wubut的个人专页

我想講我叫咗一個椰皇雙皮奶，嚟到之後首先個椰皇其實好細個，但我覺得唔緊要，最大問題係佢雙皮奶嘅份量係椰皇入邊10%嘅量，基本上佢係用個細椰皇裝左一堆椰汁溝水，雙皮奶嘅高度真係唔夠1cm，我忍唔住問咗店員咁樣係咪叫正常跟住佢好Hea咁話’係咁㗎啦‘⋯依個椰皇要$79極度貨不對辦，同自己去買罐椰汁有冇分別⋯而且店員態度令我更加嬲⋯另外佢嘅杏仁茶亦都係好浠勁甜⋯之後所謂嘅招牌湯圓夠粉又好淋pat pat⋯絕對唔會再幫襯⋯…查看更多

同朋友慶祝生日揀咗依間餐廳試吓，但整體感覺麻麻地⋯首先一坐低放低咗2碟蕃茄，淨係話喺前菜，之後先發現原來呢兩碟蕃茄係要收錢，我哋都覺得可以講聲，因為其實我哋三個都唔食蕃茄⋯跟住朋友生日我哋講低咗想寫祝佢生日快樂，但出到嚟啲字多咗一個人嘅名⋯有點費解⋯我再檢查多次我send俾佢哋嗰句嘢根本得一個人名⋯冇寫錯⋯搞到有啲尷尬😓之後食物其實全部都非常細碟，味道算中規中矩，質素還可以不過以咁嘅價錢來講CP值麻麻哋⋯而且其實佢有半間餐廳都係吉嘅，唔明白點解佢要我哋三個人坐二人枱咁迫⋯我地應該唔會再幫襯⋯…查看更多

之前食過一次，味道還算中規中矩⋯今天再去食午飯，而家疫情嚴重但係啲碗碟同餐具勁污糟⋯仲有紙巾水同食物殘渣黐住！叫咗個茶餐，個福字麵湯底同塊豬扒完全冇味，條腸仔仲要苦苦地⋯店員放低奶茶是完全摸着咗個杯口⋯仲要粗暴到錢晒啲奶茶落佢自己隻手同個杯身度⋯一個茶餐$60我都唔係要求d咩⋯但係依度連基本野都做唔到⋯我朋友叫咗個咖喱牛坑腩飯，啲咖喱完全係水咁⋯嗰幾舊所謂牛坑腩完全唔入味冇味都算，仲要韌到咬唔開！整體店員又勁冇禮貌！一定唔會再幫襯！…查看更多

喺佢裝修之前食過都幾好食，不過依一個月食咗兩次，食物質素退步了很多⋯叫了一個甜品，啲丸子雪到硬晒，好似整左兩三日咁,非常失望⋯話晒依家野都係sell甜品的...點可以犯依啲錯誤⋯講到主食，我叫過一個薑煮豬肉，同埋和風牛肉飯，兩款都完全冇味，又冇乜汁，好似食緊白飯咁，我最咩要加豉油先食得落⋯食物質素完全同之前不同，以後都唔會再食⋯服務質素就普普通通啦，都唔expect太多, 但係啲餐具全部都唔乾淨，我要全部自己洗過抹過晒⋯…查看更多

嗰日同朋友去食飯，食物味道還算中規中矩，但店員的態度非常惡劣，首先以聽到他們對其他客人用詞非常不禮貌，而且還有幾個店員圍埋一齊講客人壞話⋯到我埋單的時候想取回收據作泊車優惠之用，但店員非常晦氣，一副覺得麻煩的樣子，結果要我三催四請才可拿回自己的收據⋯我和朋友絕對不會再幫襯此店！…查看更多