Anna_anna的个人专页

12-11-2010晚上 與新相識的朋友來個首次飯聚, 晚上7時多到達, 餐廳已預留一個較僻靜位置, 方便傾計又不怕受人打擾, 餐枱還放上小洋燭, 環境幽雅暗暗的, 情調不錯:)遇著我這類患有"選擇困難症"的人, 點菜還是交給友人發板就好, 反正自己什麼也吃印象中點了:馬來沙爹串(牛肉) x 半打---配上沙爹醬一起, 牛肉不韌, 亦不像梳打過, 有Texture, 好味牛油雞中翼---上枱時熱辣辣, 香口惹味, 對於嗜雞翼的我就最好不過good香燒大蝦--蝦很大隻, 份量亦不少, 開邊後加上豆豉蒜蓉等燒製, 肉新鮮結實, 朋友很喜歡:)咖哩麵包雞---比想像中不辣, 充滿南亞香料味道, 除了雞外還有薯仔, 配上即烘麵包皮, 好吃又好玩(視覺上)因之前沒有多看過menu, 聽朋友點時還以為會像"澳門翠苑茶餐廳"一樣用一個大大農夫包盛著, 來到時才發現餐廳用上一隻雞型器皿載上咖哩, 上面有一層像是做酥皮湯的即烘麵包蓋著, 還有專人走來替我們代為"剪綵", 將麵包細心切好小件供客配咖哩品嚐, 害得我忍不住要求拍張照留念, 希望沒有嚇怕友人, 失禮晒, 中間好像還欠一款什麼, 但記不起(年紀大失憶)香芒布甸 & 泰式涼粉---侍應於餐後前來推介, 某信用咭有買一送一優惠, 就點兩客作結, 如不談味道, 論賣相也合格有餘, 好的賣相始終能為食物加添不少分數, 味道雖不是最好, 但已很滿意:) 還有要稱讚餐廳的服務, 雖然位處僻靜一角, 但從沒有被忽略感覺, 服務員勤快細心有禮, 枱上水杯漏水亦比客人早得察覺, 適當時候還為客人換上新碟, 態度和服務很殷勤:)最後還是要多謝朋友是次做東, 細心的安排令首次飯聚感覺很好, 氣氛、環境、食物、人也很Perfect, thanks so much~…查看更多

9月13日晚約了朋友到MK閒逛, 來之前已和朋友於OPENRICE搜尋附近有什麼特式菜食, 無意間就找到此店, 就決定到這兒吃晚飯:)來回了2次才找到...(店子不太起眼, 我們又自視過高以為是對面較多食肆的一邊, 一面傻更更地找=.=""")到了店, 7時多, 9成幾滿座, 店員安排予座位, 嘩.....好狹窄, 還有柱位頂住, 枱亦很細, 朋友嬌小緊緊涉得入, 比著是我?哈哈....枱子緊貼鄰座, 一座下就能和鄰座可以打成一片, 完全零距離:(無奈下仍要點餐, 要了一個2人餐+牛肉石頭鍋飯2杯飲品先來飲品2杯, 醬料和小碟(why冇泡菜/蘿蔔/青瓜, 俾得d白烚藕片和豆角):(, 嗜辣的我們看到後有點失望店員再為我們擺下一組迷你爐具, 很快燒烤拼盆亦上枱,碟子食物擺得企企理理, 不是滿滿的感覺怕吃完不夠飽, 不理還是燒燒燒, 牛肉粒沒有期待的好吃, 好韌, 蝦不是太新鮮, 其中有兩隻是霉的,反而牛舌, 牛肉片, 豚肉片較為好味, 食物還有墨丸, 冬菇, 鴨胸, 腸片..., 醮上醬汁味道是可以的,期間牛肉石鍋飯亦到, 枱面已沒有多餘空間, 飲品被近近的烤爐彈上幾十顆油於杯面上, 不能再飲石鍋飯附上一只雞蛋, 牛肉是之前所說質素不太好的牛肉粒....不過, 終於見到泡菜同辣醬, 勤勞的將她撈撈撈, 感覺像樣得多,而味道亦不錯, 香香帶辛辣, 惹味~本來想試試這裡的甜品, 但地方實在多油煙, 沒有給人慢慢品嚐甜品的環境和節奏, 吃擺枱面的食物便急急腳埋單, 去糖百府好過....…查看更多

