shirley1001的个人专页

有日經過附近 見Openrice 咁多好評就即管入嚟試一試叫左呢度熱門嘅龍蝦湯配牛油果大蝦稻庭烏冬同煙三文魚炒蛋牛角包窩夫再加2杯americano 4樣野落單之後唔夠5分鐘就到齊哂令我地十分驚嘆佢地嘅準備加上菜嘅速度!!!對於一間似係標榜「打卡cafe」嘅咖啡 我地都無太大嘅期望 但都對佢出一杯好似水一般嘅「咖啡」都十分失望再者2樣主食嚟到嘅都唔算熱龍蝦湯屬於暖湯而Croffle 更加係凍嘅…..凍嘅Croffle可想而知係又唔脆 又唔香而上面嘅炒蛋 炒得過熟之餘 又硬又凍….煙三文魚係無味….成個食落完全一樣味都無個稻庭烏冬又煮得太耐 一夾就爛牛油果配呢個烏冬更加係畫蛇添足 個味完全唔夾…我地一致認為好耐都未試過一間咁無heart 嘅餐廳無論係service定食物質素方面 都完全係唔想做嘅態度 呢個價錢我相信會有更多真係打到卡又有heart 做嘅小店可以選擇👎🏻…查看更多

讀書既時候最鍾意就係隔日去九龍城食泰國野出左黎之後 愈來愈少食泰國菜因為覺得除左九龍城既泰國菜 出到城既都又貴又唔好食今日突然好想食泰國菜 就入左去九龍城！試左一間好耐以前試過唔錯既鳳爪沙律係我去食泰國嘢必叫嘅因為好少會食到無骨鳳爪 而且泰式嘅沙律酸酸辣辣好開胃每間泰國嘢嘅沙律配菜都唔一樣呢間依家入咗檸檬葉感覺好新鮮仲有少少嘅檸檬味 唔錯炸皮蛋球係呢間舖頭多人推薦嘅菜式係炸蝦餅同皮蛋球之間 我哋揀咗炸皮蛋球呢碟菜一放低已經聞到好香而且佢啱啱炸起熱辣辣皮蛋球出邊嗰個正正就係用厚厚蝦餅包住抵食又好食椰菜苗唔係間間舖頭都有得食但通常九龍城嘅泰國嘢都一定會有所以又係必叫 唔食得辣既朋友都話好香 好食呢知炒飯 芒果就好多喇 但蟹肉就唔算好多 唔算好重蟹肉味 但炒飯都幾乾身食泰國野點炒得咖喱呢 呢個咖喱唔辣 好香大蜆隻隻都好大隻 好新鮮 正今次就叫左薄餅點咖喱 唔好哂哂咖喱既精華個薄餅熱辣辣 亦好有麵粉香呢兩杯沙冰就不過不失 唔甜 帶有陣陣既水果味 但唔算濃中和番泰國菜既濃味 岩岩好值得一讚既係 呢間餐廳上菜既速度神速一落完單 唔夠10分鐘就上菜值唔代表佢整定喎 因為碟碟菜都熱辣辣仲有d侍應個個都好好禮貌 抵讚…查看更多

今日行完尖沙咀突然間好想食壽司咁就趁冇咁多人嘅時候就食咗個early dinner一入去個店員同我哋講今日full Booking但好彩我哋早黎 可以sip一sip 一個鐘後交檯就無問題又好好彩俾我地坐到吧檯 睇住師傅切野 幾正一坐低叫咗杯啤酒 Draft beer 做緊promotion 好抵然後叫咗一碟刺身同埋十貫目好有驚喜 竟然有螢光尤魚啲刺身全部都好新鮮 解凍嘅溫度亦都啱啱好值得一讚係壽司係用赤酢 個飯溫度同味道都好好 以呢個價錢食到呢個質素 絕對值得再黎！而呢個鹽燒油金魚骹 都係一般野啦 好難唔好食既 下次要認真book檯試多d刺身同壽司先…查看更多

