勁正我地去既時候Asahi 買一送一，打邊爐飲啤酒一流🍻另外想健康啲可以揀金銀花菊花茶，佢地自己煲，甘甘地一啲都唔甜最後佢地仲送咗甜品比我地，非常滿足餐廳環境舒適，唔會好逼，適合朋友聚會或者家庭聚餐❗️❗️記得指定時間經openrice book位可以有85折優惠!❗️❗️…查看更多

湊湊可以話係我會唯一會再去既火鍋店，因為自己本身唔食牛，所以一般好小會出去打邊爐第一次去既時候係因為友人想食鴨血，而剛好湊湊有臺式麻辣鍋，可以無限添加鴨血店員都會好好，會主動問要唔要refill鴨血，如果係台式麻辣鴨血愛好者，一定唔可以錯過!不過不過我最鐘意既湯底首選係 - 紅顏竹笙花膠雞每次一上湯都會飲一大碗先，一碗湯足以感受真材實料，完全feel到滿滿膠原蛋白去過幾間唔同分店，覺得服務最好同坐得舒服，一定係元點分店員工非常熱情有禮，我地係門口等朋友既時候主動邀請我地入座 (非繁忙時段)，配菜區都齊全，乾淨。因為我地想同朋友切蛋糕，店員安排我地到附近另一張已經整理好既枱影相食蛋糕，非常細心不過因為有繁忙時段去過，有預約情況下都需要等一段時間，有待改善安排booking最差是去其他分店，平日晚上去，應該係非繁忙時段?? 配菜區好多野都無，同員工反映，等一段時間都未有refill🫠另外，一直覺得店員催趕我地，但場內空位尚多，覺得可以放寬一下整體黎講，岩一班人烚下烚下吹下水，又有奶茶飲，但服務真係睇分店…查看更多

之前記得唔知邊個台介紹過，一路有bookmark。睇下幾時去港島就一定要去食。今日港島一日遊已經預留咗位置。不過下午茶，所以食得唔係好多嘢。但都足以令我會覺得會返去再食！赤身刺身 5片 $113好味！係唔貴，不過薄左少少！左口魚邊壽司 $20呢間出色！有時有啲會入口即溶太過犀利，有時有啲燒完好似冇燒過，個口感就會好核突。呢間兩樣都有！惦三文魚腩壽司 $18紋理好靚，新鮮，唔係急凍貨油甘魚壽司 $22火炙細池魚壽司 $28小肌壽司 $23火炙帶子壽司 $19以上都唔錯高潮黎喇😍海膽壽司，佢用嘅係澳洲海膽，老實講，未食過！原來都唔錯，好鮮甜！份量都好多期待下次要試多啲！環境：乾淨，不過唔多位服務：幾nice！…查看更多

清湯牛腩🐮一直以來都爭議好大。其實又唔使分得咁細，邊間係世一其實唔重要。牛氣沖天係一間知名度幾高嘅清湯牛腩店牛腩有分新鮮同埋冰鮮新鮮牛腩一個價錢，你可以叫坑腩或者崩沙腩或者其他部位(只要佢有就會俾你)。呢個模式已經加分而冰鮮就冇得選擇，不過食過2次都係高質既！🤭新鮮冰鮮，我都試過。牛味唔算好重，好清好食！反而想講吓個湯底，好清香嘅牛骨湯，配個河粉，一絕！平時都會加辣椒油，反而食呢間我就唔會加！食得出，係有誠意之作。呢個價錢有呢個份量質量好抵！💯有次買咗個生雲吞返屋企煲，都係唔錯蝦同豬肉嘅比例唔錯，新鮮！仲要唔貴！環境:乾淨企理，多人要搭枱但都舒服。服務: 好，唔會西口西面…查看更多