10月21日路經此地便試試這裡的yogurt, 要了一杯大size的($32)跟兩款topping, 現惠顧還多送一款綠茶monchi選了: 乾果燕麥, brownie+送的綠茶mochi雪糕酸味適中, 又不易溶, 口感滑滑, 很討好,食不停燕麥脆脆的帶甜味, 覺得比粟米片好味得多,有texture, 驚起brownie不算非常濃郁, 還覺得有d乾硬, 但混和yogurt一起還是好味的綠茶mochi, 入口綿綿QQ, 感覺新鮮製造, 不是過夜, 淡淡綠茶味不嗜者亦接受得到在我而言, 這裡Yogurt比貴價的卷蛋更為吸引, 下次再來亦會只是為著yogurt而來…查看更多

10月2日(六) 一朝早要幫公司到該店樓上取文件, 早來了, 想飲杯coffee hea hea時間提提神, 見一杯latte廿多元, 一個早餐包咖啡又係廿多元, 我d C9仔性格即覺食餐感覺化算d 要了早晨餐(2A) 火腿煎蛋長通粉+咖啡, 咖啡先上, 味道當然不可與單售的口味咖啡比下去, 但已合格有餘, 3mins左右通粉送上, 有半大塊圓形火腿+太陽蛋, 湯底奶白色有雞湯味道, 簡單的配搭, 清淡又美味, 最緊要是不用和身邊食客一同趕9點:)…查看更多

星期六放半日, 決定黎呢度食lunch, 見舖頭對面係排隊位, 但又冇需要攞籌, 原來係先到先安排, 如果未到齊就俾下一位客先, 見今日得自己一個, 直接問佢一個位有冇啦, 果然, 即有....好野 一入去侍應安排我座迴轉&俾張飛我, 顯示左我幾點入黎, 幾時要交枱!有45mins食, 一個人乜都夠啦, 想傾計呢度就唔得喇!迴轉帶上面壽司款式好多, 而且可能流量快, 睇落都好新鮮, 唔駛好似平日其他店咁怕佢擺到乾曬唔新鮮, 要另order!一個人一共食左9碟(碟碟8元)1) 帶子壽司x2 --好新鮮, 算幾厚身2) 鰻魚壽司x1 --好肥美, 幾大件3) 櫻花白飯魚軍艦x1 --咸咸地, 魚鮮味一般4) 三文魚刺身x1 --有3厚片, 受歡迎, 長出長有, 特別新鮮5) 甜蝦刺身x1 --一般, 我見之後出果d立立令, 我呢碟應該放耐左6) 三文魚子軍艦x1 --小黃瓜一片配魚子, 雖然魚子唔算多, 但粒粒晶瑩, 新鮮冇腥臭味7) 龍蝦沙律軍艦x1 --ok, 唔會一味得沙律醬, 有肉咬吓8) 魷魚壽司x1 --一般, 成梳要成件食, 難咬開一半我坐正出菜位, 好多食物一出都可以先取為快, 同場見到有根子壽司, 吞拿魚都好新鮮, 但我已經飽到食唔落, 迴轉帶上面仲擺左幾款甜品, 有大福, 有布丁等, 仲有迷你魚生飯(三文魚蟹子粟米), 佢d子薑幾好食, 迴轉帶上面仲有好多款小食同刺身, 我覺得已迴轉黎講, 爭鮮叫幾好, 食品排到密密麻麻, 起碼滿足左見覺先, 而且價錢大衆化, 人流又多, 食品流量得快, 食品好難會唔新鮮, 同區嘅「圓六」同「圓戲」今次有對手喇!:)…查看更多

