Vickitam的个人专页

行魚街經過比佢鋪頭招牌吸引咗就行左過去見到有藥膳雞湯米線就決定入去試試佢坐低睇完餐牌叫咗三樣嘢藥膳雞湯米線，酸辣雞湯米線同埋鹽燒豬頸肉落單唔夠十分鐘兩碗米線已經到我就係食藥膳雞湯嘅一黎到已經聞到好香既當歸味先黎試一試個湯頭先藥膳既味唔會重到遮蓋哂雞湯既味道都算鮮甜未食已經見到D雞勁滑可能咁岩比左雞髀位我好好味男朋友碗酸辣雞湯米線就差少少佢係比左雞翼位佢所以肉質上無咁滑而湯頭方面，我地一致認為比較死酸麻麻地最後就係鹽燒豬頸肉😊😊um….好普通唔算太乾，但佢好似就咁係上面落鹽咁唔好食依間餐廳其實都有好多唔同款式既野食但我就未必會再回頭了…查看更多

太耐無食過，經過附近就決定揀魔髀嗌左隻黃金魔髀同埋火焰魷魚鬚先講隻髀熱辣辣就梗咖啦佢真係大隻到揸住黎食都覺得好重😂仲要因為佢太大隻關係，初時咬親都一定整污糟塊面雞肉好嫩滑唔會炸到好乾身亦有肉汁略嫌有少少鹹，始終鹹蛋黃再加上本身隻髀有醃過但唔算好過份隻髀底面都好多蛋黃十級邪惡呀另外火焰魷魚鬚份量不過不失既我反而比較鐘意食佢多D Tim…佢外邊嗰層炸粉岩岩好又香口，魷魚鬚都爽口嗌埋杯冬瓜茶簡直一流唔會太甜嗌野食再叫野飲，野飲會減$10Tim…查看更多

早幾日先知有依一間小店突然之間想食宵夜⋯⋯但因為知道依幾日都有好多同路人去幫襯所以我預先Whatsapp落單23:27佢哋收到張單，話預20-25分鐘結果23:38已經話差唔多搞掂可以去拎我一共嗌左6款野食豆卜墨魚丸肥牛金菇五花腩雞中翼羊柳肉真係每一樣都燒到岩岩好,,唔會太乾好多時食串燒最怕就係燒到乾爭爭但依一間完全唔會另外..串燒嘅靈魂係個汁我揀咗沙嗲汁，大辣個汁真係不得了，好香好濃但係佢又唔會喧賓奪主搶晒啲肉味超級推介仲有支冬瓜茶唔會好甜，清清地好好飲另外店員都好有禮貌呢一間我覺得個評價都幾高希望佢哋繼續加油💪🏻…查看更多

最近有鋪雞煲癮搵下搵下搵到依一間見有齊雞煲，打邊爐同韓燒就黎左依間一試Book左夜晚19:00去到見到已經有好幾枱食緊我好快亦都揀左3號餐唔夠5分鐘個雞煲已經到左店員亦有提示要等8-10分鐘期間要3分鐘左右兜一兜佢店員亦都拎左兩隻鮑魚過黎雞煲味道還好唔會食到有雪味，肉質亦都嫩滑既依樣完全估唔到韓燒方面我主要係燒海鮮，有蝦，扇貝，火箭魷，龍躉個人幾鍾意食嘅，雖然唔係新鮮但唔會有任何異味，蝦同火箭魷都幾爽甜扇貝亦都好味嘅個人幾推薦羊架好香好好食不過不少少唔係太鍾意落單方面永遠寫嘅數量同出嘅數量都唔一樣我明白到可能因為怕客人會點太多有浪費食物嘅機會但要不停係咁寫紙，其實同樣浪費牛方面我覺得物有所值嘅咁嘅價錢有嘅嘅質素咁多款我都好滿意因為太花多眼亂，又雞煲又韓燒太忙，無影到出面其他野打邊爐同韓燒嘅食物種類都多嘅仲有一啲前菜，熟食(例如雞腳)值得一讚嘅係，由入坐到食野過程中店員都會好主意收碟，見到牛油紙開始燶又會好主動咁去換落單後每次食物都好快到但重點黎了由入座起計兩小時，佢臨尾會提前20分鐘提你叫你落埋單但係比兩張佢，佢又唔會受我寫既數量佢又唔比足，我比兩張又唔受依樣都可以接受既我最接受唔到既係原來真係會趕客走印象中應該都有其他食評提及過佢地唔係開聲咁簡單而係客人未走，已經成部手推車（執枱個部）推埋客人張枱格離比壓力你趕你走我覺得如果鋪頭真係好Full,,有客人等緊枱都情有可原，但問題係成間鋪其實仲有好多吉位我唔覺得有咁既必要去趕客人走我同男朋友一聽到個一剎那其實已經好反感點知執緊枱個位店員仲要調轉身同我地講左句，你地都就夠鐘差唔多要走咖啦我當堂同男朋友講，算啦即走，杯雪糕都唔食快手快腳絕對係好事但係客人未走就已經行埋去執枱我覺得真係好無禮貌我接受唔到走前一張相有圖有真相我地個邊已經有兩張吉枱都未計另一邊…查看更多

