KAMMYBLUE的个人专页

聽朋友介紹就黎左同插畫界及NGO嘅朋友黎一嚐燒雞有種相熟感，帶興奮。隻燒雞上碟黎到 真係皮脆肉嫩！好juicy 薯條同沙律雖然只係普通既配菜，但唔失色。一行8人叫左4份半隻雞，之後都無雞食，而荷葉蒸雞、牛仔骨等其他食物都不錯聽講新開左唔夠一年，整體好多野都好好，尤其服務，樓面收銀都好有禮、係咁幫我地加位合枱，好快手好有動力，感覺好窩心，依家真係好少見，而且有人情味。小妹都唔好意思漏左張單佢都好好肯影相WhatsApp返俾我地claim數今次一行人好多人想食燒雞但賣晒，佢地好好叫我地下次黎打定電話留 真係唔好意思我地人太多，好食之人總愛相聚同好。…查看更多

2017年後每年都會到一到坪洲走個圈的小編，終於今年試下體驗幾日坪洲生活。算係冒水餃之名而來，才發現已停賣3年印象中以前檔側邊有賣雞蛋仔，以前成日聽人講柴魚花生粥好食，以前好多時只係經過無乜坐低食嘢，一年作一次半日遊客邊有咁多時候坐低食嘢呢？轉左車仔麵的歷程由來，老闆娘細心講說，人情味這樣來😊 小店故事、變化，坪洲生態、情懷，隨時代轉變，因疫情改變，也因年輕一代、街坊子女成長而變動。看似簡單的一碗麵，卻是濃濃情，辣腩汁湯底真係好好味，我呢位喜歡食車仔麵既人，不禁要大讚一下，甜美、辣度適中，有餡的魚丸、豬肉丸都好夠味，白蘿蔔夠淋又清甜，大腸爽嫩，係有75分以上既簡單美食。呢份美味對比市區嘅名牌車仔麵，其實更勝一籌，有一種家的溫情，其實坪洲好多小店都係街坊生意，營業時間相對收得早，暫時未被開發為旅遊勝地尚有生活風味。平衡式的港人生活，可能買少見少，仍然專注係家人、個人成長的心意，係快速嘅城市越見迷失，唯有稍為不變的鄉郊、島嶼，才可能找回活著有意義的真諦。唔知下次再嚟，老闆娘又轉左咩新搞作呢？聽講車仔麵之前既紅燒牛肉麵都好深得民心，好多讚好😊 希望 呢份美味、人情，無論世界怎麼改變，都可以繼續不變。…查看更多

朋友推介更親自邀請來品嚐:)週日完左崇拜走來，十二點半剛好有位，空間明亮，裝修簡約，色調柔和，感覺溫暖。叫了一客朋友推薦的卡邦尼意粉🍝煙肉好多，足150g的意粉剛剛好飽足的份量，男士唔夠可以加餐湯同一杯咖啡，相信卓卓有餘小編想食薯仔丸子，但老闆娘親自回應通常10點剛開舖的鐘數就賣晒，真的可遇不可求最後叫了一客紅菜頭甜薯乳酪沙律🥗黎到大大份，量好多😱酸甜味道剛剛好，小編略為想佢加d葵瓜子、南瓜子，減少fd份量，應該口感更豐富朋友叫了一客大蝦意大利飯，賣相好吸引但小編無試味，朋友話同卡邦尼意粉一樣好食🤤來到甜品位，必試流心既芝士蛋糕🍰，真係好香濃，建議成個訂購同家人、朋友分享😂最後來到飲品方面，cappuccino 小小心型拉花係有心機揀選嘅小杯子浮現，好可愛。小編點了一杯Yuzu Expresso Toni 😳 同某啡界得獎品牌可媲美，作為啡友、手沖啡愛好者，呢杯expresso toni 拎80分小編大膽問老闆娘Roommate之名構思，原來來自經文，而且是愛鄰舍譯名，愛這新蒲崗，連結新蒲崗人的心。而且店內都有不少是基督徒的Staffs，忽然歸屬感大增…查看更多

即興話去新蒲崗食晏，記得新蒲崗有不少我尚未發掘嘅小店，然後又咁啱loop到，感覺好新鮮就捉左男朋友去試。等左一陣有位，可以坐街邊食，享受自然風，果刻有種懷念疫情不曾到來感😌晏左黎好多野都賣晒，加上疫情，老闆娘話d貨到唔到，所以選擇少啲，不過唔緊要，我地重有選擇😊野食好快到，好有風味，就是喜歡這種鑊氣，杯熱華田有啲淡，但食物味道夠，不過不失。喜歡有種人情味，老闆娘會專登問我地好無食🙂 重會閒談兩句，幾有暖意。聽朋友講返有一排我地係附近做社區壁畫，佢話都係呢間小店俾紙蛋盒我哋作調色盤咋，感謝🙏🏼❤️…查看更多