是日為三文魚作主題, 7時去到客人不算太多, 環境不錯, 很闊落, 位與位不會密麻麻, 樓底又高, 餐桌上擺放了多套餐具, 每樣東西感覺新淨, 是晚還有有獎問答遊戲, 勝出有酒店住宿一晚, 可惜抽不中!食物壽司吧: 有數款刺身, 三文, 吞拿, 八爪魚, 飯卷, 手握壽司等, 三文魚特別好味海鮮冷盆: 有兩款長腳蟹提供, 青口, 熟蝦等, 款不算多, 但長食長有, 新鮮!另有生蠔供應, 侍應按人頭特地送到桌上, 不過自己示吃蠔, 朋友覺得麻麻湯: 是晚(中)赤小豆xxx湯及(西)洋蔥湯, 試了西湯好味:)沙律: mixed好的款式有3、4款, 呆有沙律菜, mixed好的較好味, 生菜不知為什麼有d苦, 還有芝士, 餅干…冷盆: Coldcut, 煙魚, 三文也有, 其中三文已有好幾款選擇, 有廚師即切的, 亦有店方做好後主動送到客人桌上:)熱葷: 有燒脆腩、燒雞、炒辣大蝦球、 炒時蔬2款、咖哩有兩款(羊肉好焾, 雜菜冇試, 看顏色應椰香味濃些)、野菌撻、熱香蕉pancake的東西、燒牛肉(看上比較生, 但食時不覺, 肉質不錯)、菠蘿雞絲炒飯等, 還有幾款不用煮法的熟三文魚菜式、有放湯的麵食區(有海鮮貝類選擇), 不過最好的, 是廚師的主動有善及殷勤服務態度, 到熱葷處廚師們幫你逐一大開熱盆蓋子, 介紹食物, 切刺身切牛肉不用客人久等, 而且熱盆的食物每次出量不會太多, 差不多完廚師就會於開放式廚房即席烹調, 煮的三文魚炒菜等甚有鑊氣, 夠熱又好味甜品: 有栗子蛋糕、NewYork Cheesecake、朱古力蛋糕布甸, 新鮮水果凍、Panna Cotta、芒果黑糯米等, 雖不是最多甜品提供的酒店, 但每樣也很好味雪糕是靚牌子, 連青檸和芒果雪芭兩款, 合共有8-10款選擇, 好好味 生果: 菠蘿, 蜜瓜, 哈蜜瓜, 西瓜, 還有鮮果沙律 (不是罐頭貨), 內裡有士多啤梨, 藍莓等, 店方一點也不吝嗇:)侍應服務勤快, 收碟快, 添水密, 朋友行開了, WAITER幫朋友摺好放於椅後的餐巾, 細心, 真是有點不好意思, 服務是俾滿分的食物有水準, 總好過款多但不好吃的酒店浪費食材, 用了7折劵, 折實不用$230/位, 這樣食品這樣的服務和環境, 又用爭食, 實在難得唯一覺得冷麵難吃, 及只包一杯啡/茶飲品, 如果有飲品吧提供果汁, 啡茶供客人自助就更好還未試過全部食物, 有機會仍會再來, 希望此優惠長做長有 多謝OPENRICE的優惠劵…查看更多

7月5日下午約咗朋友到沙田閒逛, 一見面, 邊度都唔去住, 食野先, 朋友要了煙肉蘑菇薯蓉餐(跟蒜蓉飽、忌廉湯)我就要咗吞拿魚,蒜香雞芝士蒜蓉飽餐(+$8轉cappuccino)得10-15mins我餐先到, 先黎咗一個外貌唔太似樣嘅cappuccino, 上面d泡打得唔多掂, 好在飲落味道像樣我的包按著送黎, 先食咗件雞肉蒜包, 法包即烘, 上面舖住溶化芝士, 中間夾著雞肉, 肉下搽上咗蒜蓉牛油, 牛油入晒脆包入面, 想唔好食....好難, 好似小pizza, 另一件吞拿魚口味亦如是, good朋友見我食得咁知味, 即"吹"order, 一"吹"即到, 先來忌廉湯和蒜蓉飽, 朋友都幾咀刁, 見冇投訴, 應該唔差, 讚飽鬆脆好味, 煙肉蘑菇薯蓉都送嚟, 朋友話好味道, 薯蓉好香, 夠滑, 芝士蘑菇牛油薯蓉呢個組合, 又係一個好難唔好食嘅配搭, 想失手都難:)唯一不滿係佢地用的餐具, 全部都係即棄, 唔環保, 令食客唔多唔少對店舖多咗d負面感覺, 同埋影響食客對公司的形象, 所以要扣佢分:(…查看更多