自從疫症出現咗邊爐家族之後就好耐冇打過邊爐喇趁着而家情況緩和左少少 又係時候解既邊爐引一坐低店員就送咗一個麻辣雲耳俾我哋作為一個免費嘅小食佢簡直係超班雲耳醃得好入味好香好麻辣 好開胃今次嚟到叫咗個招牌鮮椰青鍋 個湯超有椰子香味而且佢嘅雞應該有份量都唔少 應該有差唔多半隻佢個雞食落好滑亦都好有雞味 呢個牛雪花好靚 食落口有少少入口即溶但相比之下牛味未話係好重 但以呢個價錢黎通 分量都算幾唔少脆肉鯇好新鮮但今日有少少唔好彩 因為今日切到俾我地既位 有一半都有好大舊骨但其餘既都好好食呢個黑松露蟹子魚蓉面好有驚喜男朋友好怕黑松露味佢都覺得好好食黑松露個味配得啱啱好 3樣野加埋一齊好夾 好食 分量又多 食極都仲有！相比之下呢蝦滑就比下去嚟到嘅時候蝦滑未完全解凍 入邊都仲係冰嚟而蝦仲有少少腥味 除此之外仲叫咗兩個小食呢個黃金炸魚皮非常好食無論佢係就咁食定係佢放落湯浸一陣都好好食另外呢個花雕鴨舌亦都好入味係打邊爐樣樣野都咁重口味下 佢算係清清地 清下口腔濃味既一碟青檸梳打都有驚喜！唔算好甜 一路打邊爐一路飲 有種清油膩既感覺值得一試…查看更多

自從去過印度旅行食過酒店入邊嘅印度菜喺香港周不時都會想食印度野今次去開大杭就search到一間印度餐廳佢有好多分店似乎都唔錯就走咗入去食雖然間舖頭細細但係都Keep住好多人買外賣 同幾台客人所以都好有信心會好食點完菜 餐廳會送幾塊papad 俾客人做前菜佢四款我最鍾意就係mint! 即係綠色個個 Mint 配上咸咸地既papad 簡直一絕！呢個samosa 有啲似中式嘅春卷入邊包住啲咖喱薯仔我就一般般啦呢個係masala lamb 佢既masala 好香 唔會話好辣 而羊亦煮到好林 亦唔會有so味！Butter chicken 係我印度菜中既最愛佢雖然好肥 但真係好好食個雞用香料醃到好入味 好林但比起印度當地食既 佢略嫌落少左少少牛油 所以相對起無咁漏 但同時亦無咁香！叫得咖喱點少得naan!佢咁樣吊起塊garlic naan 除左好igable 之外亦防止左啲水氣放喺個兜度倒吸落塊naan度變林所以佢呢塊naan 好熱辣辣亦都好脆好香食完個garlic naan男朋友都仲係覺得唔夠喉仲加咗呢個butter naan 呢個mango lasi 唔算好甜Lasi微微既酸味 中和番印度咖喱既重口味比起啤酒同汽水更加夾值得一讚嘅係呢度好貼心上台既時候會好個蠟燭仔係個兜下面warm住個咖喱等佢唔會咁快凍咖喱食落都唔會好快好漏…查看更多

呢間杜老誌大飯店嘅裝修好有80年代老香港既風味餐廳每一個角落都有好多唔同嘅裝飾而水吧嘅位呢就裝修到好似出邊大排檔咁樣別有一番風味我地食飯個日 人唔算好多所以坐得好闊落d待應服務都唔錯 幾細心 得閒會幫我地換下碟咁雖然食緊大排檔 但都有餐廳既服務架呢個臭豆腐係男朋友要食我自己就唔係好食碟豆腐一嚟到勁臭我都勉強食咗兩舊聞落就臭喇但係食落都還可以接受嘅 加上我點左大量嘅甜醬蓋一概咗佢個味男朋友話呢一個臭豆腐都幾好食然之後係柚子骨呢個價錢來講都算好大碟啲骨炸得好脆 而且呢個柚子骨上面真係有一啲新鮮嘅柚子肉都幾新奇嘅 但係呢我就覺得啲汁有D偏酸左少少 你都大排檔點會唔食椒鹽鮮尤呢呢個魷魚鬚嘅份量都幾多而且炸得好脆亦都冇油益幾好食嘅全餐飯最好食就係呢個水蛋d花甲全部都好新鮮而且呢個水蛋蒸得好滑 好好食每人送到一個飯啊而呢個焗西米布甸呢 幾足料 但如果佢再甜多少少就更加好喇！…查看更多

