chantszlong97的個人專頁

同朋友去開旺角就試下呢間黃店👍🏼👍🏼唔好睇間店細細間 店入面再分左兩層 所以都算多位！環境都幾靚 岩影下相📸食物方面 我lunch去 唔算好多野食 我同朋友本身想試下個炸生蠔小食 可惜賣晒😪於是就叫左個秘製炸雞翼 但係我地都覺得冇咩特別同冇咩味😭另外 我地仲叫左燒帶子黑松露蘑菇意大利飯😋呢個飯就幾好食 好足料同埋黑松露好香！而且佢個榛子咖啡都好飲！我朋友就好中意佢個杯🤣整體黎講 野食都好食 環境舒服 好岩假日約人出黎吹水…查看更多

放lunch嘅時候嚟咗呢間餐廳食飯，雖然鋪位偏細，但次次去都坐滿晒人，好受街坊歡迎！餐牌選擇唔算多，我同朋友都中意食海鮮，所以一人揀咗個有海鮮嘅意粉🥰蟹子蜆肉意粉（$48）見到有咁多蟹子真係好吸引，個汁又整得好香，咸度調較得啱啱好！泰式海鮮炒意粉（$50）海鮮都幾足料，有蝦又有蜆，少少辣吊下妹咁，好開胃🤩如果擔心唔夠飽可以好似我哋咁加底，份量多到攬住個肚，好滿足😂而且只係每份加$10咋！最後我哋加多咗罐zero，埋單$123！…查看更多

咁啱落開美孚又想幫襯下小店，就同朋友嚟咗上海妹🤣我叫咗個香芧豬扒菜飯，豬扒炸得好香口又唔算油膩，菜飯好足菜，軟硬度又啱啱好，加埋杯豆漿都只係$52，好滿足🥰朋友叫咗個水餃，同樣都係大大份，酸菜又多，食到好飽😂成餐飯加埋都係$100，下次經過一定再幫襯！…查看更多

最近聽到呢間黃店就結業所以即刻同同事去試下🤤一入到去環境好靚 好多文宣🤩雖然我地lunch hour去食都幾多人 不過上菜好快!!Lunch set食物同事都話幾好食 而我叫左個日式咖哩吉列豬扒飯 豬扒炸得好脆！咖哩就一般日式咖哩咁 唔會太辣而最特別既係我地加左錢飲佢既E18凍虹吸式咖啡 佢除左好飲之外 連個杯墊都幾有驚喜 同事食完飯都忍唔住走去買左個!!另外，佢係餐廳入面有個區域賣文宣 全部都係自由定價既 有興趣可以去睇下🤩同埋 聽講夜晚仲有live music聽 真係會再黎食~ 不過佢7月尾就執啦😭…查看更多

平時經過一直好想試，但每次經過都好多人，難得今日lunch放晏咗，就決定去試吓🤣入到去環境好寬敞，枱與枱之間隔得好遠，坐得好舒服。叫咗個黑松露雜菌意粉，松露汁香得嚟，意粉嘅硬度啱啱好，菇嘅份量都好多🤩好可惜嘅係我坐嘅位置冷氣好唔夠，坐唔得耐就頂唔順走咗🥺…查看更多