桃子momoko的个人专页

好耐無去食「糖水」今晚專登帶幾個妹來聰嫂度。估唔到相隔半年，質素變成咁:(廚師換左人嗎？定係生意太好，質素就降低呢？豆腐花變得唔再滑布丁味道今次有d怪怪地:(椰林翠影還可以但應該唔會再去呢間:(…查看更多

新鋪開張, 有折抵食, 不防去試下! 最好味係佢地既綿花冰, 比起旺角鋪D綿好多! 值得1試!同埋佢地既朝夕雙對入面既雪糕球, 超好味, 朱古力雪糕下面仲有朱古力醬, 士多啤梨雪糕有士多啤梨粒! 好味! …查看更多

係官塘返工，成日lunch都是是但但一餐，於是忍唔住上openrice，睇下有咩好介紹！呢間印尼餐廳，Ｄ人食完都話唔錯，今日lunch一於同同事來呢間印尼餐廳試下先！鋪面唔係好大，唔留心都唔意搵到，佢唔係大街度，比較僻Ｄ，真係多得同事帶路！我一早做足功課，一入到去就點左２個飯！先來黃薑飯$40 ─ 粒粒飯都炒得好干身, 好有黃薑味! 個員工超nice, 行來問食過未呢, 我地話未, 佢續樣續介紹, (蝦片, 巴東牛肉, 炸雞翼, 薯仔餅, 佛手瓜, 酸青瓜仲有花生)十五夜飯卷 $40 ─ 食呢盤時, 個員工又行來問我地食過未呢? 我地又係答未丫, 佢又介紹俾我知地邊樣打邊樣, (米卷（我地食落覺得似米粽既感覺）, 雞翼, 豆角, 佛手瓜, 烚蛋, 巴東牛肉同花生) 我地叫完先知, 原來D配料同黃薑飯差唔多! 只不過1個係干身, 1個係濕身! 不過我同同事對呢個都係一般, 可能唔太慣加左椰汁撈飯! 不過當我地食完2碟之後, 完來已經非常飽, 真係飽到捧住個肚走! 我地見隔離檯食緊巴東燒雞飯, 好似好好味, 食完1碟又再叫多碟, 下次我地一於去試佢呢個巴東燒雞飯同埋小食拼盤…查看更多

話說今日我同男朋友去睇戲，買完飛仲有成45分先開場，咁我地就去試甜品屋既'炸雪球'，５點半入去，得我地，咁我就拿拿林，叫左個＂炸雪球＂等。。等。。。等到６點個炸雪球都仲未來咁我地睇６點３場，驚睇唔切我就行去問個男員工，個＂炸雪球＂可唔可拎走個男員工又有可能係老細既人，就一口拒絕＂唔可以喎，公司規定食物唔可以拎走＂但係我係佢間鋪都搵唔到，Ｄ食物唔可以帶走既字眼咁佢咁講我就由佢啦，但見到就來６點５分，又好心急，又再行去問下，得未呢？佢話＂要等Ｄ油得先可以炸到！＂但個陣我見佢地幾個人好優閒咁係度傾緊計！我真係好想同佢講，大佬我真係好趕時間！到左６點５分左右，個炸雪球終於炸好啦！但係我地真係太趕，我連儀態都唔理，大啖大啖食，但雪糕真係太凍啦！想快都快唔到！可能個男員工或者佢係老細啦，見我地真係好趕，佢最後拎個外賣盒＂我見你地好似真係好趕，我俾個盒你地拎走啦＂我心諗你之前又話公司規定食物唔可以拎走！依家你又俾我拎走，唔通你係老細？！無可否認，佢地既炸雪糕比出面好味，但$35 咁既質數係應該既，不過最唔滿意就係等既時間，比出面鋪真係耐好多！或者呢個就係佢地好味既原因掛！如果再下次有機會同朋友去食，一定要預返１－２Ｈ先好去！同埋佢地Ｄ食物，係唔接受客外賣，最好貼上字眼等Ｄ客人知道！…查看更多

唔知Ｄ人係咪睇完，openrice既評價之後，無人再去呢，見樓上幾位，都話７點入去要等位，好出奇地，我地７。１去食，紅日之餘仲要７點半入去，一去到就有位！其實之前有睇開openrice既評價，都有Ｄ驚驚地，好驚真係2hrs任食，1hr等食..！所以１來我就畫左Ｄ熟食，炒雜菜，天婦羅，秋刀魚，好出奇地我地等唔夠１５分鐘已經有野食！不過畫左３樣天婦羅先來得１件，秋刀魚至情無來　:(再叫刺身同壽司，就慢左Ｄ，不過都唔算等太耐既，因為有食開放題，＄１ＸＸ個Ｄ，佢地刺身同壽司，一定會漏單，所以我就畫左好多張刺身，但最終都只係來左１碟！所以見意大家下次去食＄１ＸＸ放題，最好畫單又畫幾張，佢地一定唔會上齊咁多！咁就唔洗等好耐！今次我地去，Ｄ人手都幾多下，同埋唔知係咪佢地個老細係度，我地今次去，都間唔時走來幫我地ＦＵＬＬ茶，服務態度都OK！總括來講食物質素都ＯＫ，我男友話Ｄ魚生唔新鮮，我個人可以接受到，咁既價錢，呢Ｄ質素算係ＯＫ！唯一一樣我最唔滿意既，係ｏ係３３度既天氣下，佢地既冷氣好似無開咁，１路食１路好似係街邊鋪咁，食完我同我ｈｏｎｅｙ成身汗，ｏｍｇ:(　…查看更多