對我嚟講，食雞蛋仔試佢咩料一定係食原味先嘅。如果連個底都做得唔好嘅，就唔好搞咁多嘢。呢間嘢原味雞蛋仔，高分！因為真材實料。完全食得出佢個蛋味係唔同嘅，同埋好夠蛋香。再講雞蛋仔不可忽視嘅嘢，就係整唔整到外脆內軟嘅口感。一半實心一半空心。自己睇圖啦。當原味做得好嘅時候，先會令我想食其他整色整水嘅嘢。廢話唔多講。抹茶麻糬雞蛋仔以我所知，佢嘅麻糬係自己手造既。佢嘅麻糬唔算好煙靭，剛剛好，但係加埋啲雞蛋仔就好夾，仲可以拉出絲！抹茶味，正常發揮！！重點:3樣嘢加埋一齊就係啱啱好！豬柳蛋雞蛋仔Wow！呢個配搭，啱晒已經對麥當勞凍冰冰嘅豬柳蛋漢堡失望嘅你。或者下午茶有少少肚餓嘅時候，咸咸甜甜。不過不過，繁忙時間預咗要等🫠🫠🫠…查看更多

可以喺香港返轉頭食完一次又一次嘅拉麵，真係冇邊幾間，呢間係間唔中就想食。老實講，有時太高質，真係唔想介紹一間小店，慢工出細貨。仲要有性格，逢星期一，二，五都唔開 (開店應該為興趣)唔講廢話鹽拉麵必叫🍜簡單講 湯底濃厚，味道唔會太鹹，拉麵嘅麵質控制得好好，掛湯。全部用心製作，一碗有兩塊叉燒+1隻糖心蛋+2塊紫菜叉燒燒過燶邊，半肥瘦肉入口即溶，想扮吓嘢整返啲肥膏出嚟都唔得。咁冇辦法，盡情去享受。仲要加多$16食多一嚿，對有肚腩嘅男士嚟講啱啱好。🫃🏽🥚溏心蛋，正常發揮，平均以上。蕃茄🍅拉麵點解會食蕃茄拉麵？因為今次已經係我第四次食小町，對小町嘅出品太有信心。所以想試吓佢蕃茄湯底係咩料。果然出乎意料之外，從來未食過嘅蕃茄湯底口感，唔係中環專食蕃茄麵嗰啲一般貨色。🙂可以喺香港返轉頭食完一次又一次嘅拉麵，真係冇邊幾間，呢間係間唔中就想食。老實講，有時太高質，真係唔想介紹一間小店，慢工出細貨。仲要有性格，逢星期一，二，五都唔開 (開店應該為興趣)唔講廢話鹽拉麵必叫🍜簡單講 湯底濃厚，味道唔會太鹹，拉麵嘅麵質控制得好好，掛湯。全部用心製作，一碗有兩塊叉燒+1隻糖心蛋+2塊紫菜叉燒燒過燶邊，半肥瘦肉入口即溶，想扮吓嘢整返啲肥膏出嚟都唔得。咁冇辦法，盡情去享受。仲要加多$16食多一嚿，對有肚腩嘅男士嚟講啱啱好。🫃🏽🥚溏心蛋，正常發揮，平均以上。蕃茄🍅拉麵點解會食蕃茄拉麵？因為今次已經係我第四次食小町，對小町嘅出品太有信心。所以想試吓佢蕃茄湯底係咩料。果然出乎意料之外，從來未食過嘅蕃茄湯底口感，唔係中環專食蕃茄麵嗰啲一般貨色。🙂山椒雞翼🍗冇咩講，值得一試。食拉麵唔可以缺少嘅角色嚟啦 - 煎餃子🥟你真係吹佢唔脹，新鮮！唔係今日包都係琴日包既餃子。絕對唔係用普通超級市場嘅餃子。山長水遠入到嚟，唔試就走寶。飲品桃梳打🍹都係有誠意之作。唔係罐裝梳打倒落去首先俾個靚杯你，入邊裝住桃嘅物體，再比罐梳打水你自己倒落去。20幾蚊仲想點？最後，唔使加一，贏晒😆山椒雞翼🍗冇咩講，值得一試。食拉麵唔可以缺少嘅角色嚟啦 - 煎餃子🥟你真係吹佢唔脹，新鮮！唔係今日包都係琴日包既餃子。絕對唔係用普通超級市場嘅餃子。山長水遠入到嚟，唔試就走寶。飲品桃梳打🍹都係有誠意之作。唔係罐裝梳打倒落去首先俾個靚杯你，入邊裝住桃嘅物體，再比罐梳打水你自己倒落去。20幾蚊仲想點？最後，唔使加一，贏晒😆…查看更多