突然間好想食雞煲又唔想特登過海打開openrice,,見到依一間個個都話平就去左試我大約19:40分上到去一開𨋢已經排哂隊最後20:04入得去一坐低好快就落單，叫左雞煲中辣仲加左$20有一碟滑牛一黎到話等多5分鐘就食得我地兩個人應該就係半隻雞黎既味道方面幾惹味既，辣道對我黎講唔夠嘅分量都不過不失滑牛十分正好淋好滑我未加湯已經加左落去好惹味真心🤣食完雞煲之後打邊爐但打邊爐我就係特別影了都係大路野總括嚟講，抵食既但唔可以要求太高我滿足既都夠飽雞煲又唔差我下次會試埋個烤魚…查看更多

見到FB群組都好多人都推介依間餃有次19:00去到已經乜都無得賣今次終於下晝就過黎食叫左5隻小籠包4隻生煎鍋貼同紅油抄手仲送左粒生煎包添首先講左小籠包先因為佢係即時蒸嘅，所以都要等一段時間但正正因為咁，所以新鮮滾熱辣就咁睇已經睇到好多湯汁喺入面真係好皮薄餡靚，勁多汁超香，好鍾意食之後就到鍋貼可能只係買4件嘅關係佢係用紙袋裝的同樣地都係皮薄，個底仲要係煎到勁脆，好香口佢仲會有包沙嗲汁可以點紅油抄手個人對紅手抄手無乜特別評價淨係覺得好香，味道方面中規中矩男朋友反而首選係揀佢至於生煎包的話本人並不推介如圖所見...餡料極之少之如，個包上方係極厚不過因為佢係送嘅 我都唔講太多總括而言我覺得依一個包包餃店可以一試價錢又Ok!味道更加唔洗講…查看更多

最近太想食米線所以周圍搵食米線既鋪頭由於原先想食嗰間冇開所以就試呢間男朋友叫咗個花膠雞米線而我自己就叫咗個藥膳黃酒花膠雞米線上菜速度都好快，大約5分鐘就到黎既時候仲會有埋個爐一直煲住男朋友嘅先到首先一定係試個湯先一入口覺得好濃，好清好好味雞就應該係白切雞黎無乜特別而我既藥膳黃酒花膠雞米線我覺得比起花膠雞更出色湯頭更濃郁，或者始終有藥材關係但藥材味唔會搶奪晒所有而雞方面應該係有酒醃製過個人認為味道上比起花膠雞更好而且比較滑身最後我地兩個都飲哂所以湯但唔會覺得口渴對我依d湯怪黎講依兩款米線真係就算飲湯都抵價錢又唔貴熱辣辣會再去試其他米線的…查看更多

因為最近一直想搵唔同嘅米線食咁啱一連兩日都喺灣仔星期日去到門口發現無開所以今日再去多次見openrice全好評所以就揀左依間去試我叫左個噴火麻辣米線，中辣而餸方面係參考左之前嘅食評叫咗蘿蔔，麻辣腩肉同豬軟骨落單後大約十分鐘左右就到首先一定係試左個湯先不得不讚既係個湯真心好香唔會太咸，而麻同辣都好到位得一啖入口我直頭覺得好濃郁之後就開始食餸極之失望既位開始接二連三咁黎麻辣腩肉有三塊除左一塊係肥膏同肉都均勻之外其餘兩塊都只得肥膏咁滯其次就係豬軟骨完全唔似之前嘅食評所講又林又入味一碗有三舊，係每舊都硬到我好似食緊瘦肉咁仲要係勁乾之後就到蘿白舊舊都有渣，好誇張但問心都甜嘅真心好失望米線方面都合格嘅軟硬適中，再配合埋肉碎的確不錯由於男友係嗌左個酸辣米線加豬軟骨加生菜下午茶餐個肉乾到佢真係食唔到最後我地加多左個蒜泥白肉值得一題嘅係個酸辣米線個湯其實都好好我同男友都覺得好味的黎到眼見有好多芽菜墊底除咗面頭幾塊有汁多其他汁都喺哂碟底我地嗌左多蒜好笑嘅位來了唔知咩嘢原因啲蒜係冰過直頭係一舊舊夾得起嘅食落去除左面頭幾塊有味之外下面個d都係白烚完全無味的總括而言除咗湯之外所有都令我好失望我直頭覺得浪費左個湯就算我幾滿意都好都唔會再試多次…查看更多