同男友今日好晏先食lunch 所以到夜晚唔算太肚餓但又好想食刺身既關係黎左呢間活一鮮雖然佢位置比較入少少 但佢有好多Fans架 walkin等左大半個鐘入面既員工都好好人好好禮貌 叫你留低電話有檯就打俾你 食左其他野都唔緊要咁話北角無乜野做唯有係門口等啦入面去舖頭唔大 所以坐得幾迫但有少少日本居酒屋既感覺當日唔算太肚餓 所以淨係叫左4樣野 已經好飽首先講左帶子群邊 呢個係我男友至愛 少少辣送酒一流而帶子海膽卷 個帶子膽海膽都好鮮甜配搭好fresh 好食係個飯略嫌lim左少少 如果無咁濕會更加好食呢度既刺身無得輸 呢個價錢食都呢個質素簡直係爆分！個油甘魚腩厚切到呢 解凍既時間岩岩好 唔好凍到好實肉 亦唔會暖到唔新鮮個油香勁到 舉腳大讚吞拿魚都好好食 當然啦 佢有toro 既話就更好啦我地下次會留定肚再黎 試多d野食同飲下佢D sake先…查看更多

呢晚同男朋友諗唔到食咩又去左胡爐打邊爐呢間邊爐應該係我地近來回頭率最高既貪佢d野 大大碟 又新鮮 每次坐底 都係食d食過番尋味既野次次都無令我地失望 keep到一貫水準抵我地番轉頭食你！今次叫左個魚翅花膠雞湯底非常足料 個湯超濃 好入味食左d湯料都飽左一半再黎係手切牛頸脊 牛味重 雪花平均 encore呀 唔該！而脆肉鯇 亦都非常新鮮 師傅切魚既厚度亦都非常好食落勁有口感胡爐一向既即食炸物都做得唔錯黃金炸魚皮 即叫即炸 超正！即食又或者係浸2秒湯 食落既感覺完全唔一樣而老友鬼鬼 墨魚滑多到並唔欺場 加埋個泰式辣醬 配啤酒 一流！而呢個黑松露蟹肉餃就一般般我自己覺得黑松露始終配西餐多啲放落個餃度打邊爐 有少少夾硬黎 不了不了總括黎講 除左個古怪餃之外其他野 舉手舉埋腳都要再encore!…查看更多

呢一兩年係香港好興食慢煮因為以慢煮嘅方式煮可以保留到佢既肉汁同嫩度今次黎到呢間專食慢煮既餐廳挑戰一下呢間餐廳嘅選擇唔算好多主要就係各種既慢煮肉同side dish價錢非常之平民化食個扒都只係百零蚊 抵啦 岩哂D食肉獸今次我哋就叫咗安格斯頂級平鐵排同埋48小時羊後膝黎到個份量就唔算太大細細件 一個人叫一個main可能都未必夠飽但佢個牛扒呢都算幾好食有肉汁之餘個牛味都幾重嘅但係個羊後膝呢 羊味唔算太重 肉係幾嫩滑但佢嘅調味就可以重番少少 食食下覺得差咁少少除此之外 我哋仲叫咗3個side dish分別係芝士溫泉蛋大啡菇 炸蕃薯條同埋芝士忌廉波菜苗 各樣野都不過不失啦係番薯條配左個黑松露醬都唔錯嘅…查看更多

