goodchui的个人专页

係銅鑼灣逛到攰，想食少少野食，就再次去幸運星，希望繼續幸運，哈哈😄🌟見鋪頭外有搭棚裝修，但無影響客人光顧，可能因為黃色金光閃閃外觀，同好味，都好多人排隊係出邊買新鮮麵包。😼今次Lunch時間光顧，我堂食點了雞批和菠蘿包，配熱朱古力，非常很飽肚。雞批好足料，又熱騰騰，比想像中更好味道，但愈吃愈覺得咸左少少，吃了一半雞批，已飲了半杯朱古力。菠蘿包咬一口就喜歡，有傳統菠蘿包味道，麵包皮夠鬆軟，有空氣感，而且都是熱騰騰。沒有加任何餡料在內，但已很好吃，相當有水準。熱朱古力不過不失，味道應可再濃味一點。眼見各位顧客都多數點了菠蘿包吃，證明菠蘿包特別出色。👍🏼特別一提，一踏進來時已有職員前來帶位，表現積極勤奮，各職員經理都在不同位置投入工作，相當稱職，而且會留意客人，見客人一起身離開，會即主動收搭膳後物品餐具，快捷勤務，服務態度很好。有d職員仲會面帶笑容，唔錯，令客人都光顧開心。😺雞批$18和菠蘿包$12，熱朱古力$23。確實算貴過一般麵包店。但都物有所值，特別菠蘿包，很值$12。但熱朱古力不值$23，老實說麥當勞的熱朱古力好飲好多，所以希望味道可以再改善。雞批一入口味道吸引，雖然較咸，但都算是值$18。簡單講，好滿意的lunchBy Good Chui😼…查看更多

去旅行，係機場食埋晚飯先上機。咁多間美食，都係搵咗中式野食。我們叫了兩個牛腩麵套餐（$93），牛腩入味，但肉質偏硬和乾身，麵的鹼水味較重。蘿蔔牛腩飯餐（$110），蘿蔔清甜無渣，可惜牛腩肉質略嫌硬身，跟餐的白飯較硬。 豬軟骨飯餐（$110）味道不錯，豬軟骨夠入味和軟滑。跟餐的雲吞皮薄餡靚，咬開見到內餡飽滿多汁，有一隻鮮蝦，缺點是內餡的黑胡椒加得太多和湯底太鹹。整體來說，味道偏鹹，但池記的食物選擇在機場來說算多。喜歡有選擇：吃套餐的湯面可選幼面，米線，米粉或河粉。熱飲品種類較少，只有薏米水和香片。員工服務態度都很好，有禮貌。叫餐後有一個電子通知器提醒顧客取餐，客人唔駛站著等，可以先去佔位，咁好貼心。廚房煮菜速度快，等了五分鐘左右就可以取餐，好有效率，適合趕時間的旅客。而且機場的池記是開放式廚房，一眼就可望入去，見環境光亮，但廚具放得不太整齊，環境有點凌亂。見放在托盤的餐具都十分乾淨，拿上手沒有油膩，粘手的感覺，所以都吃得安心。一共叫了四個餐，因為我們叫了兩個最貴的餐（豬軟骨飯餐、蘿蔔牛腩飯餐）所以人均$100左右，對比機場內的其他餐廳，價錢算係較便宜而且適合香港人口味。所以價錢與食物份量都成正比，好飽肚，大家要到機場食飯可以考慮一下。…查看更多

飲過咁多間珍珠奶茶，我對KOI最失望😿⋯⋯經常流連太子旺角吃好西每次經過，眼見兩間KOI都係超多人排隊，我就算經過都會望幾眼以下大杯擺設，因為超可愛好吸精，但係......老老豆豆說，我飲到伏味(拉落去睇埋）今次一試便知龍與鳳......可能其他飲品係好飲過這杯黃金珍珠奶茶掛😼$19 黃金珍珠奶茶 係細杯裝，大杯裝要$23啦好彩我點了細杯，好耐未試過飲幾啖就要掉左杯野飲我只能說，我輸了..粒粒的黃金珍珠比較難咬，最差係奶茶味是伏味，仲要係濃（指伏味濃）完全無茶味，好似我n年前曾番過大陸買過的$1蚊珍珠奶茶，好清水味感覺，真的不堪回首原本想去天仁茗茶買過杯珍珠奶茶飲，但錢已花，深感不值，將KOI列入不會再光顧的字典裡，句號By 😼…查看更多