6月29日晚上 同朋友於朗豪睇完戲正正到咗晚飯時間, 已一早諗好今日到來食農夫包, 去到揀咗個牛腩農夫包, 而朋友就要了一個漁香茄子煲套餐:)農夫包有一個大湯碗咁大, 入面有幾嚿肉同肋, 約4:3, 冇話偏重一方, 咖喱汁另上, 來到時有d唔係好知應從可入手, 有膠手套, 又有刀匙叉??? 放了幾匙汁入包內(因包入面其實有乜汁), 叉咗幾嚿牛腩來食, 肋好焾, 肉都唔韌, 幾好食, 唔似有化學過, 之後就用手撕開個包點醬食, 麵包好脆, 我諗咖喱味道唔可以同印度, 南亞等呢類香料味重嘅咖哩相比, 呢家嘅咖哩辣味唔係好重, 感覺佢重味道香口多d, 辛辣就講不上, 而附送的羅宋湯一般...咖啡自己覺得是好飲, 只嫌佢奶多咗d, 如飲開即磨咖啡的朋友可能覺得佢冇咗飲咖啡時的獨有層次, 但佢呢種味道會令一d冇飲開咖啡的朋友覺得容易接受, 冇酸冇苦澀味, 只有咖啡香漁香茄子煲, 朋友的煲比我個包餐遲黎, 不過佢接過食物後, 只有中途時問過我要件牛腩, 之後就冇再理過我呢個行徑, 就知佢好享受緊佢個飯餐, 我食咗自己個包一半就收手, 眼望佢好專注食緊佢碗飯, 佢話好好味, 幾有鑊氣, 大讚咖啡同個茄子煲, 只嫌個中湯一般, 唔飲都冇損失, 同埋一碗飯唔夠佢餸(唔知有冇得加飯呢???下次問吓), 係油咗dd之外, 佢話咸咸香香好鬼正, 我諗此店小炒都應該唔錯:)成個包餐只食左一半, 好浪費, 我建議兩人食好d, 要一個人K.O佢都幾有難度, 下次會嚟食小菜, 不過自己唔會揀索油嘅茄子煲(怕肥), 會試吓其他…查看更多

是日同家姐行街, 點知旺角無啦啦落大雨, 吹怪風....就入咗譚仔食d野當唞陣同避雨!入到去原本想叫米線, 但見餐牌有新嘢推出咗, 就係酸辣粉, 仲只係賣$15/碗, 見隔離枱都食緊, 唔係好大碗, 啱晒依家下午茶時段食, 我就叫咗一碗食, 家姐就叫咗酸辣牛肉米線加炸醬, 另外叫多個土屝雞翼一齊食:), 仲有2杯凍飲我碗酸辣粉好快就到, d粉幾煙韌, 個湯唔算好辣, 而我就中意佢個湯夠酸, 有晒芫茜、炸菜、花生之類嘅材料, 好濃味, 就算佢唔俾另加餸就咁食都唔覺得齋, 最緊要唔會太大碗, 平時食佢d麻辣米線好大碗, 一係就食唔晒, 一係就lunch飽到收工, 呢個就啱啱好, 推介之於米線唔係我食, 家姐又冇投訴, 應該keep到水準, 土匪雞翼應該係即炸, d油唔係隔得好夠, 個皮有胡椒香, 幾香口!搵次再去大埔嗰間再試返個酸辣粉係咪一樣咁好食先得!…查看更多

6月9日(三) 睇完醫生經附近原本諗住到大Ｘ樂食個下午茶, 中途經過呢間就睇睇有咩啱食, 見有個雞脾餐都幾平, 同快餐店差唔多價錢, 又可以座得舒服D, 唔駛同D講股C奶爭位, 就入去嘆我嘅下午茶:)入到去都唔駛諗就叫咗個瑞士汁雞脾配沙律餐, 加熱奶茶1杯, 食物未嚟前侍應先幫我擺枱(餐具及清水), 清水本來想飲啖清清口乾, 埋到咀邊, 依....有生水味, 都係放低先 , 見得閒冇咩野攪, 我就幫侍應執手尾, 將餐具位置放返好D, 佢之前就咁放低左張紙巾係枱, 跟住就求求其其放D餐具係上面, 當然就放到歪歪斜斜啦, 然後就走人, 自己做人食品嘅見到都有D頂唔順, 點知拎起手油淋淋, 拿拿聲放落水度浸浸啦, 點知杯水即時濛晒嘩.....都唔知係洗潔精定係油嚟~到個餐嚟咗喇!唔多唔少有D陰影會望吓隻碟乾唔乾淨, 就咁睇就好似冇咩野咁, 食物味道正正常常, 冇咩特別, 雞脾唔太入味, 沙律係薯仔青瓜甘筍, 面頭裝飾嘅羅馬菜我就唔敢食, 擺到謝晒同發黑, 總言食物同飲品都好一般貨色, 不過如果有得揀, 我都係揀番快餐店就算, 正所謂令俾人知莫俾人見, 見到佢D餐具咁"嗱西"真係冇下次幫襯嘅機會佢...:(D服務又唔係好, 個個好似飛仔格, 一係就爛撻撻款咁, 係佢地D樣上面睇唔到禮貌兩個字, 食物、服務唔係特別好, 衛生又....諗唔住點解會仲有下次...…查看更多