一向係林明園既熟客仔因為貪方便，設備又齊全但琴日去完之後真係好失望我地一行6人，無預過已轉手一去到已經見到啲人唔同咗見唔到之前嗰兩位叔叔同姨姨反而變咗幾位後生嘅人或者真係沒有比較沒有傷害以前無論蜜糖，手套都係每枱一樽，一盒新既放枱但今次去到只係放低左一盒好細盒既蜜糖（出面買外賣用黎載薑蓉個個盒仔，仲要係得半盒多少少）同我諗大約十隻既透明手套問心，第一個感覺係好孤寒真心唔會夠用其次，因為以前就算寫到明限時4小時都好叔叔佢地只要個場唔係真係好爆佢地都講到明無所謂亦唔會開聲要你加鐘但依加係企硬4個鐘就係4個鐘（事關我地一行6人，未到齊時打算先開爐，但負責人講到明一起爐就開始計時，多我15分鐘都唔得）真係揸到好正都好啦 照燒野食方面比以前少左但味道上唔算差的 除左黑椒雞翼開始變酸其他都還好調味料，蔬菜類無再好似以前咁齊少左好多野最介意既兩點點係，事前並無提醒幾點後就會無野食拎結果我地時間未到 大約仲有40分鐘左右出到去已經同我地講無得再拎到最後，我地仲有15分鐘左右已經入黎熄哂d風扇個感覺真心趕客本身一開始唔同左已經好失望最後個結果係直頭反感我明白唔同人有唔同做法只能說個差別太大同行嘅朋友都有同一想法係唔會再幫襯依間任食bbq…查看更多

話說一早已經知道開左間串燒鋪頭加上見Fb有人分享見好吸引所以就決定同朋友去試下我就食最早嘅時段，因為唔怕無位店員由頭到尾都勁細心服務態度完全係一流的！串燒種類都算多嘅，唔特別去介紹最好食嘅都係和牛串同牛肩肉同埋都會有蝦，青口依啲海鮮比你燒由於我地4個人，有生蠔同刺身送生蠔係新鮮到不得了<3!!超正而刺身就係每人一大隻赤蝦！亦都係超鮮甜一直燒肉嘅同時我地都有食其他炸物同埋熟食清油煮蜆我自己一個都食左三兜仲有雞翼炸物粉漿唔厚，個芝士炸雞直頭一流期間有幾次店員都有細心位勁加分的我地叫左燒蠔但無奈地我地一直都無時間無位我燒，店員係主動話幫我地開另一個爐燒埋比我地呀⋯⋯另外Like FB亦都係會送每人一隻扁貝，都幫我地燒埋會主動提醒邊啲要食先或者怕我地點得太快凍左會唔好食叫我地食完直接話佢知佢再即整比我地食食下，應該係喺廚房嘅店員竟然自己拎左一兜雜菜出黎叫我地食下菜，岩岩炒起好sweet!!!最後我好欣賞嘅係飲品方面，佢竟然有最新個隻纖解茶同埋佢有幾款應該係自家製嘅杯裝飲品檸檬薏米，菊花茶，涼茶，洛神花等等勁好飲！原諒無逐一影相，因為掛住食野..總括來說依一間串燒係幾高分一定會繼續幫襯的！…查看更多

真係第一次寫食評，真係伏到一個點！鋪內空間比較細同迫格離枱溝通絕對每一字都會清晰聽得一清二楚的！我係食5:15分個一輪，埋位就已經立即點野食上菜時間算快的但全程有一個好嚴重嘅問題每一枱嘅食物都出錯全部都亂哂，好多會去左格離左右啲枱大家點嘅野食會大兜亂咁！但有個職員都好有禮貌不停講唔好意思我都接受的！野食既部分黎了首先刺身，壽司真係好普通，唔夠鮮佢主打既活八爪魚刺身同埋醬油蝦就反而唔差既不過我點左4隻醬油蝦其中一個係臭左食唔到其次串燒我點左牛舌，雞腎，沙嗲雞肉，芝士豆腐牛舌同雞腎都過哂龍，勁乾身超難咬沙嗲雞就不過不失嘅炸物燒物點左吉列蠔，牛仔骨，羊架同埋燒生蠔吉列蠔外熱內冰凍...所謂既羊架根本係羊扒最伏亦係我最期待既就係燒生蠔本身一上菜個下見到都已有少少失望因為比較乾身一食落口，真係直頭難食唔鮮之餘男朋友個隻直頭係壞左臭既連格離枱都係一樣咬左一啖就放反低唔要了牛仔骨又係不過不失一品料理炒野菜，牛柳粒，芝士鍋貼，地獄餃子，小籠包茶碗蒸，爆炒牛肉牛柳粒同爆炒牛肉反而好好食的地獄餃子中意食辣野既人都可以一試茶碗蒸上既海膽臭的但係個蛋好好食小籠包就真係難食了無湯汁之餘口感直頭係霉霉爛爛咁你點估都唔會估到連雪糕都有問題鯛魚燒個面直頭係淋哂好難咬成晚我係完全無意慾再去點野食對我黎講我淨係覺得牛，茶碗蒸同燒菠蘿係最正常真係連格離枱都同一時間講左句係最難食嘅一間放題！大家都係一路食一路鬧完全係諗唔到再有乜野可以點黎食第一次食野咁失望，係失望到我要決定寫個食評出黎！絕對無可能會有下一次！…查看更多