聽朋友講呢間餐廳好有去日本既感覺師傅好多都係日本黎 非常有水準今日下晝咁岩去到銅鑼灣就揀到黎天勝食個lunch 見到個餐牌唔算好貴 但可能係lunch選擇唔算好多我今次叫左個刺身定食黎到個份量都唔少 有哂沙律 咸菜 麵豉湯 蒸蛋同埋甜品個丼有帆立貝三文魚子海膽同埋蟹腳 組合唔算特別 但用料非常新鮮而且佢啲刺身解凍既溫度非常好 而佢既飯係屬於偏酸既 日本醋味好重我個人就好鍾意 係香港好少會食到 佢個飯偏酸令到佢嘅刺身唔會太膩鍾意食呢種飯嘅人 我非常推介嚟呢度試吓最後以日本哈密瓜作結 簡直完美！…查看更多

依家好怕去香港嘅酒樓尤其是大型連鎖嗰啲好多時啲點心都係由大陸整完一車車咁車落嚟喺香港整熱 完全唔好食嘅但今日嚟到彩福令我食到久違優質既點心好耐未食過d咁好食嘅腸粉腸粉正嘅時間啱啱好佢嘅粉皮唔會好淋 仲好實淨 以佢嘅餡料亦都啱啱好 唯一彈嘅係佢嘅份量太少喇 呢度嘅份量應該係得一條腸粉只不過係將佢切開左原隻鮑魚燒賣王 正嘅佢燒賣亦都冇乜肥豬肉 但係鮑魚應該呢就係噱頭嘢嚟嘅 其實可以唔需要嘅而呢個芝心海皇春卷都好好食而且佢份量好多食得多有啲滯食得出佢係新鮮炸嘅因為熱辣辣而且無油益油 抵讚蝦餃我童叟無欺 呢隻蝦餃都有兩大隻蝦而叉燒包呢就冇乜特別 下次都唔使再叫了反而想試吓佢得獎嘅奶皇包呢間彩福真係好唔錯即使佢午市坐滿晒人 服務都非常好而且佢嘅點心呢 即叫即蒸唔會蒸過龍 樣樣野時間都好啱啱好唔會蒸到d點心上面比水蒸汽搞到濕哂 或者太淋 冇錯呀呢啲咁簡單咁Basic嘅嘢而家好多大型既酒樓都做唔到 呢間值得encore…查看更多

我家既公公婆婆係正宗海豐人所以由細到大都食慣汕尾既家鄉菜自從佢地走左之後一直都掛住個個味道有日經過呢間標榜食汕尾小食嘅餐廳即管入去試試佢嘅真偽店主好有心 怕香港人唔知道汕尾有啲咩食佢係鋪頭裡面寫左部分小食詳細介紹客人唔需要睇完個餐牌都唔知嗰樣係咩黎嘅嗰日係午飯時間 所以我哋兩個人叫咗好多嘢食但佢樣樣野都唔算太貴都幾抵食呢個係海豐小米 類似粉果咁但係入面剩係得豬肉嘅啫 配埋佢嘅醬油膏非常之夾 好食菜茶係我兒時最愛佢係由唔同嘅蔬菜同埋魷魚乾臘腸花生等等一齊整嘅 非常之香亦都好正宗同埋佢最正既係冇咗我最怕嘅芹菜 個日幾想嗌多一碗encore而呢個就係佢招牌嘅米腸呢個反而唔太合我口味 因為我比較鍾意廣東嘅腸粉香啲同埋實淨啲 呢個略嫌有啲太淋不過都可以一試 可能你會喜歡呢講到潮州 點會唔識佢嘅潮州手打牛丸啦唔使講 冇得頂而呢個牙籤雞呢 都好食好香口配埋泰式辣醬 正呀其實我仲有好多嘢想食㗎因為每一樣野都好好食 好有家鄉嘅味道好有童年嘅回憶下次我一定會帶我阿媽再黎…查看更多