4月5日 是日清明節同朋友來個即慶環島一天遊, 第一站就來到食串燒, 當然同行友人已先後食左魚旦同焗薯等嘅野啦, 我先啱啱開餐, 朋友話佢地呢度D串燒好正, 今日因假期關係, 超多人, 好多人係門口買完就企係度即食, 而我地等咗一陣就入去坐定定食野喇, 入到去先知原來堂食串燒加1蚊(每串), 仲有係今日人多關係, 好多需要長時間燒嘅食品都暫停供應, 粟米、雞翼等至愛都冇呀, 又有好多野整唔切, 一係就一出就俾人要晒, 一係就有排等....最後我地叫咗牛肉、雞柳、魚餅、魷魚(配沙爹汁), 基本上已叫晒舖頭現有嘅串燒款式...:(牛肉比較韌, 好似過咗火少少, 要咬好耐, 雞柳冇咩脂肪, 當然食落乾身D, 冇咩特別, 魷魚同魚餅就唔錯, 都幾好, 叫佢俾多兜汁佢地都好樂意, 覺得沙爹汁最好味, 另外試咗個辣汁, 都幾辣吓, 辣到食唔到食物嘅味道.....環境方面就較大油煙, 如果唔係食炒粉麵需要地方坐, 我都建議企出街食會好D, 味道我覺得不過不失, 一日未食到我想食嘅雞翼同粟米有D唔心息, 我都唔想俾個評語佢, 因為朋友都話佢地平時榻得好好味, 仲好多款揀, 可能今日假期關係所以先會失準, 有時都討厭呢D日子要同人逼, 都係搵日閒日再嚟食過先得…查看更多

呢度已經唔係我第一次幫襯, 平時食lunch有時都會嚟呢度, 炒粉麵同海南雞飯都食過, 不過自己實在太懶, 相愈儲愈多, 都係時候清清佢, 當然, 呢間都係一間非常值得稱讚嘅食肆。 5月18日晚上, 朋友回到大埔娘家, 順道一齊到附近行街街, 朋友問去邊食好, 選擇(1)夢工房, (2)金香, 兩間朋友都未去過, 就先去較近的金香睇睇餐牌, 見啱心水就入去2位女士食量有限, 見散听同套餐價差唔多, 就決定散叫餐:1. 馬拉盞炒河(碟頭餐+$6轉特飲椰汁紅豆冰)2. 蝦醬炒通菜3. 醃生蝦4. 冬蔭公(細)炒河食落一d都唔覺油, 碟頭份量冇咁大碟, 啱晒2個女仔食, 炒得均勻, 有鑊氣, 唔錯炒通菜蝦醬味唔算好濃郁, 不過冇咁多蝦醬就唔會過咸, 我自己幾中意, 不會食到咸到"嗱"咀醃生蝦, 朋友同我主要為咗佢先入去食, 因佢平過出面好多, 50蚊有找就有一碟, 出面九龍真係唔駛旨意用嚟個價錢食得到, 唔好以為平就冇好野, 蝦肉好厚身, 仲好爽, 係新鮮果種爽同彈牙, 唔係化學過, 不過唔知點解有8隻蝦, 9個蝦頭???蝦頭經過炸香, 好脆口, 直情成個食都得, 送酒就一流, 呢味係必食之選冬蔭公呢度做得唔錯, 入面有幾隻大蝦, 都幾鮮味, 但就唔係太辣, 可能佢蕃茄落得比較多, 中和咗d辣, 飲時亦都唔會太嗆喉, 正唔正宗我唔知, 不過老闆娘就係正宗泰國人黎, 仲好nice添架:)椰汁紅豆冰飲過出面好多, 但好多泰越菜館都唔掂, 成日溝水溝到淡晒, 仲要加錢, 呢度就冇偷工減料, 滿足晒我呢個椰子怪入面仲有好多野都好似好正, 而且平過出面好多, 可能始終做街坊生意, 但水準真係唔錯, 下次要約多d朋友黎食先可以試晒我想食嘅野, 好似明爐烏頭($5x), 泰式燒雞, 豬頸肉等等, 睇黎我好快就會再去幫襯lu~…查看更多