買少見少嘅石磨腸粉，大熱天想搵嘢食，正常都去有冷氣有得坐嘅地方。但見到石磨腸粉，就忍不住想試下，叫咗個生菜豬肉腸+蛋，等左10分鐘到，然後取餐到前面球場坐黎食。滿滿一盒，夾起真係絲質咁，食落又薄又綿又滑😍 真係可以媲美食開嘅鳳鳴同富粥，夠多生菜又有蛋香，雖然豬肉唔係肉碎又唔係肉片，但味道幾好😆自家製既燒賣加辣油，雖然同我想像有啲出入，好似食緊牛肉🥴 但都ok既。一句而言，腸粉口感好好，而且好抵食，支持香港人小店呀！❤️💪🏼…查看更多

（利申）撞啱師傅先好食の叉燒煎蛋飯。蒲左近三十年樂華邨既男人表示，餐牌第一項既叉燒煎蛋飯要撞啱入多咗叉燒同時又係果位師傅整就真係食得銷魂（俗稱好好食😋）👍🏼小編本身已經覺得大坑既順興叉燒煎蛋飯無得輸，但原來高手在民間係民間係真嫁！😍 老師傅手勢很好，之所以整到d叉燒好食，嘴刁嘅街坊男人估計有再浸過秘製醬汁，重輕輕番煎過，加上脆邊煎蛋，真係一流。事隔上一次叫到呢個飯，今次真係可遇不可求，正呀！…查看更多

以前食過一次，今年再黎係預祝朋友一年一餐嘅生日飯，咁岩又遇著11月有半價雞煲優惠，一於約朋友黎試下。本身約左9點，早到左近半小時，Staff見我係門口又見岩好重有位就招我入座，然後好細心介紹左一下，說明現有優惠。朋友唔食辣就揀左芝士，重有得揀多少濃淡☺️雞煲一到，staff又教我地食既次序，由於我同朋友都食得慢，staff好細心走左黎兩次幫我地翻兜同熄火，避免燶底🙈🙈食完打邊爐又有得揀湯底，芝士湯/雞湯，食過濃味就想食淡少少，又幾好😆大大卷既響鈴，真係好飽😂 一嚐鴨血，口感不錯 最後埋單忘了知會staff我地用半價既優惠，到俾左錢查單先記起，問返staff都好好幫我地追回差價、退返錢 好熱心，本身係自己大懵，都唔介意無得退，因為服務好好，但staff卻講句：呢啲係你地應得既優惠。感覺超級窩心，好滿意好滿足既一餐晚餐。係疫情影響下已經要收早，但仍不厭其煩好好招待，好感謝佢地既細心用心熱心。香港人加油💪🏼！我一定會再黎食嫁。…查看更多

睇完流星雨的第二日搵食，遇上合眼緣的餐廳，一入去D歌已經好合心意。食開深水埗維記豬潤湯米既小編見到餐牌有呢個就一定試食，唔試猶自可一試就上癮，清甜湯底，加有薑片同芫荽葱，係天冷之下更暖胃。然後伙記重窩心問我要唔要辣椒油，真係合晒好辣的我口味，加點辣油更加美味，鍾意食辣一定要試！飲左杯暖胃潤喉嘅蜂蜜紅棗茶，夥計仲向我推介蘆薈😆 下次黎試，真係人情味搭夠，好窩心。幾乎每年都入黎長洲一兩次，喜歡平日日常的美，也感受藝術文化的改變。…查看更多

忽然搜尋到美食直覺都很準的。和男朋友第一次黎，只見滿有台灣氣息。最喜歡墻上的裝潢、畫和老闆親拍的澎湖相片，讓沒能外出的香港人多一點懷愐。店員不多，所以都自己把想點的餐寫下來，交給店員，聽到台腔，感覺很溫馨😊食物方面，梅子佐汁很好吃所以豬排滷肉飯都沾著吃，再來是黑糖芋芋鮮奶，芋泥有一顆顆芋頭，有口感，拌匀來吃很美味。其他的暫時一般，下次要嚐嚐他們的小食😆下午的時間似乎人流較多，都不好意思多坐一會，香港都是人多又難以慢生活啦🥴但絕對值得來喔！😍…查看更多

男朋友話一定要寫食評系列😂為預祝我生日，佢帶左喜愛文具而且係本地品牌文具小店做緊既我黎到呢個文具主題冰室。對面就係銀の文房具，呢邊猶如展覽館既延續，細心望望周圍，會發現好多細微位置放咗古舊文具。卡位既陳室十分用心，食住野欣賞舊時嘅文具，訴說兒時，對於八十後嘅我們而言別有風味。講起食物更是有心，龍脷柳上鋪上薄薄嘅青瓜片，彷如魚鱗，別有心機，而且味道清新。 海南雞飯更是嫩滑，配上油飯一流但瑞士雞翼略為淡味，只係面頭鋪汁，所以顯得第一啖偏咸，感覺一般。再講服務，店員很是細心，會小心留意顧客嘅需求，而且用餐後會咨詢意見，感覺多份貼心。:)臨走前店長都好客地介紹鋪前的文具，有意可一人拎一份心水，話唔定尋到寶，免費嫁！(前提係要惠顧在先)…查看更多