呢排好想食西班牙野但係又唔想自己煮咁就當然係出去俾錢食啦我地叫左個crab cake 烤乳豬同海鮮墨汁paella Crab cake 裡面食到少少既蟹肉而佢配既tomato salsa 中和左個油膩呢個西班牙烤乳豬老實講真係有啲失望嘅因為佢嘅份量實在太少喇 佢差唔多成$300但係兩個人食都覺得太少喇但係佢嘅酸菜係做得唔錯嘅而呢個墨魚汁海鮮paella 都唔錯佢既飯做得唔太林 亦唔會過硬墨魚汁既味都幾出而海鮮食得出食急凍海鮮 但唔會腥 …查看更多

男朋友咁岩黎到深水埗買野經過見到呢間海鮮火鍋價錢幾平就入去試試佢每位二百令蚊 有8種唔同海鮮 同6種其他配料 幾抵食 而佢啲座位都幾闊落雖然嗰一日都幾滿下但係唔會坐得好迫我哋今次叫咗個椰子雞湯循例嚟咗個湯都飲下個湯先都幾清幾重椰子味嘅 而且佢個雞都幾滑唔錯海鮮嘅份量都唔少 配那個椰子雞湯底 好香雖然佢嘅海鮮係重點推介但係其實佢啲配料都唔差我哋叫咗個肥牛同埋西班牙梅頭肉唔hea架 分量唔少之餘都幾好食值得一讚嘅係佢啲員工服務嘅態度幾好佢哋好勤力咁樣清走客人食完海鮮既殻令你食完唔會成檯都係野…查看更多

事隔幾個月我哋又掛住呢度既野食咁啱朋友join我同男朋友一齊食飯見到三個人 咁樣可以叫多幾樣野試吓 就book咗枱打邊爐上次試過椰子鮮雞鍋今次我哋就叫咗卜卜蜆鮮蟹魚湯鍋同樣地佢都會有一個侍應嚟幫你加酒點火令到個鍋裏面嘅海鮮更加鮮味侍應更加會提醒我哋先飲咗幾碗湯先再慢慢開始打邊爐咁樣先會試到個湯底嘅鮮味個湯勁大陣蟹膏味 非常之鮮甜我哋每人都飲咗兩碗 飲到個湯差唔多冇晒要佢加湯先打到邊爐要讚一讚佢嘅卜卜蜆同蟹都非常新鮮卜卜蜆亦非常乾淨 無沙朋友堅持打邊爐一定要食手切肥牛所以我哋叫咗一個細嘅黎到個份量都唔少架3個人食極都仲有 佢嘅雪花分布非常平均 而且好有牛味然後我哋再叫咗個手打芝心牛丸同手工魚皮餃芝心牛丸非常彈牙 而魚皮餃呢都唔錯但佢價錢有啲貴下次都未必會再叫啦佢細份嘅得四舊 CP值唔高不如留肚食其他好過仲有就係紫菜響鈴聽聞呢個係招牌菜 即叫即炸嘅當然要試吓啦黎到既時候侍應叫我地先試吓唔浸湯嘅咁樣試吓佢本身個味 佢唔浸湯食呢係非常之香嘅 熱辣辣吹卜卜冇諗過響鈴同紫菜係可以咁夾嘅浸完湯發現佢嘅味變到唔一樣食到到湯嘅鮮味之餘亦都有紫菜味好得意 果然係招牌菜食到差唔多八九成飽啦侍應見我哋仲飲緊啤酒就介紹我哋食黃金炸魚皮佢話係唔食唔得㗎見到佢講到咁好食我哋即刻叫咗一碟黎試試等左好耐因為佢都係即叫即炸嘅一上到枱超級香嘅鹹蛋味個個都忍唔住夾咗1塊趁熱食超級好食呀 驚為天人佢同出邊一包包嘅唔一樣 佢係用鮮魚皮炸嘅所以食落係有脆骨而且好大陣嘅魚味 非常新鮮上邊嘅鹹蛋係掛係每1塊嘅炸魚皮上面 果然冇介紹錯啊 諗返起都想再去食雖然胡爐係偏貴嘅新港式邊爐但係我覺得無論係服務定係食物嘅質素都係物超所值我食過兩次！ 我深信我係再黎食…查看更多