2月9日 農曆新年前夕同好多香港家庭一樣, 因要各自搵食, 好難於年三十晚一齊出現, 所以要特別"擇個吉日"一齊提早食團年飯....經過之前老豆做的reseach, 最後揀咗咪走雞, 貪佢平又抵食, 因平時有食佢d燒味同小菜, 所以都好放心覺得佢味道應該有保證:)成套除咗盆內食物外, 仲有2支汁俾客人食到中途唔夠湯時加, 仲有枝竹, 娃娃菜, 金菇等另上俾客食到中途加入, 連埋一個小湯殼, 呢個價錢黎講都算幾齊備, 當然唔可以同d過千蚊, 成set有餐具, 溫度計果d都俾埋你黎比啦最面頭嘅燒味唔錯, 始終自家做燒味質數唔會差得去邊, 鯪魚球都好味, 樣樣食物都好入味, 但個人口味覺得佢濃味咗d, 加咗半支汁後, 唔夠水我地都只係加沸水, 沖淡返d味, 如果中意食濃味嘅朋友, 可能會幾中意, 總括黎講, 好6百多價錢, 夠12位用嘅一餐, 其實都好超值, 而且味道都過得去, 可以試吓! …查看更多

清明節入南丫島行, 由碼頭行去洪聖爺灣路經建興, 人龍店, 見龍尾唔算好長(20個人), d人又食得快走得快, 就排吓, 試吓係咪同之前各人所講咁好食... 要了一碗熱豆腐花, 朋友拎到過黎, 睇睇表面係咪真係咁滑, 有粒粒唔均勻嘅色, 仲有好多白點仔, 好似落石膏粉攪唔勻咁, 落糖水..糖漿先真, 因為好甜好杰...落黃糖...又唔知點解會溝埋白沙糖入去, 唔知黃糖係咪貴咗, 一食...有燶味...過咗火:(???一路食, 我發覺成碗豆腐花, 佢用咗不超過3吓就"畢"好一碗, 豆腐花厚厚一層, 無咗平日食時一層層片住食嗰種過癮, 糖水都因為豆腐花太厚, 只流於最面同最底, 中間...sorry...一大嚿, 無隙能入..., 不過我知婆婆是冇錯的, 自家冇自吹自雷話自己的出品係頂級味道, 頂級製作, 要怪...就怪d人云亦云, 羊群心理的客人。 …查看更多

如果唔係朋友住呢度, 我諗自己都好難有機會入黎食返餐, 由早年一同共事時, 已推薦呢度的芝士蝦球伊麵, 是日專登上來聚聚(條邨都幾高吓, 係天鵝山腳), 終於可以試吓, 兩個女士食唔得多, 叫咗個指定伊麵, 加個冷盤-海浙拼嚑蹄, 菜-馬拉盞炒通菜, 飲品-凍檸茶兩杯, 就已一餐飯芝士蝦球伊麵-同朋友所講一樣, 芝士味香濃, 雞蛋黃色, 杰度適中, 蝦球大隻, 雖然知道唔係鮮貨, 但食落彈牙爽口, 冇雪藏味道同質感, 老實講, 依家好少酒樓做到呢個水準, 尤其個汁, 依家d酒樓好多都做得好差, 呢度顏色靚, 口感滑, 味夠香, 唔過杰又唔漿口, 估唔到會出至一個屋邨商場嘅茶餐廳, good馬拉盞炒通菜-是旦叫, 黎到仲好有鑊氣, 好香口海浙嚑蹄-海浙爽口, 來貨野, 粗身, 但自家調味唔錯, 嚑蹄好味凍檸茶-茶餐廳必勝之作, 如果唔好飲就執得, 冇得輸唔覺唔覺坐底傾計就成間茶餐廳爆晒棚(佢本身都幾大間), 見枱枱又點煲仔又點小菜, 好熱鬧, 食物鑊氣騰騰, 有機會要再黎…查看更多