初睇食評有點卻步，但識食同事大力推介就嚟一試，然後一試再試，今次帶左新同事黎再食😋疫症期中午略為冷清，餐廳姐姐都好有禮貌，耐心同我地覆單（之前幾次都有）。食物送上後我嫌唔夠辣，侍應姐姐更指示調味架位置，重話隨便任意調配，笑容十足都十分友善，更同我哋講笑😂麵食味濃，辣味十足，有d餸菜略為遜色，但同事大力推介既炸雞翼的確香脆😋 魷魚同豆卜都好食😃加埋咖哩汁更是一流。價錢實惠，如果睇食評來估計，不如一試再決定下次再唔再續吧😊 小編覺得 呢間整體性價比有80分嫁！:)…查看更多

限聚令仍然生效期間，小店地方細小也盡量根據規限分隔座位。很欣賞店鋪職員分工合作，各施其職崗，相信是為免職崗重疊、交叉感染的防禦措施🙂熱辣辣的小籠包雖然皮有d厚，但味道一流，肉汁相當清甜😋然後來一碟上海粗炒，溫暖而偏咸，口感略帶粗「鞋」，感覺一般。再來是擔擔麵，只有花生與青葱點綴，有醋酸味，和略帶微辣，整體味道尚好🙂 但小編有疑惑：傳統的擔擔麵真正的做法是否如此？比較過香港的不同上海小店老字號，味道做法各有千秋，而性價比上，整體價錢中上。有趣的是，此小店掛了不少日藉居港插畫師Mango的作品，不少並未印刷為市面發售的產品，卻記錄了舊觀塘街景，那已不復存的美。😊…查看更多

同男朋友過第一個生日，感謝九龍城一家特色車仔麵的老闆推薦，給了我他的故事，讓我記得這一家好味、值得食的西餐廳。第一次光顧，只因一個故事。膽粗粗嘗試，希望形造平凡又特別的感覺，所以也腌尖地向店員要求在甜品上留字。踏入店門，人不多，而招待的女店員似乎有點心不在焉，也許有點疲累，有點沒心裝載般，所以一直擔心店員忘了我的Réserve & Booking,, 感謝她與他大概留意到我的聲音。記得 也送上一份細心，為甜品加上蠟燭，令它更完美。做過FCC西廚的男友大概對食物味道有點記憶，而食物令他大讚美味，開心說道滿意是最好的評價。雖然出前菜餐湯的次序有點亂，但食物味道果真彌補不足，而且以Set dinner的配套出場，略帶微咸的鱸魚確實嫩滑。而喜歡吃羊騷味的我們都幾滿意，下次可能要求熟一點。店員頗推介豬仔脾，大概是比較穩陣，煮得好味的精選，都建議如果三心兩意的大家，可以向店員查詢是日精選介紹，遇著眼鏡哥哥略帶專業大廚的氣息，可以信賴得過。最後，喜歡吃沙律的人，不要浪費前菜的沙律，ok新鮮，而台面有黑醋+橄欖油，倒入小碟拌著吃係幾好既開胃菜。（心）吃過不少高級、貴價料理，這一家的確如車仔麵的老闆所講「出面價但吃到高水準，值得。」紀念日之選，值得！（抱歉一句，我有點嘮騷，因為我緊張💗) 偽&藝術家們表示: 十分滿意！…查看更多

食物質素高，無論視覺定味覺都係至佳享受。而且廚師主動服務，有多款品牌雪糕選擇，甜品🍮美味。巧合同事推介，遇著推廣折扣，抵食！平日環境清靜，不要光看門面，內進有意想不到的驚喜！重有特備節目，火燄雪山，點著橙皮燒忌廉？加上懷舊又有趣的敲鐘方式，為一頓晚餐添上色彩。食左六rounds, 當中有兩rounds甜品，如果想食飽D，好建議食個海鮮麵，任選既配搭，湯底清甜; 不過我個人喜歡個南瓜🎃蔬菜湯，比起小龍蝦花膠湯濃味D，點卡巴重岩😂 當然D芝士配搭都好正！😍…查看更多

每次朋友經過都一定會買朱古力普洱我飲，今次難得約到朋友親自黎一趟，打開Meun已令我垂涎三尺🤤但朋友未到先是有位禮貌幾好既Staff帶位，但入到去被一位呀姐同一位後生仔先後左點右點坐左係一個奇怪既位置。三人位安排六人座搭枱，明明旁邊都有四人卡位或四人枱🤔然後趁朋友未到向一位staff Request 轉卡位，他答應，點知起身行埋去呀姐又出口話陣間收野方便，坐六人枱好d😑之後後生仔又問我朋友幾時到？我話行緊黎就到，佢就指示我話未到出去等😱 其實嬲嬲地既，因為出面無人等位又滴水，而且內堂有數張吉枱。我同朋友講自己被趕出黎，佢都一肚氣。因為朋友遲黎，問staff可否只飲野，佢話ok，點知結帳時staff又話咁唔岩數，唔得😰最後俾得成錢但一肚氣，d野好食好飲但態度真係一時一樣一嚿嚿。其實野食唔係貴，加上食物不錯，正常係客似雲來，但感覺比澳牛更差，真係再好食都好唔開心😢…查看更多