環境坐得舒服係好正，Lunch時間來通常有位，但最穩陣係先訂位啦食物有水準呀睇晒d圖就應該會feel到幾好味呀😸先講單點個沙律，係會有專人推架車仔來，係你面前整，好態度問客要加幾多油同配料落沙律如果食套餐，可選跟湯定自選沙律，點沙律亦都係有專人推架車仔黎，車上已擺放好多盤唔同的沙律，好吸引的（下次一定要影埋架車仔）無論係厨師定待應，服務態度都好好，值得like👍🏼到講個主菜，賣相吸精😻係牛肉愛好者嘅我，吃晒一整塊，連薯仔配菜都吃光，一個字，大滿足因為牛肉好淋，個汁好夾，忌廉薯仔好味，d配菜又新鮮，哈，贊不絕口雖然食完個主菜已經會好飽，但都唔會想唔食甜品，因為一見到推架甜品車仔黎，就會想食，都係果句，太開心嘅關係唔記得影d車仔相，下次再黎食要補番影，甜品超級級好好味，有好多款任選，生果都係如果可以我想每個月都食一次，但lunch黎講，價錢都唔算平，約四百蚊一位By Good Chui😸…查看更多

要先到收銀處落單，再自行去比飛等拎食物，過程幾快，6分鐘內就有得食啦:)點左個常餐，腸仔炒蛋，加五香肉丁公仔麵 配吉列豬扒 飲凍奶茶 $51價錢就一般啦，唔算係低食但如果唔係好肚餓，可以兩個人食一個常餐賣相都唔錯，唯獨腸仔好油炸feel，其他食物飲品都ok呀而且地方夠大，有卡位坐，可以坐得好舒服，都適合三五知己傾計吹水，係間算幾好嘅茶餐廳，都比贊啦👍🏼By Good Chui😸…查看更多

係銅鑼灣見到有間黃色好搶眼嘅食肆，比裝修吸引左，就同朋友走入去食。個店名好得意叫幸運星，希望食完都會好幸運😆先講價錢算係合理，而且我食完一個套餐好夠飽。有圖有真相😹先放張令我嘩左的主菜相，侍應一擺低我已經嘩咗一聲，竟然出奇地多海鮮，呢個海鮮石鍋稻庭烏冬好物有所值喎，賣相very吸引個凍奶茶都好好飲，而且用個長瓶裝着好特別朋友點了雜果賓治都說好飲配埋個溫泉蛋牛肉石鍋飯好襯兩個人食可以互相分享，超鍾意吃有溫泉蛋的飯😆牛肉嫩口個汁都正，出奇地超好味，值得推介！提番個餐仲有個小食，我選左溫泉蛋沙律，個沙律汁幾特別，同平時食嘅沙律汁唔同，我幾喜歡😻同埋值得提個甜品綠茶雪糕芭菲，一個字，正！D職員服務都有善唔錯，加分😼👍🏼而店內外裝修都好整齊乾淨，特別一提洗手間個設計幾有心思，去到可以參觀下，哈哈By Good Chui😽…查看更多

