yoyohkbu的个人专页

呢間分店嘅衛生、味道同埋服務都幾好。鍋貼外脆內軟 軟硬適中；服務態度也好，收銀姐姐唔單止親切有禮貌 而且會主動幫客人送餐 仲會主動叮囑客人如果飲筒不好插嘅話點樣做 簡簡單單一餐吃得好愉快。…查看更多

其他分店店員會將醬汁勻巡唧咗係麵包上 ，但呢間店嘅員工手勢好差，黃頭髮嘅local女店員淨係唧咗啲醬係麵包前三分之一嘅部份，食咗幾啖就完全冇味。而且佢整嘢食時係咁咳，經歷咗疫情都仲係咁，係對客人嘅極度不負責任和不尊重！同佢講嘢仲扮聽唔到，極冇禮貌。因為我係subway常客，希望店鋪keep住較好嘅食物質素同埋服務。用餐時間：九月五日晏晝…查看更多

係屋苑附近唯一嘅茶餐廳 於是迫於無奈幫襯過幾次 每次嗌唔同嘢食 但次次中伏 難食到一個點 而且杯杯碟碟永遠洗唔乾淨。幾個侍應姐姐態度都算ok，但有一個後生男侍應，永遠黑口黑面，上菜都係好冇禮貌咁求其一抌。亦唔識講「多謝」 次次收銀時粒聲唔出 仲好大力抌嘢搞出啲聲 好似邊個欠咗佢咁。永不再幫襯 食杯麵都好過食啲咁核突嘅嘢仲受埋氣。…查看更多

周日去幫襯 發現收銀嘅靚仔服務態度幾好 很有禮貌識講“多謝”； 有求必應冇任何不耐煩。總之係香港餐廳難得一遇嘅親切友善有禮貌。令人很驚喜 因為呢啲平價小店比起果啲收服務費嘅餐廳服務態度好太多。而且佢冇停手咁 很勤力 有前途嘅靚仔！…查看更多

因為係內地出名嘅餐廳 幕名而來 點知係中伏！麻辣香鍋完全唔麻唔辣！簡直係食之冇味！因為點嘅係午市商務套餐 所以裡面嘅配菜係固定冇得揀嘅 點知就係幾大塊薯仔幾條豆皮 三條花菜。咁都算了，最核突嘅係啲薯仔切成好大一塊仲唔㓟皮！我都懷疑冇冇洗過！侍應黑口黑面唔識笑。真係唔知咁樣嘅質素仲好意思貴過同類餐廳 應該會好快執！…查看更多

買外賣 給八達通不收只收現金 於是作罷講咗句「咁算了」估唔到個長發女店員居然用粗口回應！又冇落單又冇嘥嘢 至多係嘥佢幾秒鐘 落後就算了仲咁惡！咁已經唔係服務態度差嘅問題 簡直係香港之恥！…查看更多

因為就係屋企樓下商場 所以多次幫襯 用餐環境好舒服，啲嘢食keep住高質素。最扺贊嘅係服務，每次去 個個侍應都好有禮貌同親切友善，仲好有耐心俾客人任揀座位，每個侍應 無論上菜嘅、執枱嘅定係收銀嘅都會講「多謝」…查看更多

企係买单𠴱處嘅靚仔非常抵贊！睇到佢周圍忙，店長來嘅？一入到去就已經俾人好親切友善嘅感覺 之後落咗單想調位佢有啲為難但最尾都係幫手換咗並好快手執枱。幫襯咗茶木超過七年 之前有遇到過極冇禮貌嘅侍應令到我好耐唔想入去再受氣。今日又俾翻好感！以後都會多啲幫襯…查看更多

餐廳有一面大落地窗 窗外係餐廳嘅室外部分 有啲田園feel，整个餐廳裝修得簡潔大方雅致。無論係門口領位嘅定係點餐嘅侍應都很友好很有耐心。話佢知想坐窗邊就話「冇問題」，帶過去後好nice咁話隨便坐。点餐嘅侍應會好親切咁傾幾句。推薦牛肋骨餐，啲牛肉好軟好入味，冇錯好味！…查看更多

因為就係屋企樓下商場，成日經過覺得裝修冇錯先諗住去試吓，特登揀3点幾過去諗住少啲人坐得舒服啲 入到冇人招呼 於是揀咗一個心儀已久嘅靠窗位 坐低先有個女侍應行埋來好惡咁講「唔可以坐喺度 係四人枱」 整間餐廳得二枱客 其中明明就係一個男仔坐喺四人枱用住電腦！其余幾個枱都冇人！就算唔俾坐可唔可以客氣啲？咁差嘅服務態度係宜家嘅香港地都係少見了，又唔係茶餐廳，唔通真係攤你哋嘅野好食咩？既然係咁樣嘅服務就永遠唔會幫襯！偌大嘅商場得你一間餐廳咩？不知所謂…查看更多

從十幾年前第一次幫襯到宜家，食物質素與日俱減，惡劣嘅服務態度就與日俱增！每年也就食幾次，唔會係因為厭咗而係越來越唔好食！頭幾年每次去食，米線好味到湯汁都飲晒。宜家去食，次次食咗幾啖就唔想再食，湯汁也日漸稀寡。最難頂嘅係服務，都冇期望有好服務了，但呢排嘅收銀大媽簡直惡到一個點！永不幫襯！…查看更多

己經多次幫襯了，第一次係行街時被靠窗嘅座位吸引。壽司等都算好味，最好味嘅係炭燒羊架，肥瘦相宜，火候恰到好處，調料好入味。每次想食羊架都會第一時間諗到呢間，加埋侍應很有禮貌…查看更多

行街無意發現嘅餐廳 裝修好靚 坐得好舒服 又有無敵大窗戶。最滿意嘅係服務，無論男女侍應都很有禮貌，耐心又客氣，具備做服務行業嘅良好素質。會繼續幫襯，無論食飯定嘆咖啡甜品都係唔錯嘅選擇…查看更多

樓面冇禮貌仲窮凶惡極！落單嗰個極其不耐煩，好似要啲客求佢先落單；最惡嘅係一個短髮老女人，佢將碗碟好大力甩係枱面，話佢一句她就惡狠狠地望住你；之後就開始報復性地將所有餐具甩在各個檯面，故意搞到好大聲要拆房咁；同佢理論佢就會用最惡毒嘅說話爆晒粗口。唔知老板係唔係用極低價請嘅人，為咗趕客？！…查看更多

慕名而來滿意而歸。算九成正宗嘅川菜，好好味。試完晒全港麻辣香鍋，呢間算最好味了。最滿意嘅係服務態度，無論係落單嘅定係收銀嘅，都很有禮貌、很耐心、很親切、有求必應。…查看更多