又係食過唔知幾多次，返轉頭再返轉頭！💕有好多唔同種類嘅款揀🐥🐣🐤而我呢個雲吞專員絕對係會揀❗️砂鍋雲吞雞❗️先講雞，全部都係無骨，啱晒d懶人。味道，都係雞味，重點係佢個湯底！！！！超正！仲要砂鍋滾住上(冬天一流)。😍到雲吞，又係有誠意之作。仲要有4粒。🥰加埋其他配菜。你以為睇到呢度就滿足？實不相瞞，我已經好耐冇食普通雞，因為我係會加$6食豉油雞。超入味。呢個餐我試過跟飯，粉絲，再加錢轉稻庭烏冬。都係唔錯既選擇。我自己鍾意粉絲索晒啲湯，食完冇左大半碗湯！真既冇呃你，隔離枱都係！😋😋唔講你唔知，你以為頭先個鼓油雞係滿分？其實只係90分！點解，叫埋秘製無骨蔥油雞飯你就知，呢個肚餓去食，8分鐘左右Ko！雞嫩口唔講啦，係佢個秘製醬汁加雞上面既炸蒜京蔥！！完美！💯砂鍋椰子竹笙花膠雞🐥個湯底會偏甜！都係唔錯既選擇！小食炸雲吞，可以點綴下！！！總括而然，文字已經答到你應該揀咩？當然介紹得，我對雞米米既其他出品都有保證！都係果句，唔使加一，又贏💯…查看更多

之前上網見有人介紹煎肉餅，即刻第日就黎老地方試試佢！平時餐廳見到蒸肉餅，二話不說都必叫梅菜煎肉餅，今次蒸肉餅都想trytry佢😋外脆內嫩，肉餅夾梅菜係我必叫既選擇。永遠都受唔住呢個配搭既誘惑。果然都冇失望，一如既往既夾。試完穩陣嘅口味，就試吓新嘅配搭-苦瓜煎肉餅。有驚喜，苦瓜會中和煎肉餅嘅肥膩感。估唔到又幾夾。由於個飯黎到嘅時候係得肉餅同埋白飯，喺枱面會準備埋豉油同埋辣椒油。兩樣嘢都可以將整個煎肉餅飯昇華去更高層次。鐘意食煎肉餅既朋友一定要黎試！好少地方有咁多唔同款式既煎肉餅食🫶🏻…查看更多

提早同媽咪慶祝母親節，揀咗嚟食下午茶因為我本身係抹茶愛好者，所以試咗個春日抹茶下午茶同朗延下午茶。鬆餅：英式鬆餅、抹茶鬆餅加上玫瑰醬同車厘子醬超級好食。鬆餅一啲都唔乾，加上上枱嘅時候仲係熱既，加分加分！抹茶士多啤梨麻糬泡芙：作為抹茶麻糬愛好者，覺得無乜抹茶味，略甜，麻糬質感一般。抹茶芒果杯、鹹食嘅龍蝦包、蟹肉撻、北海道帶子伴黃瓜：都不錯炸蕃茄球：有驚喜，蕃茄味幾重幾特別。開心果紅桑子餅：酸酸甜甜幾開胃。整體嚟講不過不失，不過抹茶唔係好出😂酒店服務態度好好，非常周到🫶🏻…查看更多

因為朋友會帶狗狗出來，所以選了這家。環境：有點失望，不建議帶狗狗來因為坐的位置就在門口，其他客人出入都必須經過。沒有安置狗繩位置，沒有給狗狗喝水的（純粹告訴大家沒有，主人應自備）食物：整體不過不失。軟殼蟹、牛油果、煙三文魚野菌意大利飯：還不錯烤西班牙伊比利亞戰斧豬扒：很乾很柴，不推薦服務：可能因為坐外面，都是被忽略的，自己進去店裡叫員工/下單…查看更多