先講價錢，任食任飲埋單總平均人頭收費要$293食物質素同價錢算相對😼由於今次係同幾位好耐無聚的舊朋友相聚，無影食物，但我地係網上見以下圖吸引而黎的，係好吸引的😻😺海鮮值得讚，鮑魚不停郁very新鮮，牛肉好吃*唯一覺得d刺身不是很新鮮好食重點：野食品質係有水準的（我地傾計多過食野，所以點左唔多野食，最享受第一輪的美食😸*第一輪的野食永遠是最好最吸引最理想的✊🏼）*可以坐好耐唔會趕客走*夏天好去處（冷氣非常大）*服務態度幾好（特別謝謝幫我地影相的職員👨‍💼自動多角度拍攝三張，好專業啊😻）美好的一晚，給5🌟By Good Chui😸…查看更多

睇住位師傅整：8成豆腐花+1成都冇的芝麻糊（得幾湯匙，好矜貴似的😂😆）先講感覺，由好期待，到睇到實物，$15碗芝麻糊豆花，有點唔值🤦🏻‍♀️如果芝麻糊同豆腐花的比例平均點會食得開心d最失望是豆腐花唔滑，係食緊好膏狀的豆腐花😰連芝麻糊都唔係流質，黐實一嚿嚿🙁諗緊會否是昨晚賣唔晒的料🙀明明已是下午1點，會否為左賺多點，而唔掉賣唔晒的加落第二日一齊用？🤢始終都係豆類製品，希望是新鮮在後巷食，有蟻蚊子烏蠅都正常，但少不免會影響胃口😹人流算多，但本人唔會再幫襯By 😼…查看更多

好吸引的環境，喜歡海賊王的一定要來！晚上9:00有特別片段播放😍先講食物，有好多靚靚的主題美食同飲料，雖然價錢唔算便宜，但賣相相當吸引，唔捨得食落口，一食會好開心好似同路飛船長一齊食緊😚（店內裝修設計超讚，拉落去慢慢睇住相先）好想點多d來試食，但價錢較貴，所以點了兩款，草帽咖哩飯超好食，肉味夠咖哩汁濃郁，賣相同食個環境已經夠正😜😘配上特別的喬巴棉花糖雞蛋仔好好好開胃，會諗起主角之一喬巴的可愛💋如果免費可試晒咁多款美食同飲品，我期待食肥d，本身瘦底，如有機會再來食，一定會試試飲品，看似好吸引！各位記得要影相😍有真人咁高的主角們活現眼前，超吸精🤩仲有女仔都特別喜歡的..喬巴bb😘發現小時候的路飛🤩見最多人同骷髏骨布魯克影相，我都好喜歡佢😻仲有好多位主角，大家到現場看啦，好開心的晚餐😻By Good Chui…查看更多

旺角池記品質旺角鬧市中逛逛下朗豪坊肚餓，未諗到食咩，又想食麵又想食飯又想食粥又想食糖水，仲未決定到，就入一間有齊粥粉麵飯糖水的中菜店，咁就可以滿足到朋友想食飯我突然又想食粥的要求。朋友點了五寶湯河，配小食炸雲吞，飲凍薏米水，見他食得津津有味，應該味道不錯。我點了艇仔粥，配香炸雞翼，飲熱豆漿，好夠飽肚。 粥底夠綿，雞翼香脆可口，配埋熱豆漿飲，冬天啱晒。服務收銀的忙著收銀，帶位的又忙著眼望店內位置不停帶位，朗豪坊鬧市區特別多客人，眼見每位員工都在崗位盡忠職守，又面帶笑容，這種服務態度很好。清潔店內同店外清潔環境都很好，完全沒有垃圾同水積，令人食得放心又舒適。記得以前來光顧裝修是有一面牆有齊十二生肖的牆畫，現在是以金色為主的麵，有動感又令人想食招牌麵的衝勁，裝修設計得很好，最重要是牆身乾淨，餐具同杯碗都很衛生，令人會想坐耐點慢慢享受美食。價錢星期六假期來食比平日下午茶食要貴少少，平均每人$80食到一個套餐，有得選擇粥粉麵飯加小食或糖水，合理過附近的食店。By Good Chui…查看更多

