Mandy Ng19的个人专页

New Thai Restaurant in Wan Chai 🤩🤩 灣仔新開既泰國船麵餐廳，一直期待佢開張，見到menu同環境都好吸引，lunch決定入去試下，入到去環境十分舒適乾淨，裝修擺設似cafe風格，可以約朋友共聚食飯既地方。Order 左一個泰式和牛濃湯粉同一個泰式清湯肉片粉，船粉好有彈性，湯底夠濃，和牛夠鮮味，加上其他豬皮/香菜等配料令成個麵更香濃好食，完全感覺到泰國食既風味，期待下一次再試其他菜式。…查看更多

環境service 都好好，食物款式唔算多。雖然menu上拼盤只可以揀2人或4人， 但原來3個人佢都可以叫3人份量既order, 實在太好！ 拼盤有幾款貝殼類食物，感覺十分抵食， 值得推介medium rid eye 牛扒, 味道唔錯，但頭部及尾部偏熟，中段部分五成熟。薯蓉幾好食，夠香偏重牛油味。八爪魚腳夠淋，幾新鮮，但只有一隻腳份量太少$179蜆意粉味道唔錯，好入味， 但食到低部感覺太油整體感覺都幾好，冷凍拼盤最正…查看更多

環境好正，入到去個餐廳大堂bar檯好靚。 見好多人推介crab cake，點左一個覺得ok, 但冇想像中咁好食。 叫左一塊medium rare rib eye，另配兩個sauce, 其中一個係mushroom好好味。另外侍應會問你拎一set醬問你加唔加落隻碟到。Apple Crumble 好好食， 啱啱焗完送上黎熱辣辣，甜度適中， 上層有脆口既奶油餅，再加上餐廳自家制vanilla ice-cream。兩個夾埋一齊食係另一番好味，非常唔錯…查看更多

食物幾好食，價錢合理！叫左一個beef cheek mushroom pasta， 牛肉夠淋唔黐牙，意粉配埋個汁好好味😋，帶有少辣，另外叫左Orange Roughy Fish Fillet, 魚柳好香，好夠味，配菜薯仔可以再煮耐啲，未夠熟既感覺，但整體唔錯。份量啱啱好！衣度咖啡沖得幾好飲，叫左兩杯熱既flat white & cappuccino 都好夠滑，好香。氣氛不錯，環境ok，乾淨，但檯有點細，放兩個碟已經好迫。…查看更多

第一次用OpenRice 沙嗲王外賣自取，比預計時間早左可以拎，野食都唔錯，價錢一樣，但份量比堂食少，衣點餐廳希望要改善一下！公平一點！製作時間同外賣包裝都很滿意！…查看更多

食物質數麻麻，求其想嘆個冷氣同埋唔想等位都可以考慮下既！不過我就冇下次啦😂態度服務勁差，比錯餐仲唔承認錯誤，話番你轉頭冇講， 真係死得！！啲阿姐帶住口罩講野又講唔正！掛住傾計睇電話，問佢拎杯水好似要求佢咁！一啲禮貌都冇！野食黎到錯左，死都唔認自己落錯！攞杯水飲都唔願意！都唔知啲伙記請黎做咩！我寧願你同我講邊度攞水我自己去拎好過！明白完全冇老細喺店睇住，伙計做野係特別懶惰啲既！好彩附近唔止佢一間茶餐廳…查看更多