lhtung1017的个人专页

前排經過好景，發現呢間新店，所以就約埋朋友一齊去食！餐廳位於3樓(出lift左手邊)，裝修都幾雅緻，有in/out door，冬天嘅時候，坐out door都幾正，座位都幾寬敞，喺旺角黎講都真係幾小有。🔸🔸🔸🔸🔸🔸🔸🔸🔸🔸🦪時令生蠔 HK$258/12pcs 餐廳有2種生蠔，我地就叫左每樣一半，一種較爽口，另一種就海水味重些。生蠔都無乜意見，新鮮就好味。最後都encore左一盤。🔸🔸🔸🔸🔸🔸🔸🔸🔸🔸白酒煮澳洲bb藍青口 HK$128呢個正正常常，和其他餐廳味道都係大同小異。🔸🔸🔸🔸🔸🔸🔸🔸🔸🔸小食拼盤 $168內有炸洋蔥圈、黑松露薯條、避風塘單骨雞翼、炸蠔、炸魷魚圈。佢地嘅炸物都算係叫幾出色，當中我覺得最好食係個炸蠔，好jucie，推薦。🔸🔸🔸🔸🔸🔸🔸🔸🔸🔸🍝卡邦尼意粉 $78我係卡邦尼意粉嘅終極粉絲，呢間嘅卡邦尼算係我食過數一數二好食。個汁好濃厚，重點係佢完全唔漏。唔係果種食2啖就令人膩到食唔到其他野。推薦🔸🔸🔸🔸🔸🔸🔸🔸🔸🔸🦑A.O.P.墨魚仔新鮮墨汁意大利粉 HK$108老實講賣相黎到係有少少失色，但食完味道同佢個樣係不成正比嘅😂我朋友個細佬仔係咁追住要食。推薦。🔸🔸🔸🔸🔸🔸🔸🔸🔸🔸🦐阿根廷紅蝦海膽意大利飯 HK$128賣相好靚，紅蝦係半熟的效果，整個配搭嘅味道都好好，如果一定要講，就係海膽味可以再濃啲。推薦。🔸🔸🔸🔸🔸🔸🔸🔸🔸🔸🐓焰燒法國香草原隻BB野雞仔 HK$158呢隻雞顛覆咗我對燒春雞嘅睇法！我自己本身都幾抗拒食燒春雞呢類嘅食物，因為我成日都覺得好容易over cook導致好老，好難食，但朋友想試所以都叫左。一上菜已經聞到佢嘅香味，我係被分到雞胸嘅位置，本來都係打算合埋眼食左就算。點知食落口係 一 啲 都 唔 老❗️啲肉仲係好嫩嫁。推薦。🔸🔸🔸🔸🔸🔸🔸🔸🔸🔸🐏香煎紐西蘭頂級羊架 HK$208廚師推介5成熟，呢個羊架真係驚艷到我，鮮嫩多汁。必食。🔸🔸🔸🔸🔸🔸🔸🔸🔸🔸🥩28日熟成美國安格斯頂級肉眼扒 HK$228呢個牛扒同上面個羊架一樣，衝擊到我味蕾！又係叫5成熟，肉味肉汁豐富，仲要入口即溶。必食。🔸🔸🔸🔸🔸🔸🔸🔸🔸🔸🍕意大利風乾火腿薄餅配火箭菜 HK$98係我鐘意食嘅薄底pizza，餐廳話係手工pizza，所有餅底都係人手搓。確實係香口鬆脆，推薦。🔸🔸🔸🔸🔸🔸🔸🔸🔸🔸🌯墨西哥卷 HK$88餐廳話係新菜單，餐牌到仲未有。有三文魚伴田園沙律同鴨肉伴田園沙律。都幾特別，因為出邊啲墨西哥卷通常都係豬羊雞。我地揀左三文魚，呢個又係其中一個驚艷到我嘅菜色。暫時係我係香港食過最好味嘅墨西哥卷，必食。🔸🔸🔸🔸🔸🔸🔸🔸🔸🔸🐟慢煮深海石斑柳 HK$好食，皮脆肉嫩！🔸🔸🔸🔸🔸🔸🔸🔸🔸🔸整體黎講，餐廳所有嘅食物水準都係屬於高水平👍🏻我地其實得6個大人，一個小朋友，本來都無諗住叫咁多嘢食，點知樣樣野都好食，就愈叫愈多😂最後叫左成13樣野食，飲左超過20杯生啤，5杯飲品。個個都食到捧住肚走，所有野食嘅份量都唔係細👍🏻👍🏻👍🏻會再次捧場。…查看更多