尖沙咀池記品質最喜歡吃牛筋雲吞麵，品質有保證，足料又好味。可配小食，選了吉列豬扒，夠脆香口配上甜酸醬，好好味。二人吃，可以共同分享試多點，點了另一套餐：蘿蔔豬軟骨菜飯，又是好足料，蘿蔔好入味，豬軟骨啖啖肉，驚喜good，配菜飯夠健康！可惜豆漿有雪藏味，薏米水少咗薑味。枱面有xo醬任加，配紅油三寶原來超夾。服務晚市好多客人，員工非常忙碌，但工作效率快速，全部員工好配合，廚房出菜夠快，值得讚！眼見八成是中國內地客人，員工國語出奇地好，對答如流，態度親切，好難得。清潔店內除了空調不足，令人有侷促的感覺，清潔環境都算不錯，惜洗手間在後巷，地下較多積水。價錢尖沙咀區來說，每位消費平均$80算合理。套餐有得選吃麵、飯、粥，配小食或糖水，最重要是吃得好飽肚。整體而言，評分比四星啦！…查看更多

美麗華商場消費算高，但這間食肆算幾便宜，用銀聯付款滿$300仲有7折。但要自行到收銀處付款落單，其女服務員態度非常差！不過食物質素算不錯，先睇圖：1664好飲就當然冇得輸！旋風薯條同洋蔥圈可以配酒very good！但旋風薯條不算好吃，洋蔥圈係樣唔錯，味道就不過不失啦。我們兩個人吃，點了一個煙肉芝士牛肉漢堡，同一個牛油果醬芝士牛肉漢堡，賣相相當吸引，醬汁夠，足料，特別要讚牛肉漢堡好吃，芝士味夠濃，芝士溶喺塊牛肉度超正！最怕吃一些芝士同料完全分開夾在包中。PS. 吃晚餐不錯，飲杯啤酒一邊吃漢堡或小食幾有feel！By Good Chui …查看更多

食過好多間龜苓膏，這間最重口味，味道好濃烈，如果吃得苦中苦的苦味，真係要試下，口講好難表達，要形容就係真係有苦盡甘來的味道，要親身試一試先知苦嘅味道係點樣苦同點苦得來有甘味。講多無謂，睇相先感受下苦的滋味！苦味、甘味、藥材味，一盅有齊。如果吃過其他店的龜苓膏，不妨試下這間，會覺得真係特別苦（可能係味道濃）PS. 據說吃了會皮膚好點，又可清熱氣，總是有好處，希望是真的會，期待其功效！By Good Chui…查看更多

香港的幾間鼎泰豐，我最愛尖沙咀美麗華這間，因為坐得最舒服，人客比尖沙咀新港那間較少，環境一樣咁清潔，令人坐得舒適！今次我和閨蜜二人去吃下午茶，點了兩杯凍豆漿，一份粉皮肉、一碗麵、一籠小籠包，吃得滿足。總覺得鼎泰豐的麵條很好吃，無論湯麵、伴麵都很棒！一定要試的係小籠包，因為係好味！今次覺得值得一提係這個小食蒜香粉皮肉，很特別，配料很好，具色、香、味齊全！雖然價錢唔算很便宜，兩個人要食飽要大約花費$130，講緊下午茶。如果晚上吃，應該要點多一個餸菜才夠。但總括來講，除左店內洗手間遲遲未修理好之外，食物、環境、服務都係很好，價錢如果有優惠推出，一定更多支持者！By Good Chui…查看更多

金華已經成為港人、旅客都會光顧的老店，哈，我食過N次，但每次都很喜歡，雖然服務態度一般，坐都坐得不太好，特別四人位很迫，但會享受食物！奶茶冇得輸，無論凍熱都是依舊咁好飲；夏天可以飲很多飲品，試左菠蘿冰，味道就一般；齋啡就不過不失；菠蘿油好食，我都係食晒一個就夠飽肚。其實若果服務態度盡可能好多點，會更加分，左邊間金華態度明顯係差過新開的那間，態度禮貌做好多d，會更加讚，希望舊店多多改善。By Good Chui…查看更多